|
رجــب حــوش صاحــبك عنــي
|
بالمخابرات الاجنبية ان تجنّد المطربة اللبنانية هيفاء وهبي...وتخليها تحرش رجب علي رمضان... ونحن ووليداتنا وبنياتنا نشيل معاها رجب حوش صاحبك عني رجب صاحبك جنني...نبهني احد الاصدقاء المفتحين.. والشفوت والعارفين ببواطن الامور.. ... ان هيفاء وهبي عميلة وعميلة كبيرة لامريكا والناس المعاها.. قال لي اكنك كدي عاين لغنية رجب حوش صاحبك عني؟... انت قايل صاحب رجب دا منو؟ دا ما رمضان يا الغبيانين.......هيفاء وهبي دايرة رجب يحوش رمضان ونقعد نحن بلا رمضان نحن مستهدفين في ديننا وفي مالنا لكن انا غايتو المال دا ما عندي فيهو ناقة ولا جمل اليستهدفونا فيهو كان مستهدفننا" بهذه المناسبة ابلغ تحياتي للورقة فئة الخمسين جنيه لي زمن منها شوفتي ليها اياما المرقت دابا مرة واحدة وتاني ما وقعت في عيني.. نعلها طيبة بس؟ وما عندها عوجة؟علا الورقة ام اتنين جنية مالا ظهرتا كتيرة كدي؟.. دا غسيل الاموال البقولوهو؟... علا ما تكترو الظهرة بيضحكو فيكم ويقولو ما بتعرفو تغسلو.... لقيتوني كيف؟... ما دايرين لكم غسّال؟؟؟ "..... شلت هم كان رجب سمع نضم هيفاء دي وحاش رمضان و حلف عليهو طلاق ما يجينا ..الحلو مر العسناهو دا نوديهو وين؟.. نبقى خسرنا قروشنا ساكت وهن قريشات ما فايقات...لكن نحمدك يا الله اكتشفنا المؤامرة ودحرناها.. بت الكلب....اها رمضان ح يجينا ح يجينا ورجب ظاتو ما ح يهببو ليكي يا هيفاء.. عاملة وشيكي الكلو عمليات تجميل دا وحات الشيخ الجعلي قالو العمليات الفي وشيكي اكتر من عمليات حزب الله في جنوب لبنان..وبعدين انتي مالك ومال رمضان دايرة رجب يحوشو ويحميهو يجي؟ انتي قاعدة تصوميهو؟....نحن عارفنو حار وصعب وقاسي وما بيقدر عليهو علا زول فارس لكن برضو دايرنو ..اها بس.... يا ناس الحكومة نحن في ضمتكم دي.. رجب دا ان جا مع القوات الهجين وحات الله ما بنخليهو... وبعدين هيفاء دي كان فالحة وشُداعة كدي... ما كانت تقول مايو حوش صاحبك عني..وهي عارفة صاحب مايو الشهر البعدو ....لكن ما بتقدر الخوافة.... وبرضو عارفة السووها فينا مايو وصاحبو ماها شوية.. سمعت بها وفايتة قعر اضانا...علا جمجرة فنانات اضانكم طرشا... ونادو لي عوض ومنو العوض الليلة....
اخر الكلام يا سيدتي: كنت اهم امرأة في تاريخي قبل رحيل العام. أنت الآن....اهم امرأة بعد ولادة هذا العام أنت امرأة لا احسبها بالساعات وبالايام أنت امرأة.... صنعت من فاكهة الشعر..... ومن ذهب الاحلام..... أنت امرأة كانت تسكن جسدي قبل ملايين الاعوام.....
|
|
|
|
|
|
|
|
Re: رجــب حــوش صاحــبك عنــي (Re: Rawia)
|
Quote: اخر الكلام يا سيدتي: كنت اهم امرأة في تاريخي قبل رحيل العام. أنت الآن....اهم امرأة بعد ولادة هذا العام أنت امرأة لا احسبها بالساعات وبالايام أنت امرأة.... صنعت من فاكهة الشعر..... ومن ذهب الاحلام..... أنت امرأة كانت تسكن جسدي قبل ملايين الاعوام..... |
ما يكون الكلام اعلاه موجه لهيفاء البتحرض فى رجب وشعبان على رمضان تكون مصيبة سيدى سجيمان
| |
|
|
|
|
|
|
Re: رجــب حــوش صاحــبك عنــي (Re: حمزاوي)
|
حمزاوي كل عام وانت بخير ورمضان كريم
Quote: سجيمان اخوي مسكاقمي صايم معانا صيام محس وهيفاء دي محسية عشان كدي حوش لسانك عنها |
خلاص ما دام طلعت محسية..... خليتا.... لكن هي كمان تخلي رمضان في حالو
| |
|
|
|
|
|
|
Re: رجــب حــوش صاحــبك عنــي (Re: عاصم ابوبكر حامد)
|
Quote: اخر الكلام يا سيدتي: كنت اهم امرأة في تاريخي قبل رحيل العام. أنت الآن....اهم امرأة بعد ولادة هذا العام أنت امرأة لا احسبها بالساعات وبالايام أنت امرأة.... صنعت من فاكهة الشعر..... ومن ذهب الاحلام..... أنت امرأة كانت تسكن جسدي قبل ملايين الاعوام..... |
قايطت بالباصوورد حقك ولا شنو! جنى
| |
|
|
|
|
|
|
Re: رجــب حــوش صاحــبك عنــي (Re: سجيمان)
|
Quote: شفتوها رافعة كُراعا كيفن؟؟ |
اححححييييييي من رفعة الكرعين
سجيمان دي في رجب وللا رمضان عشان نعرف نتوحح كويس
______
هسع في داعي نلجا للحلويات في الشهير الكريم ده
بحب الباسطة
| |
|
|
|
|
|
|
Re: رجــب حــوش صاحــبك عنــي (Re: سجيمان)
|
يا سيدتي: كنت اهم امرأة في تاريخي قبل رحيل العام. أنت الآن....اهم امرأة بعد ولادة هذا العام أنت امرأة لا احسبها بالساعات وبالايام أنت امرأة.... صنعت من فاكهة الشعر..... ومن ذهب الاحلام..... أنت امرأة كانت تسكن جسدي قبل ملايين الاعوام.....
| |
|
|
|
|
|
|
|