|
Re: ألـمرأة كان فاس مـا بتكسر الـ....ولكن!!! (Re: abdalla elshaikh)
|
لكن يا عبد الله ما بالغت عديل فى العنوان وتانى شى النساء عندنا يغطن عين الشمس امسك عندك من مهيرة وانتنازل مرورا بشغبه المرغابية وتعال لى بنونة بت المك وتعال النوريك شريفة بت بلال وما تنسى رابحة الكنامية وعرج على نساء خضن جحيم الحياة يوميا ليدخلن التاريخ من اوسع ابوابه وماتنسى الحداثة ومنتجات الحداثة وما بعد الحداثة انت قايل مافى جنس الذكرتهن ديل ايمان رحمن خالدة زاهر بعشرين كوندراليز رايس وفاطمة احمد ابراهيم بتسعين بنازير بوتو وامسك عندك امهاتنا وامسك عندك حبوباتنا الاتعلمن منهن الكلام والحكى هو القصة (مسك ايدين) كان مسك ايدين امسك عندك فى اقوى من البنات الاستجوبهون اول امس ديل صباح محمد ادم ولمياء لكن بينى بينك المثل نحن ما بنحاكمو بره السياق الانتجو عموما فخورين وفخورات بنسائنا وامهاتنا واخواتنا حد الفخر ما يقيف
| |
|
|
|
|