|
|
 احتجاز مصور (SMC) بمبانى اجراس الحرية ( حينما يفلس المناضل )
|
ذهب زميلنا المصور مهند السيد الامين ، مصور المركز السودانى للخدمات الصحفية لمقر صحيفة اجراس الحرية ظهر اليوم لتغطية فعاليات ندوة احتجاجا على االرقابة الامنية على الصحف ( تجدون تفاصيلها فى موقع اخر بواسطة احد الزملاء ) ، وصل زميلنا مهند فى الاستقبال سئل عن الجهة التى يمثلها فابرز بطاقة المؤسسة الصحفية التى يتبع لها فادخل مثله مثل باقى الحضور والمشاركين فى الندوة من الاعلاميين
عقب انتهاء الحدث وبعد ان جمع مهند ادوات عمله وحزم حقائبه للمغادرة طلب منه الزميل خالد بحر (عضو المنبر ) والذى لا اعرف صفته بالصحيفة وبرفقته احد الزملاء من صحافيى اجراس الحرية التوجه لاحد المكاتب بالصحيفة ، هناك اغلق على المصور الباب وخضع لشى اقرب لعملية الاستجواب ( تبع وين وجيت كيف وجيت ليه ) ، اولئك الاذكياء كان عليهم القول والاعلان ان الندوة (خاصة ) وسرية عوضا عن توجيه الدعوة للجميع كما انهم كان عليهم طالما ان لديهم تحفظات او مواقف معلومة او غير معلومة ومفهومة من الـــ(SMC) كان عليهم ومن مدخل الصحيفة اخطار الفتى انه شخصية غير مرغوب فيها لكن ان يخضع المصور لعملية تهديد واستجواب ومطالبات ملحة بتسليمهم (الشريط ) وهو ما رفضه مهند السيد ثم وبعد شد وجذب وربما اتصالات ومراجعات مع القائد فلان وفلتكان سمح للمصور بمغادرة مبنى الصحيفة بعد تصرف اعتبره سلوك شائن وقبيح وينم عن جبن وعدم ثقة وعنترية فى غير محلها
بيجو وبحر وحزمة كتبة الحريات بالصحيفة لا يفوتون فرصة الا وناحوا على التنديد بكتم الحريات وبشاعة تصرفات رجال الامن وان فلان حبسوه وفلان (شالو عمودو ) ثم ياتون هم بانفسهم والندوة المنددة بالرقابة لم يخرج روادها لممارسة رقابة ضباطها بيجو وبحر واخرون
|
|
 
|
|
|
|
|
|
|
 Re: احتجاز مصور (SMC) بمبانى اجراس الحرية ( حينما يفلس المناضل ) (Re: معتصم محمد صالح)
|
تخيل يا معتصم لو حدث العكس و ان المصور المحتجز او المطلوب منه (تحريز ) الشريط والمادة المسجلة كان تابعا لعصبة السيد منعم بيجو واستضيف لدقائق داخل مبانى الـــ(SMC) ، لقامت الدنيا ونصب القوم سرداقات النواح ... كان شالو حالنا
المهم .. ما اعلمه ان الشجاع لا يخشى طالما انه يقول ما يمليه عليه واجبه مالات وصول حديثه مسجلا الى جهة كانت وبالمناسبة الذين تخشى اجراس الحرية ان يسمعوا كل ما دار يمكن لهم سماع كل مداولات الندوة من بعض الحاضرين او احدهم ، يمكن لاى ضيف اخر غير معلوم ان يحضر ويفتح هاتفه للجهة الاخرى ويمكن باكثر من وسيلة تحصيل الامر
ولمعلومية الجميع مصور المركز الصحفى انما يوثق الامر باعتباره منشط مفتوح ولاغراض البحوث والدراسات والمتابعات للطلاب والزوار الذين يقصدون المركز فى هذا القسم للحصول على مضابط ندوة او صور حدث ، وعشرات الباحثين يوميا يتقدمون هم او عبر جامعاتهم لمثل هذه المسائل ويرجعون للمركز لاغراض تتعلق بالثقة فيه مصدر وحائز على وضعية محترمة فى الارشفة واصنافها والمواد (الهارد كوبى ) والمصورة ولو ان الزملاء فى اجراس الحرية ارادوا صورا نادرة او ملفات ما فيمكن لهم اختبار الامر دون التورط فى حساسية رصد (صلاح قوش ) والذى فى ظنى لو كان يتبع تلك الترهات الصادرة عن الندوات لما تقلد هذا المنصب ولما حكم عمر البشير - بعد فضل الله - الى اليوم
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: العوض المسلمي)
|
اولا :
لماذا ذهب تفكير الشخص الذى بادر بهذا السلوك الى التهجس من ال اس ام سى دون سائر الاجهزة المتواجدة بكثافة؟
ثانيا اين تقوم الاس ام سى بنشر الشريط مع علمنا التام بتبعية الاس ام سى للامن ( صاح) و هناك تاريخ طويل يدلل على ذلك اقله حادثة المؤتمر الصحفى لحسن عبد الله الترابى الذى اجزم بان تلك المؤسسة كانت لها علاقة بالجهة التى اخذته الى السجن حبسا هذه المرة .
نعم للحريات!
لكن ..
لماذا خرصت الاس ام سى على حضور و تغطية هذه الفعالية دون غيرها ؟
عموما ان هذا التصرف لم ينبع من قيادات الجريدة بدليل الكلام الذى ادلى به القائد فلان ان على مراسل الاس ام سى ان يذهب لتوصيل تلك الرسالة لجهته تلك .
و يظل السؤال هو ما الغرض وراء تصوير هذه الندوة ؟او ما هو نوع هكذا خدمة؟
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: اتيم سايمون)
|
Quote: عموما ان هذا التصرف لم ينبع من قيادات الجريدة بدليل الكلام الذى ادلى به القائد فلان ان على مراسل الاس ام سى ان يذهب لتوصيل تلك الرسالة لجهته تلك .
|
القائد فلان اليس من الممكن ان تقول اسمه ( خوفكم عينة ) واما الجهة التى يخشاها قادتك فلست معنيا بها كثيرا وان كنت فقط اشير الى ان ضباط الحركة الجيش الشعبى ممن تم استيعابهم فى جهاز الامن يشاركون ضمن فرق واتيام الرقابة الصحفية وينزعون مقالات واخبار ولست ادرى ماذا يقول قادة اجراس الحرية فى هذا
بالمناسبة احد الزملاء اشار الى هذه النقطة فى وبست مخصص ... كلهم عملو رايحين
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
استدراك
| Quote: ضباط الحركة الجيش الشعبى ممن تم استيعابهم فى جهاز الامن يشاركون ضمن فرق واتيام الرقابة الصحفية وينزعون مقالات واخبار |
يعنى ببساطة على السيد باقان اموم وبقية خطباء الحركة الشعبية فى منابرهم التحلى بقدر من الحشمة ، انت ترشح ضباط للجهاز (يختارهم بعد مراجعات الجيش الشعبى الامين السياسى للحركة ) وتكون عارف انهم يشتغلو رقابة وتجى تخطب نحن ضد القمع وضد الكبت
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
كلام اللولوة دة بكانو ما هنا
اولا الجيش الشعبى ماعندو ضباط بالصفة دى فى اتيام الرقابة الفبلية على الصحف.
انت ما كنت شايل بندقية فى يوم عشرة مايو فى تقاطع كلية التربية امدرمان و لاشنو؟
تانيا ديل ضباط مستوعبين فى جهاز الامن الوطنى اى بمعنى انهم ما قاعدين يتلقوا التعليمات من قيادة الجيش الشعبى فى جوبا يا سيد , و الحركة قالت رايا الواضح فى القضية دى و القائد فلان نفسو قال فى مؤتمر صحفى معروف لى زول جريدة الوطن انو الحركة ما مبسوطة من الافراد ديييييييل و انت ذاتك يا حمد جمعة امشى قوليهم الكلام دة .. يمكن التعليمات واحدة؟
عليه المزايدة ما فى ليها داعىىىى انتو حتودوا الشريط بتاع الندوة وين .. حيدوكم فيهو كم كدة يا ؟؟؟؟؟؟؟؟؟
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: اتيم سايمون)
|
• المركز السوداني للخدمات الصحفية (SMC) هو أحد واجهات جهاز الأمن والمخابرات والتي يهدف من خلالها الجهاز الى بث الكذب واللاوعي الى الشعب السوداني.
• وجهاز الأمن يحاول جاهداً إخراس صحيفة أجراس الحرية بإستهداف مقالاتها وموضوعاتها.
• والمناسبة التي ذهب اليها منسوب ال(SMC) هي مناسبة ضد محاولة الإخراس تلك.
• منسوب ال(SMC) لم يذهب الى هناك إلا من أجل (الرصد) و (المتابعة) و (التوثيق)، ولذلك يجب أن يُسأل.
• حرية العمل الإعلامي يجب ألا تمتد إلى من لا يؤمن بها ويسعى لتعويقها.
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
| Quote: بيجو وبحر وحزمة كتبة الحريات بالصحيفة لا يفوتون فرصة الا وناحوا على التنديد بكتم الحريات وبشاعة تصرفات رجال الامن وان فلان حبسوه وفلان (شالو عمودو ) ثم ياتون هم بانفسهم والندوة المنددة بالرقابة لم يخرج روادها لممارسة رقابة ضباطها بيجو وبحر واخرون |
محمد جمعة
اولا لا اعرف لماذا الزج باسمي في موضوع لا علاقة لي به ولم اسمع به؟
ولا اعرف ماهي علاقة الاخ الزميل خالد بحر عضو المنبر بصحيفة اجراس الحرية؟
اولا يا محمد انا لم اقابل الاخ خالد بحر ولم اره منذ ما يقارب العام ولا اعرف هل كان في الندوة ام لا ؟
تانيا اعرف علاقة smc بالجهات الامنية الا انه ليس المرة الاولى يحضر مندوبكم الى الصحيفة فلماذا
لم يتم اعتراضه ؟
نحن نؤمن بان الحرية لنا ولسوانا لذا فلك تكن لدينا اي مشكلة في تغطية مندوبكم للفعالية ..
سالت عن الموضوع قبل قليل وعرفت ان اثنين من الاستقبال قد طلبوا الشريط من منوبكم الا ان تدخل قيادة
الصحيفة في الامر حال دون ذلك ! ولم اكن موجودا حتى في الصحيفة ساعتها ..
ارجو عدم الكذب والزج باسمي واذا كنت تريد التمهيد (لاي شي) فافعله دون ان تكذب ..
سالت الاستقبال قبل قليل وقد قالوا انه لم تكن هناك ديباجه على الكاميرا لذا تم سؤاله ؟
شخصيا انا ضد ما تم لمندوبكم كما انني ضد ما تمارسه انت هنا من كذب ..
الاخ محمد جمعة
ارجو التاكد من الخبر قبل نشره وعدم الزج باسمي في مواضيع ليست لذي علاقة بها .
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
| Quote: انا اكتب بحسب رواية وتاكيد (المصور ) التابع لى وان تبينت خطأ - باى حجم - فى قال لن اتردد فى محاسبته والاعتذار لك هنا وبلا كلفة او حرج |
يا محمد جمعة
ارجو الاعتذار الآن لانني لم اكن متواجدا حتى بنهاية الندوة واسال
مصورك .. ثم من اين يعرفني مصورك هذا الذي يظن ان خالد بحر يعمل بالصحيفة ؟
انا يا محمد لم اقابلك ولا مرة في حياتي ولا اعرفك شخصيا حتى لو قابلتك في الطريق ..
فكيف يعرفني مصورك الذي اعرفه ولم اقابله ؟
ارجو الاعتذار كما
ارجو من الاخ العزيز خالد بحر الكتابة هنا لتعرفوا كذب وافتراءت محمد جمعة
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: عبد المنعم سليمان)
|
| Quote: انا اكتب بحسب رواية وتاكيد (المصور ) التابع لى وان تبينت خطأ - باى حجم - فى قال لن اتردد فى محاسبته والاعتذار لك هنا وبلا كلفة او حرج |
الكلام دا برضو للسيد خالد لكن يبقى فى اخر الامر من ناحية اخرى ان جهة او شخصا بالصحيفة طالب بالشريط ( بعد انتهاء الندوة لاحظ ) وعجيب امر موظف استقبال (يقطع من راسو ) تصرف مثل هذا دون علم جهة تامره بالصحيفة
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
...هم بٍإستمرار يعانون من فقر فى
مستودعات القيم الأخلاقية....وهم بإستمرار
يعوزهم الإتساق الأخلاقى ...وهم بإستمرار يعانون
من نقص حاد فى القيم الأخلاقية وبصورة خاصة قيمة الصدق
...وفى كل المرات التى تتاح لهم فرص للحديث والكلام لايخيبون ظننا
على الإطلاق...ويثبتون بما لايدع مجال للشك أنهم مجرد فاقد اخلاقى وفاقد
تربوى ....وهنا فى هدا البوست تحديدا ...أعلنوا عن سقوط اخر أوراق التوت
عنهم...عندما إستمروا فى ممارسة هويتهم فى النفاق...وعليه أوضح الاتى/
لاتجمعى أى علاقى بجريدة اجراس الحرية سوى الانحياز إلا الديمقراطية وتاسيس الدولة المدنية
الحديثة وهه قيم أدعوا لها انا وتقاسمنى نفس الفكرة جريدة اجراس الحرية..وعليه اؤكد أننى ليس
صحفى بجريدة اجراس الحرية ولو كان يشرفنى ان اكون صحفى فى جريدة تنشر مثل هده القيم
ثانيا/لم اكن ضمن حضور هده الندوة على الإطلاق ..
ثالثا/أخر مرة قابلت فيها الاخ عبد المنعم سليمان قبل عام فى المركز الالمانى فى الخرطوم
وبعد دلك لم اقابله حتى الان
رابعا/سأقوم بتحريك إجراء قانونى للضر الادبى الدى لحق بى...ما لم يثبت صاحب البوست صحة المعلومات التى اوردها
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
Quote: لاتجمعى أى علاقى بجريدة اجراس الحرية سوى الانحياز إلا الديمقراطية وتاسيس الدولة المدنية
الحديثة وهه قيم أدعوا لها انا وتقاسمنى نفس الفكرة جريدة اجراس الحرية..وعليه اؤكد أننى ليس
صحفى بجريدة اجراس الحرية ولو كان يشرفنى ان اكون صحفى فى جريدة تنشر مثل هده القيم
ثانيا/لم اكن ضمن حضور هده الندوة على الإطلاق ..
ثالثا/أخر مرة قابلت فيها الاخ عبد المنعم سليمان قبل عام فى المركز الالمانى فى الخرطوم
وبعد دلك لم اقابله حتى الان
رابعا/سأقوم بتحريك إجراء قانونى للضر الادبى الدى لحق بى...ما لم يثبت صاحب البوست صحة المعلومات التى اوردها |
شكرا للاخ خالد بحر
اولا هذه فرصة لاقول لك كيف الحال
ثانيا تاتيني اخبارك دائما من الاخ محمد حسين والحمد لله يطمئنني عليك
ثالثا يبدو ان المصائب ستجمعنا حتى ولو لم نجتمع
اتمنى ان اراك قريبا وهذه فرصة لتسجل لنا زيارة
لك ودي واحترامي
__
محمد حامد جمعة
ما رايك ؟
فقط ارجو اعتذارك ..!
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
شوف يا منعم ويا بحر
بدون لف ودوران انا كنت واضح لو مصورنا نقل رواية غلط فى اى جزئية انا ملزم بالاعتذار لكما ودا كلام ملتزم بيهو ومافى رجعة منو ، دا حقكم على ، ولكن بعد ما اقعد معاه تانى ( بعد ما حدث منكم من عمل قبيح داخل مبانى صحيفة ترفع شعارات الجهر والحريات من حقى ان اكون واثقا فى زميلى اكثر منكما والى ان اتثبت منه مرة اخرى وبشكل دقيق حينها ساتى واعتذر )
المشكلة الان الواقعة نفسها حصلت ام لم تحصل ( ما تخمونا ساى )
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
محمد حامد جمعة
هسى القاعد يلف ويدور منو..أنت إتهمتنى جزافا بشئ لم اقم به
وعليه كان بالضرورة ان انفى الإتهام...وين اللف والدوران هنا
| Quote: بعد ما حدث منكم من عمل قبيح داخل مبانى صحيفة ترفع شعارات الجهر والحريات |
وحتى الان تصر على وجود علاقة مهنية تربطنى بصحيفة اجراس الحرية رغم أننى نفيت جملة وتفصيلا
ان يكون لدى اى علاقة مهنية مع صحيفة أجراس الحرية..عجزت عن تفسير ماتقوم به....؟
| Quote: المشكلة الان الواقعة نفسها حصلت ام لم تحصل ( ما تخمونا ساى ) |
الكلام ده لى انا ولا لى منعم ولا لى جريدة اجراس الحرية....؟
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: اتيم سايمون)
|
Quote: سالت عن الموضوع قبل قليل وعرفت ان اثنين من الاستقبال قد طلبوا الشريط من منوبكم الا ان تدخل قيادة
الصحيفة في الامر حال دون ذلك ! ولم اكن موجودا حتى في الصحيفة ساعتها ..
ارجو عدم الكذب والزج باسمي واذا كنت تريد التمهيد (لاي شي) فافعله دون ان تكذب ..
سالت الاستقبال قبل قليل وقد قالوا انه لم تكن هناك ديباجه على الكاميرا لذا تم سؤاله ؟
|
مع تقديرنا لايضاحات الزميل منعم ، لكن الكلام دا مضطرب وجايط ،
زميلنا الذى احتجز دخل من باب الاستقبال وجى العرف ان الداخل يعرف عن نفسه وجهته وياخذ الاستقبال هذا ( يدون او لا يدون ) ، ثم ان الامر وقع بعد انتهاء الفعالية ولحظة انصراف المصور وقطعا لا يمكن استيعاب حجية انه طلب منه الشريط لانه كاميراته كانت بلا ديباجة بعد مرور ساعات من بدء التصوير لاحظوا ذلك
مسالة اخرى (الاستجواب ) تم فى غرفة داخل الصحيفة يا منعم
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
| Quote: يا منعم مصورنا تعرض لعملية احتجاز داخل مبانيكم وطلب منه تسليم شريط التسجيل ( دا حصل ولا لا ) |
سالت الاستقبال واقرو بانهم قد طلبوا منه الشريط بالفعل وقد تركوه عندما امرتهم الادارة بذلك
وهذه واقعة ادينها والحمد لله ال انتهت بكده لاني ضد المنع والقلع وتشكر ادارة الصحيفة لحسن تصرفهم ..
___
هذه ليست المشكلة انت زجيت باسمي وباسم خالد بحر وعاوز منك اجابة واضحة
حاتعتذر وللا لا ؟
انت اسئت لي واطالبك بالاعتذار فهل اعتذرت ؟
ما عاوز منك غير اجابة واضحة وصريحة ..
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: عبد المنعم سليمان)
|
امر غريب ودينا فلندقس...او فرندقس...
يا ود جمعة بوستيك ده مفروض تكتبوا بعد 5000 يوم مش الليلة ...!!!
قوول لي لييييييييه..؟؟؟
قبل الاحتجاج علي هذه الحادثة والتي ان اثبت فهي مدانة بحكم المبداء والموقف ضد العنف والتنكيل بالصحفيين (ان ثبت ان زولكم ده صحفي)..
بعد 5000 يوم لانك مطالب في كل يوم ويوم تاتي وتدين حادثة شبيهة لذلك حصلت في مكاتب اجهزة الامن السودانية
من قمع وتنكيل وتعذيب وقتل وسحل ايضا...وجايب ليها ضرب مسمسار في الراس كما حصل للشهيد علي فضل..
او تلحق السوق وتعمل بوست اجمالي تعتذر وتدين وتشجب وتستنكر كل ضحايا التعذيب والبطش في زمن حكومة الكيزان..
......
المواقف من هذه الافاعيل ان اتت للمتاجرة تصبح مبتورة وهزيلة وتسلب منها روح الحقيقة
كونها لا تستند علي ارضية خصبة ومبادي عميقة تومن بالراي والراي الاخر...انتو ذاااتكم وبكل اجهزتكم لو لميتو في الشباب ديل في اقرب
زقاق بتغمتوهم وتضربوهم ضرب غرائب الابل كون ذلك هو اسلوب ارتبط بالممارسة مع المخالفين الراي....
عموما لو ثبتت هذه الحادثة فانها مرة اخري مدانة من حيث المبداء وهي فرصة يا ود جمعة للتامل في كمية الغبن والاسي
التي تولدها مثل هذه الاشياء...
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: مؤيد شريف)
|
امر غريب ودينا فلندقس...او فرندقس...
يا ود جمعة بوستيك ده مفروض تكتبوا بعد 5000 يوم مش الليلة ...!!!
قوول لي لييييييييه..؟؟؟
قبل الاحتجاج علي هذه الحادثة والتي ان اثبت فهي مدانة بحكم المبداء والموقف ضد العنف والتنكيل بالصحفيين (ان ثبت ان زولكم ده صحفي)..
بعد 5000 يوم لانك مطالب في كل يوم ويوم تاتي وتدين حادثة شبيهة لذلك حصلت في مكاتب اجهزة الامن السودانية
من قمع وتنكيل وتعذيب وقتل وسحل ايضا...وجايب ليها ضرب مسمسار في الراس كما حصل للشهيد علي فضل..
او تلحق السوق وتعمل بوست اجمالي تعتذر وتدين وتشجب وتستنكر كل ضحايا التعذيب والبطش في زمن حكومة الكيزان..
......
المواقف من هذه الافاعيل ان اتت للمتاجرة تصبح مبتورة وهزيلة وتسلب منها روح الحقيقة
كونها لا تستند علي ارضية خصبة ومبادي عميقة تومن بالراي والراي الاخر...انتو ذاااتكم وبكل اجهزتكم لو لميتو في الشباب ديل في اقرب
زقاق بتغمتوهم وتضربوهم ضرب غرائب الابل كون ذلك هو اسلوب ارتبط بالممارسة مع المخالفين الراي....
عموما لو ثبتت هذه الحادثة فانها مرة اخري مدانة من حيث المبداء وهي فرصة يا ود جمعة للتامل في كمية الغبن والاسي
التي تولدها مثل هذه الاشياء...
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: مؤيد شريف)
|
يا سلام !
الإتهام في السهلة .. و الإعتذار في زقاق
الكيزان حكموا البلد دي بالبجاحة و الصفاقة و قوة العين .. في مواجهة الإستكانة و السلبية و العبط من الآخرين
ما عارف ده يوصفوهو بي شنو
الناس تطلع في الإدانات لصالح الأجهزة المشبوهة ..
و تصدق روايات ( ناس الزرديات و قلع الضفور و حفرة النار ) بكل بساطة .. كأنو ده جهاز أمن غير البنعرفوا ده
مهما كانت القصة خيالية و هبلة زي قصة خالد بحر صحفي و كمان رباطي في أجراس الحرية دي
مالكم ؟ صغار و جاهلين من قمتوا ما سمعتوا بي الكيزان
ولا خلاس بريئين و على نياتكم .. مقطعين البساطة يعني
بالجد دي حالة من الصعب تسميتها
لو الكلام ده جاء من زول عنقالي ساي معليش الناس تطالبوا بي إعتذار
لكن ده زول شغلوا ( جمع المعلومات و تحليلها و حاجات تانية )
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
Quote: لا ترهق نفسك.... لن يعتذر اليوم أو غدا مطلقا.....
لو كانوا يملكون ثقافة شجاعة الاعتذار لوفروا علينا الكثير من الدماء والمآسي.... |
Quote: ______
وضح لي ان محمد يلفق ليمهد (لشى ما)- مرة اخرى-
كل مطالبتي له بالاعتذار انما هي لتاكيد ان محمد لا يعتذر لانه يعرف
ماذا يفعل ولماذا يفعل ذلك .. ونكتب هنا للتوثيق للقادم ولاكشف لكم
دور محمد جمعة للذين ظلوا يدافعون عنه ..
كل دوره هو التمهيد ..
سترون
للتوثيق
___ |
شكرا مؤيد
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: عبد المنعم سليمان)
|
لمن الناس بتكورك تعذيب وبيوت اشباح وقتل......كانت الصيحة الاعلي صوتا هي جيبو حي
وفيها ارنب نط
وطابور ودوران علي المروحة
وضرب بغلظة وانتقام بمجرد انت طلعت مظاهرة
ومجرد انت قلت لا في وجه من قالوا...
هذه الاشياء شوهت وقتلت واحرقت اجساد..
ده نموذج للكان بحصل ولسع حاصل علي مستوي الدولة السودانية اليوم...
..................
تخليهو كلووووووو وتجي تكورك الليلة تقول ناس بيجو قبقبو زولكم..
انتو قبقبتو بلد بحالها ولسع مقبقبين وباصق علي ده كلو وجاااي الليلة في حادثة زولكم ده عامل فيها منتمي ومنادي بالحريات
حريات ايييه يا رجال...!!!!
ان ثبت بان منعم وبجر ابرياء يجب الاعتذار لهم ...
وان ثبتت هذه الجريمة...فهي مدانة....ولكن باسم ارواح الشهداء الذين ماتوا في سجون الامن السوداني والمعذبينن
نتمني ان تشملهم هذه النفحة الاعتذارية...كونك الليلة طريت حريات
فارواح الموتي اولي من ارواح المقبقبين
فالحرية مبداء ونار وطريق شاق ووعر ويحتاج الي شفافية فوووووووووووووووق
والداير يمشيهو يدين روحو في البداية ويغتسل ذات ليل دامس في جوف النيل الذي حمل الارواح البرئية الي الفردوس
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: عبدالكريم الامين احمد)
|
لعلك تدرك ان الموضوع تشعب الي شعبتين , الاولي موضوع الحادثة التي هي مدانة من الجميع بمن فيهم الاخ عبد المنعم والاخ خالد , الثانية موضوع اتهامك لهما بالتورط في الحادثة وهذا ما نفاه الاثنان معاً , بالتالي من حقك ان تواصل ادانتك لما حدث , ومن حق الاخوين مطالبتك بالاعتذار لانك ادنتهما وانت تستمع الي طرف واحد, وهو امر غير جائز لا قانونياً ولا في الاعراف الصحفية التي انا متأكد انك تدركها تماماً , والاعتراف بالخطأ خير من الاصرار عليه . ودعنا نقول جميعاً لا لمنع الصحفي من الحصول علي معلومة .
نقطة سطر جديد :
اعتقد اننا بحاجة بتعليق رسمي من ادارة صحيفة اجراس الحرية
مع شكري للجميع
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: عبد الحميد عوض)
|
الاستاذ عبدالحميد عوض
لو تتبعت مداخلاتى انا التزمت واوضحت بدقة اننى ساعتذر متى ما تاكدت ان رواية المصور فى الجزء المتعلق بمنعم وخالد مغلوطة واعتقد ان الاعتذار ببوست منفصل وواضح اوقع واكثر وجاهة فى رد الحق لهما
المسالة الثانية الواقعة انا اذهب فى اتجاهك وليت الصحيفة تسمعنا حقيقة الامر ، رواية الجناة انفسهم لسد باب المغالطات
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
| Quote: لعلك تدرك ان الموضوع تشعب الي شعبتين , الاولي موضوع الحادثة التي هي مدانة من الجميع بمن فيهم الاخ عبد المنعم والاخ خالد , الثانية موضوع اتهامك لهما بالتورط في الحادثة وهذا ما نفاه الاثنان معاً , بالتالي من حقك ان تواصل ادانتك لما حدث , ومن حق الاخوين مطالبتك بالاعتذار لانك ادنتهما وانت تستمع الي طرف واحد, وهو امر غير جائز لا قانونياً ولا في الاعراف الصحفية التي انا متأكد انك تدركها تماماً , والاعتراف بالخطأ خير من الاصرار عليه . ودعنا نقول جميعاً لا لمنع الصحفي من الحصول علي معلومة . |
تمام يا عبدالحميد
والله زولك ده بخطط لشي بس ماليهو هو
خالد بحر ده ما عنده علاقة بالجريدة وما اظن بعرف مقرها ذااتو وانا ما شفتوا لي سنه
وانا ما سمعت بالقصة دي الا لمن كلموني ببوست جمعة واتاكدت من الاستقبال
عشان كده الموضوع ده كله كلام فارغ
بس انت اكتب للتوثيق
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
Quote: الخرطوم (رويترز) - قال مسؤولو وسائل إعلام سودانية ان أكثر من 150 من الصحفيين السودانيين ومساعديهم بدأوا يوم الثلاثاء إضرابا عن الطعام لمدة 24 ساعة احتجاجا على الرقابة التي تفرضها أجهزة أمن الدولة.
وأضاف مسؤولو وسائل الاعلام أن ثلاثة من صحف المعارضة ستتوقف عن الصدور لثلاثة أيام كما سيسحب كتاب من مطبوعات أخرى مقالاتهم لتسليط الضوء على حملة متصاعدة لفرض قيود صارمة على وسائل الاعلام.وقال صالح أحمد محمد الحاج المدير العام لصحيفة أجراس الحرية في بداية الاضراب ان الصحفيين يتعرضون للرقابة كل يوم.ولم يتسن على الفور الاتصال بمسؤول من أجهزة الامن السودانية أو وزارة الاعلام للحصول على تعليق.ويكفل السودان الذي ينتج 500 ألف برميل من النفط يوميا حرية الصحافة بموجب اتفاق للسلام أنهى حربا أهلية بين الشمال والجنوب استمرت أكثر من عقدين لكن الصحفيين يشكون مرارا من زيارات ليلية لضباط الامن الذين يراجعون النسخ ويصدرون تعليمات لرؤساء التحرير بحذف مقالات حساسة.ويقول صحفيون ونشطاء في مجال حقوق الانسان ان الحملة الراهنة بدأت في فبراير شباط الماضي بعد أن نشرت صحف تقارير تتهم الحكومة بدعم متمردين تشاديين قاموا بمحاولة انقلاب فاشلة. وتنفي الحكومة الاتهام.
وقال الحاج انه تلقى تعليمات بحذف عدد كبير من المقالات الى الحد الذي اضطر معه الى سحب الطبعات أكثر من 20 مرة منذ أن بدأت الصحيفة في الصدور في أبريل نيسان الماضي.وأجراس الحرية صحيفة يومية لها صلة وثيقة بالحركة الشعبية لتحرير السودان وهي الحركة السياسية الرئيسية في جنوب السودان وشريك في حكومة الائتلاف الوطني التي تشكلت بعد اتفاق السلام.كما اتهمت حكومة جنوب السودان التي تتمتع بحكم شبه ذاتي بخنق الحريات الصحفية. واعتقل صحفي لثلاثة أيام الشهر الماضي بعد نشر مقالات ينتقد فيها المرتبات العالية التي يتقاضاها موظفو الحكومة. وقال الحاج ان صحيفتي رأي الشعب المرتبطة بحزب المؤتمر الشعبي المحافظ والميدان المرتبطة بالشيوعيين السودانيين تشاركان أيضا في الاضراب عن الطعام والاحتجاب عن الصدور لثلاثة أيام.وتابع قائلا ان العدد الاجمالي للعاملين في الصحف الثلاثة شاملا موظفي المكاتب يتجاوز 150 ولكن مشاركة صحفيين من صحف أخرى قد يرفع العدد الاجمالي للمشاركين.وقال ادوارد لينو المسؤول الكبير في الحركة الشعبية لتحرير السودان وهو احد الشخصيات المعارضة البارزة التي حضرت الاعلان عن بدء الاضراب عن الطعام ان الرقباء أصدروا تعليمات لصحيفة أجراس الحرية بعدم نشر مقابلة أجريت معه في عدد يوم الثلاثاء. |
يا محمد حامد
اصلا دة هو الموضوع و القضية الاساسية قالوا ليك تلعب الدور القذر و تفرغا من محتواحا
الوكالات العالمية مهتمة بالقضية دى اهتمام اساسى !!
انتو قلنا ليكم الرقابة دى ما يتمنع الناس توصل رايها
اها اخير تخلوا الصحافة و لا تجيبا وكالات الانباء العالمية ولا ما بتسمعوا الا الكلام العالمى ما انتوا بقيتوا عالميييين بى سمعتكم دى ؟
بعد كلامك التمهيدى دة الاعتقال متين عشان نرفع البوست من اسة !
و لا انا ذاتو نسيت انو الملوغسين بتشاوروا .. امشى شاور و تعال .
المهم كلامنا قلناهو ووصل !!!
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
أولا نرحب بالنقاش وحقو يكون بصراحة وموضوعية حتي لا نخرط في مهاترات لا قيمة لها.
طيب بخصوص الندوة انا كنت مقدم الندوة بتاعة اليوم .. كانت امامي كاميرات الشروق.. الجزيرة .. الفرنسية .. smc .. وبعدها العربية بالاضافة الي الوكالات العالمية والاذاعات ..
اسال مصورك يا استاذ محمد هل تم اعتراضه بل كان كثيرا ما يطلب مني الابتعاد عن عدسة الكاميرا بعد تقديم المتحدث ..
كل اللي حصل انه المصور عندما دخل قدم نفسه كشركة انتاج فني للاستقبال ومن ثم بعد خروجه وبعد معرفة الاستقبال انه ليس شركة انتاج فني ارتابوا في امره ومن ثم طالبوا بالشريط ..
تدخلنا وتم حسم الامر ..
لم يكن الزميل عبدالمنعم موجودا كما لا اعرف اي احد لا بصفة شخصية ولا عملية في صحيفتنا باسم خالد بحر ( وان كنت اتشرف بمعرفته بعد قراءتي لمداخلته)
الاخ محمد ارجو عدم ترديد الاكاذيب فمن حق الاستقبال تفتيشه اذا ما شكوا في امره وهذا عملهم ..
وعندما تاكدوا منا انه من smc تم تركه ومعه الشريط .. اليس الشريط بحوزتكم ؟
ارجو عدم ترديد الاكاذيب واذا كان هذه الامر قصد به (شي آخر) فنحن لها .
هذا للمعلومية حتى لا نقع في الفخ .
لكم الشكر
ياي جوزيف
مقدم الندوة
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: ياي جوزيف)
|
شكرا على الرد الضافى والتاكيد على اهمية التعامل بقدر من الجدية البعيدة عن التهاتر وما اليه من قول ساقط وغير مفيد
اوضح لك الاتى
زميلى ابرز البطاقة الخاصة بالمركز ولم يقل انه شركة انتاج فنى ( لا اعتقد ان الفعالية تتضمن وجود مغنى او يشرفها محجوب شريف ليكون تعريفه بهذه الصفة مفيدا ومستساغا لموظفى الاستقبال )
بالنسبة لمنعم وخالد اؤكد لك وللجميع اننى ساعتذر
شكرا مرة اخرى للمداخلة
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: ياي جوزيف)
|
| Quote: Quote: وأجراس الحرية صحيفة يومية لها صلة وثيقة بالحركة الشعبية لتحرير السودان وهي الحركة السياسية الرئيسية في جنوب السودان وشريك في حكومة الائتلاف الوطني |
دة انت طلعت كذاااب و عبيط يا عم ؟
وين الخبرهنا يا محمد؟
اجراس الحرية دى شراكة معلنة بين المهمشين و الديمقراطيين و المجتمع المدنى وديل كلهم التقوا فى تيار رئيسى بدعم المهمشين.
انت ما شغال فى الاس ام سى !
ودى وكالة مفيدة فى ياتو اتجاه .
وياتو طالب بجيكم عشان يحضر الشريط حق الندوة ؟
عشان كدة الكوتيشن دة بلو و اشرب مويتو
smc ماهى الامن و لا طلعتها شركة انتاج فنى على قول زولكم !
الشريط عندكم بكااااااااام يا سى محمد !!
و الله مهازل !!
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
محمد حامد جمعة
...لو كنت تعتقد ان الموضوع سينتهى إسفيريا فأنت واهم
ومتفأئل...أنت والشخص الذى نقل إليك هذه الفرية ...سببتم لى
ضرر أدبى ...وعليه أنا جاد جدا فى تحريك إجراء قانونى فى مواجهتك أنت والشخص
الذى نقل إليك هذه الفرية حتى تكف عن ممارسة هذه الافعال القذرة وحتى تكون مضرب للمثل
....وهنا أوجه إستفسار للاخوة القانونيين فى البورد عن كيفية الاجراءات فى هذه الحالة
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
اول مرة اعرف انو الاعتذار بياخد وكت طوييييييييييييييييييييل كدا .. اها مصوركم دا رسلتوهو لى مهمة خاصة فى افغانستان؟؟ ما ياهو قاعد شغال عندكم وممكن تتصل بيهو بالتلفون وتسألو عن خالد بحر.. تانيا :انت جبت اسم عبدالمنعم ساااااااى لغرض فى نفس يعقوب كما يبدو ...
انت ما تقول عديييييييل انا ضد سياسة الاعتذار .. لأنو الاعتذار نوع من الافلاس السياسى والاقتصادى والوطنى .. يا مقرّشين!!
هو منو من ناس الجبهة اعتذر عن خطأ او جريمة ارتكبها؟؟
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
ياجمعه ...
شكلك بهتا الناس ساكت لاايدهم لاكراعهم ..القاعدة
بتقول (البينة على من ادعى ) ..جيب بينتك
البتؤكد كلامك اعلاه ..غير كدا ماعندك حل
غير تعتذر ..دا من ناحية ..ومن الناحية
التانية مفترض تتأكد تماما قبل ماتكتب
اى حاجة تمس شخص ..وخاصة انك صحفى يعنى ..
يفترض (تبينوا) تكون شعارك فى حالة ان
يكون الامر مرتبط بشخص محدد ..وانت بالذات
قبل اليوم دا الباقر العفيف قال شافك
يوم حضور جثمان الخاتم فى المطار ..حينها
اقمت الدنيا ولم تقعدها ....دحين يازول
راجع موقفك ولاتتمادى ..
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: عبدالكريم الامين احمد)
|
| Quote: انا اكتب بحسب رواية وتاكيد (المصور ) التابع لى |
أول درس فى حرفة الصحافة: هى التوثق من الخبر من عدة مصادر، بعدها يتم نشره.
طبعا مدرسة الشمولية الصحفية (البربوقاندا)التى تعلمت فيها (مصدرها واحدفقط (دائما ماهو يعبر عن السلطة الرسمية)، واحيانا إن لم يكن هناك مصدر فهى تخلق المصدر).
مصيبتكم عايشين فى القرن الواحد وعشرين بعقلية (شمولية) تنتمى الى القرن العشرين.
وكان غيركم أشطر.............
فحزب المؤتمر الحاكم يحارب معركة خاسرة............طال الزمن أم قصر.
لو كنت متسقامع نفسك: عليك ادانة حزبك الذى يخرق الدستور بتقيده لحرية النشر الصحفى.
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
انتو المصور دا لسه مُحتجز؟؟
ماتفكوهو عشان جنابو يعمل لجنة تحقيق برئاستو وعضوية كم نفر كدا من ال SMC وبعدين ينشرو التقرير بعد استكمال استحضار البينات .. والبينة على من ادعى واليمين على من انكر ، انت بتنكر مالك ياخالد بحر | Quote: طلب منه الزميل خالد بحر (عضو المنبر ) |
ما ياهو منشور هنا!!
ولازم حضورك فى مبانى الجهاز عشان يعملو ليك فيش وتشبيه ويدخلوك غرفة تحرى مع مجموعة من المشتبه فيهم عشان المصوراياهو يقدر يتعرف عليك ويقول انت خالد بحر واللا خالد من الخيال الافتراضى!!
والحكاية بعدين بتجر .. خليها مستورة
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد حامد جمعه)
|
محمد جمعة
أي زول عاقل حيقول ليك بكل بساطة: أعتذر عن تشويه سمعة الاخوين عضوي البورد..
بالرغم أنو طريقة أيرادك للخبر يستشف منها الغرض: وهو تشويه صورة صحيفة أجراس الحرية و القائمين بها..لشئ في نفس يعقوب!!!
حكاية(أتحقق) و (أتوثق) دي ما بتدخل ليها راس زول..ألمسألة ما دايرا ليها فحص DNA ...و كل ما تتأخر في الاعتذار و تبيان الحقيقة بتتطعن في مصداقيتك أكثر و أكثر.
| |
|
|
|
|
|
|
|
|
|
Re: احتجاز مصور (SMC) بمبانى اجراس الحرية ( حينما يفلس المناضل ) (Re: محمد فرح)
|
Quote: قبل قليل قمت بحفظ هذا البوست في جهازي
إذا ثبت وجود الشخصيتين موضع الإشتباه في الندوه فلاأعتقد عندها أنه سيكون من حقهم البقاء هنا |
و ليه يعني ؟؟؟
أنتو بكل جرائمكم قاعدين هنا و مافي زول قال ما من حقكم البقاء هنا !!!!
هل وجود أي شخص في تلك الندوة جريمة تستحق الطرد من المنبر؟؟
أنت يا زول غلطان في العنوان ... دي سودانيزأونلاين مش الإنتباهة!!
| |
|
|
|
|
|
|
| |
محمد حامد جمعه
معتصم محمد صالح
العوض المسلمي
Yassir Tayfour
على محمد على بشير
ياسر احمد محمود
عبد المنعم سليمان
خالد خليل محمد بحر
Elbagir Osman
Abdelfatah Saeed Arman
عبدالوهاب علي الحاج
ابراهيم عدلان
عبدالكريم الامين احمد
amin siddig
Marouf Sanad
ابراهيم بقال سراج
Ashraf el-Halabi
A.Razek Althalib
زياد جعفر عبدالله
محمد فرح
bushra suleiman
محمد عبدالرحمن
أحمد أمين
خالد عبد الله محمود
فيس بوك
تويتر
انستقرام
يوتيوب
بنتيريست