|
Re: تحطم طائرة شحن بمطار الخرطوم بسبب طائر!!! (Re: jini)
|
سلام يا جنّي،
تصدّق حصلت لي قبل كده حاجة قريبة. برضو في مطار الخرطوم، لكن الطيارة كانت أردنيّة ..
بعد الإقلاع بشويّة حسيت الطيارة بدت تلف ...
قلت عادي؛ دايماً الإقلاع بيكون في الإتجاه المناسب حسب سرعة الرياح عشان الطيّارة تصل السرعة المطلوبة للإقلاع
لكن لقيت ليك الطيّارة لفّت زي ١٨٠ درجة، وبقي واضح إنها راجعة المطار!
لمّا هبطنا لقينا ليك عربات المطافي والإسعاف واقفة مستنّيانا!
وبعدها عرفنا إنّو في صقر دخل في واحد من المحرّكات اثناء الإقلاع! لكن ربّك كريم ستر علينا ...
باقي القصة كان فيلم بايخ أبطالو الطاقم الأرضي للخطوط الأردنيّة ومهندس مسؤول في الطيران المدني ...
سافرنا بعدها بحوالي ٢٤ ساعة!
|
|
|
|
|
|