|
|
 محمد حسن يا شليق...شنو الوداك تشوف (الكودة) في الليق مع اهداء خاص بكل المودة لمحمد فرح
|
لاني قررت بيني وبين نفسي اطلق السياسة المابعرف فيها شي بالتلاتة ، قمت شفرت عيوني على قنوات تلفزيونية معينة
الاثيوبية
الاريترية
وهارموني
خاااصة ( خليك قريب من العين ومن القلب)، والتانية التنفخ هارموني
ما عليناامس وبعد غيبة طوييييلة قلت اشوف السودانية واشوف اخبار العجين ن عاسوهو والا لسة
واذا بي القى نفسي في برنامج الخط الساخن
احيي
ضغطي بقى ساخن وارتفع
جبت الحبوب
والموية
وبلعت نص فتيل
يا ريت لو كنت بشرب العرديب ( ما المصران الاحوص ما بنفع معاه العرديب)
المهم.ز الزول البقدم البرنامج ده اقترح على ناس التلفزيون يعملوا برنامج رسايل الولايات الخاصة باخبار حكومة الولايات ودوهو يقدمها او اي حاجة بس برنامج بتاع قضايا حيوية لا لانه بموتها لدرجة التفطيس
كان البرنامج يامحمد فرح عن تغيير المواقف مثلا الحرك اتغير موقفها من ( الوحدة ) (للغابة) وكان في لوا بتاع حركة والقصة كلها شلاليت في شلاليت
الى ان تداخل مبارك الكودة معتمد العاصمة وهو مفتكرها عاصمة البطانة
دي يا مبارك الكودة الخرطوووووووووووووووووووم محل الطيارة بتقوم والرئيس بنوم
ويمتاز الكودة بانه رجل ضيق الصدر مأنما يصعد في السماء
المذيع البارد في الخط الساخن ساله عن ليه الاستعجال في نقل المواقف قبل ما تسبقه حركة ارشاد وتوجيه وتجهيز للمواقف الجديد
ولانه المذيع ما عارف انه السودان ليه 17 سنة شغال بي سياسة نفذ ثم ناقش الى ان غطس الغطسة الما بعدها قلعة ( ابو ندى)
الى ان ساله وقال ليه يا سعادة المعتمد لو واحدة ساكنة امدرمان وعندها قريبها راقد في مستشفى الخرطوم تصل كيف؟
وانبرى المعتمد قائلا بانفعال:
هي تمش ليه في الخرطوم ليه
ما تمشي ليه في مستشفى امبدة
( وهنا والله ضحكت جنس ضحك زمن ما ضحكته)
واتخيلت انو الحاجة دي مشت مستشفى امبدة حيلاقيها الغفير ويسالها سؤال نكير
- ماشة وين يا حاجة؟
- ما شة ازور محمد حسن عيان ورقدوه
- رقدو وين؟
- رقدوا في مستشفى الخرطوم
- بس يا حاجة دي مستشفىامبدة
- عارفة يا ود حشاي ، بس المعتمد قال الساكن في امدرمان وعنده زول عيان في الخرطوم يمشي امبدة
والساكن الثورة وعنده زول عيان في احمد قاسم يمشي البلك
والساكن الكلاكة وعندو زول عيان في سوبا يمشي جبل اولياء
وهكذا دلدليك
واخونا مبارك الكودة من كسلا واخد الاسلام على المذاهب الاربعة
الختمية
وانصار السنة
الجبهة القومية
واخيرا المؤتمر الوطني ... جاخ
نسى انه سيدنا عمر قال لو عترت بغلة بالعراق لسويت لها الطريق ما قال هي البغلة دي البوديها العراق شنو
الحلقة بردت شديييييييييييد وبقوا يتكلمو عن المرحلة ( التالتة) وهي الكباري الطايرة
وفعلا الخرتوم محتاجة كباري طايرة
لانها
عاصمة الشيكات الطايرة
|
|
 
|
|
|
|
|
|
|
|
Re: محمد حسن يا شليق...شنو الوداك تشوف (الكودة) في الليق مع اهداء خاص بكل المودة لمحمد فرح (Re: ادريس خليفة علم الهدي)
|
والله يادكتور
بي صراحه
الكوده كمل المبالغه في الكلام القالوا ده
الله يصلح الحال
عموماً سأحاول أن أجيب بدلاً عن الكوده على سؤال المذيع
المره الجايه من أمدرمان ودايره تزور قريبها الراقد في مستشفى الخرطوم أمامها ثلاثة حلول لارابع لهم
1/ إذا كانت صحتها سمحه وتستطيع المشي فعليها به
2/ يمكنها أن تركب مواصلات الصحافه وتنزل أمام مستشفى الخرطوم
3/ إذا كانت أحوالها الإقتصاديه كويسه فيمكنها ركوب (أمجاد) من الموقف إلى المستشفى وعليها أن لاتدفع لصاحب الأمجاد أكتر من ألفين .
مؤونة عام من الود
| |
|
|
|
|
|
|
|
|
 Re: محمد حسن يا شليق...شنو الوداك تشوف (الكودة) في الليق مع اهداء خاص بكل المودة لمحمد فرح (Re: د.محمد حسن)
|
اخوي
محمد حسن
ان شاء الله تبري من المصران .. والضغط
انا طبعا جيت قلت اشوف الخط الساخن مع منو ..
لقيتو واحد لابس حركة .. وقالوا مدير الأدارة العامة للحركة ..
وطلع زول مافاهم اي حاجة ... ويبدو انو من جماعة جاخ ..والولاء قبل الكفاءة ..
وفجاءة جاء
صاحبك الكودة ..
طبعا طوالي انا اذكرت شتايمة واتهاماته لبائعات الشاي ..
قلت اشوف يمكن يقول حاجة تاني .. يشتم بائعات الكسرة ..
لكنه صراحة ..
ليس له حجة
ولا منطق
ولا عقل ..
وبكل اسف
ليس له مثقال ذرة من ادب ..
كرب كرب كرب .. قفلت التلفزيون .. والنوم طار ..
والعقل اشتغل ..
كيف يحكموننا امثال هذا المعتوه
| |
|
|
|
|
|
|
|
|
|
Re: محمد حسن يا شليق...شنو الوداك تشوف (الكودة) في الليق مع اهداء خاص بكل المودة لمحمد فرح (Re: د.محمد حسن)
|
Quote: الختمية
وانصار السنة
الجبهة القومية
واخيرا المؤتمر الوطني ... جاخ
نسى انه سيدنا عمر قال لو عترت بغلة بالعراق لسويت لها الطريق ما قال هي البغلة دي البوديها العراق شنو
|
سألت واحد انصار سنة زمان ايام المدرسة عن حكاية الجلابية المتل باب حمام الداخلية
قال دي زي السلف !
سألناه طيب كان الزي السائد في ذلك الوقت قال نعم قلنا اكيد حتي الكفار كانوا بلبسو زي كده
وعينك ما تشوف الا النور الرجل اعلن علينا الجهاد قال نحن بنشبه المؤمنين بالكفار
يا اخوي محمد المرور بمرحلة انصار السنة دي يحتاج الي اعادة تأهيل و كي بالنار
| |
|
|
|
|
|
|
| |
د.محمد حسن
ابو جهينة
ادريس خليفة علم الهدي
محمد فرح
ahmed haneen
osman righeem
فيس بوك
تويتر
انستقرام
يوتيوب
بنتيريست