نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
ناس الحركة ديل غلبهم الـ(يسوهو)
|
أول بالتبادي أنا ماقاصد ناس الحركة الشعبية
عشان ما يجي زول ينط لي في البوست ده
ويخرمج ويبرطع ساي
.
.
أنا قاصد ناس حركة المرور
قاموا قبل كام يوم أعلنوا في الصحف المحلية هنا في الخرطوم وحددوا مسارات الطرق
شي اتجاهين
وشي اتجاه واحد
قلنا سمح
وصدقنا
فالمؤمن صديق
فجأة تكون منطلق بعربتك وفق ما أعلن
تجد لافتة أن الطريق اتجاه واحد
رغم أنف الإعلان
.
.
غايتو دولة تتغير فيها القرارات فجأة.. وبلا إعلان
زي السودان ده مافي
|
|
|
|
|
|
|
|
Re: ناس الحركة ديل غلبهم الـ(يسوهو) (Re: عز الدين بيلو)
|
ما أعرفه أنو ناس الحركة مغلوب على أمرهم
وأكيد.. أكيد.. يحاولون معالجة آثار قرارات (الكودة)
والذي أثق تماماً أنه اتخذ قراراته تلك بدون دراسة مسبقة
وبدون التشاور مع كافة الجهات زي ما بحصل في كل دول العالم
وأشك في أنه نزل إلى أرض الواقع ليرى مأساة قراراته التي اتخذها
وأشك في أنه رأى كيف أن قراراته غير المدروسة تلك زادت الزحمة أكثر مما هي عليه قبلاً
| |
|
|
|
|
|
|
Re: ناس الحركة ديل غلبهم الـ(يسوهو) (Re: عز الدين بيلو)
|
Quote: فجأة تكون منطلق بعربتك وفق ما أعلن
تجد لافتة أن الطريق اتجاه واحد
|
وبعدين يا بيلو
بدفعوك غرامة ولا لا ؟؟؟؟؟
لانها تفرق كثير ....
لو ما بدفعوك غرامة معناها ممكن يتغير ويبقى اتجاهين
اما لو بدفعوك غرامة تكون انت ما قريت اللوحات الارشادية كويس
| |
|
|
|
|
|
|
Re: ناس الحركة ديل غلبهم الـ(يسوهو) (Re: عز الدين بيلو)
|
Quote: اما لو بدفعوك غرامة تكون انت ما قريت اللوحات الارشادية كويس |
الغريبة أنك بتكون قريت الإعلان
وختيتو قدامك عشان ما تغلط
فجأة تجي تدور عشان تلف في شارع الاتجاهين
تلقى يافطة أنو اتجاها واحد
عندك مثلاً شارع السيد عبد الرحمن وشارع البلدية
في الإعلان كانوا قبل أسبوع كانوا اتجاهين
اللية لو جيت تلقاهم اتجاه واحد
| |
|
|
|
|
|
|
|