|
|
 من الخرطوم ســـلام و كل سنــة و أنتم طيبين و عيدكم مبارك
|
احبتي الكرام ســـلام من الله عليكم أينما كنتم و متعكم الله بالصحة و العافية و عيد سعيــد و كل سنة و أنت طيبون و حقق الله أمانيكم.....
أولاً نسبة لإنقطاعي فترة الثلاث أسابيع الماضية عن المنبر أتقدم بالتهنئة لكل من كان لديه مناسبة فرح له و لأسرته ...
كما أتقدم بصادق مواساتي لكل من فقد عزيز لديه في تلك الفترة و لم أستطيع أن أشــارك فيهما و لكم العتبى حتى ترضوا....
و أخيراً بعد غيـاب طويل عن الوطن حطت بي طائرة الخطوط الجوية السودانية القادمة من الشارقة يوم الثلاثـاء 27 رمضــان الموافق 9/10/2007 و هو نفس اليوم الذي صادف قدوم بعثة المريخ من نيجريا ... وصلت الطائرة في التمام الساعة السادسة و الثلث مساءً و من بعدها وصلت بعثة فريق المريخ عن طريق طيران الإمارات و حلت الفوضى بالمطار حيث لا رغيب و الكل كان مشغول بمواعيد الإفطار عدا ضباط الهجرة أما ضباط الجمارك حضروا بعد تناول الإفطار .. و الشئ المؤسف لم تكن هناك عربات ترولي (Trollyes) لنقل أمتعتنا و جراء ذلك إتجه كل القادمين لإستجلاب عربات من الشارع و عم الهرج و الفوضى في المطار نسبة لتجمع جماهير المريخ لإستقبال الفريق أمام المدخل و عدم وجود رجال الشرطة في ذلك الوقت و لسؤ الحظ فقد أحد المواطنين القادمين حصاد غربته عندما ذهب لجلب عربة ترولي من الخارج حيث تم نشله مبلغ عشر آلاف دولار و بالطبع فقد عقله و أصبح يصيح و يمزق في ثيابه و لكن قرر كل القادمين بعمل ختة له علها تساهم في حل مشكلته ... و هكذا تعودت فئة من ضعاف النفوس بقتل الفرح في شفاة البعض نســأل الله أن يعوضه ماله و أن يصبره....
الشكــر للأخ ناذر الخليفة و للأخت إنعام عبد الحفيظ الذين بادروا بالإتصال و الترحيب بي و إن شــاء الله سوف ألتقي بكم جميعــاً على الهواء مباشرةً بعد أن إلتقينــا إسفيريــاً و ربنا يجمعنا في ســاعة خير و محبة و كل عام و أنت بخير .....
رقم هاتفي: 15000130 09
هيثم عبدالعزيز.......
|
|
 
|
|
|
|
|
|
|
|
Re: من الخرطوم ســـلام و كل سنــة و أنتم طيبين و عيدكم مبارك (Re: Haytham Abdulaziz)
|
| Quote: أخيراً بعد غيـاب طويل عن الوطن |
يا حبيبو كل سنة و انت طيب و ربنا يحقق كل أمانيك القريبة و البعيدة .....
مع إني برضو كنت منقطع من المنبر لي زمن كدة لكن و الله بالجد ليك و حشة يا حبيب
أرجو أن تنتهي جرسة الغربة بزيارتك الحالية و تقوم تصفر معاها العداد إستعدادا لجُرس أخرى .....
تحياتي ليك و إجازة سعيدة و تعال سريع للمنبر ...
أيضا التحايا لبورداب الخرطوم و الأخ ناذر الخليفة
مشاغلة :
أحيي أنا يا كبير ... ما قلتو نوبة ؟ .... طلعت كبير المتجرسين و عملت بيان بالعمل و جريت السودان عديييييييل ... 
بي تحت تحت :
عقبالنا 
| |
|
|
|
|
|
|
|
|
|
Re: من الخرطوم ســـلام و كل سنــة و أنتم طيبين و عيدكم مبارك (Re: غباشي)
|
Quote: يا حبيبو كل سنة و انت طيب و ربنا يحقق كل أمانيك القريبة و البعيدة .....
مع إني برضو كنت منقطع من المنبر لي زمن كدة لكن و الله بالجد ليك و حشة يا حبيب
أرجو أن تنتهي جرسة الغربة بزيارتك الحالية و تقوم تصفر معاها العداد إستعدادا لجُرس أخرى .....
تحياتي ليك و إجازة سعيدة و تعال سريع للمنبر ...
أيضا التحايا لبورداب الخرطوم و الأخ ناذر الخليفة
|
حبيبنا الولد الشقي غباشي يـاااخ عليك الله مشتاقييين وييينك مختفي يا حبيب ... تعرف يا حبة بالرغم من يادوب لي تسعة يوم لكن الواحد أحسن يعمل تكس إرجع لأنه الحالة سعبة خالس  ... كيف إنت عامل بهناك و إن شاء الله جايي قريب... و بمناسبة بورداب الخرطوم فهم أناس رائعون بمعنى الكلمة قابلت البعض منهم و لظروف العيد منهم من إتصل بي و إن شاءالله سوف أقابلهم و أبلغهم تحاياك...
Quote:
مشاغلة :
أحيي أنا يا كبير ... ما قلتو نوبة ؟ .... طلعت كبير المتجرسين و عملت بيان بالعمل و جريت السودان عديييييييل ... بي تحت تحت : عقبالنا |
أحييي أنا نوبة.. لكن ميد إن تــايوان ... لكن بالشئ الشايفو دا أحسن برضو من نــاس كـــدة و عقبالك يا حبيبنا لمن تجي تشوف براك... و مشكووور يا حبة....
| |
|
|
|
|
|
|
|
|
|
Re: من الخرطوم ســـلام و كل سنــة و أنتم طيبين و عيدكم مبارك (Re: عماد شمت)
|
Quote: كل عام وانت بخير واسرتك الكريمه بالف خير
حبيبنا هيثم انشاء الله حقيبتك تكون مليئه بالدرر
كما عودتنا دائما ..متشوقيين ومترقبين ما تخرجه لنا من كيس الزكريات
اما السودان فيا حبيب انسي انا شخصيا قنعت تب ..وكل ما اقارن اقتنع زياده
انه مافي طريقة ... الي ان نلتقي لك كل حبي وودادي |
صديقي العزيز العمدة ود شمت كل سنة و إنت طيب و حقق الله آمالكم و جمع شملكم... تعرف يا عماد طبعاً الواحد زي غريب في بلدي .. المناظر هي زاااتا و الصور نفس المشاهـد... بس اللغة إتغيرت و بقى في كلام بنضرب قدامك و تكون زي الأطرش في الزفة يعني لازم يكون معاك مترجم عشان تفهم لغة العصر ... طبعاً يا عمدة كنت متوقع أملأ حقيبتي بالدرر لكن جيت لقيت الأغاني مثل (الفتان جوالو .. شغل أفكاري مالو.. و الصفقة مالا تعبانة و النبق النبق .. و جب جب جب) دي درر الأيام دي تتخيل... كدي حاول تعال زيارة سريعة كدة و شوف بنفسك و بعداك أعمل تكس راجع... حتى نلتقي يا حبيب لك كل الود..
| |
|
|
|
|
|
|
|
|
|
Re: من الخرطوم ســـلام و كل سنــة و أنتم طيبين و عيدكم مبارك (Re: محمد البشرى الخضر)
|
Quote: حمدا لله على السلامة يا عمك
و كل سنة و إنت طيب, عسى الأسرة الكريمة بخير
تحياتي لهم مع الأمنيات بإجازة سعيدة
|
الحبيب ود البشرى كل سنة إنت و أفراد الأسرة طيبون و عســـاكم من عواده.... لظروف التجهيزات للسفر لم أستطيع المشاركة في إفطار بورداب الإمارات فأرجو أن تبلغهم التحايا و التبريكات بالعيد السعيد...
| Quote: و إنت جاي جيب لينا معاك الشي زاتا |
قلت كــدي ... ثمـــح .. بس دعواتــك يا عمــك....
| |
|
|
|
|
|
|
|
|
|
Re: من الخرطوم ســـلام و كل سنــة و أنتم طيبين و عيدكم مبارك (Re: ودالعباسية)
|
Quote: يا ولدنا ،،
اوع تكون متكل جنب بتاع اخصائ العرديب دااااك ،، |
و الله يا ولدنا لو كان مشيت عليهو كان أحسن .. تعرف انا من يوم الخميس ممكون بأنفلونزا حادة و ما شميت العافية إلا اليوم .. غايتو شئ تمسح بزيت السمسم و القرض و شئ أدوية .. طبعاً دي ضريبة العودة من الكندشة... و متوقعك بجاي يا حبيب في الشتاء دة...
| |
|
|
|
|
|
|
|
|
|
Re: من الخرطوم ســـلام و كل سنــة و أنتم طيبين و عيدكم مبارك (Re: انعام عبد الحفيظ)
|
Quote: هيثم عزيز وفي رواية أخرى من (انعام حيمورة) هيثم أبو زيد
سعيدين بطلتك وبوجودك بيننا
بس مباراة انعام حيمورة دي بتوديك الآخرة
اعمل حسابك انا كلمتك
قال واحة قال
|
العزيزة إنعام سعدت كثيراً بلقياكم إنت و إنعام (أبوزيد) طبعاً من يوم الواحة أنا ما ضقت راحة و بقيت واااح وااح واااحة .. إنفلونزا حادة كادت توديني الآخرة قبل قندهار و الناقة لكن برضوا منتظرين ... وييين حبيبنا عوض حمزة؟؟؟
| |
|
|
|
|
|
|
|
|
|
Re: من الخرطوم ســـلام و كل سنــة و أنتم طيبين و عيدكم مبارك (Re: احمد معتصم الطيب)
|
Quote: هيثم ياعزيز
كل عام وأنت والأسرة الكريمة بخير
ياخى كنت تكلم معاك غباشى وتسوقو
معاك الزول كابي الجرسة ماعندك زوق
ياهيثم |
حبيبو أحمد المعتصم .. كل سنة و إنت و أسرتك بألف خير و إن شــاء الله نسمع عما قريب تكونوا بقيتو تلاتة ... تعرف يا حبة الولد الشقي غباشي دة بعمل حركات ســاي .. والله لو جا مطار الخرطوم بالحالة الشايفة أنا دي برجع بنفس الطيارة .. سيــد جرسة دة بكون بقى زي مايكل جاكسون ما بستحمل السخانة .. غايتو أنا نوبة و قدرت أستحمل لكن تحت تحت كدة المكنة خفت و بقت طواااالي دايرة موية غايتو ربك يسهل... تحياتي يا حبيب...
| |
|
|
|
|
|
|
|
|
|
Re: من الخرطوم ســـلام و كل سنــة و أنتم طيبين و عيدكم مبارك (Re: Haytham Abdulaziz)
|
| Quote: العزيزة إنعام سعدت كثيراً بلقياكم إنت و إنعام (أبوزيد) طبعاً من يوم الواحة أنا ما ضقت راحة و بقيت واااح وااح واااحة .. إنفلونزا حادة كادت توديني الآخرة قبل قندهار و الناقة لكن برضوا منتظرين ... وييين حبيبنا عوض حمزة؟؟؟ |
هيثم
والله الويرلس اليوم اطلقوه متين لقطوا كدي بالسرعة دي ودخلت !!!
سلامتك والواحة واوزون والخليل كرامتك ..
| |
|
|
|
|
|
|
|
|
|
Re: من الخرطوم ســـلام و كل سنــة و أنتم طيبين و عيدكم مبارك (Re: احمد معتصم الطيب)
|
Quote: أسمع ياهيثم دى
فى وأحد صاحبنا كدا من يصل الخرطوم شابكة أوزون وأمواج مدلع نفسو شديد
خالص وكل ماتتصل على تعالى فى اوزون وحاجات كدا كبيرة كبيرة بس أديهو
عشرين يوم والجيب يتلحس تلقاهو مصنقر فى بنبر ويضرب ليك فى الفول والكوارع |
غايتو الله يستــر علينــا ما نبقى زيو و نعمل تكس يرجع للميس بخفي حنين... تعرف يا بوحميد البلد فيها أي حاجة بس دايرة ليها شجرة قروش و عربية فيستو مكندشة عشان تستمتع بيها...
| |
|
|
|
|
|
|
|
|
 Re: من الخرطوم ســـلام و كل سنــة و أنتم طيبين و عيدكم مبارك (Re: انعام عبد الحفيظ)
|
| Quote: الف سلامة يا هيثم وفقدناك |
الله يسلمك ... و الله مشتــاقيين ياااخ...
| Quote: يا هيثم عوض حمزة قااااااااعد بس بدأ يتجرّس من الرجعة... انت خليك صنديد وما تتجرس |
تحت تحت أنــا زاااطو بديت أتكرش.... غايتو ما عارفنها ماشة على وييين...
| Quote: غايتو انعام دي فضيحة كبيرة خلاص |
مع إنو أنا شـاعر اللستة ناقصة ليها كم مطعم كدة... لكن لمن أفضى ليها كويييس يا إنعــام...
| |
|
|
|
|
|
|
|
|
|
Re: من الخرطوم ســـلام و كل سنــة و أنتم طيبين و عيدكم مبارك (Re: Haytham Abdulaziz)
|
و لا يفوتني أن أشكــر أخواني الأعــزاء:
لــؤي شمـــت
صــديق رحمــة
عمــاد محمــود
الذين إتصـلوا بي من على البعــد مباركين لي العيــد و ســلامــة العــودة.... أشكــركم جزيل الشكــر يا غاليين .. لقـد تعرفت عليكم بهذا الحوش و كنتم و ما زلتم لي نعم الأخوان .. ف إتصالكم بي أثلج صدري و جعلني أشعــر بأن هنالك فعلاً أخوان لم تلدهم أمي.... متعكم الله بالصحة و العافية و حفظكم لأهلكم.... و رد الله غربتكم....
| |
|
|
|
|
|
|
|
|
|
Re: من الخرطوم ســـلام و كل سنــة و أنتم طيبين و عيدكم مبارك (Re: Gaafar Ismail)
|
Quote: العــزيز هيثــم
تحية طيبة وكل عام وانت بخير وعافية
أتمنى لك إجازة سعيدة في ربوع الوطن بين الأهل والأحباب .
صادق مودتي |
العم العزيز جعفر عســاك بخيــر....
و كل سنــة و أنت أفراد الأســرة طيبين و ربنا يحقق أمانيكم.... طبعــاً الواحد جاء الســودان و طوالي أدى الضريبة المرضية الإجبارية .. إنفلونزا حادة و جسم منحول ... لكن الحمدلله على كل حال .. و الواحد يادوب شمة العافية... و كتر خيرك على المرور و التهنئة.....
| |
|
|
|
|
|
|
|
|
 Re: من الخرطوم ســـلام و كل سنــة و أنتم طيبين و عيدكم مبارك (Re: حاتم هاشم)
|
Quote: بسم الله الرحمن الرحيم
سلام ...
هيثم ود عبدالعزيز
الزوول اللزيز .
كل عام وانت واسرتك الكريمه بخير و عافيه .
|
حبيبو حاتم هاشم كل سنة و أنت طيب و ربنا يديك الفي مرادك و يحقق أمانيك.....
سعــدت كثيراً بمرورك هنا و هذا ما تعودناه منك ... كيف إنت عامل في الغربة عسى أن تكون بخير... و
ربنا يجمعك بأهلك في ساعة حب و سرور....
| |
|
|
|
|
|
|
|
|
|
Re: من الخرطوم ســـلام و كل سنــة و أنتم طيبين و عيدكم مبارك (Re: Ishraga Haimoura)
|
Quote: هيثم
الزول الإنسان
إزيك ياخ
كفارة وسلامتك وغداء الواحة كرامتك
يكونوا سحروك ناس أمدرمان |
الزولة الطيبة إشراقة بت حيمورة ... حقيقي سعدت كثيراً بالتعرف عليكم جميعاً عن قرب... و لم يخيب ظني فيكم و هكذا الناس بالناس كنتم لنا نعم الأخوات .. الله يحفظكم من كل سؤ...
طبعاً يا إشراقة عشاء الواحة دة كان الطامة الكبرى دي بتكون عين بورداب امدرمان (بهاء و محمد عبدالرحمن و عوض حمزة ) لأنه بعديهو بيوم أنا كنت طريح الفراش .. لكن دي ياها ضريبة المغترب لازم ياخد المناعة السودانية حتى يتأقلم على البلد و اهو الحمدلله يادوب بديت أشم العافية و بديت في صيام الستوت.... و بعداك الواحد يفضى لمقابلة الجميع بإذن الله....
| |
|
|
|
|
|
|
| |
Haytham Abdulaziz
Alsa7afa_30
Mustafa Mahmoud
غباشي
محمد البشرى الخضر
هاشم أحمد خلف الله
عماد شمت
انعام عبد الحفيظ
ودالعباسية
Muna Khugali
احمد معتصم الطيب
انعام حيمورة
Gaafar Ismail
حاتم هاشم
Ishraga Haimoura
فيس بوك
تويتر
انستقرام
يوتيوب
بنتيريست