|
|
 يا هلالاب... أعفوا عن المريخاب عشان يدفنوا الجنازة دي
|
لما يتوفي زول
أهلوا بدفعوا ديونه أول بي أول
وسمعنا قصص كتيرة عن الجنائز البتدفن بعد ما أهلها يدفعوا الديون العليها
جماعتنا المريخاب ديل بعد مباريات المجد السوري والنجم الساحلي
إتلموا فينا لوم شديد خلاص وغلطوا فى الهلالاب كتير
وبقت لينا عليهم ديون واجبة السداد
لكنهم ما ثبتوا وبقوا يفلتوا وكمان جابتهم ليها شتائم زي ناس ( طظ )
ولأننا أولاد ناس وأسياد بلد وبنعرف إنو إكرام الميت دفنوا
فأنا - علي الأقل - عافي ليهم لي وجه الله ( وكان أولهم طلحة عبدالله أمبارح لما إتزاوغ من : اللهم لا شماتة)
فيا أخواني معشر الهلالاب ولأننا مقتدرين فلنعفوا عنهم والعفو عند المقدرة
وهم مكفيهم العليهم
كسرة
شايف حسن بسبوسة لحدي الآن غائب عن جريدة الصدي ،،، بس ما يكون فى العناية المركزة
|
|
 
|
|
|
|
|
|
|
|
Re: يا هلالاب... أعفوا عن المريخاب عشان يدفنوا الجنازة دي (Re: Fadl Karrar)
|
Quote:
وكان أولهم طلحة عبدالله أمبارح لما إتزاوغ من : اللهم لا شماتة
|
يا فضل متين إتزاوغت ياخ ..؟
انت ظنيت فينى الظنون وجيت فندت ليك إستنتاجاتك ووضحت ليك المقصود وانتهي الكلام في هذا الخصوص وإنتقلنا لنقطة تانية .
إتزاوغت دى إلا تكون عندك ليها معني تاني غير المعني العارفو أي زول ياخوي .
بعدين ياخ انتو الهلالاب ديل قايمين وقاعدين وفرحانين كدا فوق كم ..
ليكم سبعين سنة ولا حتى حديدة صدئة ما لامين فيها ولسة ساقيتكم تنين وح تفضل تنين ..
| |
|
|
|
|
|
|
|
|
|
Re: يا هلالاب... أعفوا عن المريخاب عشان يدفنوا الجنازة دي (Re: طلحة عبدالله)
|
طلحة ،، أحي فيكم روح الإصرار والتشبث بالحياة
ما قدرت يا عزيزي توريني شعورك شنو لو زول قال ليك في زي حالتكم دي
( اللهم لا شماتة ) وبعد عصر شديد قلت بكون مغتاظ
يعني إنت كنت دائر تغظينا
وتيييييييييييييب الشمتان بكون دائر شنو غير الإغاظة
أها ،، إنشاء الله بعد دا يكون وضح ليك المعني الخفي ل ( اللهم لا شماتة )
نحن ما فرحانيين لهزيمة المريخ بقدر ما فرحنا وإبتهجنا لكسر عين مشجعي المريخ
ونعتبر دا أداء واجب سبقتونا عليه
كسرة
الراجل ما هو البدين ( بكسر الباء وفتح الدال ÷
الراجل هو البسدد
ونحن هسع بنسدد ،،، وممكن نعفي
| |
|
|
|
|
|
|
|
|
|
Re: يا هلالاب... أعفوا عن المريخاب عشان يدفنوا الجنازة دي (Re: Rakoba)
|
راكوبة
رحم الله مهدي الفكي
ذلك الجيل النادر
إداريين زي مهدي الفكي وشاخور وأبو العائلة
وإعلاميين زي أحمد محمد الحسن وعبد المجيد عبد الرازق
طاهري اليد عفيفي اللسان
لكن تعال قولوا لي رايك شنو فى الجيل الحالي دا
بالذات الإعلاميين - إلا من رحم ربي -
ياخي ديل من شدة ما أبطرهم النصر علي الحمام الميت لمن راسهم لفا
| |
|
|
|
|
|
|
| |
Fadl Karrar
طلحة عبدالله
Rakoba
ملكة سبأ
ابو عثمان
محمد البشرى الخضر
برير اسماعيل يوسف
haroon diyab
فيس بوك
تويتر
انستقرام
يوتيوب
بنتيريست