حسين يوسف ..كنت أحترمك والان أنت على حافة الهاوية ..

Quote: يا حسين صدقني ما بيني وبين غاندي أكبر من أن أنتظر موافقته فيما أكتب وأكبر من أن أخاف ردّت فعله فانت تتكلم عن علاقة تعدت ال12 عام .. وعشان أريحك إيه رأيك تديني باسوورد في منتداكم وأجي أكتب ليهو الكلام ده انا براااااااااي عشان ما يدخل في باب القطيعة حسب فهمك ..

Quote: مشاويرك عديلة .. عديلة إن كان قصيرة أو طويلة .. عديلة عليك ..

الحمد لله ماشين في المشوار معاكم
لآخر السكة ..
لا بنبكي ..
لا بنشتكي ..
لا بنفتح بوست بكاء ..

Quote: وأمسك ..حبل الصبر ..

وفي ذات الوقت ماسكين حبل الرد
عليكم .. وبه نرد عليكم بضاعتكم .

Quote: معظم المداخلات من الإخوة المريخاب أراها تلفتني لما يكتب تاج السر وأنه كان من باب الأولى أن أقوم بتوجيه اللوم عليه فيما يكتب ..

أنا ..
أنا يا عزيزي عمر ..
لم ألفت نظرك لما كتبه تاج السر ..
عارف ليه ؟؟
لأن تاج السر لم يفتح بيت بكاء ولا علاقة
له بالأمر ..
أنت من فتح البوست متباكيا ..
فرديت عليك بطريقة مباشرة ..
وأتيت لك بما كتبته أنت شخصيا وليس تاج السر
ومع ذلك زغت مما كتبته أنت بحق المريخ ..

Quote: فحسين يوسف يرد على تاج السر بعنف

Quote: طالما أن الموضوع أصبح تاج السر وحسين

يا صاحبي ما تبرئ نفسك .. وتظهر في صورة
الناصح الجميل ..
إنت ما شايف الكتبتو إنت ذاتك ولا شنو ؟؟
لو شفتو وتجاهلتو تبقى مصيبة ..
ولو ما شفتو :

هاك شـوفـو تاني :



********************************************



********************************************



ولـو عايز غير دا بجيب ليك ..
بالمناسبة مش ح أجيبو ليك إنت وبس ..
لا عشان المتابعين يشوفوا الزول العامل
فيها مصلح اجتماعي بكتب شنو ..

يعني المسألة ما مسألة تاج السر .
على الأقل تاج السر احترم خياراته ولم يتباكى
كما تفعل أنت .
إنت ليه ناسي نفسك ؟؟

Quote: توسّمت في حسين الخير فخاب ظنّي وفهمت ما يرمي إليه فهنيئاً له ما أتخذ من قرار

شكرا يا صاحبي ..
ولكن لا خير في حسين لو تفرج عليك وأنت
تشتم المريخ وتصفه بتلك الأوصاف ..
عفوا صاحبي أعرف متين أبقى المطر
وأفهم متين أصبح حريق ..
وشعاري دوما :

Quote: مـن يتسـامـح فـي حقـوق المريخ ولـو لمـرة واحـدة ، يبقـى أبـد الدهـر مزعـزع العقــيدة ، سـقـيم الـوجـدان ..

Quote: وموعودون بسيناريو سيقود من معركة الهلال البيت الكبير لمعارك البيوت الصغيرة وللأسف ربما يتحول الحديث عن هيثم مصطفى والعجب إلى الأخوان والأخوات ..

حتى هذه ..
نغفرها في المرة الأولى لأننا لا نبدأ بها
ولكن لن ولن نغفرها في المرة الثانية ..
وفي المريخ لا نغفر اطلاقا ..
لا المرة الأولى ولا الثانية ..

Quote: من خلال مداخلة حسين يوسف فهمت ما يرمي إليه وأقفلت الباب على ذلك..

يا دوب فهمت ؟؟
حاجة غريبة والله ..
ما أنا من الأول وضحت كلامي ..
وقلت ليكم أكتبوا ما تحبون ولن أعترض
أو افتح بيت بكاء ..
ولكن ؟؟
ساسقي هلالكم السم الزعاف ولن أحترمه ولن
أحترم لاعبيه ابدا ..
كما أعتقد أنك فوجئت بما لم تضعه في بالك :

وهو توضيحي للغتك أنت نفسك وألفاظك التي
استخدمتها ضد الزعيم ..
فوجئت بذاكرتي الندية التي تحفظ لك كل
شتيمة كتبتها عن الزعيم ..
وكنت تحسبني غافلا ..
أو تحسب نفسك برئ ..

عفوا عزيزي ..
وآسف لازعاجك .
ولكن كان لابد من أن أوضح ما يكتبه الشخص
الذي لا يريد أن يحترمني لأني أشتم الهلال
ليت جاء الأمر من غيرك كان بكون مقبول ..

Quote: لست منصحاً وحينما كتبت البوست كان بغرض أن لا أفقد شخص عزيز بسبب تشجيع أعمى وردود أفعال لا ذنب لي فيها ..

والله أمرك غريب يا عمر ..
أعتزر أولا عما كتبته أنت نفسك وليس تاج السر أو غيره ..

Quote: وإن كان شرطكم الجزائي بأنكم ستواصلون الإساءة لنا في سخص الهلال بسبب تاج السر فأقولها الان ولأول مرة في حياتي المنبرية ربما سيحين وقت التوقف

تاج السر ، الله يعينك والله ..
أنا معاااااااااك إنت ذاتك يا عمر ..
ووثقت لك أنت نفسك وليس لتاج السر ..
صراحة أنا ما عارف ليه إنت تبرئ نفسك
وعايز ترمي اللوم على تاج السر ..
هسع أنا استعنت بما كتبه تاج السر أم بما
كتبته أنت نفسك ؟؟

Quote: فانا لا أتحمّل في الهلال (ربما لن يصدق أحد ) ولكن المقربون مني يعلمون مدى حبّي لهذا الكيان الذي فاق حبي لنفسي وبصراحة لا أضمن تصرفاتي حين أرى الهلال يشتم ..

لو ما بتتحمل في الهلال ، وعايزنا ما نشتمه
بسيطة جدا ..
إنت ذاتك ما تشتم المريخ ..
لأنه حينها لا تهمني تصرفاتك ولا مشاعرك الخاصة
ولا حبك ..
حينها فقط يهمني الزعيم ..
الزعيم فقط ..
وكما تدين تدان ..
وكما تشتم الزعيم سنشتم لك الهلال
وبما هو أفظع واقبح ..
احترم الزعيم عشان نحترم ليك الهلال
غير كدا عزرا لمشاعرك النبيلة .

Quote: عليه وحتى لا يتأذى أحدنا أو ننجرّ خلف مهاترات وإساءات تمسّنا في بيوتنا(الهلال هو بيتي) سأراقب الوضع فإن لم ينصلح الحال فالعفو والعافية يا أهل القبيلة الزرقاء والحمراء ..

والله بيوتكم على العين والراس ..
ولكن قبل ما تراقب ..
تعال واعتذر عما كتبته أنت بحق الزعيم
من صفات وألفاظ ..
وكيف يراقب من أساء للزعيم ؟؟
أنا شخصيا أرفض أن تكون مراقبا لي
لأن ما كتبته من صفات وألفاظ في حق الزعيم
لا يؤهلك لذلك ..

Quote: فقد كنت صبوراً عليه والدليل أنها ليست المرة الأولى التي ينعتنا فيها حسين بالعوانس وتراني لم أحرك ساكناً ولا هي المرة الأولى التي نوصف بها بالخراف ولكن كما تعلم عزيزي فللصبر حدود ..

صبر السرور والله ..
صبر يخليك تكتب عننا ( مستراح وطوووط وبعيوات)
أحسن كان تكون في صبرك دا ..

Quote: حتى لا أكون وصيّا ً على أحد ..

ولقد قلتها لك أنا يا عمر ..
قلت لك من يكتب تلك الصفات بحق الزعيم
لا يحق له أن يكون وصيا على أحد ..

Quote: كان هو مجرد أمل ولو نظر حسين للجزء اللمتلئ من الكوب في حديثي لفهم مقصدي ولفهم لماذا وجّهت له الرسالة هو دون سواه .. ولكنه وبكل أسف نظر للجزء الفارغ ..

يا صاحبي الكوب كلو فارغ ..
ولولا العزيز نوبي لما دخلت هنا اساسا
ولتركتك تبكي كما تحب وكما نحب ..
الكوب كلو فارغ لأن من يطالبني باحترام الهلال
فشل هو نفسه في احترام المريخ ..
والفرق أنه ينكر ذلك ولا ينظر لما يكتب أو ينظر
ولكنه يجهل ما كتبه ..
وأنا لا أنكر ما أكتبه .

محبتي وتقديري ..