|
|
 خستكات مهلوس صور مقلوبه نلازم نعدلا
|
البت الخفيفه والبت الرزينه والبت السمحه والمتعلمه
البنات شقاوتن شقاوه كل مابعجب الجنس المالطيف
ان كانت سمحه نقول ياخى دى حاتجننا بالفيت فى الشوارع وكتر المشاكل يعنى لو كنت سايقا وماشى ولقاك زول عين فى اتجاها ساكت تكون أكيد بتعرفو من قبل كده وممكن تلاقطو عديل كده
ولو كانت شينه نقول ياخى والله دى ماممكن أقابلا كل يوم طول عمرى لكن فى ناس غلبتم حيله ولما وقعو واتزوجو بنات شينات مسكو فى حكاية الاخلاق بى يديهم وكرعينم لكن برضو ما بتحلهم وبتنقلب المسأله وتبقى كل ما يمرق والله يتأخر يكون معرض للمسآله الشديده لكن أثبتت الدراسات أى والله انو الزواج من المرأه العاديه يكون اكتر استقرارا ومتعة من الزواج من الجميلات ومتعه دى طبعا كل زول ياخدا حسب هواه وفى كل الحالات هى صحيحه لكن الزواج بالمرأه غير الجميله وهو لفظ محسن للشينه فقد اثبتت الدراسات انه غير انه اكثر متعه
ايضا يقلل الاسترس ويميت القلب وطبعا تقليل الاسترس وميتة القلب من أهم ركايز طولة العمر يعنى الشينه بطول العمر
نرجع للمتعلمه وهى أقل حظا فى الزواج من الشينه وتكون اقل بكتير لو كانت غير جميله فهى بعبع للرجل حتى لو كان على نفس درجة علمها ولكن لا يسعنى المجال ان اخوض فى الاسباب فهى من غير المطروق وهى اسرار رجاليه بحته
الجميله ومتعلمه ومتوسطة الجمال المتعلمه ديل دايما بصرفو ومعظمن ممكن يبادرو لو لقو الزول المناسب عشان كدا حظهم اكبر فى العثور على رفيق دربهم
نجى لى تصنيف الرجال لى البنات واكتر البنات البجذبن الشباب طبعن انحصرت الدراسه فى الشباب الجاهزين وجادين فى نفس الوقت وجاهزين طبعا مقصود بيها ماديا عشان مافى ناس يفهموهاغلت
الشريحه دى من الشباب بتجى افضلياتم دايما كالاتى
يفضلون الجميله ومتعلمه
تانيا الجميله وغير متعلمه
ثالثا المتعلمه وغير جميله
العامله ولا يهم درجة الجمال لكن تهم درجة العلم فالطبيبه أفضل من الاستاذه والمقيمه بالخارج افضل من المجاسفه جوه البلد
لكن برضو فى تفضيلات تانيه حسب مكان الاقامه
فالمقيمه فى الخليج بصفه عامه مفضله على المقيمه فى الغرب وامريكا ولا يوجد سبب واضح لهذه النقطه بالذات لكن هدى الدراسه وهدى حكمتا برضو مشت الدراسه لابعد من ذلك فحتى المقيمه فى عمان والامارات تتمتع بافضليه وتاتى المقيمه بالسعوديه متزيله للقايمه ولم تتعرض الدراسه للمقيمات بالصين واليابان وجنوب امريكا وافريقيا طبعا عد ا السودان
فى حاجات تانيه برجع اتوسع فى شرحها لو لقيت فرصا تانيه
جدى شيخ البرعى حفظ البوست دا من الخور
|
|
 
|
|
|
|
|
|
|
|
Re: خستكات مهلوس صور مقلوبه نلازم نعدلا (Re: WAD ELGAALI#4)
|
إذكرتلى نكته حكتا أختنا عضوة البورد الجميله بت اسكول غدى الله يطراها بالخير
قالت فى جماعه قاعدين بسطلو فى الاوضه جات طيره أو بالأصح قمريه طاير دخلت من شباك الاوضه ركت فى كتفة الشباك التانى وفررررر طارت مرقت من الشباك التنى واحد من الجماعه عاين لها كداااا وقاليها يعنى عملتى شنو
| |
|
|
|
|
|
|
|
|
|
Re: خستكات مهلوس صور مقلوبه نلازم نعدلا (Re: WAD ELGAALI#4)
|
برضو واحد مصطول صطله صاح مشى مطعم ضربليك واحد خدره مصلح وشرب منقه ومشى على البيت فى الطريق بطنو طمت طمه بطاله استفرق فجات كديسه تلقت فى لحمة الخدره قعد يعاين قال بالله بتاع المطعم دا غبى طابخ الخدره بكديسه وكمان زوق ماعندو ياخى على الاقل كان يضبحا
برضو دى كانت الفرماله بتاتى فى الداخليه
والله مافى داعى طيب وكت سكتوا السكات رضا
قالك حاجه كبيره راقده معا اختا فى ابن سينا عندها التهاب فى الحلق ومراريا وانفلونزا يازول الكلام دا كان فى رمضان المهم طبعا ناس ابن سينا مسقفين فخاتين ليها كوز كبير تحت السرير عشان تتف فيهو كل مستخرجات الانفلوزا والنزله والتى تتميز باللزوجه والالوان داكنه الصفره المهم عشان ما أقرفكم واطمم بطنكم
الصباح المريضه حست بى تحسن شويه كده وبدت تدردش مع اختا وكيف الصيام والله اعفى لى أخدتا فيك الحق والباطل أها عليك النبى البارح ماك باتا بلا سحور
قالتلها برى والله كان ختيت كوزك حق الآبرى الابيض التحت السرير كان العطش كتلنى الليله لكن يادى زى الما كان مطعم لكن والله بى سهاجتو دى جمانى
| |
|
|
|
|
|
|
| |
WAD ELGAALI#4
abas
فيس بوك
تويتر
انستقرام
يوتيوب
بنتيريست