|
Re: إعلان : حمار للبيع (( صورة )) (Re: لؤى)
|
لوي حمد لله علي السلامة ومنور الديار
ــــــــ
تعرف انت راجل طيب ..مستغرب في الحمار للبيع ...
تعرف انا مرة نزلت هنا من نفس جريدة الوسيط دي اعلان لقيتو كالاتي :
للاستبدال
خدامة اندنوسية تقوم بكل اعمال البيت بعربة كابريس موديل 2000
للمفاهمة رقم الجوال :.........
ـــــــ
وتقول لي حمار للبيع
العالم دي في مجرة تانية اظن
| |
|
|
|
|
|
|
Re: إعلان : حمار للبيع (( صورة )) (Re: اساسي)
|
الأخ أساسي تحيّة طيبة
والله يسلّمك ، والديار منوّرة بكم/ن ..
والله ياأساسي ضحّكتني ضحك !! بالغوا لكن !! وماقالوا الأندونيسيّة دي كم سيليندر ؟ وبنزين ولا ديزل ؟؟
تحيّاتي وشكري على المرور
| |
|
|
|
|
|
|
Re: إعلان : حمار للبيع (( صورة )) (Re: alfatih)
|
الفاتح سلامات
انا جاني إيميل من المالك ، فيهو إكسسوارات الحُمار كلّها ، فحاأجيب الإيميل هنا بعد شوية ، ونفتح باب المزاد ، وعليك الله ماتبقى زي بدر الدين شنا الله يطراهو بالخير وتقول لي المزاد ولا الشعبيّة ؟
مودّتي
| |
|
|
|
|
|
|
Re: إعلان : حمار للبيع (( صورة )) (Re: لؤى)
|
رسالة جاءتني في بريدي
اولا : ناس سودانيز اون لاين ديل كانوا بيفتشوا ليك بالأسابيع ، فأول ماتجي راجع تروح خارق القانون الدولي .
ثانيا: نرجع لموضوعنا الاساسي .. موضوع الحمار دا بالتحديد...لازم تعرف انه :حقوق الطبع محفوظة . وانه الاعلان دا اتعرض علي قبل كدا . واني حا الجأ للقضاء لا محالة في حالة الاعلان مرة تانية ( لانه امره بيهمني . )
و بعدين انت قصدك شنو؟ عايز تسرق زبايني ؟ ولا ما لقيت الحمار المحترم البيناسبك عندنا؟
على العموم ممكن اديك تفاصيل اعلانا القادم. اثباتا لحسن النية ، ومنعا للشبهات وحتى لا يتشابه عليك البقر.. بما اننا الوكيل الحصري في الشرق الاوسط و جنوب شرق اسيا
مقرنا الرئيسي : جمهورية السودان / امدرمان ،السوق الشعبي/ دلالة يوم الجمعة .غرب الجامع : بجانب زريبة الفحم.
اوقات العمل : يوم الجمعة فقط من اذان الصبح لحد اذان المغرب ( نتوقف لاداء صلاة الجمعة )
المواصفات المتوفرة حاليا : حمير محترمة ، اصيلة و مهجنة، جميع الاعمار والالوان ، خالية من الامراض و بالذات ( جنون البقر ، و انفلوانزا الطيور ) مرفقة مع شهادة ضمان لمدة سنة ،
الاكسسوارات: براميل بفتحة وفتحتين من الجنبة او من تحت قابلة للتحكم عن بعد بواسطة الخرطوش و (سيور تموت تخلي) المرنة الاداء.
: عربات كاروا جميع الموديلات والمقاسات ، بعجلين او اربعة مع منظم للحركة وكابينة مظلله وامكانية توفر استريو او مسجل .
ملحوظة : تتوفر لدينا خدمة التوصيل للمنازل، خلال 24 ساعة مع حارس مؤتمن
عند الطلب : اتصل وان كانت الخطوط مشغولة حاول مرة اخرى ...موظفونا بخدمتكم
ملاحظة هامة جدا جدا : الدفع فوري ولا نتعامل بالشيكات ، و شعارنا ( مع الكاش مافي نقاش)
ملاحظة اهم من ديك كلهم : جميع حميرنا لا تتعاطى المسكرات او المكيفات او المشوق او التمباك .. تمشيا مع الشريعة الاسلامية ..في البلد .. كما يتم الفصل التام بين الاناث و الذكور ( منعا للخلط و الكسير !! و حفظا للانساب)
بعد دا نشوف لو في زول عرض عليك.. وعلى قول المثل : حردان السوق منو البحنسو؟
| |
|
|
|
|
|
|
Re: إعلان : حمار للبيع (( صورة )) (Re: بلدى يا حبوب)
|
الحبّوب سلامات
Quote: بس اوعه يكون مطلوب مع قائمة 51 للمحكمة الدولية لمجرمى الحرب .
|
دي بقى مابضمنها ليك خاااااالص .. الحمير البيتسبّبوا في الحروب كتيرين جدّاً ، ومابعيد الحمار دا يكون واحد منّهم ..
تحيّاتي
| |
|
|
|
|
|
|
|