|
أخطاء اللافتات والإعلانات
|
لافتات المحلاّت، الإعلانات التجارية على الشوارع .. بها أخطاء في معظمها لغوية، وبعضها ناتج عن سوء الترجمة .. منها ما يثير الضحك، وبعضها يثير الدهشة، وأحياناً المغص والصداع.
في دول الخليج، حيث الهنود يمثلون ثقلاً لا يستهان به، بل وأغلبية، يقومون بكل عمل يخطر على بالك، حتى الخط العربي والترجمة من وإلى العربية. تبع ذلك أخطاء ترصد بعضها الذاكرة، وليت رصدتها كاميرا لنطرحها هنا أمامكم. ولكن، وعلى الأقل هناك واحدة رصدتها كاميرا بحوزتي الآن. تم التقاط الصورة بأحد المحلاّات التجارية الكبرى بالأمارات العربية المتحدة، وهي تحكي عن نفسها:
|
|
|
|
|
|
|
|
Re: أخطاء اللافتات والإعلانات (Re: محمد أبوالعزائم أبوالريش)
|
أقسم بالله يا أبوالعزائم ترجمة تواريخ الأردن دي تودي الآخرة عديل يا خي ده إبداع
و بعدين إبراهيم محمد الحسن ياأخي إنت إبراهيم (موج) و الترجمة على الشريط أخونا الظريف الفنان المهم في كل الأحوال إزيك و رمضان كريم وده و الله شغل نضيف و طريف و تابع الرصد
| |
|
|
|
|
|
|
Re: أخطاء اللافتات والإعلانات (Re: محمد أبوالعزائم أبوالريش)
|
يا محمد تتذكر الكشك المجاور لمدرسة النجاح المكتوب عليهو FRESH ORANGE JUICE وتحتها مباشرة مكتوب ( برتقال عصِر جديد)؟ الكشك دا شالوهو والله ريّحنا من العصِر جديدو وقديمو. -------- ياخي اللافتات اللي بيترجموها الهنود والباكستانيين دي مهرجان للإبداع عايز زول متفرغ بكاميرا نضيفه ويبهج البشر.
| |
|
|
|
|
|
|
Re: أخطاء اللافتات والإعلانات (Re: محمد أبوالعزائم أبوالريش)
|
محمد ، كنت عايز (السني) يشرح لي اللافته لكن أعتقد جازما اني أفهم اللغه الأوردية من هذه اللافته وقطع شك هي دعاية لمادة تطيل العمر وذلك لما يلي:
- نسيه مُرد ( أنسى المرض) - نسيه دركذشت ( أنسى الكدر) - كنج قارون ( حاتبقى غني زي فلان) - صبر أيوب ( زي الشعب السوداني فور ويل درايف) - عمر نوح ( طبعا عمر نوح ده صاحبن لي في السعوديه لكن age wise مابتحتاج شرح) - طاقت دوري شما ( دي معناها تمّ دورو ادوّر ) أها كيف ياأخو السني .. طمِّني ، نشثري؟
| |
|
|
|
|
|
|
Re: أخطاء اللافتات والإعلانات (Re: محمد المرتضى حامد)
|
مرتضى ....
يا زول إنت بقيت تتكلم (لغات) عديل كده.
يعني تاني مرة نفر في جنجال، أنا في خبّر إنت سيدا.
عارف مرة لقيت تانكر حايم في شوارع مسقك لونه أزرق ومكتوب عليه (مياه صالحة للشرب من الجانبين) .. بعد مجهود طويل، إكتشفت إنو دي العبارة الكانت مكتوبة للخطاط عشان يكتبها (On both sides)
| |
|
|
|
|
|
|
Re: أخطاء اللافتات والإعلانات (Re: محمد أبوالعزائم أبوالريش)
|
العزيز محمد تحياتي دايما بوستاتك في السلك !
بعدين الشقق الفاجرة دي عايز لي منها اتنين واحدة ايجار والتانية شراء عديل
هاك دي واسأل منها ماضي : زمان قالوا واحد من ناس الخرطوم بحري من المعجبين جدا بالقوى الاشتراكية بالبراري عمل ليه مطعم في بحري الشعبية كتب عليه يافطة كبيرة: مطعم القوى الاشتراكية بالبراري مودتي
| |
|
|
|
|
|
|
Re: أخطاء اللافتات والإعلانات (Re: محمد أبوالعزائم أبوالريش)
|
ود العبيد كيفك ....
أهلك في أستراليا ما عندهم خرمجات زي حقتنا دي؟
طبعاً اليافطات وأغاني البنات دايماً بيكونوا مواكبين آخر الأحداث: رياضية سياسية ثقافية إجتماعية ..... إياً كانت. يعني لما ظهرت طائرات التجسس الأمريكية، ظهر عدد من المحلات، وعبارات مكتوبة في الباصات والحافلات (أيواكس) أو (أواكس)، وما تنسى كشك الجرايد في بري الإسمه (الطاؤوس) ظهر في إشارة إلى مسلسل مصري.
أما أغاني البنات، تكون سمعت بأغنية (قسمة) بعد علقة الترابي الشهيرة في كندا (ضربك باليمين .. هاشم بدرالدين) .. والأمثلة كتيرة.
عاطر التحايا لك والأسرة الكريمة
| |
|
|
|
|
|
|
Re: أخطاء اللافتات والإعلانات (Re: محمد أبوالعزائم أبوالريش)
|
العزيز أبو الريش: As a general adjective البوست أكثر من رائع، يعني بصفة عامة بوست روعة. ــــــــــــ اصطحبت الوالد مرة لإجراء فحوصات في مختبر (كبير)، شمال مستشفى الخرطوم، فوجدت لافتة في الطابق الآرضي، مكتوب فيها(Oneth floor) ، قمت بتصويرها بالموبايل، ولعلي أرفقها هنا لاحقاً. ـــــــــــــــ
كذلك سبق أن أرفقت صورة في هذا البورد مكتوب فيها ثورة الأعجاز (هكذا بهمزة مفتوحة)، وكانت معلقة غرب الساحة الخضراء.
| |
|
|
|
|
|
|
Re: أخطاء اللافتات والإعلانات (Re: محمد أبوالعزائم أبوالريش)
|
...... محمد ..........لك كل الود......
Quote: طارق جبريل .. كيفنك ...
يا زول خبر أهلك المغاربة شنو؟ أنا شوف عيني بيكتبو على سيارات الأجرة (طاكسي)
|
والله في المغرب تشوف العجب وتموت من الضحك
هاك دي
تصبين باليابس ..... المقصود غسيل جاف والمحل لسع موجود .... يا ريت يا طارق تصور لينا بعض الافتات
في شارع عمر شاورما)
| |
|
|
|
|
|
|
Re: أخطاء اللافتات والإعلانات (Re: محمد أبوالعزائم أبوالريش)
|
العزيز محمد
Quote: ناصر جبريل ...
عالسلامة
أعمق التحايا ..
يا زول لو لميتو لينا في نوادر أهلكم ديل يا دوب حتحلّوا القعدة.
* حسه شارع عمر شاورما دي براها مش حكاية؟ |
تعرف عمر شاورما دا ما اسم شارع .... دا يا سيدي واحد سوداني فاتح ليهم مطعم في الشارع دا واشتهر بين السودانيين باسم عمر شاورما
** نوادر المغاربة كثيرة جدا .... طبعا اخوك زول شليق بعد 16 سنة في المغرب جيت الخليج ....... تتصور!
لكن ممكن شقيقي طارق او حاتم ابرهيم ....... ينزلوا لينا كمية من النوادر
لك محبتي
| |
|
|
|
|
|
|
Re: أخطاء اللافتات والإعلانات (Re: ناصر جبريل)
|
الأخ ناصر ...
Quote: طبعا اخوك زول شليق بعد 16 سنة في المغرب جيت الخليج |
يعني حددتها (من المحيط للخليج).
يا ريت لو واحد من الجماعة ديل يتحفنا بنوادرهم. بس طارق ده طبعاً يمكن مشغول مع (عوض)، وكان ما عرّس ليهو ما حيفضى لينا.
خالص الود
| |
|
|
|
|
|
|
Re: أخطاء اللافتات والإعلانات (Re: Amir Omer)
|
الأخ أمير عُمر
Quote: إستلمناهو أنا ومحمد المرتضى بقينا أصحابو |
يا زول ما عندك مشكلة ... البوست حقك واستضيفنا فيهو
أكيد الجماعة صوتوا وبصموا بنعم ..... لكن أنا عندي ملاحظة تانية:
دايما بيكون أكبر شخصية في أي قرية هو شيخ الحلة، أو العمدة زي ما عند أخوانا المصريين، أو شئ من هذا القبيل ... لكن أول مرة أسمع عن منصب إسمة (رئيس القرية) ..... رأيك شنو؟
| |
|
|
|
|
|
|
Re: أخطاء اللافتات والإعلانات (Re: محمد أبوالعزائم أبوالريش)
|
Quote: دايما بيكون أكبر شخصية في أي قرية هو شيخ الحلة، أو العمدة زي ما عند أخوانا المصريين، أو شئ من هذا القبيل ... لكن أول مرة أسمع عن منصب إسمة (رئيس القرية) ..... رأيك شنو؟ |
رأيي من رأيك بس برضو مشيت إستفسرت من طبيب مصري معانا هنا ، والراجل قال ما في حاجة إسمها (رئيس القرية) لكن كان من المفترض أن العمودية وشيخ الغفر ورئاسة القرية كلها تتحول وتتبع للحكومة بحيث تكون مناصب حكومية لها مسمياتها ومن الجائز أن إسم رئيس القرية جاء فيما بعد التحديث ... والله أعلم.
| |
|
|
|
|
|
|
Re: أخطاء اللافتات والإعلانات (Re: Amir Omer)
|
الاستاذ ابو العزائم ..
اتابع هذه البوست منذ ولادته ومستمتع به جدا .. الا انه بدأ يذهب نحو الصور المعدلة بالفوتوشوب وغيره .. خلوها طبيعية احسن ..
اقصد البوست بتاع الامريكان وببساطة يمكن تغيير المكتوب في الكرتونة ..
| |
|
|
|
|
|
|
Re: أخطاء اللافتات والإعلانات (Re: محمد أبوالعزائم أبوالريش)
|
يا مرتضى دي واحدة من الطرائف الحصلت في مسقط ..
قبل ما أحكي الحكاية، عايز أقول للأخوة هنا إنو العمانيين بيلبسوا عمامة صغيرة وبيسموها (مصر) بفتح الميم والصاد.
في بداية التسعينات، كان المرحوم الصادق الطائف يعمل في بلدية مسقط كخبير فني، ومن ضمن عمله كان يدقق ويراجع اللافتات قبل الموافقة عليها. دخل عليهو واحد عُماني ومعاهو هندي ومعاهم نموذج للوحة عازين موافقة البلدية عليها. العماني عندو مؤسسة خاصة عايز يعمل ليها اللوحة، وإسمها (المَصَر للتجارة) ..... وترجمة الإسم بالإنجليزية كان (The Egypt Trading).
| |
|
|
|
|
|
|
|