|
|
 شوفوا ده كمان ... سبحان الله يا الطاهر ساتي !!!!!!
|
كتب الطاهر ساتي بصحيفة الصحافة اليوم :
اليكم
شكراً لأمير البلد .. وآخرين ..!!
الطاهر ساتي
كُتب في: 2007-10-08
[email protected]
** هكذا المستديرة حين تدور في الملعب تحت أقدام اللاعبين ، هى كالدنيا تماما ، تفرحك يوما وتحزنك يوما ، تعطى لمن يجتهد وتحرم من يتقاعس ، ولكن هنا دائما وجه الحظ أو سوء الطالع الذي حين يفرض نفسه في أرض الملعب يحرم المجتهد ليصعد غيره ، ومنتخباتنا الرياضية - سودانا وهلالا ومريخا - اجتهدت في موسمنا هذا اجتهادا سرت له القبيلة الرياضية ، بالجهد تأهل المنتخب القومى الي نهائيات الأمم الافريقية المرتقبة في غانا .. وبالجهد تخطى الهلال مراحل في منافسات اندية ابطال افريقيا ثم شاء سوء الطالع بأن يخرج في الدور قبل النهائي بعد مباراة - وان غاب عنها المعز محجوب - لم يغب عن روح الفريق حب الهلال وصدق الانتماء الذي لا يعرف التمرد ، ورغم ان أسباب الخروج عديدة ، الا ان شارع العرضة ساخط على المعز أكثر من سخطه على المدرب والادارة واللاعبين ، وهنا تكمن قيمة أن تعطى لفريقك كل جهدك وماضرك بعد ذلك الا تنتصر ، فالجماهير الوفية تقدر قيمة « الجهد والعرق » وتحتقر « التمرد و التخذيل » مهما كانت الدواعي ، ولذا نامت ليلة الاحد حزينة - وليست ساخطة - على سيد البلد الذي اجتهد .. !!
** ثم كانت ليلة الأمس فرحا مريخيا عم البلد بمناسبة التأهل بجدارة الي نهائي كأس الفيدرالية ، والمريخ أهل لهذا الكأس ، اذ ليس غريبا - ولا جديدا - على الاحمر الوهاج بأن يأتى لجماهيره وكل الشعب بالكأسات المحمولة جوا ، ورغم خسارته بثلاثية نيجيرية ساهمت فيها الارض والجمهور وقليلا من التحكيم الافريقي الموبوء بالانحياز ، فال «حكم الافريقي » كثيرا مايكون في أرض الملعب مثل « الحاكم الافريقي » في أرض القارة ، فالقاعدة لكلاهما هى الظلم ، اما العدل فانه استثناء ، وحكم مباراة المريخ الفائتة كان من زمرة حكام القاعدة ، واجتهد - مع النيجيري - لهزيمة المريخ ، واضاف للزمن الرسمى للمباراة اكثر من عشر دقائق ، ولولا الحياء ربما لانهى المباراة فجر اليوم ، ورغم كل هذه الظروف القاحلة صمد المريخ وخرج لاعبوه من الملعب رافعين علامات النصر التى أضافت لليالي الخرطوم مساحة من التوهج النابع من قلوب المحبين ، كان ولا يزال وسيظل رائعا هذا المريخ الذي يعطي مثل الشجر الاخضر حين يصيب الارض يباس ، وكل آمال الجماهير الرياضية أضحت تترقب معركة النهائي وهى تحدق في لمعان الكأس وميداليات الذهب التى ستتشرف - باذن الله - بمعانقة صدور شبابنا في تونس ..!!
** قصدنا - عزيزى القارئ - أن ننظر الى النصف الملئ في كوب حياتنا العامة ، وان نمنح بعض الذين يصنعون الأفراح ثم يوزعونها في بيوتاتنا ومتاجرنا واسواقنا وشوارعنا ، نمنحهم صوت شكرنا على جهدهم المقدر المبذول - زمنا ومالا وعرقا - في رسم البسمة على شفاه نادرا ماتبتسم في زمان البؤس هذا .. شكراً للدكتوركمال شداد - واركان حربه - لتأهيلهم منتخبنا الى نهائيات غانا ، شكراً للسيد جمال الوالي - وكوكبته المعطاءة - لتأهيلهم لأمير البلد الي مباراة الكأس ، وكذلك شكراً للسيد صلاح ادريس - ورفاقه - على الاجتهاد الذي ماضره الا يصيب ، شكراً لهم جميعا ، وشكراً لكل « أهل الرياضة » .. ونأمل أن تكتمل أفراحنا بحيث نجد يوما نشكر فيه أيضا كل .... « أهل السياسة » ..!!
____
المحير في الوضوع الزول ده لا بعرف في الكورة لا بعرف الهلال بلبس ياتو زي ولا المريخ ..
نجار ساااي ....
وكمان شنو ؟ قال ناس شارع العرضة زعلانين من المعز محجوب ...
في ذمتك المعز ده بلعب في الهلال وللا المريخ ؟
يا زول خلي الكورة للخبازين وامشي شوف اوكامبو ما يكون جاب اسمك مع هارون وكوشيب
|
|
 
|
|
|
|
|
|
|
 Re: شوفوا ده كمان ... سبحان الله يا الطاهر ساتي !!!!!! (Re: عبد المنعم سليمان)
|
يا ابوعبده القصد زي ما قال الطاهر :
Quote: قصدنا - عزيزى القارئ - أن ننظر الى النصف الملئ في كوب حياتنا العامة ،
وان نمنح بعض الذين يصنعون الأفراح ثم يوزعونها في بيوتاتنا ومتاجرنا واسواقنا
وشوارعنا ، نمنحهم صوت شكرنا على جهدهم المقدر المبذول - زمنا ومالا وعرقا -
في رسم البسمة على شفاه نادرا ماتبتسم في زمان البؤس هذا |
دي حقيقة والله..
| |
|
|
|
|
|
|
|
|
|
Re: شوفوا ده كمان ... سبحان الله يا الطاهر ساتي !!!!!! (Re: عبد المنعم سليمان)
|
يا خالد ما قلنا حاجة 10 صح
بس الزول ده ما يقعد ينظر ويتكلم عن الامور الفنية الكروية
معز مالو وريكاردو ايه .. الزول ده في الرياضة ماشي ام فكو ...
اما تناولو للموضوع من النواحي التانية 100 ال 100
----
يا خالد الزول ده زولي وما عاوزو يتورط ...
بكره يجي يتكلم عن شيلسي وللا فيردر بريمن وللا برشلونة يدخل الجريدة في ورطة .
__
الطاهر
الفوق ديل اسماء اندية عالمية ما تفكرهم كمان مضادات حيوية
| |
|
|
|
|
|
|
|
|
|
Re: شوفوا ده كمان ... سبحان الله يا الطاهر ساتي !!!!!! (Re: وائل طه محى الدين)
|
وائل طه..شووووق والله..
كل عام وأنت ومنعم والطاهر وكل الشرفاء بألف خير
علي أمل أن تعود للسودان عافيته بعيدا عن هؤلاء القتلة المجرمين
وأن يأخذ وطننا مكانه الجدير به بين أمم الأرض معززا مكرما محترما
محبوبا وأن ينعم اهله بالوحدة والحرية والديمقراطية والعزة والكرامة
والتنمية المستدامة والرفاه وأن يعم الحب والأمن والطمأنينة والعدل
والمساواة كل أبنائه في كل ربوعه ونجوعه.
تقبل تحياتي..
| |
|
|
|
|
|
|
|
|
|
Re: شوفوا ده كمان ... سبحان الله يا الطاهر ساتي !!!!!! (Re: عبد المنعم سليمان)
|
يا منعم مالك مع زولنا ده ياخي ..
هسع في ذمتك البنظرو بين الشوطين دبل أحسن من الطاهر في شنو؟
ولا يعني إلا يبقى مراسل للبي بي سي !!!؟؟
ولا شهادة القيد الصحفي حقته فيها إستثناء .. ينضم في كل شئ إلا الرياضة ّ!!؟؟
أكان بقت على المضادات الحيوية القلتها فوق دي .. بس يقعد قدام التلفزيون يحضر أي دوري أوربي شغال ..
على الطلاق بعد أسبوع واحد فقط مشاهدة كان قلت ليه في انقلاب جاب خبر الإنقاذ تاني ما يكتب في السياسة ..
مش تقول لي حق اتفرقت ولا هالة سافرت..
| |
|
|
|
|
|
|
|
|
|
Re: شوفوا ده كمان ... سبحان الله يا الطاهر ساتي !!!!!! (Re: الطاهر ساتي)
|
Quote: واحد من اتنين
ياحاسد المريخ على الصعود للنهائي بعد خروج الهلال نهائيا ...
يا حاقد على الكورة ذاتها لانهانافست صلعتك في تدويرتا ......... |
كل الإجابات صحيحة يا الطاهر..
-----------------------------------------------
علا مسئول من الخير يا الطاهر اخوي..الزول ده يا ربي بيكونوا هرشوه ولا شنو ..
الجماعة راجينه صفوف في بوستات نضالية أخري هو بيمارس في حقد رياضي ضد المريخ بجاي.
| |
|
|
|
|
|
|
|
|
|
Re: شوفوا ده كمان ... سبحان الله يا الطاهر ساتي !!!!!! (Re: محمد نور أحمد)
|
الزول الجميل محمد نور
| Quote: الجماعة راجينه صفوف في بوستات نضالية أخري هو بيمارس في حقد رياضي ضد المريخ بجاي. |
بوستيهو ده ذاتو هروب عديييييييييل من البوستات النضالية ...
انت قايل كل المناضلين بيقدرو يناضلو بنفس طويل ....
وفي حاجة اسمها دبرسة بتخلينا نكتب كتابات خارج النص وبتخلى بوستات منعم برضو خارج النص ...!!
والله لو ماخارج النص ده كنا انشقينا نصين .........
مودتى لك بلا حدود ... وتصوم وتفطر على خير
| |
|
|
|
|
|
|
|
|
|
Re: شوفوا ده كمان ... سبحان الله يا الطاهر ساتي !!!!!! (Re: عبد المنعم سليمان)
|
| Quote: قلنا ليكم خلوا الكورة لناسا |
تكاد تكون هى الوحيدة الموحدة مشاعر الناس في بلدنا دى
بعد ان اصبحت منفذا وحيدا - بلا رفيق - يطل منه الفرح العام
يا عبد المنعم لو ما أفراحنا الرياضية دى
مع زيادة اسعار الدقيق والرغيف الناس كان حتلقط الورق في الشارع ...
بلاهى خلينا نفرح شوية مع عامة الناس
ديمقراطيتك الخاصة القاطعا من راسك ده بتحتكر حتى الفرح العام ..؟....
| |
|
|
|
|
|
|
|
|
|
Re: شوفوا ده كمان ... سبحان الله يا الطاهر ساتي !!!!!! (Re: عبد المنعم سليمان)
|
ياخونا الطاهر سلامات عاطرة
اعجبتني مقارنتك الواقعية و التي احسبها لب الموضوع الذي طرقته في عمودك بين الحاكم الافريقي المتسلط في رقاب عشيرته و بين التحكيم الافريقي الذي بيده ادارة دفة نتائج المبارياتو لا يخلو مقالك من نزعة التفاؤل بإمكانية الفرح السوداني في إحدى المجالات و إن غاب في أخرى
غير اني و لمعرفتي بك من خلال كتاباتك ارجو أن يكون نقدك اللازع للديكتاتوريات المختلفة المتسلطة ينبع من فؤاد تتملكه نزعات الحرية و الديمغراطية و ليس لمجرد إختطاط مترادفات موزونة لإدارة الباب و عقول القراء
تقبل تحيات العلماني
| |
|
|
|
|
|
|
|
|
|
Re: شوفوا ده كمان ... سبحان الله يا الطاهر ساتي !!!!!! (Re: هضيبي علي سعيد)
|
الاخ هضيبي ... رمضان كريم
| Quote: ارجو أن يكون نقدك اللازع للديكتاتوريات المختلفة المتسلطة ينبع من فؤاد تتملكه نزعات الحرية و الديمغراطية و ليس لمجرد إختطاط مترادفات موزونة لإدارة الباب و عقول القراء |
انت ترجو ذلك .. وانااتمنى ذلك.. وقد يكون هنا آخرا يأمل ذلك
ومابين الرجاء والامنية والامل ..نسال الله أن يوفقناواياك لمافيه خير بلدنا
ويبعدنا واياك عن مافيه شرا لبلدنا ...
| Quote: تقبل تحيات العلماني |
تقبلته بصدر رحب ، فتقبل احترام ومودة انسان سودانى
| |
|
|
|
|
|
|
|
|
|
Re: شوفوا ده كمان ... سبحان الله يا الطاهر ساتي !!!!!! (Re: هضيبي علي سعيد)
|
أخونا هضيبي سعيد ..
Quote: يا الداخل لفت البتحدد البتقبلو منو و المابتقبلو منو
ما عجبك الاسم و لا شنو
انت فاكر اي هتر مطروح على الهوا يبقى نقد جدير بالاحتفا |
بالعكس والله .. الإسم ده عاجبني عجب شديد خلاص ..
أها النقول ليك .. ولدي اللسه أمه ما جات ده حأسمي هضيبي ..
-----------
وعشان الإسم عاجبني ومالي عيني لمن متدفق قاعد ألفت نظر الطاهر إنه ما يقبل بعلمانيته..
وإن بقيت علماني برضو حبابك ..
تحياتنا للعلماني سيد الإسم
| |
|
|
|
|
|
|
| |
عبد المنعم سليمان
وائل طه محى الدين
محمد نور أحمد
الطاهر ساتي
عبدالكريم الامين احمد
هضيبي علي سعيد
فيس بوك
تويتر
انستقرام
يوتيوب
بنتيريست