|
|
 وين اولاد امدرمان ديل
|
يا اخوانا امدرمان زمان كانت منبع الفن والكورة والسياسة
هسع هل عقمت هل تصدقوا عدد لاعبي الهلال والمريخ يعدوا علي اصابع اليد
الكوميديا استلموها اولاد الولايات ناس محمد موسي والهيلاهوب وكلهم من خارج امدرمان
حتي الفنانون الجدد مافي موهبة جديدة من امدرمان
الحاصل شنو يا امدر
|
|
 
|
|
|
|
|
|
|
|
Re: وين اولاد امدرمان ديل (Re: Hamid Elsawi)
|
العزيز خليل
سألت الحاصل شنو؟
الاجابة ... الحاصل كثير
و كلك نظر
يعني حال السودان يسر عشان امدرمان تنبسط
بكل بساطة ام درمان زعلانة من الحاصل دة
و قد عبرت عن هذا الزعل بشتي الطرق
و كلك نظر
كل عام و انت بخير
| |
|
|
|
|
|
|
|
|
|
Re: وين اولاد امدرمان ديل (Re: Hamid Elsawi)
|
Quote: يعني حال السودان يسر عشان امدرمان تنبسط
بكل بساطة ام درمان زعلانة من الحاصل دة
و قد عبرت عن هذا الزعل بشتي الطرق
و كلك نظر
كل عام و انت بخير |
صديقي الصاوي
نعم اذا عطست امدرمان كل السودان يصاب بالزكام
| |
|
|
|
|
|
|
|
|
 Re: وين اولاد امدرمان ديل (Re: khaleel)
|
يا خلي .. كل سنة وإنت طيب
امدرمان موجودة طالما في حاجة اسمها سودان .. الاساس الثابت هو أمدرمان والمرجعية الاساسية لي كل ضروب الحياة ..
الغناء والمزيكا .. تعال امسك الحقيبة تلف وتدور بتلقى امدرمان .. زيدان .. عوض احمد خليفه .. عركي .. محمد الأمين .. بدر التهامي .. زنقار .. إلخ
الكورة .. وين ح نمشي من قاقرين .. وجكسا وفوزي والمحينه والصياد والدحيش .. إلخ
الأدب .. منو البقدر يتجاوز لي البروفيسور علي المك .. وصلاح محمد إبراهيم ..إلخ
السياسة .. الأزهري .. المهدي .. إلخ
لحدي الآن لما تفتح الرادي بيقول ليك هنا أمدرمان ودي براهــا كفاية وشرح الحاصل ..
لو كان في اي قصور أو موات فدا الوضع الطبيعي لكل الحــال الحاصل ..
ياخ أقول ليك حاجة:؟
( سمك ) ساكت كدا .. امدرمان دي بتحس بيها وبتسم فيها ريحة اولاده في كل مكان في الدنيا..
| |
|
|
|
|
|
|
|
|
|
Re: وين اولاد امدرمان ديل (Re: tmbis)
|
Quote: امدرمان موجودة طالما في حاجة اسمها سودان .. الاساس الثابت هو أمدرمان والمرجعية الاساسية لي كل ضروب الحياة ..
الغناء والمزيكا .. تعال امسك الحقيبة تلف وتدور بتلقى امدرمان .. زيدان .. عوض احمد خليفه .. عركي .. محمد الأمين .. بدر التهامي .. زنقار .. إلخ
الكورة .. وين ح نمشي من قاقرين .. وجكسا وفوزي والمحينه والصياد والدحيش .. إلخ
الأدب .. منو البقدر يتجاوز لي البروفيسور علي المك .. وصلاح محمد إبراهيم ..إلخ
السياسة .. الأزهري .. المهدي .. إلخ
لحدي الآن لما تفتح الرادي بيقول ليك هنا أمدرمان ودي براهــا كفاية وشرح الحاصل ..
لو كان في اي قصور أو موات فدا الوضع الطبيعي لكل الحــال الحاصل ..
ياخ أقول ليك حاجة:؟
|
تمبس
عيدك مبارك
زعلان جدا لان اولاد القري صاروا نجوم مجتمع
فتح لهم التلفاز والاذاعة
زعلان جدا عشان هلالننا كان تلات ارباعو من امدرمان هسع جو ناس زعيط ومعيط
وساعود
| |
|
|
|
|
|
|
|
|
|
Re: وين اولاد امدرمان ديل (Re: الزنجي)
|
| Quote: نحن موجودين طالما في نفس فى السودان (الموحد |
الزنجي
كل سنة وانت طيب
موحد غير موحد
المهم امدرمان تكون في الريادة
تعلم الحديث وتلبس القميص
| |
|
|
|
|
|
|
|
|
|
Re: وين اولاد امدرمان ديل (Re: serenader)
|
Quote: ، بل الأصح أنها كانت مصهر ثقافات، أذاب فروقها، وكاد يمحيها في اتجاه صنع لون جديد خصيص بها..
راجع كلامك ولا تبخس الناس اشيائها..
|
حبيبي
كل سنة وانت طيب
نعم امدرمان صهرت كل الثقافات واذابتها
كل الذي قصدته ان ابناء الولايات يجب ان يتعلموا شوية ويسكنوا في امدرمان
وبعد ذلك لا مانع ان يصبح نجم مجتمع
لكن اجي واحد طوالي من حلة ( الرتينة بقت )
واعمل لينا فيها نجم ما بنرضي
انظر ام كلثوم جات من الريف وتدرجت في القاهرة عبد الحليم
ناس خليل فرح ناس كرومة حتي ناس الكاشف
لازم يا استاذي تاخد نقلة من امدرمان
| |
|
|
|
|
|
|
|
|
|
Re: وين اولاد امدرمان ديل (Re: khaleel)
|
تعرف يا خليل بعد مطار ام درمان الدولي يتم حا نسورها والدخول لأم درمان حايكون بالبطاقة الأم درمانية او بتأشيرة دخول لمدة 48 ساعة فقط والإقامة فيها لا تتم الا بواسطة كفيل ام درماني ..
يا اخوانا انابهظر ساكت، عشان ناس العنصرية ما ينطوا لينا في حلقنا ..
الصاوي
| |
|
|
|
|
|
|
|
|
 Re: وين اولاد امدرمان ديل (Re: khaleel)
|
Quote: أم درمان لم تكن أبداً
| Quote: منبع الفن والكورة والسياسة |
|
منو القال ليك غير كدا يا استاذ المهدي ..؟
| Quote: كنت أحسب أن مركزية أم درمان الثقافية بفضل ما تيسر لها وقتذاك من وسائل، شأن معروف سببه. من حيث إنها كانت نهراً صبت فيه روافد تنوعت مذاقاتها ومنابعها، فصنعت منها كوكتيلاً فريداً.. |
..هل ما صب فيها وقتذاك من روافد بتغيره هذا الذي احدثة هل لغى حقيقة انها انتجت وصنعت ما صنعت من عظماء وعلماء في السياسة والأدب والرياضة اصبحوا اعلاماً نهل منهم ما نهل ..؟
Quote: بل الأصح أنها كانت مصهر ثقافات، أذاب فروقها، وكاد يمحوها في اتجاه صنع لون جديد خصيص بها..
راجع كلامك ولا تبخس الناس اشياءها..
يا اخي، هذا العام 2007! |
بل الصحيح هو احتفاظ امدرمان بثقافة خاصة بها كما الماركة التجارية يعرف هذه الحقيقه بنوها من ترعرع فيها وخبر ازقتها وحواريها.. وجالس العظماء الذين ذكرتهم سابقاً، احتفاظها بثقافتها المصنوعة وليدة ابناءها وتقديمها في قالب بتماشى مع كل من يفكر في الانصهار فيها وتمرير ادبياتها هو ما جعل منها هذا التميز .. ما دون ذلك اتفق معك في لا تبخس الناس اشياءها وطبق هذه القاعدة ايضا على نفسك .. لتعم الفائدة.. فلا فرق بين العام 2007 والعام 1818 فثوابت التاريخ لا تنمحي بتقدم الأزمان .. او تعقد التقنية.
| |
|
|
|
|
|
|
|
|
 Re: وين اولاد امدرمان ديل (Re: اساسي)
|
Quote: اسوأ حوار يمكن ان تكون حاضرا له يبدا بعبارة:
يا سلام ياخ ام درمان الاذاعة والمسرح والكورة |
والله يا معروف سند ..
ويا اساسي الوهم ..
امتع حاجة الواحد يسمعه لما يفتح الرادي الصباح يقول ليك:
(هنــا امدرمان).. خلاص الكلام كمل ..
الما غريب في الأمر تسمعه بي صوت المقداد شيخ الدين ـ يا حمدي بدرالدين ـ يا ليلي المغربي ـ يا هيام المغربي ـ يا سهام المغربي .. إلخ من أبناء امدرمان..
والأ اغرب منو اكتر ..
لما تكون حايم في سوق المورده وعايدي جدا تلاقي واحد من الجماعة الفوق ديل هم زاتهم القالو انا امدرمان ديل ..
ولما يجيك واحد زي ناس اساسي ديل بتضهب في امدرمان .. ممكن تمشي تفرجو في الإذاعة .. وتقول ليهو شايف داك بيت ناس مبارك المغربي .. وحسع دي بروف علي المك كان فاطر معانا بي هنا ويلاكه نوديك بيت ناس زيدان وبالمرة نوريك بيت ناس عشة الفلاتية فاتح علي وين ..؟
  
| |
|
|
|
|
|
|
|
|
|
Re: وين اولاد امدرمان ديل (Re: tmbis)
|
Quote: ياخي ما تفكوها فينا ساي
راينا في امدرمان يعرفه الصاوي حامد جيدا |
..| Quote: اسوا ما حصل للسودان منذ نشأته هو داء اسمه ام درمان . |
..| Quote: اغبي عبارة يمكن ان تسمعها في السودان هي : نحن اولاد ام درمان ياخ . |
..Quote: اسوأ حوار يمكن ان تكون حاضرا له يبدا بعبارة:
يا سلام ياخ ام درمان الاذاعة والمسرح والكورة |
..
على سيرة التلفزيون والإذاعة ..
لما كنا صغار والحاجة دي حكاها لي واحد كان احد ابطاله وواحد من ابطاله التانين شخص عزيز علي وتربطني بيهو صلة دم:
واحد من المذيعين الكبار جدا هاجر من فترة .. كان مذيع ربط في نشرة الساعة تسعة، بعدين الشلة بتكون منتظراهو بالبرنامج بتاع العشاء وباقي السهرة ..
فكان بقول ليهم:
انا لما ابتدي النشرة واقول السلام عليكم ورحمة الله هنا امدمان تلفزوين السودان .. واستعدل (الكرفته) معناته انتظروني ما تتعشو
ولو ما استعدلته (الكرفته) معناته ما تنتظروني بالعشاء
بلاي شوف العبقرية بتاعت اولاد امدرمان دي عامله كيف ..؟
يعني زي اساسي دا يكون قاعد بيحضر في النشرة (مقهي) وما عارف الساعة كم زاتو .. وشفوت امدرمان بتكلمو بالاشارة على الملا ..
يعني زي اساسي دا لو كان في (الشيرنق ) بتاع العشاء دا والله إلا يجب معاهو (عمود) زي بتاع الاسبتالية داك
| |
|
|
|
|
|
|
|
|
|
Re: وين اولاد امدرمان ديل (Re: tmbis)
|
ما مستغرب انو تسمع كلام ذي دا من الناس في ونساتم ساكت.
لكن الغريبة انو منبر ثقافي ذي مكتبة البشير الريح تخصص ندوة اربعاء
في بداية التسعينات يتحدث فيها شكاك What's His first Name" لا اذكر, عن نفس
الموضوع والمخاطر الداهمة التي تتهدد النسيج الامدرماني! ولكن لله درك يا صلاح
فرج الله فقد أفحم الرجل وخلاهو قاعد ساكت, مع ان صلاح فرج الله "أدرمن" من شكاك!
| |
|
|
|
|
|
|
|
|
|
Re: وين اولاد امدرمان ديل (Re: اساسي)
|
| Quote: اغبي عبارة يمكن ان تسمعها في السودان هي : نحن اولاد ام درمان ياخ . |
والدي ووالدتي من أمدرمان من بيت المال و حي السوق وينتشر الأهل في مختلف احياء أمدرمان الموردة العرضة أبوسعد ود أرو
وإرتباطي بأمدرمان قوي رغم نشأتي خارجها
وفي المناسبات و إجتماعات الأهل كانت تؤرقني هذه العبارة وأخواتها على شاكلة " إنت قايلنا قاطعين الكوبري" من أقراني
للامانة لأمدرمان جو ساحر يندر ان تجده في غيرها
لكن كمان أولادها فاكنها في روحهم شوية
| |
|
|
|
|
|
|
|
|
|
Re: وين اولاد امدرمان ديل (Re: khaleel)
|
انا امدرمان انا السودان
الملازمين ,بيت المال,الهجرة.,ود نوباوى,البوسته.حى العرب.المسالمة,العباسية.الكبجاب.ودالبنا.المهندسين.العرضة.العبابدة.حي السبتاليه,الحتانة.
الثورة (مقسمة إلى أحياء * تعرف بالحارات * من الحارة 1 إلى 63)=وانت عارف عارف سبب امتدادالثورات
أم بدة (مقسمة إلى ثلاثة أنهر وهى أم بدة السبيل، أم بدة الردمية، أم بدة الجميعاب؛ وأيضاً مقسمة هذه الأنهر إلى حارات كل على حدة تصل 50).
بانت (مقسمة إلى فرعين غرب وشرق).
أبوسعد (مقسمة إلى عدة حارات).
أبو روف.
(وهذه المجموعة تقدر 35% من أحياء أم درمان
امدرمان الاذاعه والتلفزيون(في اي بقعه في عالم مع دقة كل ساعه تسمع هنا امدرمان حتى لوكنت محصنه في البيت الابيض)
امدرمان السياسه(الازهرى,المهدي,محمداحمد المحجوب,عبدالخالق محجوب,عبود,نميري)
امدرمان الفن والشعر(الكاشف هاجر من مدني وسكن امدرمان,البناء,عتيق,ابوصلاح,سرور,كرومه,ابوالامين,ابوعركي ح تقول لي ديل من مدني اقول ليك طوروا فنهم في امدر,ابراهيم عوض ,الشفيع,صديق الكحلاوي,محمداحمدعوض,اولاد حاج الماحي, المقريء عوض عمر, صديق احمدحمدون,)
امدرمان دار الرياضة,امدرمان الدايات,امدرمان حمدالنيل,امدرمان مصارعة النوبه,امدرمان جورج مشرقي.امدرمان حي الهنود,امدرمان الاهليه,امدرمان سبعه بيوت, امدرمان الادارسه,امدرمان مقابر احمدشرفي وحمد النيل,امدرمان الطابيه المقابله النيل,امدرمان القبه البتضوي الليل,امدرمان الحفر(بضم الحاء)امدرمان المؤتمر,امدرمان حرائر النيل,امدرمان الهادي الضلالي(مع الاعتزار للخال)امدرمان جبريل بوليس الحركه(الله يرحمه)امدرمان الكليه الحربيه,امدرمان الشيخ الطيب,امدرمان البقعه.
اها يا اخوانا قصرت معاكم وراجع ليك تاني بالمذيد لان حكاوي امدرمان لا تكفيها صفحات السايبر
الفاتح
| |
|
|
|
|
|
|
|
|
|
Re: وين اولاد امدرمان ديل (Re: ابو مهند)
|
Quote:
يا تمبس ما تقول علينا حاقدين وحاسدنكم ساكت
انا جدي كان عمدة الدناقلة في امدرمان يعني العمدة الفعلي لامدرمان كلها
الكلام دا اثبتناهو للصاوي بوثائق من مكتبة الكونقرس
|
جدك حسن جميل رحمة الله تغشاه يامعروف ترحل كثيرا في حياته وعاش في ام درمان مثلما عاش في اماكن كثيرة غيرها مثل دنقلا وكوستي والأبيض وغيرها ولكنك لم تقل بأنه كان دنقلاوي ـ نسبة لدنقلا ـ او ابيضاوي ـ نسبة للأبيض ـ او كوستاوي ـ نسبة لكوستي ـ ولكنك درعته لنا في ام درمان ..
اها انا بقول آزول ابشر حبابك الف وحباب جدودك ارض ام در واسعة وكان ما شالتكم دنقلا ولا كوستي ولا الأبيض، ام درمان بتشيلكم .. اها قصرنا معاك؟
| |
|
|
|
|
|
|
|
|
|
Re: وين اولاد امدرمان ديل (Re: khaleel)
|
| Quote: لكن كمان أولادها فاكنها في روحهم شوية |
ياخي ما فاكنها في روحنا ... لكن لمن نلقى الفارات بنفكها فيهم...
======================================
اشك في القصد من هذا البوست...
================================
الفتنه اشد من القتل
| |
|
|
|
|
|
|
|
|
|
Re: وين اولاد امدرمان ديل (Re: Marouf Sanad)
|
Quote: سنما ودمدني
وليست كلوزيوم
سينما الخواجة ( ليكوس )
وهو صاحب سينما كولوزيوم وقتها
سينما الوطنية
سينما أمير
مسرح مركز الشباب
مسرح نادي العمال 114
مسرح نادي السكة حديد
مسرح كلية المعلمات
مسرح مدني الثانوية
مسرح حنتوب الثانوية
مسرح نادي الخريجين
مسرح النادي المصري
مسرح سينما الوطنية
مسرح الجزيرة
تخيلوا المسارح دي في يوم من الأيام
كانت شغالة
ومصدر إشعاع للوطن كلو
اول فرقة موسيقية
أوركسترا في مدني
اول مؤتمر ثقافي
اول جمعية للتعاون
اول مجموعة للرقص
اول جمعيات محابة العادات الضارة
اول
اول
مدني الجمال |
شوف كلام السني دفع الله في بوست ناس مدني يا الصاوي, خلاص انا خليت الابيض وأعلنت انتمائي لود مدني حتى اشعار آخر
| |
|
|
|
|
|
|
|
|
|
Re: وين اولاد امدرمان ديل (Re: Kostawi)
|
ياخليل ..
القال منو انو النجم لما يجى من الاقاليم لازم
يدرج فى ام درمان عشان بعد داك يبقى نجم ؟..
مافى ناس جات (منقطاها ) من هناك ..كندورة
ركب البص من الحصاحيصا وقصد امدرمان دى
نزل من البص وعلى الميدان وبعد داك ادى
ربك العجب..وتنقا ناس الهلال سجلوهو بعد
(ضوقهم ) المرة .. ومن هلال الابيض واساسى فى
الهلال ..والوالى كلامو برا ..الكنبة بتاعت
الهلال دى من اتسجل الا قعد فيها مصاب ..
وبعدين شايف الجماعة فوق استولوا على عركى
وودالامين واضافوهم لاولاد ام درمان !!..
وبرضو تقول لى الرتينه بقت ...
..
| |
|
|
|
|
|
|
|
|
|
Re: وين اولاد امدرمان ديل (Re: محمد عبدالرحمن)
|
Quote: وبعدين شايف الجماعة فوق استولوا على عركى
وودالامين واضافوهم لاولاد ام درمان !!.. |
قبل ما تتماسخ ذاكر شويه
| Quote: امدرمان الفن والشعر(الكاشف هاجر من مدني وسكن امدرمان,البناء,عتيق,ابوصلاح,سرور,كرومه,ابوالامين,ابوعركي ح تقول لي ديل من مدني اقول ليك طوروا فنهم في امدر |
=====
Quote: وبرضو تقول لى الرتينه بقت ...
|
اها عليك الله ما لينا حق؟
| |
|
|
|
|
|
|
|
|
|
Re: وين اولاد امدرمان ديل (Re: khaleel)
|
Quote: قولو بسم الله قبال كل شي ...
و العندو راي في امدرمان اول حاجه يقول هو من وين عشان نفصل ليه رد قدره....
شايف اي زول ما عندو موضوع داير يفتي في امدر...
خالف تذكر |
وليد قال الكلام المفيد!!
أى رأى يطرح هنا على العين والراس!!
كل بقاع السودان فى قلوبنا قبل عيوننا,
بس عشان نحدد نوع الخلفيات وطريقة تسلسل
المراحل الحياتية يجب أن يذكر كل مداخل
إلى أى مدينة أو قرية ينتمى وبعد التآخى
والمودة قد يكون هنالك كلام كبار كبار
* الرجاء من الإخوة الحساسين الإمتناع
ولا تزال أمدر هى البوتقة ولن يكون هناك غيرها.
| |
|
|
|
|
|
|
|
|
|
Re: وين اولاد امدرمان ديل (Re: tmbis)
|
Quote: للامانة لأمدرمان جو ساحر يندر ان تجده في غيرها
لكن كمان أولادها فاكنها في روحهم شوية |
والله من حقنا ..
ويكفينا فخراً إننا من أمدرمان .. (ما قاطعين كبري)
| |
|
|
|
|
|
|
|
|
|
Re: وين اولاد امدرمان ديل (Re: khaleel)
|
ألأخ/خليل
أمدرمان جمال وسحر وفن وثقافة..ولا تهميش لدور ألأخرين مهما كان..ولكنها بفضل الله ألأكثر حظآ فى الجمال....ولينا حق نعتز ونفاخر بيها مثل ألأخرين...
وما فكينها فى روحنا زى ما بقولوا بعض الناس........
مجتمع أم درمان يحسه ويعرفه أكثر للذى نشأ فيه..وكل المتطاولين على أم درمان ناس حاسدين وفاقدين المنطق...
أم در عزيزة علينا شديد...
إسماعيل محمد احمد عباس.........
| |
|
|
|
|
|
|
|
|
 Re: وين اولاد امدرمان ديل (Re: khaleel)
|
الرجل الجميل (البفك زهجتنا بملفات الأغاني الغمييييسة) / تمبس
تحيات
Quote:
..هل ما صب فيها وقتذاك من روافد بتغيره هذا الذي احدثة هل لغى حقيقة انها انتجت وصنعت ما صنعت من عظماء وعلماء في السياسة والأدب والرياضة اصبحوا اعلاماً نهل منهم ما نهل ..؟
|
لا يا صديق الجميع، لم يلغ أو ينف الحقيقة التي تفضلت بها بعاليه، بل على العكس، كل ما رفد أم درمان رافد جديد، صعد نجم أسطع. لكن كل من نبغوا في سائر المجالات التي فصلتها وزيادة أصلا استمدوا نبوغهم من البيئة المحيطة بهم، والتي هي - في زعمي- المصهر القوي الذي يميز صلب الماس من لين الرغو. ولهذا انجمعت في أم درمان أكبر كمية عددية من المبدعين قياساً على غيرها من مدن الخريطة السودانية.
Quote:
بل الصحيح هو احتفاظ امدرمان بثقافة خاصة بها كما الماركة التجارية يعرف هذه الحقيقه بنوها من ترعرع فيها وخبر ازقتها وحواريها.. وجالس العظماء الذين ذكرتهم سابقاً، احتفاظها بثقافتها المصنوعة وليدة ابناءها وتقديمها في قالب بتماشى مع كل من يفكر في الانصهار فيها وتمرير ادبياتها هو ما جعل منها هذا التميز .. |
وصحيح 100% ما ذهبت إليه سيدي. لكنك لو أمليت نظرك قليلاً في سبب خصوصية ثقافة أم درمان وفرادة أهلاً، لتبين لك أنهم نبغوا من حيث استوعبوا من معهم في أصل متجدد غير جامد، يأخذ أحسن ما عند الكل، دون التقيد باثقال مثالبه.
وسبب اندغام ما سواها في لون رمادي عام، او بمقلوب المنطق، نسيج غير متجانس من الألوان، أنهم أجمعين يتمترسون لدى قليلهم، كل فرح بما عنده، ينافح دونه الكون. فأنقلب مميزهم جامداً عند آسن التقليد. وام درمان، من الجهة الأخرى، شاركت كثيرها الكل، وتركت بابها مشرعاً يحج إليه من رغب، فلا تسرقه، بل تستبدل بضاعته القليلة بخيرها الكثير.
من هنا، سطعت هي، وافل غيرها. لكنها لا حياة لها بغير الآخر الذي يجدد ما لديها. وهذه آفتها من حيث هي كرامتها.
| Quote: ما دون ذلك اتفق معك في لا تبخس الناس اشياءها وطبق هذه القاعدة ايضا على نفسك .. لتعم الفائدة.. فلا فرق بين العام 2007 والعام 1818 فثوابت التاريخ لا تنمحي بتقدم الأزمان .. او تعقد التقنية. |
لم ابخس أحد شيئاً.. لكنك شططت شاواً بعيداً بين العامين 1818 و 2007.. والتأريخ في اصلها أطوار متقلبة لا ثابت فيها. حتى قراءة التأريخ نفسها تتغير باختلاف الزمان والمكان والثقافة، وتباعد آفاق المعرفة راهنها واللاحق.
فانظر لنفسك منقلباً غير الذي اتخذت، فأنت اسمى منه عندي.
مع مودتي الأكيدة
| |
|
|
|
|
|
|
| |
khaleel
Hamid Elsawi
tmbis
وليد محمد المبارك
الزنجي
elsawi
ismeil abbas
Alsadig Alraady
Marouf Sanad
اساسي
محمد البشرى الخضر
waleed dawash
Kostawi
محمد عبدالرحمن
أيمن الطيب
ابراهيم محمد الحسن
فيس بوك
تويتر
انستقرام
يوتيوب
بنتيريست