|
ذهاب نهائي الكونفيدرالية : المريخ يتواضع ويخسر برباعية من الصفاقسي التونسي
|
خسر مريخ السودان مباراة ذهاب نهائي البطولة الكونفيدرالية من الصفاقسي التونسي بأربعة أهداف مقابل هدفين، نجح من خلالها الضيوف في حسم نتيجة المباراة من الشوط الأول الذي انتهى بثلاثية نظيفة ساعده فيها طريقة أداء لعب المريخ وطريقة توظيف اللاعبين داخل الملعب، بالإبقاء على فيصل العجب كرأس حربة صريح دون وجود صانع ألعاب يمكن أن يوصل الكرات المحسنة للمهاجمين. ومع بداية الشوط الثاني أجرى المريخ عدة تبديلات وتعديلات تكتيكية اسهمت في تقليل الفارق بإحراز المريخ لهدفين ، عبر المحترف البرازيلي " باولينو" والعجب من ركلة جزاء. عودة العجب إلى اللعب خلف المهاجمين ساهم بصورة كبيرة في خلق فرص كبيرة للمريخ خاصة بعد دخول هيثم طمبل الذي شكل إزعاجاً كبيراً للدفاع التونسي واستطاع كسب ركلة جزاء منه. كما أدى المحترف النيجيري إيفوسا مباراة جيدة وعانده الحظ في كرة مرتدة من القائم، كما لاحت فرصة محققة لهيثم طمبل صدها الحارس التونسي. ظهر دفاع المريخ بصورة سيئة للغاية وهو يفشل في تغطية أخطر لاعبي الصفاقسي الإيفواري " بلازي" الذي أظهر مستوى رائع في التنقل بين جنبات الملعب واللعب بالرأس والإطلاق بسرعة فائقة من مركز إلى مركز. وتكرر الشرود الذهني للاعبي الدفاع خاصة عند الكرات المعكوسة وعدم التنسيق في نصب مصيدة التسلل، الأمر الذي كلف المريخ الكثير في هذه المباراة المهمة. وعلى الرغم من المحاولات المريخية المتكررة للرجوع إلى المباراة، إلا أنه اصطدم بفريق منظم أجاد حماية مرماه وقفل كل الطرق المؤدية إليه، إضافة إلى الخبرة الكبيرة للاعبين في الاحتفاظ بالكرة وتهديد مرمى الخصم لحرمان المدافعين من تقديم الدعم لزملائهم عند الهجمات العكسية. لعب للمريخ : بهاء الدين، سفاري ، أبالو، تانا (دامر)، باولينو، إيفوسا، إيداهور (السعودي)، علاء الدين ، الزومة، العجب، مجاهد (طمبل). إنتهت جولة الآن وتبقت مباراة التتويج، وكما انتصر الصفاقسي في القلعة الحمراء ، فإن المريخ قادر على رد الدين في ملعب الطيب المهيري بصفاقس يوم 24 نوفمبر الجاري.
|
|
|
|
|
|
|
|
Re: ذهاب نهائي الكونفيدرالية : المريخ يتواضع ويخسر برباعية من الصفاقسي التونسي (Re: شهاب الفاتح عثمان)
|
Quote: ولكن كم اتعاطف مع مشجع المريخ الذي خلع القميص كان حزنه (الحزن النبيل) ،،،، تمبس الموج المره متشارط علي شنو .... عشان انا ح اورد ليه الرحط وال.... . |
يا معتصم .. والله اساسي جيهتو ليك .. صدقني تاني كان لقى ليهو كورة تنس .. ما ح يتفرج فيها .. أما صديق الموووج .. حسع الجماعة زاتهم ما بيدوني فيهم فرصة .. كل زول جايب ليهو رحط براهــو ان مفكر اشتري ليهو (حق) وأربعة سبح ...
يا راكوبة .. امشي نووم احسن ليك ..
| |
|
|
|
|
|
|
Re: ذهاب نهائي الكونفيدرالية : المريخ يتواضع ويخسر برباعية من الصفاقسي التونسي (Re: Rakoba)
|
Quote: المريخ يتواضع ويخسر برباعية من الصفاقسي التونسي |
سلامات يا راكوبة العزيز،
أولاً دعني اعتب عليك يا أخي العزيز وأنت تغلّب انتماءك على المهنية، فقد كان عنوان مقالك عن خسارة الهلال أمام النجم الساحلي في نصف نهائي دوري أبطال إفريقيا مختلفاً جوهرياً عن عنوان مقالك اليوم مع أن خسارة اليوم كانت أفدح!
صفر هلالي جديد ينضم إلى القائمة الصفرية.. والطائرة التونسية تقلع من سوسه ذهاب نهائي الكونفيدرالية : المريخ يتواضع ويخسر برباعية من الصفاقسي التونسي
عن المباراة:
كنت أفضّل لو لعب المريخ بطريقة 3-5-2 بوجود أبالو وسفاري وأمير الدامر في خط الدفاع، أو على الأقل اللعب بأمير في مركز الظهير الأيمن الذي لا ألوم علاء الدين بابكر على تواضعه فيه لأنه ليس مركزه الاصلي. أما موسى الزومة فألومه على تقدمه المستمر وكأن المدافعة ليست من صميم واجباته كظهير! هجومياً بدأ أوتوفستر المباراة بمهاجم صريح واحد هو إيداهور، معتمداً على تقدم فيصل العجب الذي ضاعت مهاراته وسط رشاقة لاعبي الصفاقسي وممارستهم للضغط المتواصل على حامل الكرة، وكان باولينو رغم إصراره غير المبرر على الاحتفاظ بالكرة أفضل لاعبي وسط المريخ، أو في الحقيقة أقلهم سوءا، بينما لعب إيفوسا في حدود قدراته التي لم تتح له فرصة الظهور أمام المنافس القوي.
لولا أن أوتوبفستر أسير قدرات لاعبيه لما توانيت في لومه، إضافة لأنه افتقد اليوم وفي أصعب المواجهات لاعبين كان من الممكن (أقول من الممكن) أن يسهما في إيقاف المد الهجومي للفريق التونسي من وسط الميدان الذي أحدث الفارق بين الفريقين، هما بدر الدين قلق وسعيد السعودي، فقد وضح بما لا يدع مجالاً للشك أن الزامبي أليجا تانا لا يستحق الضجة التي واكبت التعاقد معه، ولولا غياب قلق والسعودي لما كان من ضمن خيارات أوتوبفستر. خرج تانا بعد مضي نصف الساعة فقط، وكان يلهث كأنه لعب مباراتين متتاليتين!
الحقيقة هي أن لم يتواضع المريخ لكن الفارق بين الفريقين كبير! الصفاقسي فريق منظم في كل خطوطه، ويملك لاعبي وسط ميدان ومهاجمين على مستوى عالٍ مكّنهم من بسط السيطرة الفعالة على المباراة منذ بدأت وحتى انتهت، وقد شاهدناه جميعاً يقتل أمل المريخ بهدف رابع عقب إحراز باولينو لهدفه مع بداية الشوط الثاني.
نظرياً يمكن للمريخ قلب الطاولة في صفاقس، لكن الواقع يؤكد ان المهمة أقرب للاستحالة من واقع أن الصفاقسي بالذات خسر كأس دوري أبطال إفريقيا بأرضه ووسط جماهيره وفي الدقيقة الأخيرة أمام الأهلي المصري في الموسم الماضي، ولا أظنه على استعداد لتكرار ذات التجربة المريرة، لكن ليس امام المريخ سوى المحاولة، فإن لم يفلح، فإن الاستعداد للموسم الإفريقي القادم يبدأ بسد الثغرات العديدة بإضافة لاعبين جاهزين في مراكز حارس المرمى وخط الدفاع والظهيرين والوسط المدافع.
| |
|
|
|
|
|
|
Re: ذهاب نهائي الكونفيدرالية : المريخ يتواضع ويخسر برباعية من الصفاقسي التونسي (Re: ثابت محمد)
|
يا أحمد الريح .. بلاي لو سمحته .. خلي لينا راكوبة باقي الليل دا .. وتعال استلمو بكره .. دا بكره كان جاك طبعا خلينا نديهو من ( البقجه بتاعت الغبائن دي ) .. عشان يعرف حاجة .. أنا المرة الفات قلت ليهو جيب ليك بنج عشان تقدر تنوم .. ما صدقني .. قايلني بكضب عليهو .. حسع اقنعو لي يشتري ليهو بنج .. في نوع بتاع بنج كدا في فتيل صغير .. وفيهو ماسورة طويلة كدا لونه أبيض .. دا كويس بنوم الواحد بسرعة ..
| |
|
|
|
|
|
|
Re: ذهاب نهائي الكونفيدرالية : المريخ يتواضع ويخسر برباعية من الصفاقسي التونسي (Re: yasir Abdelgadir)
|
هؤلاء اللاعبون هم الذين أوصلونا إلى نهائيات غانا بعد غياب 32 عاماً هؤلاء اللاعبون هم الذين أفرحونا كثيرا هذا الموسم بانتصارات وصعود إلى مرحلة المجموعات وصولا إلى المباراة النهائية. المريخ أدى جيدا هذا العام وفي المنافسات التي لعب فيها: مازال ينافس في المنافسة (المحلية) وصل نهائي المنافسة القارية. لديه مباراة إياب في المنافسة العربية الإقليمية وينافس للحفاظ على لقبه في كأس السودان. لا نحمل على اللاعبين كثيرا بقدر ما نحمل على الجهاز الفني الذي لم يحسن التعامل مع مجريات المباراة منذ التشكيل مرورا بتوظيف اللاعبين داخل الملعب. فشل أتوفيستر في البداية كلف المريخ الكثير وعندما عاد لم يسعفه الوقت وقوة المنافس لتقليل الفارق. مازالت الكرة في الملعب ويكفي المريخ أنه وصل النهائي القاري وسوف يبذل المريخ مافي وسعه من أجل المنافسة والظهور بشكل مشرف في تونس وهو أمر ليس ببعيد ولا مستحيل على لاعبي الزعيم.
| |
|
|
|
|
|
|
Re: ذهاب نهائي الكونفيدرالية : المريخ يتواضع ويخسر برباعية من الصفاقسي التونسي (Re: Rakoba)
|
الQuote: مريخ لم يكن سيئاً .. لكن الترجي كان الأفضل |
لوووووووووووووووول الترجي ولا الرجاء ولا الصفاقصي ولا الهلال الراجيكم
جارو شكلو الاربعة طششتك و بقيت تعاين باللفت
انت كتا لاعب معا الصفاقصي ياخ الصفاقصيييييييييييييييي يا حبيب الصفاقصي الصفاقصي موش الترجي ردد معاي الصفاقصي ال ص فا قص صيييييي الصفاقصي تاني مرة كمان ا ل ص ف ا ق ص ي
بعدين جمهور الصفوة شنو ؟؟؟ انت ما شفتو الحجر الجابو الحارس للحكم داك و لا شنو يا معلم ؟؟؟
| |
|
|
|
|
|
|
Re: ذهاب نهائي الكونفيدرالية : المريخ يتواضع ويخسر برباعية من الصفاقسي التونسي (Re: Rakoba)
|
Quote: غشيت روحي والناس في شنو يادكتور ياسر؟
راكوبة انتو عارفين انو ماعندكم حارس
وخط دفاع متهالك
وكل الفرق القابلتوها قبل الصفاقسي والرجاء تعتبر حمام ميت
بدل ماتشيروا لمكمن الخلل وين ..وتلفتوا النظر للاخطاء القاتلة في مباراة الرجاء
ادخلتوا نفسكم في هم الزعامة وانو الكاس حقتكم وانو وانو وانتو وانتو
تكررت اخطاء الرجاء بالكربون....وانضربتوا من الثواني الاولي من ناس مابترحم
ومازلتوا تدافعوا عن اوهامكم...بأنكم حتشيلوا الكأس وبأنكم حتحملوها جوا وعايشين في ماضي مادايرين تشيلوهوا من راسكم
تشيلوا الكاس كيف وحارسكم بهاء تشيلوا الكاس كيف وعمق داعكم محترف من القرن التاسع عشر وسط غزلان الصفاقسي تشيلوا الكاس كيف ولاعب بمحترف ليبرو تخطي اكل الدهر عليه وشرب تشيلوا الكاس كيف بمهاجم تخطي الاربعين
دا سبب انو قلت ليك انتو بتغشوا في روحكم ولا في الناس
لماذا لم تلتوا النظر لانو عندكم لاعبين صغار في السن امثال عنتر وسعيد السعودي يمكنان يجاروا دماء الغزلان الصفاقسية لماذالم تنتبهوا لانكم لاتملكون ليبرو وهو اهم لاعب في الميدان لحماية الظهر..فاليجا تانا الذي خلقتم منه قنبلةالموسم نبهناكم لانو منتهي الصلاحيةوتماديتم في غيكم ومجاهد من مخلفات الهلال ولكنكم خلقتم منه اسطورة
هذه هي النتيجة الطبيعية وماتحلموا بشوط تاني عشان مانغشوا نفسكم اكتر من كدا
| |
|
|
|
|
|
|
Re: ذهاب نهائي الكونفيدرالية : المريخ يتواضع ويخسر برباعية من الصفاقسي التونسي (Re: Rakoba)
|
Quote: والله الإيفواري عجيب |
قروش الوالي حاضره اهو احسن من من معوض بتاع الاسماعيلي سؤال
لماذا تم تغيير ابلوا بالدامر ! هل كان اتوفستر يخشى من زيادة في الأهداف ! ومالفرق بين ان تكون خاسراً بإثنين او ثلاثة !
التغيير شبيه لتغيير الاهلي عند نزول وائل جمعه بدلا عن ابو تريكه ولكن الفارق ان مدرب الاهلى كان يخشى من زيادة الاهداف خوفا من تصدر الهلال وفق قانون المنافسة (اذا تساوت النقاط) في حين ان تغيير اتوفستير غير مفهوم الا في اطار الخوف من زيادة الغلة المشكلة يا راكوبه ان الناس كانت خايفة بعد تجربة الرجاء والخرطوم ثلاثة من نتيجة كهذه اي الهزيمة ( بالطبع ليست 4 ) هارد لك
| |
|
|
|
|
|
|
Re: ذهاب نهائي الكونفيدرالية : المريخ يتواضع ويخسر برباعية من الصفاقسي التونسي (Re: نيازي مصطفى)
|
التحية لمدرب المريخ الذي قاد المريخ لتقليل الفارق
الدقيقة 20 من زمن المباراة
هدف بمعدل كل 7 دقائق .. هدف ضائع بمعدل كل 6 دقائق .. هجمة صفاقسية بمعدل كل 5 دقائق .. تحضير لهجمة صفاقسية بمعدل كل 4 دقائق .. 3 دقائق الكرة مع المريخ عندما يبدأ اللعب بعد كل هدف ..
الدقيقة 22 مشجع يخلع قميصه الاحمر ويفضل فنلته الداخلية ناصعة البياض ..
فتوقع الجميع الكارثة .. الا ان مدرب الفريق الخواجة ابو سيجارة ( يكونو لحقوه بخضراء ) فببراعته وقراءته لمجرى اللعب وبعد ان قرر ان لا ينتبه لكلام راكوبة وتهميشه لنصائح مزمل ابو القاسم التى لم يجد فيها ضالته قرر العمل على تقليص الفارق تاركا للحكم المساعدة الطفيفة بأهداءه ضربة جزاء عند الحوجة ..
سيفقد المريخ جهوده اذا استعجلوا الكاميرونيين .. ولا مناص لان تتكون هيئة التدريب من طاقم الكتاب بهذا المنبر بقيادة المدرب الاخ (مزمل ابو القاسم) ومساعدا له (راكوبة) ومدرب الحراس (شيبا) والمدلك (طلحة) وسيتم تعيين اساسي لمتابعة الفكي ابو اربعة الربيعان واعتماد الخال حمزاوي خالا للقبيلة الحمراء وصديق الموج يجيب الكورة من برة ..
سننتظر ترشيح بقية الكتاب متى ما توفر منصب ..
نسال الله السلامة .. المحلي شكلو وصل الدامر ..
في انتظار الترشيحات ...
| |
|
|
|
|
|
|
Re: ذهاب نهائي الكونفيدرالية : المريخ يتواضع ويخسر برباعية من الصفاقسي التونسي (Re: Rakoba)
|
Quote: هؤلاء اللاعبون هم الذين أوصلونا إلى نهائيات غانا بعد غياب 32 عاماً |
يا راكوبة العزيز
أرجو ألا تكتبوا عن المنتخب الوطني مثلما كتبتم عن المريخ. الكل يعلم أن السودان تأهل عبر مجموعة سهلة جداً، ولم يختبر أمام منتخب قوي سوى المنتخب التونسي الذي هزمناه بأرضنا بصعوبة 3-2.
منتخبنا الوطني يحتاج تجارب مع منتخبات قوية، على أن تلعب خارج السودان، أن نخسر في المباريات الإعدادية خير من أن "ننوم في العسل" لنخرج بهزائم كبيرة أمام الكاميرون ومصر وزامبيا.
| |
|
|
|
|
|
|
Re: ذهاب نهائي الكونفيدرالية : المريخ يتواضع ويخسر برباعية من الصفاقسي التونسي (Re: Rakoba)
|
الأخ احمد الريح
التحليل سليم إلى حد بعيد مع بعض التحامل وده مفهوم في ضوء الجو الذي يسود أولاد أزرق اليوم. غياب قلق أثر دون شك وللأسف سيؤثر غياب علاء (طيارة) في لقاء الإياب بذات القدر. سبق كذلك أن أشرت أنت إلى ضعف التركيز والمتابعة عند بهاء الدين واعتقد أنك محق أيضاً وأنه يتحمل جل الأخطاء تقريباً. ربما أحتاج الهدف الثالث إلى تحليل أدق بالصورة فيما يتعلق بوضع اللاعب المهاجم، ليس لنكرانه بالطبع وإنما لتلافي القصور في المستقبل. ومع ذلك فاعتقد أنه كان بإمكان بهاء الدين أن يقوم بتشتيت تركيزه قبل أن يتخطاه بالطريقة التي جاء بها الهدف. المعلق التونسي أشار إلى أهمية وجود الكابتن محمد عبد الله مازدا وقد كان محقاً فيما يبدو. لا أوافقك الرأي في استحالة المهمة أمام المريخ واعتقد أن الفريق التونسي سيلعب بذات الاستعداد النفسي والروحي الذي لعب به المريخ بين أرضه وجمهوره وليس مستحيلاً خلق مفاجآت لهم رغم صعوبة ذلك في ضوء تمسك أوتوفيستر ببعض اللاعبين مثل ايداهور والذي لم يقدم شيئاً يذكر طوال الفترة الماضية باستثناء بضع كرات يقتنصها هنا وهناك. كما أنه يثقل على زملائه بانتظار الكرة. باعتقادي أن أداء فيصل العجب لم يكن سيئاً وقد خلق العديد من الفرص. كما قام بمساعدة الدفاع بعض الشيء باستثناء فترة قصيرة عند النصف الثاني من الشوط الأول ولكنه عاد بلياقة أفضل في الشوط الثاني. باولينو بذل مجهوداً جيداً وأحرز أجمل أهداف المباراة.
فيما يتعلق بالفريق القومي فأرى أنك ربما – أقول ربما - تتحامل عليه لغلبة الأحمر فيه وقيادته بواسطة مازدا وإلا فعليك بالإشارة إلى أوجه النقص به بوضوح أكثر.
لك صادق تقديري.
| |
|
|
|
|
|
|
Re: ذهاب نهائي الكونفيدرالية : المريخ يتواضع ويخسر برباعية من الصفاقسي التونسي (Re: Rakoba)
|
Quote: والله يا راكوبة صاحبك تمبس ده يحير! شابك ليك الناس تعالو لي بي جاي وامشو بي هناك يا نسوان زحوا من وراء الصيوان و ... و.... لما تديهو سطرين من نوع ذات المراتب والخماسيات والذي منو يقول ليك: يا راكوبة أمشي نوم أحسن ليك. ود الريح بنجيهو بالمهلة! |
ياحجازي بقجــة غباين .. إنت لسه بتتحاوم بي جــاي ..؟ يا بوي انا قلت ليك سوق معاك راكوبة وامشو نومو .. الصباح رباح.. وحات الخوه انا خايف ليكم من الضغط .. ضغط الـــدم يا حجازي ..
| |
|
|
|
|
|
|
Re: ذهاب نهائي الكونفيدرالية : المريخ يتواضع ويخسر برباعية من الصفاقسي التونسي (Re: Rakoba)
|
سلام علي الجميع،
معليش، الخسارة قاسية وما كانت متوقّعة. المهم الآن إنّو المريخ يمسح الصورة المهزوزة دي لمّا يمشي تونس. خاصّةً وإنّو مافي ضغط عصبي بسبب كاس البطولة ...
أقترح طالما إننا بقينا عمليّاً خارج المنافسة علي اللقب إنّو المريخ يؤدي مباراة الإياب بالبدلاء مع مشاركة المحترفين. ..
السبب إنّو البدلاء عندهم دافع كافي إنّهم يعملو حاجة؛ والمحترفين محترفين وما فارقة معاهم كتير ..
لكن عقليّة اللاعب السوداني حتخلي الأساسيين يمشو تونس وهم متأكدين إنهم ما ممكن يعملو أي شئ طالما الصفاقسي غلبهم في السودان - إلا من رحم ربّي ...
| |
|
|
|
|
|
|
Re: ذهاب نهائي الكونفيدرالية : المريخ يتواضع ويخسر برباعية من الصفاقسي التونسي (Re: Rakoba)
|
. تيتاوي تتباركوا ياخي انتو ياخي كان تقولوا من بدري انو المقصة كاتلاكم قدر ده، كنا قلنا لراكوبة يخفف عنكم شوية.
المداخلةالتحت دي جبتها ليك من واحد من صيوانات تمبس وآخرين. بطريقتكم دي ناس كزام حياكلوا نيم.
. .
احكي ليك دي
واحد من اخوانا الجعلية اتزوج بت ريف. يعني زي نصها مصري كده.
الحفلة كانت بترباس اللي قام غنى ليهم في البداية غنية راسية كده والناس مبسوطة وكلو تمام التمام. الاغنية التانية وبعد وسوسة واحد من اخوانا الجعلية في اضان ترباس كانت اغنيةعرضة.
وعينك ما تشوف الا النور زي ما بيقولوا اولاد بمبة. نطيط ورفسي وغبار. المصري قام من كرسيهو يحاجز ويكورك والنبي ياترباس بلاش من ده والنبي يا ترباس بلاش من ده.
فهمت حاجة؟
الله يديكم عرضة كمان وكمان ياخي.
بس زي ما بنقول بالدارجي إن شاء الله فوق عزكم.
مش شماتة في ود أخوك وكده.
الهم اذهب عنهم الحزن.
يا تيتاوي لو بتعرف العريس عليك الله ما تفتو هنا!
صادق تحياتي لكم وللزميل كيمو. . . .
| |
|
|
|
|
|
|
Re: ذهاب نهائي الكونفيدرالية : المريخ يتواضع ويخسر برباعية من الصفاقسي التونسي (Re: Rakoba)
|
سلامات يا abdelwahab hijazi
لم أدرِ ما الذي أوحى لك مما كتبتُ بتحاملي على المريخ، أعدت قراءة تعقيبي بعد مشاهدة ثانية للمباراة كاملة، ومن الممكن أن يكون ما قلته عن أن البرازيلي باولينو كان أفضل السيئين فيه إجحاف لما بذله إيفوسا النيجيري من جهد في وسط الميدان وإمداد للمهاجمين بالكرات المعكوسة.
أما تحاملي على المنتخب الوطني لغلبة الأحمر فيه فقول يدحضه أن هذه الغلبة ليست حقيقية في ظل تساوي عدد اللاعبين المختارين له من الهلال والمريخ "تقريبا"! ولا تنسى يا عزيزي أن المنتخب بدأ آخر مبارياته وكانت أمام تونس بتشكيلة ضمت 5 من لاعبي الهلال و6 من لاعبي المريخ ، وشارك في شوط المباراة الثاني من الهلال مساوي ومهند الطاهر، في غياب النجمين الأساسيين ريتشارد وعمر بخيت!
كل الذي قلته عن المنتخب إنه لم يتعرض لاختبار حقيقي أمام منتخب قوي إلا بأرضه أمام تونس، وأظننا متفقين على أن الانتصار بالسودان لا يعني قدرة المنتخب على مقارعة المنتخبات القوية بعيداً عن جماهيره.
أضيف لتعليقي عن المباراة:
لم يكن عصام الشوالي مخطئاً وهو يصف دفاع المريخ بالكارثة، فقد افتقد هذا الدفاع للعمق والتجانس بدرجة جعلت مهمة مهاجمي الصفاقسي في إحراز الأهداف سهلة بدرجة أدهشتهم هم ذاتهم! بحثت ملياً عن أبالو "الليبرو" فلم أجده يحسن التصدي للكرات المرسلة بالطول والعرض، ولم يفلح في قيادة زملاءه لنصب مصيدة التسلل، ويمكن اعتباره أحد أسوأ لاعبي المريخ في المباراة. أما بهاء الدين فيسأل مع مدافعيه عن الهدفين الثاني والرابع، إضافة لضعفه الواضح في التعامل مع الكرات المعكوسة.
غياب اللمسات الفنية عن خط دفاع المريخ في المباراة يشكل علامة استفهام كبيرة حول استفادة الجهاز الفني من تجربة الرجاء المغربي التي كان من المفترض أن تكون بمثابة الإنذار المبكر لأوتوبفستر ومساعديه.
| |
|
|
|
|
|
|
Re: ذهاب نهائي الكونفيدرالية : المريخ يتواضع ويخسر برباعية من الصفاقسي التونسي (Re: نادر محمد الراضي)
|
Quote: الكورة غالب ومغلوووب ودا حال الدنيا
الدور والباقي على الفيران المرقت من
جحورها بعد ما الزعيم خسر المباراة ... |
طيب ياخي وقت عارف إنها كورة وإنها غالب ومغلوب حارق اعصابك مالك و الكلام المالذيذ لزومو شنو؟ عارفين نحنا المريخ شنو و مهما حصل بنحترمه و نحترم ناسه زي الهلال واحد وما ممكن نقول عليهم فيران وعادي قبل كدا سمعنا شماتة وتعليقات واكلناها عارفين الكرة مدورة و بتجي فرصتنا وكلو في حدود الإحترام و المناكفات الفي الكورة ما لذيذة منك يا صفوة
| |
|
|
|
|
|
|
Re: ذهاب نهائي الكونفيدرالية : المريخ يتواضع ويخسر برباعية من الصفاقسي التونسي (Re: نادر محمد الراضي)
|
Quote: المريخ هو المريخ .... هو التاريخ
الكورة غالب ومغلوووب ودا حال الدنيا
الدور والباقي على الفيران المرقت من
جحورها بعد ما الزعيم خسر المباراة ...
ولهؤلاء أقول الزعيم يمرض ولكن لا يموت |
لو كنتا مريخابيا لاتلزمت الصمت..ولقدمة اعتذارى الى الشعب السودانى والجمهور الرياضى ردا فردا بما اقترفه المريخ من تشويه لصورة الكوره السودانيه!!
ــــــــــــــــــــــــــــــــــــــــــــ فار يا كوكو ....هسةى الفار عندو كم رجل؟؟!!
| |
|
|
|
|
|
|
Re: ذهاب نهائي الكونفيدرالية : المريخ يتواضع ويخسر برباعية من الصفاقسي التونسي (Re: Rakoba)
|
Quote: انتو لاعبين النهائي متين؟ |
و الله الاختشوا ماتوا عديل كدا ... الناس دا عندها لسان تتكلم بيهوو .. مرمطوا بي سمعة كورتنا الوطاء ... نحن نبني و نبي و يجي اقزام الليق ديل يهدوا كل البناينهووو ....
فريقكم دا جزء ودهوا دار العجزة و المنسين و جزء ودهوا المنطقة الصناعية لزوم المسامير الكتيرة ...
واحد امس بيحضر فى الكورة معانا قال لي الكورة دا فى تونس و لا شنو !!!!! اذا كان فى الخرطوم 4 فى تونس كم يا ربي 8 ولا 9 .... تاني ما تجوا تقولوا ارجاء غلب الهلال خمسة انت فى بلدك و بين جمهورك و اخدت اربعة لولا الحكم الحني على حالكم و ادكم ضربة جزاء متعودة ...
| |
|
|
|
|
|
|
|