|
Re: عــاجل: الآن جاء دور عضوية وقراء سودانيز أونلاين ! (Re: سمية الحسن طلحة)
|
الأستاذة سمية
نعم:
Quote: فـلـنـتعـاهـد لنجعـل الـوطن كالـشمـس بـاديـا ونـرفـع اسـمـه خـفاقـاً عـلى كـل ّ رايـة
|
والجميع سيشارك في رفع إسم السودان عاليا فوق النجوم.. بترشيح محمد جميل ..وليس لأنه سوداني فحسب..لكن لأنه قد شرف الحرف بإسمنا..فشرفنا بذلك..
فلنتابع جميعا هذه الحملة القوية هنا وهناك..ومنتصرون بإذن الله..
| |
|
|
|
|
|
|
Re: عــاجل: الآن جاء دور عضوية وقراء سودانيز أونلاين ! (Re: خالد الطيب أحمد)
|
اللخو/ خالد ...........سلام - دحين مسابقة زي دي مش تعتبر تأكيد للإستلاب .. والإرتباط المرفوض بالعروبة .. وتأكيد لمدخلات (الجلبنة ) في السودان وذلك مما يتعارض مع فهم السودان الجديد ... وطبعاً نحن الكلام ده معاكم فيهو للطيش .. ورفضنا نصوت ل / روضه الحاج .. للسبب ده ........ أها هسع الجد شنو ؟ عشان نصوت تاني في حاجة بتاعت عرب وجلابة .. أوع تقولي ..روضه الحاجة كوزة ..وزولك ده من المناضلين ... في النهاية ياها كلها لغة عربية ... وإستلابات ... وأشياء ضد السودان الجديد خالي الجلابة (أشباه العرب) وقديماً قيل ..... كله عند العرب صابون .... ويجعله عامر . - -
| |
|
|
|
|
|
|
Re: عــاجل: الآن جاء دور عضوية وقراء سودانيز أونلاين ! (Re: Hatim Yousif)
|
الأخ العزيز حــاتم..سلامات..
بالنسبة للإستلاب .. فهل التفاعل مع اي ثقافة أخري سواء -مجاورة أو بعيدة- عن طريق آصر لغة مفهومة ومشتركة يعتبر إستلاب ثقافي؟.. كما ولا يعقل أبدا أن يدعو مفهوم -ولو واحد - من مفاهيم السودان الجديد إلي قطيعة اي ثقافة أخري-عربية كانت أم غيرها- أو التقليل من شأنها..لكن التفاعل معها دون إستلاب وتحقير لثقافتك..
أما عن هذه النقطة:
Quote: أوع تقولي ..روضه الحاجة كوزة ..وزولك ده من المناضلين ... في النهاية ياها كلها لغة عربية ... وإستلابات ... وأشياء ضد السودان الجديد خالي الجلابة (أشباه العرب) وقديماً قيل ..... كله عند العرب صابون .... ويجعله عامر |
كان موقفي الرئيسي مبني علي بعض أشعار روضة ومضامين قصائدها المعروفة تلك و التي لا يكفي ابدا أن تعتذر عنها..فكيف يمكن لي أن أتقبل من يصدر لي في قصيدة واحدة دبابة.. ومدفع.. وكلاش؟
أحب الشعر باي لغة..واي لهجة واستمتع به ايما متعة ..لكني في ذات اللحظة أحارب من يجعله وسيلة للموت و للدمار والخراب.
لذا تجدني في صف الشــاعر (الإنسان) ..محمد جميل
ولك كل الود..
| |
|
|
|
|
|
|
Re: عــاجل: الآن جاء دور عضوية وقراء سودانيز أونلاين ! (Re: خالد الطيب أحمد)
|
كان موقفي الرئيسي مبني علي بعض أشعار روضة ومضامين قصائدها المعروفة تلك و التي لا يكفي ابدا أن تعتذر عنها..فكيف يمكن لي أن أتقبل من يصدر لي في قصيدة واحدة دبابة.. ومدفع.. وكلاش؟
خالد الطيب ... ده كلام جميل جداً ... طيب ..أنت حاسبت روضه الحاج على قصيده ...تدعوا فيها الى حمل السلاح .. الأولى ياخوى تحاسب الناس الكانت شايله سلاح عديل مع الكيزان(حالياً مناضلي الهامش) ... وهم رفاقك في فهم السودان الجديد... - -
| |
|
|
|
|
|
|
Re: عــاجل: الآن جاء دور عضوية وقراء سودانيز أونلاين ! (Re: خالد الطيب أحمد)
|
الأخ خالد الطيب سلام ومحبة سبقتني بكتابة هذا البوست ، واشكر لك هذا العمل الذي حمل عني عبئاً ثقيلاً وهي مهمة التبشير بشاعر وسط هذا الزخم المريع وفي ظل إنعدام الوقت الكافي للكتابة والمتابعة ... محمد جميل من الشعراء المميزين ومن الكُتّاب المجودين وأعتبره قامة سامقة لم يتعرف الوسط الفني والشعري في السودان عليها بعد ، رغم أنه يكتب في كثير من الصحف العالمية والعربية والسودانية وينشر مقالاته وأشعاره على مواقع الأنترنت المختلفة فلنقف مع هذا الشاعر الذي يمثل السودان التوصيت عبر الSMS يكون بكتابة رسالة قصيرة بالرقم 6 (الرقم 6 الخاص بالأخ محمد جميل) تسبقها كلمة رشح أكرر كلمة رشح (راء شين حاء) لتصبح الرسالة كالتالي:- (رشح 6) أو كلمة Vote 6 وتقوم بإرسالها للرقم المعني في البلد الذي تقيم فيه مثلاً للسعودية (ترسل لارسالة للرقم 6436 لمستخدمي شبكة موبايلي و84408 لمستخدمي شبكة سوا والجوال )ساعود لتبين الأرقام لكل دولة ... بدأ التصويت يوم أمس الساعة الثالثة ظهراً بعد الحلقة ويستمر لمدة أسبوع حتى يوم الثلاثاء القادم موعد الحلقة القادمة
| |
|
|
|
|
|
|
Re: عــاجل: الآن جاء دور عضوية وقراء سودانيز أونلاين ! (Re: Sidig Rahama Elnour)
|
الأخ العزيز صديق رمضان كريم..وتصوم وتفطر علي خير
Quote: محمد جميل من الشعراء المميزين ومن الكُتّاب المجودين وأعتبره قامة سامقة لم يتعرف الوسط الفني والشعري في السودان عليها بعد ، رغم أنه يكتب في كثير من الصحف العالمية والعربية والسودانية وينشر مقالاته وأشعاره على مواقع الأنترنت المختلفة فلنقف مع هذا الشاعر الذي يمثل السودان التوصيت عبر الSMS يكون بكتابة رسالة قصيرة بالرقم 6 (الرقم 6 الخاص بالأخ محمد جميل) تسبقها كلمة رشح أكرر كلمة رشح (راء شين حاء) لتصبح الرسالة كالتالي:- (رشح 6) أو كلمة Vote 6 وتقوم بإرسالها للرقم المعني في البلد الذي تقيم فيه مثلاً للسعودية (ترسل لارسالة للرقم 6436 لمستخدمي شبكة موبايلي و84408 لمستخدمي شبكة سوا والجوال )ساعود لتبين الأرقام لكل دولة ... بدأ التصويت يوم أمس الساعة الثالثة ظهراً بعد الحلقة ويستمر لمدة أسبوع حتى يوم الثلاثاء القادم موعد الحلقة القادمة |
خالص الشكر يا صديق علي الشرح الوافي
وأظن أن الصورة أصبحت واضحة الآن في كيفية الترشيح وهي كتابة عبارة (رشح 6) بالعربية أو (Vote 6) بالإنجليزية.
و للسعودية: (ترسل الرسالة للرقم 6436 لمستخدمي شبكة موبايلي و84408 لمستخدمي شبكة سوا والجوال )
وننتظر عودتك يا صديق..
وموفقين بإذن الله..
| |
|
|
|
|
|
|
Re: عــاجل: الآن جاء دور عضوية وقراء سودانيز أونلاين ! (Re: tmbis)
|
تمبس انت يا كافي البلاء لا رمضان ولا غيره بيغير فيك؟؟؟ انت الصيام ده قايله من الجوع والعطش بس ولا شنو؟؟؟ مافي صيام من الهباله الزي دي؟؟؟ يا اخي اتقي الله والفجور في الخصومه ليست من صفات المسلم .
اسألك بحق الالهه ..اليس خالد الطيب هذا نفسه هو من ناصر الشاب خالد السوداني في مسابقات فنان العرب؟؟؟؟ عايز تنط ليه في حلقه ليه؟؟ روضه الحاج الناس وقفط ضدها مش عشان المسابقه بل في شخصها. فبطل ثقلة الفهم دي وصحصح معنا يا بريش. وبعدين ده زيملك بوردابي وكمان من السعوديه فبطل حركات يعني البيجمعك بيه حاجتين......عيب كده,قاعد تهبل بروحك وحياتك.
محمد جميل زميلنا كلنا ...ما احتكرناه ولا ضروروي نختلف في كل شيئ.
| |
|
|
|
|
|
|
Re: عــاجل: الآن جاء دور عضوية وقراء سودانيز أونلاين ! (Re: Tragie Mustafa)
|
Quote: مافي صيام من الهباله الزي دي؟؟؟ |
مش احسن ليك تحترمي نفسك .. وما تشتمي ..؟ دا انذار أول طبعا .. بعداك عارفه البيحصل ليك شنــو..
Quote: يا اخي اتقي الله والفجور في الخصومه ليست من صفات المسلم .
|
عن اي خصومة بتتكلمي يا (ست)..؟ كيف بقت خصومه الآن .. لانو محمد جميل دا من طرفكم والاعلان تبعك إنت وخالد (اللهم اني صائم ) حسع بقت خصومة .. شوفي اللنات التحت دي علشان تعرفي الخصومة والصفاقة وعدم الاختشاء .. وعايني احسن ليك بطلي التنظير الفارغ دا معاي لانك عارفاهو ما بياكل عيش معاي .. صاح واللا ما صاح ..؟
Quote: اسألك بحق ..اليس خالد الطيب هذا نفسه |
لا الالهة دي مبالغة عديل كدا .. ممكن تحسبيهم لي كم واحد ..؟ احسبيهم لي عليك الله الالهة ديل .. وشابكاني فجور في خصومة .. كمان وعايز تدخلي لي الدين .. عايني افصلي لي الدين عن الدولة .. وعن كيتتي مع خالد .. والالهة ديل خليهم بعيدين .. عشان ما تصحيهم ربما يكونوا يغضون في نوم عميق .. المجد للالهه .. في هذا النهار الرمضاني ..
Quote: هو من ناصر الشاب خالد السوداني في مسابقات فنان العرب؟؟؟؟ عايز تنط ليه في حلقه ليه؟؟ روضه الحاج الناس وقفط ضدها مش عشان المسابقه بل في شخصها. فبطل ثقلة الفهم دي وصحصح معنا يا بريش.
|
عايني يناصر خالد .. يناصر عزالدين الدحيش دا ما موضوعي .. امشي شوفي انا قاعد اكتب عن شنو .. وتعالي طولي لي لسانك دا هنا .. بعدين عايني .. إنت الليلة افوكاتو واللا شنــو ..؟؟ يعني من محامي الهامش .. بقيتي محامي مسابقات..؟
Quote: وبعدين ده زيملك بوردابي وكمان من السعوديه فبطل حركات يعني البيجمعك بيه حاجتين......عيب كده,قاعد تهبل بروحك وحياتك. |
عليك الله لو بتعرفي العيب والتهبيل .. بتجي تكتبي لي كلمة واحده هنا .. طيب ياخي خليك مرة واحده زولة كويسة وبتحترمي الالهة بتاعنك ديل .. كان تجي تقولي لي خالد دا روضة دي خلي الكوزنة بتاعته دي بعيد الزولة دي سودانية .. تعال اول حاجة ننجحه قدام العرب ديل .. وترفع راسنا وبعداك ندخل معاها في حتة ضيقة .,. لكن كالعادة فخامتكم جات كاتبه ليها بوست ريحتو تتشمه من ابو حمامة .. تتذكري البوست القلتي فيهو روضة امها دارفورية ..؟ عليك الله ما بتخلجي انت من التهبيل بيك ..؟ عندك اي حاجة دا غرابي .. دا من بورسودان .. دا إله .. يوم واحد بس خليك موضوعية علشان ما نجي ننطط ليكم في حلوقكم ... لكن طالما في عواره .. مافي مصروف .. وفيمتووو ح يخلصوووووه .. والفورة الف ..
Quote: محمد جميل زميلنا كلنا ...ما احتكرناه ولا ضروروي نختلف في كل شيئ. |
تحتكري ما تحتكري بظروفك .. وظروف ظروفك .. دي حاجات بترجع ليك .. وأنا ما بتدخل في علاقاتك .. محمد جميل دا ما بيهمني في شئ واقدر حق الزمالة ليهو .. واتمنى ربنا يوفقو .. هو ما موضوعي .. موضوعي انت والتابعك دا .. الجايين الآن تورونا ثقافة المعائير المذدوجــة وبي نفس بارده كمان .. فاتحين ليكم بوست .. بعدما شتمتو بت الناس وشبعتو فيها شتمي ومرمطتو بي اسم السودان الأرض .. وكمان شنــو .. مطلعه لينا علم السودان اي كلام وحسع عايزه تجي تتكلمي بي اسم السودان عليك الله تعالي شوفي راسي دا فوقو قمبــور .. اقول ليك حاجة..؟ تعالي أنت وتابعك دا الاتنين شوفو راسي دا فوقو قمبــور ..؟
يلا ادعي لي معاك الآلهــة .. واشتكيني ليهم ..
| |
|
|
|
|
|
|
Re: عــاجل: الآن جاء دور عضوية وقراء سودانيز أونلاين ! (Re: tmbis)
|
ما زلت اتسال من اين اتى هؤلاء ..؟ يعني زي دا بيكتب ليهو رد زي دا .. وقال عايز يسقط الزولة الاسمها روضة .. وجاي هنا الآن بيكتب ليهو في بوست عايز واحد يشترك في مسابقة بتاعت عرب .. وقال هو فوقو عرق .. ما بحب العرب طبعا عرق دي يا حافظه جبتها من واحد من التلاتة واللا اربعة بوستات الاتشفطت .. آخر واحد طبعا امس بالليل .. قالو جيت قلعته هنا وجبت معاك الصابون .. والليفة بتاعت السلك عايز تستحمى هنا كان ما مسكك بكري .. ولسه باقي البوستات طبعا عارفني مركب لي (عدسات لاصقة) للكمبيوتر ورابط لي جرس .. كلما تعمل حاجة .. ( جكك ) بيستلمه .. وبيوديها المخزن..
Quote: أهلها غرقانين.. وهي تذهب للمشاركة في المسابقات!!!! أما رات كيف يتوقف الفنان من اي مشاركة خارجية أثناء كوارث ومحن أهله؟؟ لكن لأنها ليست فنانة ولا إنسانة مشت ما مصدقة ذاتها.. وأما عن مساهماتها فلقد ساهمت جحيم الحاج هذه في إراقة دماء أبناء الوطن الواحد بقصائد الميل 40 التي مجدت فيها قتل أبناء الوطن من الجنوب الحبيب.. |
Re: احبك يا روضه الحاج يا شاعرة النيلين .. عاين اقول يك حاجة .. انا ح اجيب ليك اللنكات .. وإنت متع الناس دي بالردود بتاعتك .. لانو حسع مارق أنا .. ح امشي اجيب يل (نشا+ وحلو مر + وسلطة روووب ) واحرسك هنا إلى أن تقول الرووووب .. اصلو انت ولد مدلع ولما يدوك يدك كم يوم كدا .. بتفتري ... بقيت عامل زي العندك خلــوه إنت وبكري .. (إنت تكتب وبكري يمسح ليك .. وتراجي تبق الدوايا) مبرووووووووووووووك روضة الحاج .. والتعليق المضحك التاني:
Quote: إنشاء الله تجي الطيش..ما حا أصوت ليها..لأنها لا تمثلني.. وسأصوت لغيرها..فيقيني أن هناك من هم افضل منها.. وأكره من هم مثلها من الشعراء والهواة..مطبلاتية الأنظمة الدكتاتورية.. |
..صوّتوا للشاعرة روضة الحاج في مسابقة قناة أبوظبي نعم..صوتنا لخالد ..لكن لن أصوت للكوزة روضة الحاج
| |
|
|
|
|
|
|
Re: عــاجل: الآن جاء دور عضوية وقراء سودانيز أونلاين ! (Re: Tragie Mustafa)
|
Quote: اسألك بحق الالهه ..اليس خالد الطيب هذا نفسه هو من ناصر الشاب خالد السوداني في مسابقات فنان العرب؟؟؟؟ عايز تنط ليه في حلقه ليه؟؟ |
يا محاميــة المسابقــات: مش كان تسالي الالهـة بتاعنك الفشنك ديل .. القاعد ينط منو للتاني الايامات دي ..؟ الزول دا اديناهو اجازة لمدة تلتين يوم يعني رمضان دا كلو قلنا ليهو امشي حسن اعمالك (وحج) في .. (بيت حانون) يا (خــان يونس) .. المحصلة النهائية شنـو..:؟ ضرب بي كلامنــا عرض الحائط .. وبقى كل دقيقة والتانية فاتح ليهو بوست .. بيسال من تمبس وعامل فيها عالم اجناس لا خلى مغاربة دخلو السودان ,. لا خلي رباطاب .. لا خلاني انا القدامك دا ..عايني بس عليك الله:
لحدي هنــا كويسين .. الزول دا قال فيهو عرق ... وبي ظروفــو .. أنا ما عارفو عرق (محبه) واللا عرق أحمـــــر البعملوهـو في (المديده) داك.. مش في حطبه كدا بختوهــا في (المديده) .. أهــا الحطبة دي أعملي حسابك منها .. لو واحد من الآلهــة ديل قال ليك اسحنيها وأعمليها في وشــك .. قولي ليهو تلقاهــا عند الغــافل دقست .. يا ( أبو الللا ).. ثم قال:
عايني نمــرة اتنين دا منـــو:؟ علاء الدين والمصباح السحري ..؟ واللا علاء الدين حمـزة ..؟ وتجي تقولي لي ناطي ليهو في حلقــو ..؟ ياخي حلقــو شنو في رمضان كمان ..؟ أنا بس جيت أعمل ليهو فرش متاع علشان الناس ما تنسى الناس .. وأوريهو أنو الاجازة ممكن تتقطع في كل مكان وندفعوا غرامه وبدل ترحيــل .. وإنت تاني أوعك تجي تنظري لي هنــا .. وتشبكيني ناطي ليهو .. الولد أبو عرق دا .. لو بتخافي عليهو .. كلمي ليهو واحد من الآلهــة ديل يعمل ليهو (حجــاب)...شان لما يجي يكتب ليهو حاجة بكري ما يمسحه ليهو .. ولما يجيب سيرتي وأنا مافيش .. يقوم اي بوست اصورو تطلع الصورة مافيشة .. المهم: أوعك تجي في نهـار رمضان تتفرعني علي .. وتطولي لسانك . لاني طوالي ممكن اعمل (بارطيشن) بيني وبين صيامي .. وبعدااك أنا و(الآلهـــه) بتاعنك ديل .. والله إلا يفرزونــا بي (شنكاراتنا) .. أمــا ما يخص المسابقـة فما زلت اتعجب في كيف مسابقة العــرب دي بين يوم وليلة .. بقت مسار نضالكم هنــا كما ناضلتي وغيرك في روضــة الحـاج .. وفتحت البوستات ونصبت المشانق .. وسرادق العزاء .. زول يقول فيهو عرق .. وما عايز مع العــرب .. ويجي يقول صوتوا علشان المسابقة بتاعت العــرب ..
عندك اي سؤال.. مستعجل (للآلهــه) يا (اب عرق) ؟
والصورة دي فووووق للبيعة طبعا دي معروضات قديمة من أدوات الجريمة التغريقية للبوستات..
| |
|
|
|
|
|
|
Re: عــاجل: الآن جاء دور عضوية وقراء سودانيز أونلاين ! (Re: tmbis)
|
أتمنى على جميع المعنيين من كل قلبي أن لا يكون هذا البوست مادة للسجال والخلاف خارج الهدف الأساس الذي حدده صاحبه ، وأظن أن هذا الهدف يستحق انتباهالمعناه وطبيعته التي تتعلق بشخص لا يكن سوى المودة للجميع ، وربما تتعلق طبيعته برمزية متواضعة للسودان الذي يجمعنا جميعا .
مودتي للجميع محمد جميل
| |
|
|
|
|
|
|
|