|
|
 حتّى لا يتبجّح المريخاب ..تذوق الطعم وقارن.!!
|
يتمشدق ويتجدّع إعلام المريخ بقيادة مزمت أبو الفاهم بأن المريخ أفضل من الهلال وأن المريخ وصل النهائي وأن المريخ تفوق على الهلال أفريقياً وأن وأن وأن ..
طيب الموضوع حساب ولا "كوار" ؟ (حد جاب سيرة الصفاقسي ؟)
تعالوا نشوف مسيرة الفريقين ونتائجهم ومجموع النقاط وبعد داك تذوق الطعم وقارن !!!
مع العلم إنو الهلال يلعب في بطولة الأبطال الدرجة الأولى الممتازة والمريخ يلعب في الكونفدرالية الدرجة التانية بطولة الترضيات !!!
مشوار الهلال :
بدا الهلال من قولة تيت وشبكتونا تمهيدية وو وو وو
لعب الهلال ضد الزنزباري ففاز عليه بامدرمان 4 - صفر وفاز عليه في زنزبار 2 - صفر.
لعب الهلال ضد الزمالك ففاز عليه بأمدرمان 2 - صفر وتعادل معه في القاهرة 2 - 2.
لعب الهلال مع ناساروا النيجيري فخسر 3-صفر في نيجيريا وفاز 3-صفر في امدرمان .
تأهل الهلال لدور المجموعات :
لعب ضد الأهلي المصري في مصر وخسر 2-صفر وفاز عليه في أمدرمان 3-صفر.
لعب الهلال ضد الترجي في امدرمان وفاز عليه 2-صفر وتعادل في تونس 1-1.
لعب الهلال ضد أسيك في امدرمان ففاز عليه 2-1 وخسر في ساحل العاج 1-صفر.
تأهل الهلال لدور الأربعة :
لعب الهلال ضد النجم الساحلي ففاز عليه في امدرمان 2-1 وخسر في تونس 3-1.
عليه نجد أن الهلال لعب مجموع 14 مباراة ذهاباً وإياباً مجموع نقاطها 42 نقطة..
حصل الهلال على 26 نقطة بالفوز في 8 مباريات والتعادل في مباراتين والخسارة في 4 مباريات..
أحرز الهلال 24 هدف ودخل مرماه 14 هدف .
أحرز الهلال خارج أرضه 6 أهداف .
أستقبلت شباك الهلال داخل أرضه هدفان فقط !!.
تعالوا نشوف المريخ القالوا متفوق على الهلال :
لعب المريخ ضد القطن التشادي فخسر في تشاد 2-صفر وفاز في امدرمان 5-صفر.
لعب المريخ ضد الشيلف الجزائري فخسر في الجزائر 1-صفر وفاز في امدرمان 3-صفر.
لعب المريخ ضد الشباب التنزاني فتعادل صفر-صفر في تنزانيا وفاز2-صفر في امدرمان.
تأهل المريخ لدوري المجموعات :
لعب المريخ ضد الإسماعيلي فتعادل معه في مصر 1-1 وفاز عليه في امدرمان 1-صفر.
لعب المريخ ضد كوارا النيجيري فخسر في نيجريا 2-1 وفاز في امدرمان4-1.
لعب المريخ ضد دولفين النيجيري ففاز عليه في امدرمان 6-1 وخسر في نيجيريا 3-صفر.
تأهل المريخ للمباراة النهائية مباشرة :
خسر المريخ في امدرمان 4-2 و ....... في تونس (دي لسة في علم الغيب)..
عليه نجد أن المريخ لعب 14 مباراة ذهاباً وإياباً (نفس عدد مباريات الهلال) مجموع نقاطها 42 نقطة حصل المريخ على 20 نقطة (مقابل 26 للهلال) بالفوز في 6 مباريات (مقابل8 للهلال) والخسارة في 5 مباريات (قابلة للزيادة في حال فوز الصفاقسي) (مقابل 4 خسارات للهلال) وتعادل في مباراتين كما الهلال .
احرز المريخ 25 هدف (مقابل 24 للهلال) واستقبلت شباكه15 هدف (مقابل 14 للهلال)..
أحرز المريخ خارج أرضه هدفين فقط (مقابل 6 للهلال)..
إستقبلت شباك المريخ داخل أرضه 6 أهداف (مقابل هدفين فقط على الهلال)..
أكبر عدد إستقبلته شباك الهلال في مباراة واحدة كان 3 أهداف خارج ملعبه بينما أكبر عدد إستقبلته شباك المريخ كان 4 أهداف داخل أرضه .
لم يحقق الهلال الفوز بأقل من هدفين في أرضه بينما فاز المريخ بهدف لصفر داخل أرضه.
هدّاف الهلال هو اللاعب قودوين في البطولة أحرز 8 أهداف بينما هداف المريخ في البطولة العجب أحرز 6 أهداف !!
أحتسبت للهلال ضربة جزاء واحدة خارج ملعبه بينما أحتسبت للمريخ 5 ضربات جزاء داخل ملعبه.
لعب الهلال جميع مبارياته ضد فرق مكتملة العدد عدا مباراة واحدة بينما لعب المريخ ثلاثة مباريات مع فرق ناقصة العدد داخل ملعبه .
واجه الهلال والمريخ في بطولة الأندية الأفريقية والكونفدرالية قائمة الفرق التالية :
البوليس الزنزباري للهلال مقابل القطن التشادي للمريخ .
الزمالك المصري للهلال مقابل الشيلف الجزاشري للمريخ .
ناساروا النيجيري للهلال مقابل الشباب التنزاني للمريخ .
الأهلي المصري للهلال مقابل كوارا النيجيري للمريخ .
الترجي التونسي للهلال مقابل دولفين النيجيري للمريخ .
اسيك ابديجان ساحل العاج للهلال مقابل الإسماعيلي المصري للمريخ.
النجم الساحلي التونسي للهلال مقابل الصفاقسي التونسي للمريخ .
أها يا جماعة دي كل الكمونية انا ختّيتا ليكم في صحن واحد نقاط على أهداف على عدد فوز على تعادلات على مباريات جوة ميدانك وبرّة ميدانك وكمان أديتكم زيادة مني وفوق البيعة مقارنة بين الفرق اللي لعب ضدها الفريقين ..
ما حا أقوووووووووووول أييييييييييييييييي شي فقط تذوّقوا الطعم وقاااااارنو وأدونا رأيكم !!!
تخريمة :
الإحصائيات من ذاكرتي ويا أحمد الريح لو نسيت حاجة أو غلطت صلّحني فقد وهن العظم وأشتعل الرأس (شيبا)
|
|
 
|
|
|
|
|
|
|
|
Re: حتّى لا يتبجّح المريخاب ..تذوق الطعم وقارن.!! (Re: عمر الفاروق)
|
يا سحس:
| Quote: عندنا زي إستاد المريخ و للا بنتفاصح ساكت |
حتّى على مستوى الجوائز فجوائز الهلال المالية من الكاف فاقت ال600 الف دولار بينما لم تتعدّى جوائز المريخ في الكونفدرالية ال250 الف دولار ..
دحين لو صلاح إدريس ده زول حقّاني ال600 الف دولار دي ما بتعمل ليها نجيلة كويسة ؟
تخريمة :
اما زولك فرأسه لم يشتعل ولكنه (إتحتّ) ..
| |
|
|
|
|
|
|
|
|
|
Re: حتّى لا يتبجّح المريخاب ..تذوق الطعم وقارن.!! (Re: عمر الفاروق)
|
عمنا حمزاوي:
Quote: المريخ لعب النهائي
والهلال طلع من دور الاربعة |
مااا ده المجنن بوبي!!
إنت راجل أستاذ ومربّي أجيال وكده ..
لو سألوك وحسب تجربتك التعليمية وقالوا ليك أحسن ليك طيش أوائل فصل في مدرسة حنتول ولّا أول الطيشة في مدرسة شلّعوها الخوالدة ؟؟
مع العلم إنو البنتكلم عنو ده جاي الرابع في فصل حنتوب بتاع الأوائل !!!
| |
|
|
|
|
|
|
|
|
|
Re: حتّى لا يتبجّح المريخاب ..تذوق الطعم وقارن.!! (Re: عمر الفاروق)
|
يا عمر الفاروق
سلام
مازال كتاب المريخ يخدعون جمهورهم بالقول خطأ ان المريخ افضل من الهلال
فلتعلم يا عمر ان جائزة الفائز بكأس الفدرالية اقل من جائزة الفريق الذى يصل نصف النهائى لبطولة الاندية الابطال
يعنى الهلال سوف ينال 450 الف دولار لوصوله نصف نهائى رابطة الابطال بينما ينال الصفاقصى 330 الف دولار لفوزه بكأس الفدرالية
ولا ادرى ماذا سوف ينال المريخ
اما لو جئنا للمقارنة الحقيقية لمستوى الفريقين
نجد انه فى الخمس سنوات الاخيرة هناك تفوقا واضحا لفريق الهلال على المريخ
قارن بين محترفى الهلال و محترفى المريخ
قارن بين لاعبى المحور فى الهلال ولاعبى المحور فى المريخ
الطرف الايمن
الايسر
الدفاع
الحارس
طريقة اللعب المنظمة و الاداء المهارى الجميل
متوسط عمر اللاعبين
يكفى الهلال بهدلته للآهلى القاهرى فى ام درمان التى اصبحت على كل لسان
هل سمعت فى هذا الموسم ان الهلال يريد تسجيل لاعب من المريخ؟
بينما يقول مزمل العجيب: قودوين ولدناو يتحدثون عن عمر بخيت و الحديث ايضا عن الحارس المعز هذا دليل تفوق واضح
انهم يبيعون الوهم لجمهور النادى
ولولا كنا نحب للمريخ ان يكون قويا لجاريناهم وقلنا ان فريقهم فعلا افضل من الهلال ليظل على حاله هذه
ولكننا نريد مريخا قويا يقوى به الهلال و الكرة السودانية
| |
|
|
|
|
|
|
|
|
|
Re: حتّى لا يتبجّح المريخاب ..تذوق الطعم وقارن.!! (Re: عمر الفاروق)
|
هشام المجمر:
Quote: مازال كتاب المريخ يخدعون جمهورهم بالقول خطأ ان المريخ افضل من الهلال
فلتعلم يا عمر ان جائزة الفائز بكأس الفدرالية اقل من جائزة الفريق الذى يصل نصف النهائى لبطولة الاندية الابطال
يعنى الهلال سوف ينال 450 الف دولار لوصوله نصف نهائى رابطة الابطال بينما ينال الصفاقصى 330 الف دولار لفوزه بكأس الفدرالية
ولا ادرى ماذا سوف ينال المريخ
اما لو جئنا للمقارنة الحقيقية لمستوى الفريقين
نجد انه فى الخمس سنوات الاخيرة هناك تفوقا واضحا لفريق الهلال على المريخ
قارن بين محترفى الهلال و محترفى المريخ
قارن بين لاعبى المحور فى الهلال ولاعبى المحور فى المريخ
الطرف الايمن
الايسر
الدفاع
الحارس
طريقة اللعب المنظمة و الاداء المهارى الجميل
متوسط عمر اللاعبين
يكفى الهلال بهدلته للآهلى القاهرى فى ام درمان التى اصبحت على كل لسان
هل سمعت فى هذا الموسم ان الهلال يريد تسجيل لاعب من المريخ؟
بينما يقول مزمل العجيب: قودوين ولدناو يتحدثون عن عمر بخيت و الحديث ايضا عن الحارس المعز هذا دليل تفوق واضح
انهم يبيعون الوهم لجمهور النادى
ولولا كنا نحب للمريخ ان يكون قويا لجاريناهم وقلنا ان فريقهم فعلا افضل من الهلال ليظل على حاله هذه
ولكننا نريد مريخا قويا يقوى به الهلال و الكرة السودانية |
دي مداخلة عجيبة جداً صادفت هوى في نفسي وصبّت في إتجاه هذا البوست ..
عشان كده لزم التوثيق..
| |
|
|
|
|
|
|
|
|
|
Re: حتّى لا يتبجّح المريخاب ..تذوق الطعم وقارن.!! (Re: عمر الفاروق)
|
Quote: دي مداخلة عجيبة جداً صادفت هوى في نفسي وصبّت في إتجاه هذا البوست ..
عشان كده لزم التوثيق.. |
عمر الفاروق
لك التحية
اقول كما قلت
ده بوست عجيب جدا وصادف هوي في نفسي ، لهذا اقول اب ........اسوأ حاجة في تشجيع الكرة ان يجعل الانسان (معظمهم) غير منطقيين ....
يعني الزول لو (سقط في الابطال) ح يعيد في الفدرالية ، وبرضو يقول نحن تاني افريقيا ... منطق عجيب ، وهذه المكابرة هي التي جعلت المريخ يخسر مع الصفاقسي .... الواقعية يا شباب المريخ ، الواقعية لا اكثر ولا اقل ...
| |
|
|
|
|
|
|
|
|
|
Re: حتّى لا يتبجّح المريخاب ..تذوق الطعم وقارن.!! (Re: Fadl Karrar)
|
Quote: (قابلة للزيادة في حال فوز الصفاقسي) (مقابل 4 خسارات للهلال) وتعادل في مباراتين كما الهلال .
احرز المريخ 25 هدف (مقابل 24 للهلال) واستقبلت شباكه15 هدف (مقابل 14 للهلال)..
أحرز المريخ خارج أرضه هدفين فقط (مقابل 6 للهلال)..
إستقبلت شباك المريخ داخل أرضه 6 أهداف (مقابل هدفين فقط على الهلال).. |
بتخيل لي الحته دي ما لافقة يا معلم
| |
|
|
|
|
|
|
|
|
|
Re: حتّى لا يتبجّح المريخاب ..تذوق الطعم وقارن.!! (Re: Fadl Karrar)
|
عمر
انت يازول فى الدوام ام فى عطلة
يازول انت ما بتخاف من ربك
كتبت الكلام دا والاحصائية دى كلها وانت فى الدوام
يازول جايك موت,,,من اخد اجر حاسبه الله بالعمل
الكفيل دا ما شافك,,ولا شغال فى شركة سائبة زينا كدا
على الطلاق لو جاء زول غالط تانى
الا غلاط حسين ملاسى,,,
بس انتو ما عنكم كاسات,,,بس تصنيف
يعنىصابرين 77 سنة وكيجا تماها 80 سنة بدون كاس
عموما فوووق
| |
|
|
|
|
|
|
|
|
|
Re: حتّى لا يتبجّح المريخاب ..تذوق الطعم وقارن.!! (Re: عمر الفاروق)
|
| Quote: لو سألوك وحسب تجربتك التعليمية وقالوا ليك أحسن ليك طيش أوائل فصل في مدرسة حنتول ولّا أول الطيشة في مدرسة شلّعوها الخوالدة ؟؟ |
والله مش انا اكون استاذ
يمين فيزاغورس ما يشرح كلامك دا
يازول انت عندك علاقة بالحلفاويين
اي علاقة حتى ولو نسب
عشان اقول الكلام دا رطانة
| |
|
|
|
|
|
|
|
|
|
Re: حتّى لا يتبجّح المريخاب ..تذوق الطعم وقارن.!! (Re: حمزاوي)
|
ود الفاروق ...
إجتهادك الشديد في عمل مقارنة توضح
فيها مدى خيبتكم ومحاولة التقليل من الزعيم
دي حاجات ما بنقدر لا أنا ولا إنتا نفتي فيها....
حسابك أو بالأصح (كوارك) الفطير دا ما بيتحسم
إلا يوم 29 .. يوم ما تجوا هناك الكلام بينتهي
ولحظة الحقيقة حتجي ووقتها إلا تشوف ليك منبر تاني ...
| |
|
|
|
|
|
|
|
|
|
Re: حتّى لا يتبجّح المريخاب ..تذوق الطعم وقارن.!! (Re: نادر محمد الراضي)
|
Quote: ودإلا يوم 29 .. يوم ما تجوا هناك الكلام بينتهي
ولحظة الحقيقة حتجي ووقتها إلا تشوف ليك منبر تاني ... |
يانادر دا اخر كلام عندك كدى شاور
لانكم كلامكم مو واحد
شاور مزمل وتعال,,لكن كل ثقافتكم الكروية مزملية
انا اسى ما بعرف كاتب صحفى هلالالى واحد ولا قاعد اقراء ليهم
لان دليلى عقلى,,,,اسى انت دا اخر كلام ليك,,,نحفظ ليك كلامك دا
ليوم الزينة ,,,يوم يحشر الناس مساء,,,وبعدها تقر بان الهلال افضل
ولا بترجع تانى انتو ما عندكم كاس ,,بس تصنيف
اتفقنا البغلب هو الافضل,,,,
| |
|
|
|
|
|
|
|
|
|
Re: حتّى لا يتبجّح المريخاب ..تذوق الطعم وقارن.!! (Re: ahmed saeed)
|
للعلم يا أبوقوتة ...
مزمل الحارق حشاكم من جوا دا ...
بيستدل بكلامنا وآرائنا في كتاباته ...
وانتا عارف وانا عارف إنو الكلام أسهل
منو الله ما خلق ... وياريت لو في عاقل
بيكتب بي ذمة وضمير من كتابكم الجهاليل
وبي عضمة لسانك قلتها انا ما بقرا ليهم
وانا كمان بقول كلامي من راسي ما من الصدى ... 
| |
|
|
|
|
|
|
|
|
|
Re: حتّى لا يتبجّح المريخاب ..تذوق الطعم وقارن.!! (Re: هشام المجمر)
|
يامجمر والله نادر دا طالع فى الكفر
وطالع فى اللغة كدى شوف كلمة جهاليل
دى اخر واحد استخدمها هو السليك ابن السلة
اخر الشعراء الصعاليك,,
فى قوله,,
ومريخنا سطر تاريخا طويلا
وقوم هلاليب ,,له جهاليلا
لو لا الرجاء البت الخجولا
والصفاقس الملك الضليلا
لجعنا العالم يذكرنا هديلا
واحضرنا اليكم كاسا محمولا
فالان صرنا كوكبا... مجهولا
وبدل زعيم,,, مريخنا خميلا
لكن لنا استاد سمح النجيلا
ولنا رئيسا... بدفع تقيلا
الهلال يتبختر ويمشى الختيلا
جمال رجالك ما.. ليه مثيلا
تركت للدنيا حديثا.. جميلا
وخرجت بطلا .. من غير تضليلا
(عدل بواسطة abuguta on 11-08-2007, 07:52 AM)
| |
|
|
|
|
|
|
| |
عمر الفاروق
Hussein Mallasi
هشام المجمر
رقم صفر
Fadl Karrar
وليد محمد المبارك
abuguta
نادر محمد الراضي
فيس بوك
تويتر
انستقرام
يوتيوب
بنتيريست