|
هل توجد لمّة (بورداب) ما رائعة ؟؟؟
|
منذ إنضمامي لعضوية سودانيز أون لاين ولحدّي الليلة إتلمّ بورداب العالم في بلدان مختلفة أكتر من جغلومية لمّة .. كل اللمات دي وبعد نهايتها بنشوف عنوان واحد ومداخلات وااااااحدة !! العنوان : كانت جلسة رائعة (توجد صور)..
والمداخلات تكون على شاكلة : - وين الصور يا هناي.. - شيلوا الصبر الصور في التحميض .. - صورة لي واحد يدّعي إنو سرحان وتمت مفاجأته بالتصوير في حين إنو هو متجهز ليها.. - صورة لي شافع أو شافعة لي بوردابي.. - صور لي (مضّهبين) مجاملة نسميهم أحد الضيوف.. - ألحقوني يا ناس نسيت الأسامي.. - مصوّر الحفلة يقوم يصور نفسو بعد ما يزح كاميرا بعيد ويدوس الكاميرا ..
حضرت جلسات كثيرة لي بورداب مختلفين معظم الجلسات دي ما كانت رائعة وبعضها كان رائع .. الجلسات السودانية جلسات متشابهة تماماً لا تحتاج لبهارات وحبة توم وشمار لتجميلها كلنا بنكون عارفين نوع الحوار اللي تم فيها ونوع البرامج البيتم طرحها .. * بيننا البوردابي الشاعر فلان ..نسمع قصيدة ..
* طبعاً يا جماعة الليلة عندنا ليكم مفاجأة فالبوردابي علّان بالإضافة لي إنو كاتب سياسي فهو يتمتع بصوت جميل جداً نسمع أغنية منو ..ويوقم هو يقول ليهم والله صوتي ما سمح ويقوم البورداب يقولوا ليهو يا زول غنّي ويقوم يقول ليهم خلاص يا جماعة انا حا أغني لكن انا ما جاهز وصوتي حا يطلع كعب وتووشك يبدا " الذكريااااااااااات صادقة ونبيلة ويا الفي الجنووووووووب حيّ الشماااااااااال" ويواصل زولنا الكان خجلان في الغنا لحدي نهاية الحفلة ويحنسوهو حنيس عشان يقيف من الغنا..
في بعض الأحيان بوردابي بيكون ما دفع الشيرنق لكن جا القعدة ولمن بكرة يكتب إنو الجلسة كانت مش ولا بد تووشك جماعتك يجو يشيلو حالو : " هو إنت زااااااااااتك ما دفعت لينا أي شي وكمان جاي تتفاصح ؟" بعض الناس لو جا قال رأيو بي صراحة حول الجلسة وإنها لم ترضي الطموحات يزعلو منو ناس الجلسة وتاني ما بيعزموهو .. في معظم الجلسات لازم تظهر صور فيها بوردابي وبوردابية (يا حليلنا نحن ناس الرياض بوردابياتنا بيكونوا في الجريف شرق ونحن في الجريف غرب)..
|
|
|
|
|
|
|
العنوان |
الكاتب |
Date |
هل توجد لمّة (بورداب) ما رائعة ؟؟؟ | عمر الفاروق | 09-29-07, 08:22 AM |
Re: هل توجد لمّة (بورداب) ما رائعة ؟؟؟ | mahmed alhassan | 09-29-07, 08:43 AM |
Re: هل توجد لمّة (بورداب) ما رائعة ؟؟؟ | عمر الفاروق | 09-29-07, 08:47 AM |
Re: هل توجد لمّة (بورداب) ما رائعة ؟؟؟ | Shayma | 09-29-07, 08:54 AM |
Re: هل توجد لمّة (بورداب) ما رائعة ؟؟؟ | Shayma | 09-29-07, 09:02 AM |
Re: هل توجد لمّة (بورداب) ما رائعة ؟؟؟ | اساسي | 09-29-07, 09:19 AM |
Re: هل توجد لمّة (بورداب) ما رائعة ؟؟؟ | أبوذر بابكر | 09-29-07, 09:13 AM |
Re: هل توجد لمّة (بورداب) ما رائعة ؟؟؟ | alsngaq | 09-29-07, 09:14 AM |
Re: هل توجد لمّة (بورداب) ما رائعة ؟؟؟ | عمر الفاروق | 09-29-07, 09:16 AM |
Re: هل توجد لمّة (بورداب) ما رائعة ؟؟؟ | tmbis | 09-29-07, 09:26 AM |
Re: هل توجد لمّة (بورداب) ما رائعة ؟؟؟ | عاصم ابوبكر حامد | 09-29-07, 09:29 AM |
Re: هل توجد لمّة (بورداب) ما رائعة ؟؟؟ | عمر الفاروق | 09-29-07, 09:36 AM |
Re: هل توجد لمّة (بورداب) ما رائعة ؟؟؟ | عمر الفاروق | 09-29-07, 09:40 AM |
Re: هل توجد لمّة (بورداب) ما رائعة ؟؟؟ | عمر الفاروق | 09-29-07, 09:43 AM |
Re: هل توجد لمّة (بورداب) ما رائعة ؟؟؟ | عمر الفاروق | 09-29-07, 09:46 AM |
Re: هل توجد لمّة (بورداب) ما رائعة ؟؟؟ | عمر الفاروق | 09-29-07, 09:53 AM |
|
|
|