|
ده عامل فيها شاعر !
|
(1) وكده .. كده .. يا الترلة ده عامل فيها شاعر لكن هو ما شاعر ده زول مجروح مشاعر زمانو الفيهو داعر .. وعامل ليا طاهر تعالوا اتغدوا بكرة .. طهور صاحب مشاعر معاك يا تمرجى ابرة .. وقطنة عشان نزيف اطار الصورة زيف .. وقال انا ود شريف وايه فايدة كتابتو ؟ .. ومين البقراء مين ؟ وكل الناس بتضحك وماشية الى الجحيم وسايقة قندرانى , وسواقا لئيم تعالوا اتغدوا بكرة . ...... شاهين.
|
|
|
|
|
|
|
|
Re: ده عامل فيها شاعر ! (Re: shaheen shaheen)
|
(2) اننى طفل صغير اتخذت العلم نور يا ترى ماذا اصير , عندما اغدو كبير ؟ هل ترى اغدو وزير ؟ ثم فى التعديل اطير ام صحافيا شهير ؟ .. اكتب الكلمات على مزاج الرئيس ام ترى اغدو حرامى ؟ ولا اخصائى اجتماعى ؟ .. او محامى بيستلف حق الفطور ؟ ولا يمكن ظابطا فى الشرطة , بعد الصالح العام انقلب سمسار اراضى ؟ ولا احسن اتوظف واعرس , واخون مراتى واطلق واسب الملة سرا للمدير ؟ يا ترى ماذا اصير ؟ ****************** يا ابنى احسن تبقى شافع اوعا تكبر عالم الاطفال جميل عالم الناس الكبار , عالم حقير اوعا تكبر ايها الجحش الصغير البلد مليان حمير اوعا تكبر . ...... شاهين.
| |
|
|
|
|
|
|
Re: ده عامل فيها شاعر ! (Re: shaheen shaheen)
|
(4) الليلة يوم الدم ح تنور مشانق شمس وين فجر الوطن ؟ الناس تعاين للسماء الناس تفتش عن نجم دنقرتا نظرى على الارض - يا ناس بفتش عن وطن . راجل عجوز عاين , ضحك - يا بتى لو ضاع الوطن ف من الصعب نلقاهو فى قش الزمن . ...... شاهين.
| |
|
|
|
|
|
|
Re: ده عامل فيها شاعر ! (Re: shaheen shaheen)
|
(5) نزلت مظاهرة من انوثة على الشوارع .. فرفشت شجرة جوافة حوشنا بالضىء .. فرهدت يا ضجة فيك روعة وجمال الرملة بالزحمة .. انتشت التماثيل خلت المتحف .. مشت بكت الرياح من خطوتك عن سر دلالك للسحابات .. وشوشت . ...... شاهين.
| |
|
|
|
|
|
|
Re: ده عامل فيها شاعر ! (Re: shaheen shaheen)
|
من يفهمنى فى هذا العالم ؟ انظر كم فردا فيه كم انسان يا هذا العالم .. احتاج لانسان هل اطلب لبن الطير ؟
... والله ياشاهين لبن الطير بقى اسهل واوفر من ( انسان )
مودتى .. رمضان كريم
| |
|
|
|
|
|
|
Re: ده عامل فيها شاعر ! (Re: shaheen shaheen)
|
(7) تخيل اننى عاشق وفى درب الهوى سادر انا مغرم بحبك يا مسيحية وقبطية تخيل اننى خايف من الفرقة .. ومن بكرة نجوم ليلك أهى تلالى (انجيلك) و (قرأنى) سحابات الخريف مرقت .. وبتنادى تعالى نحطم الحاجز تخيل اننى فارس وفى درب الهوى سادر حصان خشبى .. وسيفك من صفيح لامع اخوض امواج بحر هائج سلالم ل مكان عالى سلام ل دينك الغالى (انجيلك) و (قرأنى) تخيل اننى معشوق على ربوة غرام مجدوع صليب مصلوب على رسغ الحبيب مدقوق (مسالمية) تخيل اننى مسلم وعاشق بت مسيحية . ...... شاهين.
| |
|
|
|
|
|
|
Re: ده عامل فيها شاعر ! (Re: shaheen shaheen)
|
(8) يا عمى بياع الوشوش الدنيا عيد .. والعيد سعيد ما عندى ليك يا عم قروش بدلنى .. هاك وشى الأليف ادينى وش شيطان مخيف عايز اعيش بين الوحوش العندو وشين بستريح والعندو خمسة بكون مريح ما قدرتا فى الريح بنكسر ...... شاهين.
| |
|
|
|
|
|
|
Re: ده عامل فيها شاعر ! (Re: shaheen shaheen)
|
(9) الى استاذى ومعلمى وتاج راسى .. الى الاستاذ/ احمد فؤاد نجم بعد ازمته الصحية الاخيرة .. لك الود يا زعيم الصعاليك وصوت الغلابة المتمرد . اصحا يا صوت الغلابة يا اذأن الفجر اذن وانتى عارفة حبى ليكى عارفة يا مصر الحكاية لما شفتك فى المظاهرة * - مصر يا ولاد الكلاب .. ارض طاهرة . والحوارى زى اشجار الجوافة باليسار والفقر طارحة - عم احمد, تحيا مصر . مصر والسودان نضال والعساكر داسوا فينا من (نيالا) (للقنال) أأأأه و أأأأه طلعت الأهة أهات - انتا مين ؟ . - م السودان . - كلنا فى الذل والاحباط شرق . وانتى عارفة حبى ليكى عمرى يا مصر ما خنتك عمرى ما كرهتش ولادك عمرى ما شتمتش فى شعبك اصحا يا احمد اصحا صحصح ع النضال كلنا جبهة يسار **** اصحا احمد اصحا احمد اصحا احمد - انتا مين ؟ . - م السودان .. وانتا استاذى النجيب . انتا فلاح ضد صهيون الجبان انتا نجم انتا رمز انتا صوت مصر اللى جاية م الغيطان انتا عمال المحلة انتا كلمة والكلام زى الحريم كلمة داعرة كلمة طاهرة كلمة صابرة كلمة تتعرص وتتعرى وتوصل كلمة تجرح كلمة تفتح للشعوب ابواب وتكبر اصحا صحصح للصلاة والصلاة هى القصايد وانتا يا سيدى وتاج راسى .. امام يلا احمد نكتب الاشعار غناوى ع الحيطان مصر بتناديك يا احمد مصر بتناديك يا احمد وانتى عارفة حبى ليكى . ...... شاهين. * لما شفتك فى المظاهرة :- هذه كانت اول مرة اشاهد فيها الشاعر الكبير وجها لوجه فى مظاهرة لحركة كفاية فى قلب مدينة القاهرة . (بالمناسبة هذه الكلمات مكتوبة باللهجة المصرية) .
| |
|
|
|
|
|
|
Re: ده عامل فيها شاعر ! (Re: shaheen shaheen)
|
(10) سجمك رفسك حصان حظك رماك ركبك ك هم نحسك أساك وبراك ابكاك التواجد فى الوطن وبراك ابكاك التشرد فى البعاد (سيزيف) منو البيشيل معاك ؟ سجمك .. فلا يوجد احد ووب عليك من صرختك ووبين عليك من صخرتك (سيزيف) سجم امك عليك , فلا احد (سيزيفنا) لم ينجح احد والراحة فى ود اللحد والصخرة قد تدخل معاك مبروك عليك رفسك حصان حظك رماك . ...... شاهين.
| |
|
|
|
|
|
|
Re: ده عامل فيها شاعر ! (Re: shaheen shaheen)
|
(11) فى الحب انا زيك , زول اهبل اهبل جدا ورومانسى , وزول حساس خالص خالص جدا الزيى وزيك يا وردة فى الزمن القاسى , ده زول اهبل وعوير جدا جدا , جدا فيروزة شاطىء احلامى .. نتعاور فى الوطن الاهبل اهبل جدا نحلم ب بكرة وعارفنو ح يكون اكعب من امبارح اكعب جدا نتعب منه نلعب بالمنطق حد نصله , صارم جدا جدا , جدا شافع يا شافعة يا عضاضة يا السارقة حلاوة لبان منى بسرق من جيبك تفاحة اديك كرملة ومصاصة واطوطحك فى المرجيحة كمان ما العيد بكرة ! يوم بكرة بعيد عننا جدا جدا , جدا وبريدك انا بالجد .. جدا اهبل , متخلف عقليا يا عويرة .. وفيروزة فى شاطىء نتحدى المنطق والواقع ده الواقع فى بلدنا السمحة اسود جدا جدا , جدا . ...... شاهين.
| |
|
|
|
|
|
|
Re: ده عامل فيها شاعر ! (Re: shaheen shaheen)
|
(12) أأأأه .. ممدودة محروقة وبتحرق داود نبى موسى نبى عيسى نبى ومحمد المعصوم نبى وكل من ليهو نبى .. يقراء صلاتو على النبى بوذا حكيم (محمود) حكيم
ما الفرق ما بين الصعود الى السماء بمشنقة , او بالصليب ؟ عيسى نبى (محمود) حكيم (محمود) رضى الله عنه وعن بنيه (جمهورى) يا الطالع السماء جيب لى معاك شجرة فى ضلها اتكلم .. اقنع واتدقا او جيب معاك نبقة .. الفقرا بارونى احسن تجيب بقرة .. تحلب وتسقينى لبن الحكم يا حكيم الجهلاء خذلونى (محمودنا) شن القول ؟ دين الله دين محمول حمال وجوه و وجوه من اسمو كان الزين ب اسمو كان الشين دهب السكوت ل متين ؟ فضة كلامك ماس ! تمن الكلام الراس يا الفة فى الكراس .. اكتبنى هرجلتا * * * سكك الكلام خطرة والزول ده راجل جد هو الجرجر السلبة ما السلبة هى البتجر ! سلبة مشانقكم .. وهبت حياتو الجد والزول ده راجل جد * * * تعظيم سلام يا بوم قاضى السجم والشؤم دين الله دين محمول والعسكرى السكران فى انداية امدرمان اصبح امام مختوم * * * ترزية القانون هذا البتاع مسطول يا بنقو ؟ .. يا افيون ؟ سبتمبر الملعون نص كم قوانينك خيم الطوارىء وين ؟ ملعون ابو سنينك هذا او الطوفان ذل الرجال ذلة قطع الفقير خسة فضح النساء علة الاخذ بالشبهات قلة عقل .. بدعة * * * سلخانة الجبهة صمت الرجال مذموم لما الرجال ب تنوم (محمود) بيصرخ :- لا شان الرجالة تقوم * * * جزار بنى خيبان تشريعك التعبان كرسى الحكم هلكان شوف ليك صمغ ولبان يا قاضى .. يا فاضى دم البشر غالى دين مين ؟ .. يا ود يا ظريف .. شافع يدين عالم !! دين كيف .. يا قاضى ضليع .. قطع اليدين ووعيد !! معذور رئيسكم جد .. دخل الديانة جديد داير العبيد تخضع .. ل حكم نار وحديد * * * عيسى ولد مريم محمود فاطنة عيسى نبى (محمود) حكيم (محمود) رضى الله عنه وعن بنيه ويهوذا لعنة الله فيو (محمود) حبيب الله .. حبيبى يا حبيب عاشق جمال عقلك كتب فكرك نهايتك لما تنزل من سماء الله لتبداء من جديد عيسى نبى بوذا حكيم . ...... شاهين.
| |
|
|
|
|
|
|
Re: ده عامل فيها شاعر ! (Re: shaheen shaheen)
|
(8) يا عمى بياع الوشوش الدنيا عيد .. والعيد سعيد ما عندى ليك يا عم قروش بدلنى .. هاك وشى الأليف ادينى وش شيطان مخيف عايز اعيش بين الوحوش العندو وشين بستريح والعندو خمسة بكون مريح ما قدرتا فى الريح بنكسر ...... شاهين
thank you my dear friend
i hope others read this wonderful poetry
| |
|
|
|
|
|
|
Re: ده عامل فيها شاعر ! (Re: shaheen shaheen)
|
(13) يا ولد كل فردة من بلد مدد .. مدد .. مدد ماركسى لو مركست كوز خطير لو اسلمت كاس طويل حين مغربت مدد .. مدد .. مدد ضد .. وضد الضد وصاحب الضد , اذا درجة مناخ اتغيرت كل كرت فى ايدو قاشى (اتحادى) .. (امة) .. ماشى (بعثى) .. ممكن (جبهة) .. (جبهة) المهم صالح معاشى يا ولد عسكرى لو عسكرت زئبقى لو زئبقت ثورجى لو ثورجت ديك كبير يوم بيضت يا ولد انتباه سيجة سياستك صفرجت اجرى ضلك يا ذكى شايف الجماهير سخنت . ...... شاهين.
| |
|
|
|
|
|
|
Re: ده عامل فيها شاعر ! (Re: shaheen shaheen)
|
(14) وهذه الخرطوم داعرة تفتش فى ظلام الليل عن رجل .. ليعطيها الرغيف , وبعض اقراص الدواء ما وجدت على الطرقات من رجل سوى الخصيان فحول البلدة البلهاء قد تابوا عن العصيان وتفرغوا للصبية الغلمان استمنوا وناموا فى امان الله داعرة تفتش فى ظلام الليل .. عن رفقة الليل البهيم ما وجدت على الطرقات من رجل .. سوى الشرطى يفتش فى ظلام الليل .. عن من يهدد امن دولتنا العريقة ويبحث فى عيون الناس عن الثمن الرغيف وبعض اقراص الدواء . * * * هذه الخرطوم قد شاخت وترهل النهدين من ايدى الرجال ما زالت تمارس ازدواج الازدواج فى الليل عاهرة .. فى الصبح بائعة لكوب الشاى .. فى الظهر تبكى فى الصلاة قتلتنا امرأة الفراش بنصل هذا الازدواج . * * * هذه الخرطوم ما زالت تمارس فتح ارجلها العجوز من سوف يحتضن العجوز ؟ .. بعد انتهاء القذف فى اللحم العجوز من سوف يعطيها الامان ؟ .. بعد انكماش اللحم فى اللحم العجوز من سوف يعطيها الحنان ؟ . * * * هذه الخرطوم قالت ذات مرة قبل ان نزنى سويا - ابنى هناك .. سيعود من خلف الغيوم محلقا سيعود ممتطيا جواد .. حاملا درع البطولة ونطير للدير البعيدة .. واتوب من وسخ الداعرة والرجال . وبكت على صدرى طويلا وبكيت فى سرى طويلا مسكينة يا هذه الخرطوم الفارس المغوار اسطورة كالغول والعنقاء والخل الوفى الفارس المغوار .. لم ياتى , ولا ياتى , ولن ياتى زمن البطولات انتهى فدعى الخيال ونامى فى امان الله بين احضان الرجال . * * * وخرجت ابكى للشوارع فوجدت خصيانا يتلذذون بخصيهم فى ظل حائط بيتنا فجلست بينهم نخطط للهروب الى بلاد الثلج فان لم نستطع فالى بلاد النفط وان لم نستطع فالى الجحيم .. الى الجحيم زمن البطولات انتهى . * * * ملحوظة هامة :- داهمتنا الشرطة اثناء النقاش وصادروا كل النقود .. وبعض اكياس السعوط وحدثونا عن وطن !!! . ...... شاهين.
| |
|
|
|
|
|
|
Re: ده عامل فيها شاعر ! (Re: shaheen shaheen)
|
Quote: (11) فى الحب انا زيك , زول اهبل اهبل جدا ورومانسى , وزول حساس خالص خالص جدا الزيى وزيك يا وردة فى الزمن القاسى , ده زول اهبل وعوير جدا جدا , جدا فيروزة شاطىء احلامى .. نتعاور فى الوطن الاهبل اهبل جدا نحلم ب بكرة وعارفنو ح يكون اكعب من امبارح اكعب جدا نتعب منه نلعب بالمنطق حد نصله , صارم جدا جدا , جدا شافع يا شافعة يا عضاضة يا السارقة حلاوة لبان منى بسرق من جيبك تفاحة اديك كرملة ومصاصة واطوطحك فى المرجيحة كمان ما العيد بكرة ! يوم بكرة بعيد عننا جدا جدا , جدا وبريدك انا بالجد .. جدا اهبل , متخلف عقليا يا عويرة .. وفيروزة فى شاطىء نتحدى المنطق والواقع ده الواقع فى بلدنا السمحة اسود جدا جدا , جدا . ...... شاهين. |
نحلم ب بكرة وعارفنو ح يكون اكعب من امبارح اكعب جدا
| |
|
|
|
|
|
|
Re: ده عامل فيها شاعر ! (Re: اسعد الريفى)
|
(14) وهذه الخرطوم داعرة تفتش فى ظلام الليل عن رجل .. ليعطيها الرغيف , وبعض اقراص الدواء ما وجدت على الطرقات من رجل سوى الخصيان فحول البلدة البلهاء قد تابوا عن العصيان وتفرغوا للصبية الغلمان استمنوا وناموا فى امان الله داعرة تفتش فى ظلام الليل .. عن رفقة الليل البهيم ما وجدت على الطرقات من رجل .. سوى الشرطى يفتش فى ظلام الليل .. عن من يهدد امن دولتنا العريقة ويبحث فى عيون الناس عن الثمن الرغيف وبعض اقراص الدواء . * * * هذه الخرطوم قد شاخت وترهل النهدين من ايدى الرجال ما زالت تمارس ازدواج الازدواج فى الليل عاهرة .. فى الصبح بائعة لكوب الشاى .. فى الظهر تبكى فى الصلاة قتلتنا امرأة الفراش بنصل هذا الازدواج . * * * هذه الخرطوم ما زالت تمارس فتح ارجلها العجوز من سوف يحتضن العجوز ؟ .. بعد انتهاء القذف فى اللحم العجوز من سوف يعطيها الامان ؟ .. بعد انكماش اللحم فى اللحم العجوز من سوف يعطيها الحنان ؟ . * * * هذه الخرطوم قالت ذات مرة قبل ان نزنى سويا - ابنى هناك .. سيعود من خلف الغيوم محلقا سيعود ممتطيا جواد .. حاملا درع البطولة ونطير للدير البعيدة .. واتوب من وسخ الداعرة والرجال . وبكت على صدرى طويلا وبكيت فى سرى طويلا مسكينة يا هذه الخرطوم الفارس المغوار اسطورة كالغول والعنقاء والخل الوفى الفارس المغوار .. لم ياتى , ولا ياتى , ولن ياتى زمن البطولات انتهى فدعى الخيال ونامى فى امان الله بين احضان الرجال . * * * وخرجت ابكى للشوارع فوجدت خصيانا يتلذذون بخصيهم فى ظل حائط بيتنا فجلست بينهم نخطط للهروب الى بلاد الثلج فان لم نستطع فالى بلاد النفط وان لم نستطع فالى الجحيم .. الى الجحيم زمن البطولات انتهى . * * * ملحوظة هامة :- داهمتنا الشرطة اثناء النقاش وصادروا كل النقود .. وبعض اكياس السعوط وحدثونا عن وطن !!! . ...... شاهين.
just wonderful
| |
|
|
|
|
|
|
Re: ده عامل فيها شاعر ! (Re: Mustafa Mahmoud)
|
أسعدتنا أخي الكريم شاهين بمواضع الوُجعه
موضع موضع هي تشخيص من بارع لا تفوته هفوات
المنكأ وطبب لنا كل جراحات الوطن ورموز الوطن!!!
بقاموس يعرفه كل من دبَ علي مساحة المليون ميل مربع
نراك تربعت علي كوامن الخلل من خلال ده عامل فيها شاعر
ودائما تجدنا في ظل آلامك متكئين وعاملين فيها شعراء.
،،،،أبوقصي،،،،
| |
|
|
|
|
|
|
Re: ده عامل فيها شاعر ! (Re: shaheen shaheen)
|
(15) الى روح العزيزة س . ص هذه شجرة صبار على القبر * * * اول مرة اشوف شيوعية لمن شفتك يا سين , صاد واول مرة احب احب شيوعية كنا تلاتة شارع يغلى .. و(مايو) مسخن وبابا( نميرى) بهدد فينا - ايوه نتلب .. ايوه ننط الحيطة .. جوه لباسكم راح بنفتش , والما عجبو .. عجبو بتاع الامن بعرفو . كنا تلاتة جوه الاوضة جات (اشجان) بقينا خلية - انا سين , صاد .. اسمى الحركى هو اشجان . - انا باسم . - انا عارف . - والزميل ؟ . اول مرة تعاين ليا اتلخبتا - أأأأ .. اسمى الحركى اسد الدين . - عديل كده !!! . ضحكت .. ضحكت .. ضحكت منى البت السمحة اتعقدتا - اوعك تزعل . معقول ازعل يا (اشجان) ! اتعارفنا واتصاحبنا ياما هتفنا - تسقط مايو ويحيا الناس . ياما كتبنا فى حيط الناس (يحيا الحزب الجاى للناس) - أأأأ انا بحبك . - انا مرتبطة اسفة شديد .. اوعك تزعل . معقول ازعل يا (اشجان) ! فى ابريل , وبعد ابريل ياما هتفتى - انتخبوا رمز الشجرة . - رمز الفيل يا اسد الدين . اتفرقنا فى نكسة يونيو سنة الفين - اشجان كيف ؟ . - اشجان ماتت من سنتين .. سرطان ثدى . كانوا تلاتة جوه الاوضة (اشجان) ماتت (باسم) هاجر فى امريكا (عارف) اعلن توبته .. طلق مراتو وربا دقينتو مسك السبحة , سكن الجامع .. بقى يكرهنى , ويكره سيرة اسمو الحركى وانا ؟ انا اتعلقتا ما بين , بين اقطع ولا اواصل ؟ خايف .. خايف .. لو واصلتا اسمى الحركى .. (عجبو) بتاع الامن يعرفو اوعك تزعلى يا (اشجان) .. (اسد الدين) لسه بحبك للثكنات يا عسكر مايو تسقط .. تسقط .. تسقط (مايو) ويحيا الناس المشوا فى جنازتك يا (سلمى صلاح) . ...... شاهين.
| |
|
|
|
|
|
|
|