|
|
 البيض بالطماطم!
|
البيض بالطماطم من أبرز المحطات في حياتي.. ويمثل دوماً تحولا مرجعا في أي مرحلة من مرحلات حياتي.. تذكرت هذا الأمر بالأمس الساعة الثانية صباحاً.. وأنا أقلي البيض.. ومعه حبات الطماطم.. تعلمت الوصفة من لوليتا.. تقطّع الطماطم إلى شرائح.. بل مكعبات صغيرة.. يوضع الزيت على النار .. ليس على النار مباشرة (للذين يتبعون حرفية الوصفة).. توضع الطماطم في ذاك الزيت.. وتُقلب قليلاً حتى يبدأ لونها في الذبول.. ويتحوّل من الاحمرار إلى البرتقالية... في هذه الأثناء.. يتم تكسير البيض.. وإضافة الملح والفلفل.. يُخفق جيّداً.. ثم يُصب على الطماطم.. يترك على النار قليلا (لينضج).. ثم... يؤكل.. يحبّذ معه مشروب بارد.. بيبسي.. بالأمس اجترعت عصير مانجا.. مع أربعة مكعبات كبيرة من الثلج.. وأنا أحضر الفلم الرومانسي Frankie and Johnny ... وأذرف الدمع غزيراً على الحظ العاثر.. وعلى أشياء كثيرة... قلت أن البيض بالطماطم كان بالنسبة لي دوماً كما يقول أهل الكومبيوتر milestone في مشوار حياتي.. بدأ مع لوليتا .. تلك الفليبنية التي تركت أهلها وزوجها لتعمل في الإمارات.. ونحن أيضاً تركتنا أهلنا لنعمل في الإمارات.. كنت وقتها في السابعة من العمر.. وقد بدأت أنتفخ كبالون صغير من جرّاء أكل الخليج.. وقِلة الحركة الناتجة عن الحر الشديد...ومتابعة التلفاز.. وألعاب الفيديو.. والمكيفات الباردة... كانت لوليتا.. ما إن تدق الساعة الثامنة.. تحضر لي ساندوتشين من البيض مع الطماطم.. هناك أشكال أخرى من الساندوتش.. هناك ما يُضاف إليه البصل أحياناً.. والفلفل الأخضر.. لكني أفضّله هكذا.. ولا أملّه.. آكله يومياً... ساندوتشين.. وأنتفخ مثل بالون صغير... أخي مازن كان يطلب في كل دقيقتين (شاي بحليب).. وهو يبدو (كما يسميه أبي) كمشلعيب.. لا أدري ما العلاقة بينهما.. ولكن لمن قد يفهم، أخي شديد النحافة... يأكل.. دون فائدة.. يأكل البيض بالطماطم أحياناً قليلة.. لكني مواظبة على العادة... كان يطلب من لوليتا الشاي.. وتبع طلبه بابتسامه بريئة مليئة باللئم، كانت تقول بلغتها، وأعتقد أنها كانت تسبّه "أيسوس، قمتا قمتا قينا" ( بالله لو في زول يترجم لينا) .. بيني وبينكم، يستاهل الشتيمة...
بعد أن كبرت قليلاً أصبح البيض بالطماطم من أهم الأهداف التي يجب أن أتعلم صنعها.. لوليتا ذهبت إلى أهلها.. وبعدها أتتنا جوزفين.. في الفترة الانتقالية، قمت بعمل بضع سندتوشات (بيض بالطماطم) لم تكن أبداً كما تُعدها لوليتا.. حين أتت جوزفين.. أوكلت إليها المهّمة.. أصبحت تُعده لي.. تحضره في الثامنة مساءاً... وهي تضحك.. وأنا أنتفخ كبلون أكبر حجماً... كان أخي مروان يُحب جوزفين كثيراً.. بكى كثيراً حين ذهبت من البيت... وذهبت من البيت لأننا كنا سنترك البلد بأكمله.. ذهبنا إلى السودان.. هناك شيء غريب في الزيت السوداني.. أو في البيض السوداني.. أو ربما الطماطم السودانية..ربما هو الغاز السوداني.. أو لعله الملح!!! المهم أني لم آكل أبداً بيضاً بطماطم، يماثل ذاك الذي كنت أنتفخ به... لم تكن مُنى تعمل لي ساندوتشات البيض بالطماطم .. بل كنّا نعمل معاً (طشت) قتته الفول.. بالزيت.. والكثير الكثير الكثير من الشطّه، والمعروف علمياً بالبوش.. وكنت (انفّس) كبالون ضخم... أمشي المشوار من المغتربين بحري حيث نسكن، إلى مدرسة بحري الجديدة النموذجية.. في الصبابي.. مشياً على الأقدام.. دام هذا لمدّة أسبوعين.. لكنها كانت كفيلة بأن تحرّك العضلات الراكضة لثمانية سنوات في الإمارات... ذهبت بعدها إلى الأردن... فجأة أصبحت انا من يُعد البيض بالطماطم في بيتنا.. وأصبح أخي مروان يأكله يومياً مثلي.. لم يكن ينتفخ مثلما كنت أفعل أنا.. ما إن تركنا الأردن.. وجئنا إلى قطر.. حتى بدأت في أكل البيض بالطماطم مرّة أخرى.. وبشهادة الجميع.. بدأت أنتفخ مرّة أخرى....
كان Frankie and Johnny من أكثر الأفلام تأثيراً علي.. كنت آكل البيض.. ومعه القليل من الطماطم... أشرب رشفه من عصيري البارد جداً... وأبكي معهما .. مع Frankie و Johnny.....
بنت الحسين
|
|
 
|
|
|
|
|
|
|
|
Re: البيض بالطماطم! (Re: مريم بنت الحسين)
|
الليلة الله قال بيقولك يا البيض بالطماطم .. من هسع بقوم أطبق الوصفة دي .. وأغير من البيض بالبصل. بس أنا بحب البيض بالبصل .. وما باكلو سندوتشات .. بلخبطو بالرز .. وهاك يا لغف . حاجة ممتعة خالس خالس. لكن برضو ما بلجأ للبيض إلا أكون كسلان أو ما في حاجة غير البيض.
كلام الفلبينية داك معناه: انت يا مشلعيب جننتنا .. شاي حليب شاي حليب. قطع شك بيكون معناه كدي.
أها بس نلقى الفلم الانتي بتشاهديه مع السندوتشات ده وين؟
أنا نعست
| |
|
|
|
|
|
|
|
|
|
Re: البيض بالطماطم! (Re: Shinteer)
|
Quote: كلام الفلبينية داك معناه: انت يا مشلعيب جننتنا .. شاي حليب شاي حليب. قطع شك بيكون معناه كدي.
|
بالله يا شنتير.. موش ليها حق... الشي المسخوت داك كل دقيقتين كان يقومها تعمل شاي.. لي حسي كان شفته بقى طويييل.. ممتحن شهادة.. وعنده كوباية (مق) التقول برميل.. بملاها كلها شاي.. ويقعد يشرب... بس الكويس إنه بقى يعمله براه.. كان بقت علي أنا، كان رطنته زمااااان...
| Quote: أها بس نلقى الفلم الانتي بتشاهديه مع السندوتشات ده وين؟ |
بطولة "آل بتشينو" و "ميشيل فايفر"..مبالغة يا شنتر.. شفته نوع الأفلام الما بتفهم فصته إلا لما ينتهي.. يعني ما تكون فاهم ده بعمل كده ليه.. ولا داك بعمل كده ليه إلا لما ينتهي الفلم.. بعدين بيثير أسئلة كتيرة.. للناس الزينا كده.. في مفترق طرق كتيييييييره.. فتشه.. هم أمبارح جاوبهو في MBC 2 ... بعيدوهو تاني...
بنت الحسين
| |
|
|
|
|
|
|
|
|
|
Re: البيض بالطماطم! (Re: مريم بنت الحسين)
|
مريم ..
ها انا اراكِ تلعبين الكرة خلف ذاك المطعم .. مع جوني وفرانكلي
(كما في الاغنية ) علي قول البتشينو .. وانا اتابع باهتمام السندوتشات الخفيفة علي القلب
تسلمي
تنقو
| |
|
|
|
|
|
|
|
|
|
Re: البيض بالطماطم! (Re: 3mk-Tango)
|
| Quote: ها انا اراكِ تلعبين الكرة خلف ذاك المطعم .. مع جوني وفرانكلي |
عمك تنقو.. هل رأيت تلك الكره كيف تتنقل بينهما ,, بين الحائط... مرّه عليها.. ومره له.. ومره عليه.. ومره عليها! هكذا الدنيا...
| Quote: وانا اتابع باهتمام السندوتشات الخفيفة علي القلب |
بنت الحسين
| |
|
|
|
|
|
|
|
|
|
Re: البيض بالطماطم! (Re: مريم بنت الحسين)
|
مريومة العظيمة
كبفك
شنو حكاية البالون المنفوخ دي؟
ما شكلو باين في وشك - اقصد في الصورة
يلا انا وتنق صاحبي دا عايزين سندوتشات بيض بالطماطم لأننا الاتنين مساويك( اترجم ليك ؟)
عندي اخوي درس في سوريا
كان معاهم زميل في السكن كان سريع جدا في الطبخ
من نوادره انه بعمل حلة العدس في 10 دقايق بس وال 10 دقايق دي من لحظة دخوله الغرفة مرورابتغيير ملابسه والدخول للمطبخ والبحث عن العدس وتنظيفه والشروع في الطبخ وتقديمه جاهزا
| |
|
|
|
|
|
|
|
|
|
Re: البيض بالطماطم! (Re: sympatico)
|
Sympatco
إزيّك.. وكيف حالك؟
Quote: ما شكلو باين في وشك - اقصد في الصورة
|
... حسي ده يناقشوك فيهو كيف!! لكن.. بس خليهو كده...
Quote: يلا انا وتنق صاحبي دا عايزين سندوتشات بيض بالطماطم لأننا الاتنين مساويك( اترجم ليك ؟)
|
هو المسواك ده داير ليهو ترجمه :P.. ويا سيدي.. أهلا وسهلا.. نطبخ ليكم أحلى أكل.. البيض بالطماطم شنو كمان البنأكلمكم ليه.. إنت داير الناس يشيلوا حالنا..
وبعدين صاحب أخوك ده ما ممكن أبدا.. إلى كان بشربه ليهم عصير.. المويه ما بتغلي في عشرة دقايق.. خلي العدس ينجض...
تسلم على الطلّة..حضرته الفلم القلت ليكم عنّه ده؟
بنت الحسين
| |
|
|
|
|
|
|
|
|
|
Re: البيض بالطماطم! (Re: مريم بنت الحسين)
|
مرحب مرحب يا دكتور..
حالتي ماشه عليك بي هناك.. عايزه أكتب ليك...
الحاصل شنو الأيام دي... بوبار.. وتغا شديد..
بعدين البوبار وين حسي.. بحكي عن البيض بالطماطم..وآل بتشينو.. وفلمه الرائع!
أديني دليل !
بنت الحسين
| |
|
|
|
|
|
|
|
|
|
Re: البيض بالطماطم! (Re: سجيمان)
|
الفيلبينه + العاب الفيديو = الانتفاخ.... وهو قالوا ليك الانتفاخ شي يتبوبروا بيهو.. تبروا منّه وتستبروا..
أما آلبتشينو.. ياخ الفلم عجبني... وشافوهو غيري مليون مرّة.. انا بس كتبته عنّه.. بقيت بتبوبر... ياخ انت أكيد ما شفته.. والله فلم مبالغه... بكيت بكا شديد...
بنت الحسين
| |
|
|
|
|
|
|
|
|
|
Re: البيض بالطماطم! (Re: مريم بنت الحسين)
|
سلام مريم
احب البيض بالطماطم جدا؛
ولكني اطبخه كما تعمله امي؛
وهو بوضعه علي النار حتي ينزف ماء الطماطم؛
ثم يجف؛ وحينها تتحول الطماطم الي شرائح صغيرة ملفوفة.
بالمناسبة ليه ما رديتي علي رسالة الماسنجر؟
عادل
| |
|
|
|
|
|
|
|
|
|
Re: البيض بالطماطم! (Re: Abdel Aati)
|
أستاذ عادل.. والله وصفة شكلها ظريف خالص خالص.. لكن انا ألذ جزء عندي.. مويه الطماطم لما تمتزج بالبيض.. وما تفهم الحاصل زاتو..
ما رديت على رسالة المسنحر عشان متخذه موقف منّها.. .. انا أصلا ما وصلتني عشان كده ما رديت .. متأكد رسّلتها لي ولا لي زول تاني...
شكرا على المشاركة
بنت الحسين
| |
|
|
|
|
|
|
|
|
|
Re: البيض بالطماطم! (Re: مريم بنت الحسين)
|
مريومه
لو سمحتى لى ان اناديك هكذا فهو,لسبب مالا اعلمه حتى اللحظه,يناسبك اكثر...اتحدث عن نفسي حين اقراك...
ربما هى الالفه و التلقائيه التى تكتبين بها... وفى ذات الوقت تنتبه لتفاصيل و دقائق...ترصدها وتسردها بعين وذهن لماحين.... تضع علامة الاستفهام و التعجب حولهما واحيانا علامتى الاستنكار و النقد (لمن يحسهما) ....
مره ثانيه.....تعاملى مع قدراتك بشكل ما اكثر قصدا وجديه لانى ارى واحس مشروع كاتبه مدهشه و مبدعه
تسلمى
| |
|
|
|
|
|
|
|
|
|
Re: البيض بالطماطم! (Re: مراويد)
|
مريومة
اللزيز في القصة دي انا كنت بقلب في صفحات النيت
مسكتني ليك جوعة شديدة ووقبّلت علي التلاجة لقيتها
خاوية علي رفوفـها وما فيها غير علبة بيبسي بايتة
وتلاتة بيضات... اها قلت اعمل لي حاجة أكلها لكن ما
لقيت ولا حبة طماطماية واحدة.. اعمل شنو حمرت البيض
والفلم بتاع الود أرنولد شوارزنجر شغال شغل شديد
وبيني وبينك انا بحب الافلام الاكشن خصوصاً لو البطل
كان سايق دبابة والخائن معاه أف 16 يعني موت احمررر
السرد ممتع وشكلك عندك القدرة علي تصوير الاحداث
بطريقة ممتعة وانا بلمح جواة السيناريو ملامح انسانة
فنانة مرهفة للغاية وغير كدة حبيت أتقمص التفاصيل دي
يعني احش جواة شخصية لوليتا وجوزفين ومروان اخوك واحاول
أستنفار قرن أستشعاري لمزيد من الحبكة الدرامية وشكراً
| |
|
|
|
|
|
|
|
|
|
Re: البيض بالطماطم! (Re: حبيب نورة)
|
مريم انا في اعتقادي الشخصي بما انو طماطمنا اطعم طماطم و جنى جدادنا مافي اطعم منو يبقى لازم يكون عندنا اطعم بيض بالطماطم كلامك دا بياثر على حملتك الانتخابيه
| |
|
|
|
|
|
|
|
|
|
Re: البيض بالطماطم! (Re: حبيب نورة)
|
| Quote: ذهبنا إلى السودان.. هناك شيء غريب في الزيت السوداني.. أو في البيض السوداني.. أو ربما الطماطم السودانية..ربما هو الغاز السوداني.. أو لعله الملح! |
يا مريم الكلام دا ما كويس مع حملتك الانتخابيه
| |
|
|
|
|
|
|
|
|
|
Re: البيض بالطماطم! (Re: ابو جهينة)
|
أبوجهينه.. الوصفه بتاعت لوليتا لو زاد الطماطم شويه عن الحد المطلوب ما بتبقى حلوه... عشان كده حقت خالتو صفية دي ما أظنها تعجبني.. إحنا في البيت مجانين بيض بطماطم.. العجب لما تقلّب ليك شويه بصل قبل الطماطم.. كان ما سال لعابك جد جد.. ياخ انا حسي جعته ...
بنت الحسين
| |
|
|
|
|
|
|
|
|
|
Re: البيض بالطماطم! (Re: shiry)
|
أجي يا يُما.. بركة الريحة البيض جابتك علينا.. أي ريح جرفتك إلينا يا شيري العزيزة
أحضري بتاع ساندرا بلك ياخ.. While you were sleeping...
بنت الحسين
| |
|
|
|
|
|
|
|
|
|
Re: البيض بالطماطم! (Re: tmbis)
|
tmbis
عليك الله شفته الفلم ده كيف!! ياخ مبالغه عديل كده.. لكن آكل سمك بي شطه خضرا الساعة ثلاثة صباحاً.. يا يابا البطن دي ما خربانه كله كله... أربعة وعشرين سنة خدمة في مجال الشطه وملحقاتها خلتني أتقاعد بدري من أكلها.. خليني في البيض بي الطماطم.. أسلم لي
شكرا على المشاركة
بنت الحسين
| |
|
|
|
|
|
|
|
|
|
Re: البيض بالطماطم! (Re: ايهاب)
|
| Quote: يا مريم الكلام دا ما كويس مع حملتك الانتخابيه |
يا إيهاب.. أخير ليك .. أتكلم ولا مافي داعي... ...
والله ياخ فيك الخير.. لكن واحد من خطط الدورة الرئاسية الجديدة (لنج) تحسين طعم الطماطم.. والبيض.. والملح عشان يبقى زي حق الخليج...
بنت الحسين
| |
|
|
|
|
|
|
|
|
|
Re: البيض بالطماطم! (Re: حبيب نورة)
|
حبيب نوره.. سلامات.. كيف الحال بالله؟ وكيف الصحّة..
انا كُرهتي في الحياة دي كلها.. أفلام الأكشن.. وبالذات حاكم كالفورنيا ده.. انا بحب الرومانس على كوميدي... أو الخيال العلمي.. مع شويه بهارات بتاعت غموض... أفلام المحاكم. .. والجرائم.. ممكن أشوفها.. لكن ما بغيّر عشانها برنامجي.. أما لو فلم زي بتاع ساندرا بلوك While you were sleeping... ده ممكن أغيّر عشانه أي شي.. رغم إني حضرته خمسه مرّات قبل كده..
بالله شوفوهو...
المره الجاية لما تعوز طماطم، كلمنا.. بنرسل ليكم....
بنت الحسين
| |
|
|
|
|
|
|
|
|
|
Re: البيض بالطماطم! (Re: مراويد)
|
عارف يا مراويد.. اسم مريومه ده تاريخياً كان ممنوع ... أي زول كان بناديني مريومهكنت بزعل منّه وما برد عليه.. فقمت قدت ثوره للتغيير.. خالي مدرّس لغة إنجليزية.. كان بناديني ماري.. بنت خالتي (كبيرة) بتناديني مرمر.. لكن انا ركب ليك ماري في راسي.. لما مشيت الجامعة، لما مرقت منها صاحباتي فاكرين اسمي الحقيقي ماري.. وكما أقول دوماً.. مستغربين في (ماري) بالطرحه...
لكن مؤخراً.. الثورة أدركت ما فاتها.. وقررت السماح باسم مريومه، خاصة بعد ما الجاح عندنا هنا بدلعني كده.. فبقى مافي طريقة ...
| Quote: تضع علامة الاستفهام و التعجب حولهما واحيانا علامتى الاستنكار و النقد (لمن يحسهما) .... |
وهذا هو بيت القصيد
بنت الحسين
| |
|
|
|
|
|
|
|
|
|
Re: البيض بالطماطم! (Re: مراويد)
|
مراحب مريود.. إزيّك... جداً.. تقول مريومه.. ما عندك مشكله.. الجاح هنا بناديني مريومه.. الاسم ده بالذات متادول شديد ..
Quote: تضع علامة الاستفهام و التعجب حولهما واحيانا علامتى الاستنكار و النقد (لمن يحسهما) ....
|
وهذا بيت القصيد..
بنت الحسين
| |
|
|
|
|
|
|
|
|
|
Re: البيض بالطماطم! (Re: مريم بنت الحسين)
|
أول تجربة لي مع البيض بالطماطم ... أخدت موقف ... عارفة ليه ؟؟ نأنو هنا بيسموهو الشكشوكة .. لذلك مقاشر هذه الأكلة . لكن لا بأس من مقارفتها مرة أخرى . تسلمي يا بت الحسين .
| |
|
|
|
|
|
|
|
|
|
Re: البيض بالطماطم! (Re: مريم بنت الحسين)
|
ما عارف العزابة كتار جنس كترة في المنبر دا .. يا لطيف ..
ممكن تجربوا الأكلة دي لوجبة الفطور بس يا شباب عشان تغيروا من البيض والطماطم.
المكونات: خبز شرائح + بيض + توابل + زيت قلي.
1) ضع الزيت على النار حتى يغلي 2) أضرب البيض جيداً وأضف له شوية توابل 3)أغمس الشرائح في البيض المخفوق واحدة واحدة مع التقليب 4) ضع عدداً من الشرائح حسب حجم الطوة في الزيت لمدة 45 ثانية.
النتجية= شرائح خبز مقرمشة ومغلفة بالبيض المقلي المتبل.
يوصى بتناولها مع كوب من عصير البرتقال الطازج (عصر وليس خلط).
كما يوصى بعدم الإكثار فيه خشية الملل .. يعني في الأسبوع مرتين تلاتة. هنيئاً مريئاَ.
جاد
| |
|
|
|
|
|
|
|
|
|
Re: البيض بالطماطم! (Re: مريم بنت الحسين)
|
الاخ اهل العوض عودتنا الجمال والاثراء في مداخلاتك و ما هذا عهدنا بك
الاخ مراويد
مريم اخت لجميع من في البورد ووالدها الذي هو عضو معنا في المنبر هو والد لنا جميعا
و مااظن بان اخ يقبل او حتى يفكر ان يقوم بما تبرعت به من شرح واستفاضه لاخته
اتمنى منك واهل العوض تغيير مداخلتكما لما هو اجمل وارفع
ومزيدا من الاحترام
| |
|
|
|
|
|
|
|
|
|
Re: البيض بالطماطم! (Re: ايهاب)
|
الاخ ايهاب
تحيه واحترام
اتحدث عن نفسي لا عن عن الاخ اهل العوض.
شكرا لك على التنبيه اولا,طبعا الكلام القلتو انت جال بخاطرى وانا اكتب تعليقي,لا اظن اننى اوالاخ اهل العوض تجاوزت حدود اللياقه او الادب (وهما بالمناسبه نسبيان و يختلف الناس جدا فى تعريفهما وحدودهما) فى ردى.
الاخت بت الحسين ووالدها وكل الاخوات والاخوان هنا محل تقديري واحترامى, لن اكتب ليس لاختى بل لاى انسان/ه مالا اقبله لنفسي او ما ارى انه مراكم و مساهم فى زيادة قبح الحياه او مضعف للجمال بكل معانيه وابعاده
اشرت فى كلامى لمفارقات اللغه من مكان لاخر واكتساب المفردات لدلالات ومعانى مختلفه,ربما ما اثار انتباهك هى كلمة عاهره بمحتواها الاخلاقى والاجتماعى والجنسي وكان عدم الحديث عنها ينفى وجودها, يا عزيزي انا لدى موقف حتى من اطلاق اللفظه نفسها حتى على من دفعت بهن/م الظروف للعمل بهذه المهنه ,وهذا موضوع اخر.
اعتقد انك قرات لمحمد شكرى,هل رايت سرده وفضحه لما هو مغطى و مطمور فى مجتمعات تعودت اغماض اعينها عما هو جزء منها ويومى بدعوتى الحياء او التهذيب او الذوق العام.
الموضوع ليس بهذه البساطه,واتمنى ان اكون اوصلت لك ما اود قوله.
اخيرا لا اود ان يتحول هذا النقاش لموقف او شكله,اذا رات الاخت مريم رايك هذا فانا على استعداد لمحوه, وحينها سيكون كل منا حدد موقفه فى ما يتعلق بهذه الجزئيه من الحياه
مره اخري تقديري واحترامى
| |
|
|
|
|
|
|
|
|
|
Re: البيض بالطماطم! (Re: مراويد)
|
| Quote: فقد عبّرت عما خانني التعبير عنه لدقائق فاكتفيت بالصدمة.. |
الاخ مراويد
تحيه طيبه
الا يكفي هذا الكلام ليعبر لك عن احساسها
بالنسبه لما ذكرت قد نتفق وقد نختلف فيه ولكن ما ليس فيه شك ان هذا البوست لم يكن معنيا بمناقشه هذا الامر
ولا امل فيك الا كل الخير
| |
|
|
|
|
|
|
|
|
|
Re: البيض بالطماطم! (Re: ايهاب)
|
إيهاب ومراويد..
حنستمر في تقطيع الطماطم.. وكسر البيض.. ووضعه على النار.. وأكله مع عصير مانجا مثلّجه...
بغض النظر عن كل ما حدث... هل تقبلان هذا... لا تنس يا إيهاب أن تحضر زوجتك... ولا تنس يا مروايد أننا سنعيش هذه الدنيا كما قدّر لنا أن نعيشها... ولو أن بعض اللحظات تخذلنا.... لازال البيض بالطماطم من أحب الأكلات لدي... ولا تهمني العثرة التي حدثت في الأعلى...
منو البجيب العيش؟ العيش عليك يا إيهاب... .. وما عندك أي طريقة ...مراويد... جيب معاك حبّة ملح
بنت الحسين
| |
|
|
|
|
|
|
|
|
|
Re: البيض بالطماطم! (Re: مريم بنت الحسين)
|
نواصل طبق اليوم مع الطباخه العالميه بت الحسين
حسب تجربتى الخاصه،الاكله يفضلها قليلى/اتالوقت ،قليلى/ات الخبره بالطبخ،الكسالى رجال ونساء، عديمى الصبر ...
يا مريوم...انا جايب معاى الملح, بصل و فلفل اخضر (طبعا طلع انو فى فلفل احمر واصفر ولون زينب زاتو !!!!) ،انا بقطع فى الاول شرائح بصل وفلفل رفيعه واخليها تستوى شويه وبعدها برمى الباقى...
اها لقيتونى كيف...
قلة خبره و صبر، و لا كسل .... ما همانى
المهم انو الاكله دى ممتازه
| |
|
|
|
|
|
|
|
|
|
Re: البيض بالطماطم! (Re: مراويد)
|
والله هو فعلا.. طبق ساهل.. وظريف.. لكن ياخ كسل وين.. ياخ تقطع البصل.. وتعمل الطماطم.. وبعداك تكب الزيت.. وتسوط.. لو على الكسل.. الزول ياكل ليهو جبنه.. وانتهينا.. ولا شنو؟
في كسل أكتر من كده؟ 
ألف شكر يا مراويد
إيهاب.. منتظرين العيش (الخبز)
بنت الحسين
| |
|
|
|
|
|
|
|
|
|
Re: البيض بالطماطم! (Re: Nada Amin)
|
ندا أمين.. إزيّك..
عليك الله شفتي الجضيمات ديل كيفنهن.. أمي من زمان تقول لي دايره تودي الصورة دي لي ناس كوكاكولا.. للدعاية وكده..
وصفة البيض والطماطم والعصير الساعة ثلاثة صباحاً.. مفيدة جداً للجضوم..
بنت الحسين
| |
|
|
|
|
|
|
|
|
|
Re: البيض بالطماطم! (Re: مريم بنت الحسين)
|
الأخت بت الحسين تحية لك وللمتادخلين في هذا البوست الظريف ، خفيف الدم ..
أولاً أعتذر .. وأطلب منكم العذر ...
لم أدخل هذا البوست إلا مرة واحدة حين نشرت مداخلتي أعلاه .. التي كما هو واضح أثارت كثيراً من الألم لدى المتداخلين الأفاضل ..
ياخوانا الأمر أبسط مما ذهبتم إليه ... ما قلته هو صحيح مائة بالمائة .. فقد حدث لي هذا شخصياً وأنا في مطعم عام ... عرض علي صاحب المطعم هذه الوجبة مردداً إسمها ذاك .. رفضتها في ذلك الحين بسبب الإسم ... إلا أني بعد أن أصبحت من قدامى قاطني هذه الديار تفهمت الإختلاف في الأشياء كما هو الاختلاف في الأذواق ... الإسم موجود ومعروف في دول الخليج والشام ومصر ..
مرة أخرى أعتذر لك واحد منكم إن كان كلامي قد أوصل له رسالة معينة ..
| |
|
|
|
|
|
|
|
|
|
Re: البيض بالطماطم! (Re: Ahlalawad)
|
أخي أهل العوض.. سلام وتحية..
اعتذارك فعلا أبرأ الكثير من الرضوض التي نجحنا في مداوات بعضها... وقد أوضحت قصدك الآن.. صدقني أن الأمر تعقّد قليلاً.. لكنه انفرج الآن.. أشكرك على التوضيح.. ولك دوماً الاحترام والاعزاز...
بنت الحسين
| |
|
|
|
|
|
|
| |
مريم بنت الحسين
Shinteer
سجيمان
Abdel Aati
حبيب نورة
ايهاب
tmbis
shiry
ابو جهينة
Ahlalawad
JAD
فيس بوك
تويتر
انستقرام
يوتيوب
بنتيريست