|
لولاي الرَأي.
|
يا بْنيَّه هَدِيك أَمْكِي زَغراتْهَا الكان بِيَغرِّد مَطْفِي و عُيونْهَا الكَان بِتْشُوف فِي رِميشْهَا الشوق لوِليدْهَا الحِين دَمَّاعْهَا بِيحكِي الحَال المَال و الطَال يا بْنيَّه فَرَح مُرْحَالكِي مِن صيف لي صيف أُمْ شِيلينٍي غَطَّي البَادوبَهْ لا رِهيو لا كَلْجُو لا رِهيد لا بْنَلُقُو الذَادْ و لا بِنْشَاف فِي الدونكِي أَتَر نَقَّاط للمَطَرَه بيسقِي القَلبْ و أنا قَلبِك عَارفُو كَاتلاهُو المَغَسَهْ مَا الجَنْجَوِيد إتلبَّد يُومْدَاكَ قَام دَاسَا غَصباً كَشَف حَالِك بلباسِك الشَالا وَدُّوهُو لي شَالا قَالَن بَنَات الحَي وَدُّوهُو لي شَالا إلا الحَكُومَه أبَتْ بَقَّ الحَرِيق و نَبَت فِي عينِك الشَافَا غَرَّابَا يَا غَرَّابَا نِحْنَا الظُلُم نَابَا لَكِن مُنُو البَسْمَعْ و القوز تَوَشَّح دَمْ قُطِيتِي قَامْ دَمَّعْ و الدّيش يَزغرِت سَايْ للطَاخْ طَرَاخْ لَمَّعْ قَام أبَّا شَال جَرَّايتُو كَان يَلقَي فِي بُوبَايتُو دُخنَايَ أو فُولايْ لَكنُّو مَا بَلقَي شَاف العَوِيش و الشُوكْ لا ويكَهْ لا كَولايْ و المَوت يَصِن فِي الجُوفْ يَهدِر حُزُن لُولايْ قَال يا بِلادِي حَسَابَك نِحنَا الظُلُم نَابَا وَدُّونَا لي لاهَايْ هَاي يَا العَوِين مِن هَان وِانتو الرِجَال بي جَاي نَسْمَع نَصِيح الرَاي وَدُّونَا لي لاهَاي زُولَك هَدَاك كَتَلاك بالبُندُق الرَمَّاي كيفِن يَعَدل الرَاي و أنَا شَايفُو كَمْ نَسَّاي مَا الحِكمَه فِي القَانُون و العَدلِ فِي مَاعُونَا كُلْ مَن نَهَب بِيَهَابَا وَ الكَاتِل المَجنُون كَان بَمشِي فِي دُرَّابَا بَلقَي الحِسَاب و عِقَابَا وَدُّونَا لي لاهَاي وَ القَصدِ مَا تَدوِيلْ لَكِن خَريف الحَق إنْ بَان شَوَاقِيرَا فِي الصِين أو أمدُرمَان فِي نُمُولِي أو بَارِيس خَلّونَا نَرحَل طَبْ لي وَاطَتَا و نَزْرَع أمَل الحَنِين للصَاح وَ العَدَل زَيّ الشَمْس فوق الجَمِيع وَقَفَتْ مَا فَرَّقَت بين دَا أو دَاكَ فِي بْلادَا قَرطَعْنَا كَاس الضَوْ إنسَان فِي كُلِ مَكَان سُودَان بِلا ألوَانْ لا زُرْقَه لا حُمْرَهَ إنسان دَا لون الكُلْ قَال الجَمِيع دَا الرَايْ وَدُّونَا لي لاهَاي وِإتكيَّف الهَدَّايْ.
|
|
|
|
|
|
|
|
Re: لولاي الرَأي. (Re: عاصم الحزين)
|
Quote: هَاي يَا العَوِين مِن هَان وِانتو الرِجَال بي جَاي نَسْمَع نَصِيح الرَاي وَدُّونَا لي لاهَاي زُولَك هَدَاك كَتَلاك بالبُندُق الرَمَّاي كيفِن يَعَدل الرَاي و أنَا شَايفُو كَمْ نَسَّاي مَا الحِكمَه فِي القَانُون و العَدلِ فِي مَاعُونَا كُلْ مَن نَهَب بِيَهَابَا وَ الكَاتِل المَجنُون كَان بَمشِي فِي دُرَّابَا بَلقَي الحِسَاب و عِقَابَا وَدُّونَا لي لاهَاي وَ القَصدِ مَا تَدوِيلْ لَكِن خَريف الحَق إنْ بَان شَوَاقِيرَا فِي الصِين أو أمدُرمَان فِي نُمُولِي أو بَارِيس خَلّونَا نَرحَل طَبْ لي وَاطَتَا و نَزْرَع أمَل الحَنِين للصَاح وَ العَدَل زَيّ الشَمْس فوق الجَمِيع وَقَفَتْ مَا فَرَّقَت بين دَا أو دَاكَ فِي بْلادَا قَرطَعْنَا كَاس الضَوْ إنسَان فِي كُلِ مَكَان سُودَان بِلا ألوَانْ لا زُرْقَه لا حُمْرَهَ إنسان دَا لون الكُلْ قَال الجَمِيع دَا الرَايْ وَدُّونَا لي لاهَاي وِإتكيَّف الهَدَّايْ. |
جميل جداً استاذ عاصم بالتوفيق والسداد .
| |
|
|
|
|
|
|
Re: لولاي الرَأي. (Re: محمد عبدالغنى سابل)
|
Quote: خَلّونَا نَرحَل طَبْ لي وَاطَتَا و نَزْرَع أمَل الحَنِين للصَاح وَ العَدَل زَيّ الشَمْس فوق الجَمِيع وَقَفَتْ مَا فَرَّقَت بين دَا أو دَاكَ فِي بْلادَا قَرطَعْنَا كَاس الضَوْ إنسَان فِي كُلِ مَكَان سُودَان بِلا ألوَانْ لا زُرْقَه لا حُمْرَهَ إنسان دَا لون الكُلْ قَال الجَمِيع دَا الرَايْ وَدُّونَا لي لاهَاي وِإتكيَّف الهَدَّايْ |
سلمت عاصم الحنين وسلم نبض حروفك الغناي ساعة الصنة بدينا صوت الناي
ودي أجزله وأعمقه
| |
|
|
|
|
|
|
Re: لولاي الرَأي. (Re: عاصم الحزين)
|
هااااى ياوِلـيد غــْناى شن جاب برُوق الضو من الصــعيد لي جاااى نقارة المردوم قمرية القوقاى بَــتّن بطــمْر الراى فى نمــة الدوباى
لك الحب لك الفرح يا حزين
| |
|
|
|
|
|
|
Re: لولاي الرَأي. (Re: عاصم الحزين)
|
أهلآ يا سابل كل المنى أن يبلغ عاصم الصحة وتمام العافية تحدثت مع رجاء العباسي صباح اليوم وعرفت وضعه الصحي ووضعه المالي سعيت لأيادي الخير في الدوحة ونأمل سرعة الإنجاز
وطمن الله قلبك على صاحبك
| |
|
|
|
|
|
|
Re: لولاي الرَأي. (Re: عاصم الحزين)
|
Quote: خَلّونَا نَرحَل طَبْ لي وَاطَتَا و نَزْرَع أمَل الحَنِين للصَاح وَ العَدَل زَيّ الشَمْس فوق الجَمِيع وَقَفَتْ مَا فَرَّقَت بين دَا أو دَاكَ فِي بْلادَا قَرطَعْنَا كَاس الضَوْ إنسَان فِي كُلِ مَكَان سُودَان بِلا ألوَانْ لا زُرْقَه لا حُمْرَهَ إنسان دَا لون الكُلْ قَال الجَمِيع دَا الرَايْ
. |
عاصم الحزين الحنين كفارة عليك ياود يا سمح بكرة تشفى وبكرة ترجع وبرضو بعد الشر عليك
| |
|
|
|
|
|
|
|