|
Re: أغنيات حسب الطـّلب وبرنامج مجّاني للجميع (Re: لؤى)
|
Quote: الله يحلّك من لياقتي الليلة |
إنت الله يحلك من إيميلي, ماتزوغ وتقول ما استلمت مني إيميل
ملحوظه
Quote: الزكريات ولاّ الذكريات |
الزول بيقول الزكريات وانا ده كان طلبي وعقابا ليك نزل لينا ليه كل العزاب ليه كل الألم, مامتأكد اسم الأغنيه شنو
| |
|
|
|
|
|
|
Re: أغنيات حسب الطـّلب وبرنامج مجّاني للجميع (Re: لؤى)
|
يا سلااااااام عليك يا لؤي يا كلك زوق اغنية غصون الروض دي عندي معاها قصصزالمهم تشكر يا زوق و قديما كان في الانسان الطمع عشان كده حا اطلب منك اغنيتين يا ريت لو تتوفق فيهم الاغنيه الاولي اغنية طمبور لي عبد القيوم الشريف كلماتها بتقول: مبروك الجديد يا ناسي مبروك الجديد الطلب التاني ارتبطت طفولتي باغاني مايو فياريت لو يكون عندك نشيد من اناشيد مايو ويا حبذا لو كان ايها القائد يا مايو السلامه و ربنا يديك العافيه يا شفيف.
| |
|
|
|
|
|
|
Re: أغنيات حسب الطـّلب وبرنامج مجّاني للجميع (Re: لؤى)
|
يا ساااام عليك يا رائع و الله عملت فيني معروف ما اعتيادي عارف انا هسع قاعد في بسمع في عبد القيوم و الدنيا مغيمه و عصريه و رزاز مطر غايتو جو بتاع فول بس. انا عايش في مدينه صغيره اسمها كتشنر كندا (عشان فرق التوقيت و كده) يا ريت لنك الحفظ يا لؤي و برضو اطمع و اقول لو عندك ما شفتو عوض يا ساري الليل تكون ما قصرت. اما عن اغاني مايو و الله الحكايه ما حبا في مايو و لا سدنه لكن نحن عشنا طفولتنا في مايو انا ولدوني في سنه اتنين و سبعين بعد انقلاب هاشم العطا و ابوي كان حالف انو يسميني الشقيع لكن جدي اختار لي اسم ابازر و قال ليهو دي شيوعيه اسلاميه و طهروني ايام المرتزقه و امتحنت الابتدائي مع الانتفاضه يعني شفت حكاية الارتباط مع مايو كيف!!! عليك الله يا لوي لو عندي اي نشيد لي مايو نزلو و اديني لنك الحفظ و لو خايف امسحو بسرعه. و ليك الشكر كيمان كيمان
| |
|
|
|
|
|
|
Re: أغنيات حسب الطـّلب وبرنامج مجّاني للجميع (Re: لؤى)
|
(( للصفحة الثّـالثة ))
بعيداً عن أجواء المشاحنات والضغائن والخلافات رأيت فتح هذه المساحة لتكون لنا جميعنا واحة نستظلّ بها من حرائق الألفاظ والموضوعات المنفرة .. سأقوم هنا بمحاولة تلبية رغبات الجّميع بتنزيل مجموعة من الأغنيات والتي أنتظر وأتوقع طلباتها عبر هذا البوست ، أو بالنـّسبة لقارئات وقـُرّاء المنبر عبر بريد سأخصّصه لتلقـّي طلباتهن/ـم وهو ( [email protected] ) جميع الأغنيات المطلوبة سأقوم بإنزالها على نسق الريال بلاير RealPlayer ، والذي على ما يبدو لي ومن خلال مساعدتي للبعض يفتقده عدد كبير من النـّاس في أجهزتهن/ـم . البرنامج يمكن تحميله بالضـّغط على هذا الرّابط (الضغط هنا لتحميل البرنامج) وبعد ذلك يجب تنصيب البرنامج في الجهاز للتمكّن من الإستماع للأغنيات .. ربّما لا يعلم البعض إن كان البرنامج موجوداً سلفاً في الجّهاز أم لا ، وللإجابة على هذا التساؤل يمكن ملاحظة إن كانت أغنية الأستاذ يوسف الموصلي ((الأماني السُندُسيّة)) والتي وضعتها كخلفيّة لهذا الموضوع تحت سطور هذا الموضوع ، إن كان جهاز تشغيل الأغنية يظهر كما في هذه الصّورة التـّالية فالبرنامج موجود إذن في الجّهاز ويمكن الإستماع للأغنيات .. وهذه هي الصّورة التي توضّح شكل جهاز تشغيل الأغنية إن كان موجوداً في الجّهاز ..
أمّا إن كان جهاز تشغيل الأغاني RealPlayer غير موجود في الجّهاز فستبدو صورة الأغنية أدناه كما في الصّورة التـّالية ..
وفي هذه الحالة وجب تنزيله بالضـّغط على رابط التـّنزيل في الأعلى ..
الأماني السُـندُسيّة
| |
|
|
|
|
|
|
Re: أغنيات حسب الطـّلب وبرنامج مجّاني للجميع (Re: لؤى)
|
لؤي يا رائع صبحك الله في رضاه.
ممكن أطلب ( عاد الحبيب المنتظر) للاستاذ وردي
وشكرا على كل الجمال الذي اشعته بالمنبر واخرجته قليلا من جو المناكفة
وأدامك الله لتمنحنا المزيد من الجمال والروعة.
شرووم
8 أنا من قبيل راجيك بهناك.
| |
|
|
|
|
|
|
Re: أغنيات حسب الطـّلب وبرنامج مجّاني للجميع (Re: ود المايقوما)
|
الجميل الراقي لؤي تحياتي وكل لحظة وانت بالف خير وسعادة شكرا كثيرا علي هذا العطاء المتدفق في زمن قل فيه العطاء .... حقيقي انا اشفق عليك كثيرا من هذه الطلبات المتلاحقة .. وبطبعي لا احب التكليف وما كنت لاطلب منك هذا الطلب ولكن ....! لي زمن بفتش لي اعنية رائعة لابي داؤود سبق ان طلبتها من الاخ ( يا زول يا زول ) ولكن يبدو انه لم يوفق في العثور عليها لذا يا صديقي اطمع في ان اجد عندك ( عودة قلب ) للمبدع عبد العزيز محمد داؤود .... ( كنت شايف الجنة في نظرات عينيييييييييييييهو ) ولك الحب كله ... وتسلم يا ارقي زول في البورد علي فكرة ارشح هذا البوست ليكون افضل بوست في العام الحالي والسابق واللاحق وسلام جمال
| |
|
|
|
|
|
|
Re: أغنيات حسب الطـّلب وبرنامج مجّاني للجميع (Re: لؤى)
|
العزيز لؤى ..... سلامات يازول يا رائع عندي طلب لـأغنية قديمة جداً للفنان إفريقيا العظيم وردي على الرغم من أنها غير متدوالة وبالتالي صعب الحصول عليه لكن عندي إحساس ممكن الأغنية تكون عندك ، خاصة وإنت زول مرجع توثيقي خطير لأغنيات وردي. أغنية وردي باحدى اللهجات الأرترية، سمعتها فى شريط قديم مع أغنية أصبح الصبح ** لو ما توفرت عندك ، خليها تكون وردة صبية ( وإنشاء الله يكون التسجيل نضيف ، لانو ما حصلت سمعتها بشكل جيد ) وتقدير لك يا عزيزى
| |
|
|
|
|
|
|
Re: أغنيات حسب الطـّلب وبرنامج مجّاني للجميع (Re: لؤى)
|
الغالى لؤى تحيات وتشكرات كتيرات ياخوى انا عندى اغنية رايحة لى فى واحدة من الشرايط بتاعة البت الغناية خالص زينب الحويرص لو قدرت تنكتها لى بكون شاكر.. الاغنية اسمها عيون الدنيا من الحان الاستاذ د/الماحى سليمان
ياعون الدنيا طلى وانشرى الخير فى المداين كل عاشق فى انتظارك ، حاضن آمالو وبعاين
ومحبتى الاكيدة
| |
|
|
|
|
|
|
Re: أغنيات حسب الطـّلب وبرنامج مجّاني للجميع (Re: لؤى)
|
. المرهف لؤي .. شـــــــــــــــكرا كتير ...
الأخ منصور علي .. توارد خواطر عجيب جدا .. يشهد الله أنني جئت للنت من أجل أن أطلب " وردة صبية " التي أشتهيها منذ نهاية الثمانينات ... وعبثا كانت محاولاتي للحصول عليها ..
ما عارف اقول ليك شنو يا لؤي ... ربنا يخليك .. وينور دروبك .. الله يعلم تفتكر الليلة انوم مع روعة الوردة الصبية دي .
| |
|
|
|
|
|
|
Re: أغنيات حسب الطـّلب وبرنامج مجّاني للجميع (Re: لؤى)
|
الأخ الرائع / لـؤى ســـلامات والله شـفت المعجبين بيطلبو أكتر من أغنيه وعلشـان كدى جيتك راجع ياأخـوى وتانى ماحتشـــوفنى وطلبى أغنية حبيت عشــانك كـســـلا وأغنية أسآل العنبه الراميه فى بيتنا للرائع التاج مكـى .... ممكن أهدى:- لكل أعضاء المنبر وخاصة الزول الرائع والسمح الإسـمو لـؤى وكل آهل كسـلا بدون فرز والأخ /طــه جـلبه بمناسبة نجــاح العمليه وكمــان أخونا صديق رحمه علشان تانى يسيبك لينا...كلم آخـون اصديق بإنو عليه الأستماع فقط وعدم المشاركة فى هذا البوست لو عندو كـلام خلى يمشى يكتب للصباح فى موقع كـســلا. أخـونا صديق رحمــه ممنوع من المشاركه حتى كان داير يهدى مايجينا ناطى أخـوك ودكـســلا الباقى فى الإيميل علشــان آخونا صديق مايزعل
| |
|
|
|
|
|
|
Re: أغنيات حسب الطـّلب وبرنامج مجّاني للجميع (Re: لؤى)
|
... الأخ الرائــــع لؤي .. أن تكون عاشقا لروائع الاستاذ محمد وردي منذ صغرك .. لأسباب أو لأخرى .. تفصلك سنوات طويلة عن الاستماع لدرره القديمة .. ثم يتاح لك خلال يوم واحد أن تستمع لـ " وردة صبية " .. و .." الحزن القديم " ... هل تستطيع ان تصف ( احساسك ) حينها ؟ إن وفقت .. ستعرف كم ( الشكر ) الذي اقدمه لك .. فهو يفوق ذلك الاحساس ..
ليتك تكمل جميلك وتتحفنا بين فترة وأخرى بالتسجيلات القديمة لهذا النهر المتدفق ابداعا محمد وردي .. جميلة ومستحيلة .. وا أسفاي ...قلت ارحل ..أول غرام...(السنبلاية) ..وسط الدائرة ..يللا وتعال يللا نهاجر في بلاد الله .... الخ ( صعوبة الاختيار -..
.. كلماتك " شهادة " من رجل فنان ..اعتز بها جدا .. شكرا لك ..
- أما طلبي الآن .. فهو رائعة الاستاذ محمد الأمين " بتتعلم من الأيام " .
| |
|
|
|
|
|
|
|