|
|
|
 Re: بورداب الخرطوم دعوة للجمال .... (Re: انعام حيمورة)
|
.
نعومة
مش أخير من توتي البقت بي الكبري الطاير
بعدين الفكرة أصلاً إنها تكون بعيدة عان مافي زول يستأذن بعد ساعة ويقول عندو برنامج
ويبوظ لينا الرحلة
خارج الأسباب الهرجلية :
الهدف نشر التعارف والاستفادة من الطاقات البشرية لعرض البرامج الأثيرية والهموم الشبابية والوطنية في أكبر مساحة ممكنة والمشاركة الجادة في كل الأطروحات الفكرية .
ولد ده !!
| |
 
|
|
|
|
|
|
|
|
Re: بورداب الخرطوم دعوة للجمال .... (Re: عبير خيرى)
|
سلام يا عبير خيرى ولتحيه لى كل ناس الخرتوم الحلوين وجاهزين نمشى أى مكان بس ادونا خبر من بدرى ومشتاقين والله لناجى والمهندس عليك الله أمانه عليك تبلغيهم التحيات وزى ما قلت ليك معاكم وانا من زمان داير أمشى رفاعه دى عشان كده هسى حا أعلق موضوع الخطبه لحدى ما نشوف آخر رفاعه شنو مع كل الود يا حضرة العمده
| |
|
|
|
|
|
|
|
|
|
Re: بورداب الخرطوم دعوة للجمال .... (Re: عبير خيرى)
|
عبير ...
أنا معاكم إنشاء الله ..
بس هسي عشان الجمعة قربت أدونا مقترحاتكم سرعة فيما يتعلق بأماكن التجمع والسفر كيف .. عربات خاصة ولا حافلة ولا بص ولا دفار !!
والتفاصيل التانية كلها ..
شنكل :
طبعا ما بحبذ نسافر كلنا في عربية واحدة .. طريق الخرطوم مدني دا نسأل الله السلامة منو .. تقوم تحصل لينا مصيبة وتاني (خبر عاجل من الخرطوم) ناس البورد يكوسوا ليهو ما يلقوهو !! ونحنا بورداب قليلين وما عندنا بدل فاقد !!
| |
|
|
|
|
|
|
|
|
|
Re: بورداب الخرطوم دعوة للجمال .... (Re: ناذر محمد الخليفة)
|
ناذر
كيفنك
| Quote: طبعا ما بحبذ نسافر كلنا في عربية واحدة .. طريق الخرطوم مدني دا نسأل الله السلامة منو .. تقوم تحصل لينا مصيبة وتاني (خبر عاجل من الخرطوم) ناس البورد يكوسوا ليهو ما يلقوهو !! ونحنا بورداب قليلين وما عندنا بدل فاقد !! |
ياخ بطل التشاؤم
والاقدار بيد الله
وقبل كدا حصلت لينا زنقة مع جرار ولوري جاي من الاتجاه التاني وكمان وراهو جرار
انا غايتو لحدي الآن كلما اتذكرها برجف..
وربّك لطف
عشان كدا لازم تبطل الخوف
وتعرف ان كل شيء له وقت وتقدير
وليست هذه دعوة للطناش ..لكن نعقلها ونتوكل
***
بالمناسبة
(الآتوس) و(الامجاد) ما ليهن أمان في شارع زي دا
استيشن بس
| |
|
|
|
|
|
|
|
|
|
Re: بورداب الخرطوم دعوة للجمال .... (Re: عبير خيرى)
|
عادل
انا ما متشائم بس خايف بعدين بورداب الخرطوم الما بيمشوا معانا الرحل (بعد ما ربنا يفتكرنا يعني) يقوموا يلخبتو الشغلة وما يقدروا على عكس الوجه الجميل لبورداب الخرطوم !
شنكل :
يا زول خلاص خير نمشي لكن شرطاً نسوق معانا بقال وعبد الفتاح وناصر خليل !!
قالوا موت الجماعة عرس !!
| |
|
|
|
|
|
|
|
|
|
Re: بورداب الخرطوم دعوة للجمال .... (Re: عبير خيرى)
|
عبير ...
رفاعة عديييييييييييييل كدا ؟؟
لكن انا ما عندي ( Green Card ) لو اسماعيل حميم ماشي ... انا بمشي .. ( وش ابو غمزة ) !!
الشمس عرفت ديارها
والشروق ساكن جوارها
بس كفاكي ..
النيل بجري في مراحك ..
والبطانة بس ضراعك !!
والله روعة يا رفاعة ..
والله واحة واستراحة
***
ناس حنينة وعيشتم في الدنيا طيبة
وانت راقد في فراشك ..
نجمة فوقك .. ونجمة جنبك .. وانت مالك الكون بناسك !!
***
وكان منانا نعيش حداكِ ونبقي منك ..
الا بس موج سراب فرقنا عنك ..
وفتنا منك وانخدعنا !!
ولما جينا كمان ندمنا
وقلنا يا ريت لو كنا منك
لو كنا جدول في ربوعك
لو كنا شتلة من زروعك ..
الا باكر لينا موعد ...
ولما اجيك .. ليك وردة
ووردة تانية ..
ووردة تالتة على رفاعة !!
اها يا عبير دي دعوة للحــــــــــــــب !!
| |
|
|
|
|
|
|
|
|
|
Re: بورداب الخرطوم دعوة للجمال .... (Re: عبير خيرى)
|
ذي ما قال ناذر الجمعة قربت الحوقنا بالتفاصيل ... سريع
بقترح نأجر حافلة ...
نقطة الالتقاء (محطة سبعة) بيتنا (الصحافة) قريب من الميناء البري وواضح جدا
تقريبا ايجار الحافلة بكون اقصى شي 200 الف مية ماشي ومية جاي
بس تاني في شي ؟؟؟؟
اعملوا ليكم همة ...
| |
|
|
|
|
|
|
|
|
|
Re: بورداب الخرطوم دعوة للجمال .... (Re: انعام حيمورة)
|
الاخت عبير خيرى
وجميع بورداب سودانيز اونلاين
رفاعة تتشرف بقدومكم واولهم بيتى انا وبيت ود رملية وبيت ابوبكر حسن خليفة ومهند الجيلى ووعاطف عمر وكثيرين/ت من بورداب سودانيز اونلان وكل بورداب رفاعة للجميع
حددو الزمان وماعليكم وسنجعل لكم المكان تبروقة ورود وترحاب معروشة بغيمة رشاش مطر البطانة
و(الخبر الاكيد قالو البطانة اترشت ...)
واوعدكم بانكم ستحضرون العيد فى رفاعة وتنسون الرجوع
السبب الحمانى العيد هناك احضرو
درديق الشبيك اللبسو فوق سدرو
مع كل قناعتى بان جمعية رفاعة للجميع لن تقصر فيكم ورفاعة برجالها ونساءها وحتى اطفالها
| |
|
|
|
|
|
|
|
|
|
Re: بورداب الخرطوم دعوة للجمال .... (Re: عبير خيرى)
|
عبير خيرى
رفاعة .. نورت
برغم اسفى على فوات الزمان
فقد غفوت قليلا" عن النت فوجدتكم ذهبتم ورجعتم
وانتابنى الندم لكونى لست من المرحبين فبينى وبينكم البحر الاحمر ومسافة ان يربت الشوق على كتف الغياب .صحراء صفراء جرداء الا من زيت غالى الثمن
اكيد احبابنا مهند وحافظ وال ابنعوف ماقصرو
وياريت لوكنت معاكم
| |
|
|
|
|
|
|
|
|
|
Re: بورداب الخرطوم دعوة للجمال .... (Re: بابكر عثمان مكي)
|
Quote: الاخت عبير خيرى
وجميع بورداب سودانيز اونلاين
رفاعة تتشرف بقدومكم واولهم بيتى انا وبيت ود رملية وبيت ابوبكر حسن خليفة ومهند الجيلى ووعاطف عمر وكثيرين/ت من بورداب سودانيز اونلان وكل بورداب رفاعة للجميع
حددو الزمان وماعليكم وسنجعل لكم المكان تبروقة ورود وترحاب معروشة بغيمة رشاش مطر البطانة
و(الخبر الاكيد قالو البطانة اترشت ...)
واوعدكم بانكم ستحضرون العيد فى رفاعة وتنسون الرجوع
السبب الحمانى العيد هناك احضرو
درديق الشبيك اللبسو فوق سدرو
مع كل قناعتى بان جمعية رفاعة للجميع لن تقصر فيكم ورفاعة برجالها ونساءها وحتى اطفالها |
بس ما تقول انت ياكا زاتك بابكر ( زيكو ) .. ؟؟!!
خريج اقتصاد الخرطوم .. عندك خالتك اسمها ( فرحة )
واختك اسمها امتثال ..
بيتكم في الحلة الجديدة .. !!
ياكا .. زيكو ؟؟!!
| |
|
|
|
|
|
|
|
|
|
Re: بورداب الخرطوم دعوة للجمال .... (Re: بابكر عثمان مكي)
|
Quote: الاخت عبير خيرى
وجميع بورداب سودانيز اونلاين
رفاعة تتشرف بقدومكم واولهم بيتى انا وبيت ود رملية وبيت ابوبكر حسن خليفة ومهند الجيلى ووعاطف عمر وكثيرين/ت من بورداب سودانيز اونلان وكل بورداب رفاعة للجميع
حددو الزمان وماعليكم وسنجعل لكم المكان تبروقة ورود وترحاب معروشة بغيمة رشاش مطر البطانة
و(الخبر الاكيد قالو البطانة اترشت ...)
واوعدكم بانكم ستحضرون العيد فى رفاعة وتنسون الرجوع
السبب الحمانى العيد هناك احضرو
درديق الشبيك اللبسو فوق سدرو
مع كل قناعتى بان جمعية رفاعة للجميع لن تقصر فيكم ورفاعة برجالها ونساءها وحتى اطفالها |
بس ما تقول انت ياكا زاتك بابكر ( زيكو ) .. ؟؟!!
خريج اقتصاد الخرطوم .. عندك خالتك اسمها ( فرحة )
واختك اسمها امتثال ..
بيتكم في الحلة الجديدة .. !!
ياكا .. زيكو ؟؟!!
| |
|
|
|
|
|
|
|
|
|
Re: بورداب الخرطوم دعوة للجمال .... (Re: عبير خيرى)
|
الاخت عبير
تحياتي
السفر مع محرم ولا بدون
| Quote: طبعا ما بحبذ نسافر كلنا في عربية واحدة .. طريق الخرطوم مدني دا نسأل الله السلامة منو |
لغيت السفر
كسره : ابوالقاسم قور مسافر
الحادث ات لا ريب فيه
منعم
| |
|
|
|
|
|
|
|
|
|
Re: بورداب الخرطوم دعوة للجمال .... (Re: عبير خيرى)
|
بروف أبو القاسم ..
Quote: يا ناذر الفكرة ممتازة. لكن ما عارف لواحد عمكم كبير وعجوز زى قور طبعا عشان يتحرك عاوز ليه اسبوع. أرجو كريم اتصالك لأمر هام .
|
بختك والله .. أهو بكرة الجمعة وأنا ما ظنيت الرحلة حا تقوم لعدم التنسيق والتجهيز ..
إذا خلاص عندك إسبوع إنشاء الله من الليلة لحدي الجمعة الجاية ..
صنفرة :
حا إتصل بيك خلال اليوم ...
| |
|
|
|
|
|
|
|
|
|
Re: بورداب الخرطوم دعوة للجمال .... (Re: ناذر محمد الخليفة)
|
العزيزة عبير...
صباح جميل، في شتاءات الخرطوم..
من الذي لا يعشق رفاعة.... ويجن بها، ويترصد شمسها التي لا تغيب، ورحمها الغريب، الثري، يدفر للوجود افذاذ، حقا، غريبة، ومدهشة، وعصية الفهم لم؟ لست ادري، وكأن اديمها دفنت فيها بذر العباقرة، وما أكثرهم، وما أعمقهم....
طبعا، اختيار موفق (احسن من شارع المطار، حيث ضوضاء الحافلات غربكم، والطائرات فوقكم)، وأعلى صوت لن يصل طبلة الاذن، ....!!!
معكم بالارواح، فقد دفن الجسد في قبور الغربة، القاسية..
يكفي، انها رفاعة !! وسعيد، من يقتفي اثر السامري، ويقبض، قبضة، كي يخلق (قلب له لحون)!!!
طوبى لكم، برفاعة، واهلها... وتاريخها الخاص، والفريد، والغريب، والعنيد....
| |
|
|
|
|
|
|
|
|
 Re: بورداب الخرطوم دعوة للجمال .... (Re: عبير خيرى)
|
الأحباب الأعزاء بورداب الخرطوم المميزين تحياتي وسلامي والعيد معاكم بإذنه تعالى معاكم
ألف مرحب بيكم في:
رُفـــــــَاعَه الرُبَّة* قَافَاها البــــَليب* طَربــــــانْ
نــــــــَاطح المِنُّو ميثـــــــاق قلبي مو خَرْبــــــَانْ
فـــــــوسيبْ* السَواقي البي اللَدوب* شَرْبــــانْ
بِلودُوْ بعيدة فــــــــــوقْ في بَاديةْ العُرْبــــــــــانْ
وأتمنى أن تقضوا وقتاً ممتعاً وجميلاً مع الأحباب والأصدقاء والأهل هناك فبالتأكيد لن يقصروا معكم ما دام القائد عبير خيري والربان الماهر مهند فأرجو أن تكثروا لنا من الصور وتحديداً على البحر والبنطون ووسط البحر وكذلك الجناين وولا تنسوا المدرسة الثانوية وديم لطفي ومدرسة رمبيك القومية وانتو ماشين كده في الشارع بصادفكم المدرسة الأميرية المتوسطة زمان ممكن برضو تشيلو لينا منها صورة وقريب ليها وما بعيد المركز الثقافي الفرنسي وما تنسوا كما ودي وصية (في بتاع فول على الشارع الرئيسي اسمه برعي عليكم الله صورة لانو ذكرياتنا معاهم لمن كنا في الثانوي ايام لا تنسى) أها وبعد كده بتصلوا حتة أسمها المزلقان دي حتة بتاعت الضهب فبرضو صورة وياريت تلقوا في حمام وحاجات كده صورة يالملك كويس وهاك شوفوا علي الطبيعة
http://www.rufaaforall.com/board/showthread.php?t=9057
ها بعد كده ختشوا على السوق وياروعة القهاوي في السوق أركان نقاش ثابتة كل ما هو جديد في عالم السياسة وعالم الكورة والاجتماع تجدوه هناك
وجايكم صادي
بالنسبة للترحيل الحافلات بالهبل ولو عائزين تخفيض ما عندنا مشكلة بنشد سلك لأقرب حافلة ما يكون دورها قريب والبسعر البريحكم
خشوا في الخاص لو في اي مشكلة وجاهزين ليكم ما دام نحن بعيدن وما حاضرين معاكم ومرحباً بكم في ديارنا في رفاعة بالقرب من الساحة الشعبية البيت الكبير بس للأسف الكل رحل ولكن لو تخطيتوا رفاعة خمس كيلو مترات سوف تجدون قرية وادعة ترقد على سهل البطانة اسمها التراجمة ترحب بكم وفي انتظاركم وكل الديار ديارنا
ومرحب بيكم مرة اخرى
| |
|
|
|
|
|
|
|
|
|
Re: بورداب الخرطوم دعوة للجمال .... (Re: خالد ماسا)
|
الحبيب ناذر الخليفة
Quote: يا زول خلاص خير نمشي لكن شرطاً نسوق معانا بقال وعبد الفتاح وناصر خليل !!
قالوا موت الجماعة عرس !! |
شكلك كدا حتموت براك
بقال ياخوى فى القاهرة وماشى طرابلس
رايك شنو بعد داك
| |
|
|
|
|
|
|
|
|
|
Re: بورداب الخرطوم دعوة للجمال .... (Re: عبير خيرى)
|
بودراب الجمال ...
كنت اتمنى ان اكون معكم لزيارة رفاعة الحبيبة ...
ولكن لظروف طارئة لا يسعني الا الاعتذار ...
ما تنسوا تسلموا لي على البنطون .. .. والقيفة الميانة رملة .. (غايتو جنس كتاحة)
(تمبول .. تمبول .. نفر !!*
اب جلفة ، ام شانق .. دلوت .. !!* ) - (ريفي رفاعة)
وديم لطفي .. ( ديم البحر وبحر الديم ) !!
ومدارس رفاعة كلها ..........
وشارع الظلط .. الطويييييييييييل الزي ( الكرفتا ) .. لسه ما بقوا اتنين يا ود الجيلي ؟؟
والسوق .. وحي السوق .. وجامع الانصار .. والسناب والزيداب والساحة الشعبية .. انشاء الله ازور رفاعة في ساعة خير !!
اتمنى ذلك من كل قلبي !!
سلام خاص لـــ جمعية رفاعة للجميع !!
هبة
| |
|
|
|
|
|
|
| |
عبير خيرى
انعام حيمورة
ALGARADABI
Ishraga Haimoura
WAD ELGAALI#4
أحمد طه
محمد فرح
Abomihyar
عادل فضل المولى
ناذر محمد الخليفة
Abuelgassim Gor
سمرية
بابكر عثمان مكي
عبد المنعم سليمان
أحمد الشايقي
عبدالغني كرم الله بشير
ebrahim_ali
سفيان بشير نابرى
خالد ماسا
محمد عادل
فيس بوك
تويتر
انستقرام
يوتيوب
بنتيريست