|
|
 Re: الرائع مزمل ابوالقاسم والشاهد والضحيه.هل يتقدم علاء جبريل بفتح بلاغ في علاء طيارة لحقوق الا (Re: keiga2000)
|
كمان الزول دا ظريف ظرافه
مريخ التميز
* وأبتسمت المجنونة أخيراً وقالت نعم للمريخ.. قالت نعم لأنه انهى موسم التميز بأداء متميز بفضل قيادة المدرب القدير محمد عبد الله مازدا.
* قدم المريخ بالأمس واحدة من أجمل مبارياته في هذا الموسم.. فاز المريخ بكأس السودان البطولة المحببة له وهتفت جماهيره ملء الحناجر بهذا الانجاز الكبير وتلاحمت الجماهير مع اللاعبين في تكملة الصورة الزاهية التي رسمها لاعبو المريخ في الملعب.
* استحق الزعيم البطولة بفضل الخطة المحكمة التي وضعها مازدا.. لعب بعقل ومنطق وتنظيم دفاعي ما يخرش المية.. احترام كامل للخصم مع قفل كامل لمكمن الخطورة الزرقاء.
* أطبق سفاري بفكيه على كلتشي قطع دامر الهواء والماء من قودوين.. نعم احسن مازدا قراءة الملعب.. فبعد ان جمد الأهلة الكرة في ملعبهم بدون فاعلية اغلب فترات الشوط الأول.. دفع مازدا بعلاء الخطير في الطرف اليمين وايداهو في المقدمة ليتحسن الأداء المريخي.. ويستحوذ على الكرة وصولاً لشباك الهلال.. وأبت المجنونة وضاعت أهداف بالجملة كانت كفيلة بانتصار تاريخي للفرقة الحمراء.
* هذا الانتصار ليس وليد الصدفة بل هو عرق موسم كامل من الأداء السلس والتشريف العارم للفرقة الحمراء.. وايضا جهد مقدر من مجلس الإدارة ابتداء من رئيس النادي وحتى سليمان في دارة الكرة.
* نعم موسم للتميز برغم ان الحظ قد عبس للمريخ في الكونفدرالية وهو يصل إلى نهايتها وايضا في الممتاز فقد تغلب درهم الحظ على قنطار الشطارة.
إن سايد
* مكسب المريخ هو الحارس محمد كمال الذي أدى مبارة رائعة وأكد انه حارس متميز..
* كيف لحارس يلتقط الكرات المعكوسة بهذه المهارة يجلس في الاحتياطي.
* الكرات المعكوسة هي التي اخرجتنا من الكونفدرالية وهزمتنا في الممتاز.
* مازدا أخرج لسانه طويلاً لكل منتقديه.
* مازدا استحق النتيجة مثنى وثلاث ورباع بقدر الأهداف التي ضاعت وكانت فضيحة الجماعة ستكون بجلاجل.
* محظوظين النتيجة الحقيقية أربعة أهداف.
* ألم أقل لكم انتم نموراً ورقية.
* دفاع الهلال راقد في السهلة.
* ما هي العلاقة بين ريتشارد قلب الأسد (وراجيف) غاندي.
* ايداهو عافي منك.
* ايداهو ابو قلب حار.
* تووووووووف.
* جوة الجك.
* جيب من جوة يا الشريف.
* الشريف مبسوط من ايداهو.
* الغريبة وقع يمين والكورة دخلت شمال.
* المسمار حار.
* المسمار غانجي
* المسمار عمل تليف في القولون المستعرض.
* 18 سنة من السيادة والعزة.
* 18 سنة وكأس السودان لا يمكن الوصول اليه.
* تشوفوا ما تشيلو.
* الفيوز مالو زعلان.
* ريتشارد ليت الشباب يعود يوماً لأخبره بما فعل طمبل.
* داريوكان شاف فورة طمبل.
* قال درب السلامة للحول قريب طاااااااخ في الكورنر. طاااخ في الاوات.. طااااخ في السماء الأحمر.
* طمبل والعجب عملوا ليه خروج بدون عودة.
* كان أسمه داريو (كان) قبل قياس الاضان.
* مريخ ايداهو.. الله اداهو.
* خطير ايداهو.. متعودة دائماً.. عجب بس. أقصد خطير بس.
* عندما قمز ايداهو وشبح شبحتين عرفتو حيلخلكم ويملخكم ويلحقكم الزنين.
* شبطتك.
* الشريف لبد.
* ما قلتوا فيها بتعاين حمير.
* قالوا الحمار حرن في كوبري الفتيحاب.
* وفوزي جاهو ابو الشهيق.
* وبرضو قون ايداهو ده حلو حلا.
* وحار جداً.
* والموسم قفل ونحن غالبين وطالعين في الكفر.
* ونحن مين زينا.
* والشريف مبسوط مني عشان المسمار واحد.
* وعلاء الدين طير لمهند الهوبا في راسو.
* تاني تجي.
* الخيل الحرة دائما تجي في اللفة.
* البطولة الثامنة ورقم ثمانية ده حلو حلا.
* التحية لجمهور الصفوة.
* وتحية من على البعد لاتوفيستر في الكاميرون.
* وتحية لقائد المسيرة الوالي الغالي مع الامنيات بالشفاء.
* عافي منك يا دامر ظاهر وباطن.. انتهيت منو.
* أما انت يا السم الهاري.. يوم شكرك ما يجي.
* موسى الزومة محتاج لفرامل في الركب.
* وقلق كان له دور خفي ولعب كما لم يلعب من قبل.
* وأب زرد قبض.
* استيم تفاح يا والي تيمك صاح.
* قلت لي المسمار مالو.
* حاااااار.
* وكورة قريب دا تاني مافي.
* العريس كرنقو بدل ما يرفعوا... ردموا.
* ردموا منو يا ناس.
* عاملني فيها اسياد البلد.
* اول مرة اشوف لي سيد بلد مصلوب بالمسمار.
* ايداهو جنني ايداهو عذبني.. ايداهو قنلبني.
* يا ايداهو إن شاء الله لا تفوت لا تمشي الكويت
* الغريبة الكورة دخلت شمال والحيطة وقعت يمين.
* أدفع نصف عمري واعرف تعابير وجه رمضان عندما خطف ايداهو الكرة.
* ابوك ما تدي توووووووووووف.
* احلى حاجة الكرة داخل الشباك الهلالية.
* متعة المتعة.
* يا ولد عيد الشريط.
* تم اكتشاف مصل للحمى النزفية اسمو (حقنة ايداهو)
* ممكن تضحوا.. عادي جداً.
* ما قلت ليكم نحن بنعرف نفرح.. وحا نهريكم.
* دي المناظر الفلم لسة.
* النصيحة ليك يا الله المسمار حااااااااار
|
|
 
|
|
|
|
|
| العنوان |
الكاتب |
Date |
| الرائع مزمل ابوالقاسم والشاهد والضحيه.هل يتقدم علاء جبريل بفتح بلاغ في علاء طيارة لحقوق الانسان | keiga2000 | 12-16-07, 02:19 PM |
| Re: الرائع مزمل ابوالقاسم والشاهد والضحيه.هل يتقدم علاء جبريل بفتح بلاغ في علاء طيارة لحقوق الا | keiga2000 | 12-16-07, 02:27 PM |
| Re: الرائع مزمل ابوالقاسم والشاهد والضحيه.هل يتقدم علاء جبريل بفتح بلاغ في علاء طيارة لحقوق الا | نيازي عبدالله مرحوم احمد | 12-16-07, 02:56 PM |
| Re: الرائع مزمل ابوالقاسم والشاهد والضحيه.هل يتقدم علاء جبريل بفتح بلاغ في علاء طيارة لحقوق الا | حسين يوسف احمد | 12-16-07, 05:35 PM |
| Re: الرائع مزمل ابوالقاسم والشاهد والضحيه.هل يتقدم علاء جبريل بفتح بلاغ في علاء طيارة لحقوق الا | حسين يوسف احمد | 12-16-07, 05:45 PM |
| Re: الرائع مزمل ابوالقاسم والشاهد والضحيه.هل يتقدم علاء جبريل بفتح بلاغ في علاء طيارة لحقوق الا | keiga2000 | 12-17-07, 02:09 PM |
| Re: الرائع مزمل ابوالقاسم والشاهد والضحيه.هل يتقدم علاء جبريل بفتح بلاغ في علاء طيارة لحقوق الا | KOSTA | 12-17-07, 05:12 PM |
| Re: الرائع مزمل ابوالقاسم والشاهد والضحيه.هل يتقدم علاء جبريل بفتح بلاغ في علاء طيارة لحقوق الا | حسين يوسف احمد | 12-17-07, 07:08 PM |
| Re: الرائع مزمل ابوالقاسم والشاهد والضحيه.هل يتقدم علاء جبريل بفتح بلاغ في علاء طيارة لحقوق الا | keiga2000 | 12-17-07, 07:28 PM |
| Re: الرائع مزمل ابوالقاسم والشاهد والضحيه.هل يتقدم علاء جبريل بفتح بلاغ في علاء طيارة لحقوق الا | حسين يوسف احمد | 12-18-07, 07:11 PM |
|
| |
keiga2000
فيس بوك
تويتر
انستقرام
يوتيوب
بنتيريست