|
|
 نداء للمبدع محسن خالد : لا ترحل من هنا فالمكان بوجودك اجمل
|
اخي الولد الشقي
المسكون ابداعا
تحياتي
ماذا جري
ولماذا تتوقف عن الكتابة هنا ؟؟؟ هل من مانع
ام انها نتيجة لتلك الحرب الشعواء التي يشنها البعض هنا
وهنالك داخل الوطن
فقد قرأت لك هذا الصباح الاتي
Quote: وددتُ تنبيه الجميع إلى أنني من طمام هذا البوست والذي سبقه (ألم نشرح لك صدرك) واستجابةً بالحسنى، وحرصاً على عدم إهدار الوقت دون طائل، لكل المطاردين والمطاردات لقلم محسن خالد، فقد قررتُ أن أعفيكم من بذاءتي وإلحادي المفترى أيتها الأمة العفيفة، المؤمنة،..
ولذا فلا تتداخلوا في بوستات لم يعد لها من صاحب، |
..
ولم افهم هل عدم الوجود من بوست بعينه ام من المنبر عامة
وبعدها قرأت ايضا
Quote: وسأشكر لكم استجابتكم إن تَمَّت، ومعكم العذر إن تفَرَّقت بكم المشاغل،...
ولكم مني التحايا أوفاها وأجلَّها، لكوني تعلمتُ منكم الكثير في سابق أيامي، ومن وجودي معكم في هذا المكان،..
محسن خالد |
اخي محسن
ابقي بيننا
فقط
لأننا نحبك
ولأنك تهزم هذا القبح المنتشر هنا وهناك داخل الوطن الرهينة
|
|
 
|
|
|
|
|
|
|
 Re: نداء للمبدع محسن خالد : لا ترحل من هنا فالمكان بوجودك اجمل (Re: ahmed haneen)
|
خشيت موقع الرأي العام ما لقيت الموضوع ده !!!!
فتشت في موقع ناس أخبار اليوم برضو ما لقيت الموضوع ده !!!
مشيت لي ألوان وبرررررضو ما لقيت الموضوع ده !!!!
عملت سيرش في قوقل والغريبة نتيجة البحث كانت صفر !!!!!!!
أخيراً قنعت وقلت معناها ماف غير إحتمال واحد :
إنو أحمد حنين كتب الموضوع من بنات أفكارو بعد أن فكّر وقدّر وأرجع البصر كرتين !!!!
مبروك !!!!!!!!!!!!!!!!!!!!!!!!!!!
| |
|
|
|
|
|
|
|
|
|
Re: نداء للمبدع محسن خالد : لا ترحل من هنا فالمكان بوجودك اجمل (Re: نهال كرار)
|
بدون مقدمات
عندما اساء محسن خالد الحديث في بوست ألم نشرح لك صدرك قلت لك يا حنين لا يضيرني أن ينعتني محسن بألفاظ سوقية .. في النهاية الزول دا بحرق في نفسه .. ومع حجة مناصري كتابات محسن خالد بأن ما نعتبره بذاءة لا يخرج من كونه سياق راوية .. لا يستطيع الكاتب الخروج من واقع شخوص روايته .. تشدقتم بتلك الاراء .. الي أن جاءت الطآمة الكبرى في البوست اياه .. ودبغنا محسن بألفاظ ليس في مقامها .. لكي لا يأتي احدهم ويقول .. نحن نتحدث بهذه اللغة .. وحبوبتي كانت بتقول لي كيت وكيت .. الفهم أن لكل مقام مقام.. واحترام النفس .. ليس الجهل بالشيء انما ضبط النفس ..
اذا اراد محسن ان يذهب .. وضاق صدره .. فقشة ما تعتر ليهو .. ونتمني له سلامة الوصول .. وكان داير يقعد معانا هنا بعفنا وكرورنا ويتوحد مع هذا الكيان .. وطبعا بالالفاظ بتاعته دي حيضيف للكرور المتواجد اصلا رونقا وبريق .. فله ذلك
أو ان ينتهج لنفسه اسلوب يرضي به البعض ويكره آخرون فله ذلك ..
ولا ممكن يقعد ساكت .. ويربع يدينو .. كلو وارد ..
المهم ان يتبع القواعد في حق اي أحد يريد الرد عليه والحوار والمجادلة هذا الحق يعطى لأي عضو موجود في هذا المنبر .. وعدم مصادرة هذا الحق بدعوى الاستاذ العلامة الذي لا يأتيه الباطل من بين يديه ولا من خلفه .. Discussion Board يعني Discussion Board .. ما عاجبو يمشي يطبع روايته ويبعها في المكتبات ويخت قروشه في جيبه وبلاش وجع رأس ..
| |
|
|
|
|
|
|
|
|
|
Re: نداء للمبدع محسن خالد : لا ترحل من هنا فالمكان بوجودك اجمل (Re: Murtada Gafar)
|
| Quote: معا ضد قوى التخلف و الرجعية و الجهل النشط |
حقو تسمي يا مرتضي يا جعفر .. القوى الحتقيف ضدها باسماء من يتبنى خطها .. رمي الكلام والمطاعنة ما بتفيدك ولا حتوقف القوى البتقول عليها دي .. تعال اطرح رأيك وقول يا جماعة انا رايي كذا وكذا .. كون اي واحد يتشدق ليه بعبارات حافظها من كتاب المطالعة بتاع رابعة ابتدائي .. وحباه الله بحلقوم واسع .. لا يمنحه ذلك ميدالية طوالي انت علي حق يا معلم ..
عندك فكرة تعال ناقشها..
المطاعنة .. ذي ما بقول اهلنا الكبار حركات نسوان وفي النسوان نسوان ما كويسات ..
| |
|
|
|
|
|
|
|
|
|
Re: نداء للمبدع محسن خالد : لا ترحل من هنا فالمكان بوجودك اجمل (Re: عمر الفاروق)
|
| Quote: ذي ما بقول اهلنا الكبار حركات نسوان وفي النسوان نسوان ما كويسات .. |
حميدة
هكذا تؤكد أنك من قيادات جماعات الجهل النشط و قوى الرجعية و التخلف و إن كان ذلك لا يحتاج إلى دليل إضافي لكن على سبيل التسمية الإنتا طالبها. قايل ده غالبني أي تسميتكم بتياراتكم المتخلفة الظلامية دي فبثماركم تعرفون، لكن قلنا اللبيب بيفهم بالإشارة لكن معليش، نفهمك بدون إشارة و بالواضح، وقايل روحك بالنبيح حا تنتصر، التخلف و الرجعية و الجهل إلى هلاك لا محالة. بس حسن ملافظك الملافظ سعد قالوا و إنتا صائم أكيد. يجب ملاحظة إنو رأي ثبتو فوق لكن واضح الإشارة غير كافية حتى يلتقطها اللبيب
مرتضى جعفر
| |
|
|
|
|
|
|
|
|
|
Re: نداء للمبدع محسن خالد : لا ترحل من هنا فالمكان بوجودك اجمل (Re: عمر الفاروق)
|
Quote: وحتما سوف يعود محسن خالد اقوي
وسيموت الكثيرون بغيظهم |
يا زول ما قلنا خلو المطاعنة بتاعت النسوان دي
شنو الكثيرين وما الكثيرين
ما تجي تقول فلان وفلان
كتب محسن خالد
| Quote: بالنسبة للأستاذ الكتيابي، فأنا ترتكتُه عن عمد، لأنني التقيته قبل فترة وجيزة، أو بالضبط حين الاحتفال التأبيني لقرنق، فأنكر معرفته لي أو السماع بي |
اذا كان دا واحد من شعراء ومثقفين السودان .. ما عرف الاستاذ محسن خالد
فلينا نحن العذر ..
يعني الشغلانة ما مختصرة علي شوية جهلة وظلاميين ذي ما بتقولوا .. !!
| |
|
|
|
|
|
|
|
|
|
Re: نداء للمبدع محسن خالد : لا ترحل من هنا فالمكان بوجودك اجمل (Re: ahmed haneen)
|
تعرف يا حميدة زمان عندنا صاحبنا زول محترم خلاص وما بيحب يقول الكلمات الفارغة (كلام الصعاليك) ..
في يوم كان عايز يحكي لينا موقف طريف جداً لكن المشكلة إنو الموقف ده فيهو (كلام قلة أدب) زي ما بيقولوا الناس ..
أها بدا يحكي لينا في القصة ولمن وصلا للكلمة (الشينة) دي قام وقف مع إنو الكلمة دي كانت محور الطرفة أها قام صاحبنا ده الله يطراهو بي الخير عاين لي أخوهو كده وقال ليهو :
قول ليهم خالد !!!!!!!!
ومن حينها وانا عرفت إنو خالد ده مرقوهو لي جنس الكلام ده !!!
أها الجماعة الهنا ديل وبيطبلوا لي محسن خالد ماشين بي نفس المبدأ ..الواحد بيعمل فيها أبو الأدب زاتو في كتاباتو وبيكون في كلام فارغ كتيييييييييير عايز يقولوا بي نفس مستوى محسن خالد لكن خايف على سمعتو لحدي ما جاهم محسن خالد وأنقذهم وبقا شايل وش القباحة في قلة الأدب ..
أها الجماعة بقا الواحد منهم كان عايز يقول ليهو كلمة كعبة طوالي ينادي محسن خالد وكأنه زي صاحبنا القلتو داك :
قول ليهم يا محسن !!!!!!!
مسكين محسن خالد مشيلنو وش القباحة ساي !!!!!
قول ليهم يا محسن !!!!!
| |
|
|
|
|
|
|
|
|
|
Re: نداء للمبدع محسن خالد : لا ترحل من هنا فالمكان بوجودك اجمل (Re: عمر الفاروق)
|
والله يا عمر دا تأسيس لنوع جديد من ادب الحوار .. كلمات ذي كلمة قنيط ( االقالها لي الاستاذ محسن خالد ) وحسب الدفاع المستميت من جماهير أم مغت وزنقونا كلمة تندرج تحت بند الواضح ما فاضح وما في حرج منها ونحن ناس معقدين .. ورجعيين .. وما عارف شنو .. وتجي لواحد ذي مرتضي جعفر دا يقول ليك الملافظ سعد .. يعني كلمة حركات نسوان دي ما عجبتك .. ولا يهمك ياخي اسحبها واكتب ليك بدلها يا قنيط رايك شنو كدا .. انشاء الله تكون مبسوط .. واذا جيت سألتني اقول ليك دي اتعلمتها من الاستاذ ..
هل محسن خالد مرفوع عنه القلم يحق ليه .. انه يمشي أم فكو ..
ونحن نقول ليهو والله يا استاذ السلاحف ما عندك
ولا الفهم شنو .. !!
| |
|
|
|
|
|
|
|
|
|
Re: نداء للمبدع محسن خالد : لا ترحل من هنا فالمكان بوجودك اجمل (Re: عمر الفاروق)
|
قوى الجهل النشط و التخلف و الرجعية،
زمن طويل ستنفقون حتى تدروا الفرق بين "الملافظ سعد" و الروايات التي تناقش القضايا العالقة في أزهانكم الخربة دون نقاش لتكن مسئولة عن كل التشوهات التي تصاحب الذات و السلوك. و ربما ينفق هذا الزمن الطويل دون فائدة و من دون معرفة، عندها ستذهبون إلى مزبلة التاريخ حيث مرتع كل التخلف و الزبد الذي لا ينفع الناس غير مبكي عليكم. وفروا طاقاتكم دون تبديدفي قراءة بوستات تناسبكم و لا تدخلوا إلى البوستات التي تغضبكم و تطرح ما لا تستطيع قدراتكم الزهنية و النفسية أن تطيقه. و لا تزعجونابعقلية النهي عن المنكر و الإتيان به فهما تأكدوا إنهما مترادفتان، ما نهى أحد عن منكر (متخيل له) إلا و يلق فيه مرات و مرات فهو لا يحاربه إنما يحارب ذاته المنفصمة التي يكرهها، لكن الحياة تمضي إلى الأمام و بدونكم بالتأكيد. ألم تسمعوا بقصة عثمان خالد مضوي مع قضية فضل الظهر الشهيرة و غيرها و غيرها من الناهين عن منكر و الآتين به هؤلاء هم حراس النوايا الذين لا ضمائر لهم.
مرتضى جعفر
| |
|
|
|
|
|
|
|
|
|
Re: نداء للمبدع محسن خالد : لا ترحل من هنا فالمكان بوجودك اجمل (Re: ahmed haneen)
|
اخوي حميدة
شكر ا لرفع البوست واتمني ان تواصل حوارك
بعيدا عن الشتايم
اما بخصوص محسن خالد فأرجو منك الأ تذكره بسؤ
فهو الأن غائب ولا يستطيع الرد عليك
فأرجو ان تحترم هذا
الأخ مرتضي جعفر
لا عليك يا صديقي نحن هنا باقون لمقاومة القبح اينما
حل ومن اي جهة اتي
فأرجو ان يعلو صوتك الداعي والمنادي للجمال
وابتعد عن مصارعة القبح
فالجمال وحده كفيل بهزيمة كل قوي الظلام
لك ودي
| |
|
|
|
|
|
|
|
|
|
Re: نداء للمبدع محسن خالد : لا ترحل من هنا فالمكان بوجودك اجمل (Re: ahmed haneen)
|
حاتم الحسن
أوووووووووووو أخيراً جيت يا أبو دلوكة ؟؟؟؟؟
تعرف أنا ما لقيت زول بينافسك في الدلوكة دي إلا زهري مان وقسمة وحوا الطقطاقة لكن بيني وبينك إنت إتفوقت على زبيدة الإنقاذ وهنادي مجروس وفاطنة الجمكو ..
يا زول غنت ما عندك شغلة غير تجي شايل دلوكتك دي ورى محسن خالد ؟؟؟؟؟
أظنك عايز دور في واحدة من رواياتو بس أعمل حسابك محسن ده ما مضمون وممكن يعمل منك شخصية تحررية أكتر من اللازم عشان يوري مجتمعنا وصل وين بس ما تجقلب بعدين !!!!!
| Quote: غبينتم مع محسن كبيرة بعد الملطشة والمرمطة الضاقوها هنا |
والله كلامك ده بيزكرني بي المحللين الرياضيين عندنا لأنهم لمن يجو يحللو كورة لي الهلال ولا المريخ لمن بيشككونا إنو دي ياها الكورة الخشيناها ولا لأ ..
شوف الملطشة والمرمطة جات لي منو ..وكان إسفاف القول بتعتبرو ملطشة وحاجة سمحة ما مشكلة يا عمك مممكن نملطشك لو عايز ...
تخريمة :
حات الحسن يا أخوي دلوكتك بردت وديها لي عوضية عزاب تسخنها ليك
و
الللول اللول يا لولية بيسحروك يا لولة الحبشية
| |
|
|
|
|
|
|
|
|
|
Re: نداء للمبدع محسن خالد : لا ترحل من هنا فالمكان بوجودك اجمل (Re: ahmed haneen)
|
مسكين علاء الدين مشيلنو وش القباحة ساي !!!!!
قول ليهم يا علاء !!!!!
| Quote: الصادق ضرار "بالضاد" و عرق السوس المدسوس |
...............
| Quote: قوات حفظ اللواط في دارفور |
............................
| Quote: لأعضاء المنبر الكرام - بيان و الإمعات فاسمعوا وعوا |
........................
| Quote: عبد الجعليين الأرباب إبراهيم عفن |
................................
| Quote: لا تشتري العبد إلا و العصا معه إن العبيد لأنجاس ملاعين |
كفاك و لا ازيدك من وسخ صاحبك البتحرش فيهو و متضاير وراهو و مشيلو القفة يا حريف
قول ليهم يا علاء !!!!!
| |
|
|
|
|
|
|
|
|
|
Re: نداء للمبدع محسن خالد : لا ترحل من هنا فالمكان بوجودك اجمل (Re: Hatim Elhassan)
|
عارف يا عمر الفاروق .. حاتم حسن من الدفعة الجديدة .. الاستوك الجاي طاير وفاكي الزراير .. وبمجرد تسجيله في سودانيز اونلاين اصبح بقدرة قادر .. وبعض العمليات الانتحارية .. اصبح مناضل زمانه بعد ما كان ما بفرز بين الحزب الاتحادي والهيلاهوب .. اها الوطن دا ما كبير قام اتخصص كوبي بست علاء الدين رايح جاي وبالعكس .. علي الحرام تجيب الارشيف بتاعه من يوم تسجيله لحدي هسع ما كتب تلاتة كلمات فوق بعض يكون يا ربي مناضل قسم العتالة والمهمات .. يشيل ويجيب ويرص بس ..
والعجب العجيب رجلينو الاتنين شمال ..
طوالي كورتو مصرجة .. ّ!!!!
| |
|
|
|
|
|
|
|
|
|
Re: نداء للمبدع محسن خالد : لا ترحل من هنا فالمكان بوجودك اجمل (Re: Hatim Elhassan)
|
Quote: لا عليك يا صديقي نحن هنا باقون لمقاومة القبح اينما
حل ومن اي جهة اتي
فأرجو ان يعلو صوتك الداعي والمنادي للجمال
وابتعد عن مصارعة القبح
فالجمال وحده كفيل بهزيمة كل قوي الظلام
لك ودي |
لك الود الأخ أحمد حنين هكذا خبرناك محاربا للجهل و التخلف. معا حتى عودة كاتبنا الكبير الذي يشكل مشروعه الفني إضافة للرواية السودانية المبدع محسن خالد فهو الذي بوجوده يعمر المكان.
بالمناسبة أنا لست موجود في الإمارات و لم يحدث أن أقمت بها كما ذهب لذلك أحد قوى الجهل و الرجعية و التخلف بأسلوبه الموسوم بالركاكة و الضعف و الخواء.
مرتضى جعفر
| |
|
|
|
|
|
|
|
|
|
Re: نداء للمبدع محسن خالد : لا ترحل من هنا فالمكان بوجودك اجمل (Re: ahmed haneen)
|
مرتضى جعفر:
| Quote: لك الود الأخ أحمد حنين هكذا خبرناك محاربا للجهل و التخلف. معا حتى عودة كاتبنا الكبير الذي يشكل مشروعه الفني إضافة للرواية السودانية المبدع محسن خالد فهو الذي بوجوده يعمر المكان. |
ركّز شوية وقول بسم الله البوست ده ما كاتبو بابكر حنين كاتبو أحمد حنين ..
لأنو بي صراحة كلامك الفوق ده ما بيشبه إلا بابكر حنين ..
| |
|
|
|
|
|
|
|
|
 Re: نداء للمبدع محسن خالد : لا ترحل من هنا فالمكان بوجودك اجمل (Re: ahmed haneen)
|
لكل احبتي الذين مروا من هنا
لكم التحايا
والشكر للأخ عثمان محمد صالح
علي لفته لنظر المتداخلين
الأخ مرتضي جعفر
اقول لك محسن سوف يعود للكتابة هنا
ونحن لن ترك القبح يملاء كل المساحات
ونتحمل في سبيل ذلك ما يصيبنا من رشاش
ولن نتجاوب مع محاولة اثارة الغبار علي موضوع البوست
الأخ حاتم الحسن
لاعليك .. ولا تحزن فمحسن خالد لديه اللسان السليط
والقادر علي ايقاف اسفافات الجهلاء وقد فعل ولكنهم
هربوا من هنالك واتو هنا
ونحن هنا لا نثير حربا من جديد بل ننادي هذا المحسن
الرائع ان يواصل كتابته هنا ولا يترك مساحة للقبح لكي
يتمدد ويخرج لسانه ضاحكا ومستهزئا
اخوي خضر ود حسين
وينك ،، من ديك وعيك
نشكر مناداتك للأخ محسن خالد
ومشوار التنوير طويل ،،، فأعزم علي المواصلة
الاخ وليد الأمين
لا تحزن مما اصابك
فهذا هو الطبع اللئيم للقبح ،، يشتم ويهاتر
كل من يتصدي له ، ورغم ذلك لن نتوقف عن محاربته
وتحديد حجمه ،،،
ولك الود
| |
|
|
|
|
|
|
|
|
|
Re: نداء للمبدع محسن خالد : لا ترحل من هنا فالمكان بوجودك اجمل (Re: Murtada Gafar)
|
| Quote: فوق إلى حين عودة الأخ محسن خالد الذي سطر اسمه مع الخالدين |
يا مرتضى كان تعبت كورك لينا بنجي نشيل معاك البوست ده ونوديهو فوووووووووووووق شدييييييد لحدي ما نوصلوا الحتة الكاتب فيها بكري عن كتاب الفساد الإنقاذي !!!!
قصرت معاك ؟؟؟
وفوووووووق فووووووووووق بوستينا فووووووووووووق ..
تخريمة :
وييييييين سيد الدلوكة ؟؟؟؟ الزول ده كان فكيتوا ليهو البوست ده بيقلبوا ليكم ظار عدييييييييييييييل ..
ودقوووووووولك يا بشير دقووووووووووولك
وشن قووووووووووولك يا بشير شن قوووووووووولك ..
وبي دستوركم يا أولاد محسن ..
| |
|
|
|
|
|
|
|
|
|
Please Come Back (Re: ahmed haneen)
|
Quote: أطالب الاخ المبدع محسن خالد بالعودة فوراً
خروجه سيفرح الكثيرين وأظنهم يستعدون لحفلتهم
بعد أن هذمهم محسن بحروفه الماهلة .
|
| |
|
|
|
|
|
|
|
|
|
Re: Please Come Back (Re: محسن خالد)
|
يا للسعادة بيت صاحبنا القرنفل... قاع منزله البهار و سقفه الغيم الحنون
مصطفى سند(فتيا) في البحر القديم.
مرحبا محسن خالد
شكرا أحمد حنين
التهنئة خالصة لكل من طالب بعودة محسن خالد
مرتضى جعفر
| |
|
|
|
|
|
|
|
|
|
Re: نداء للمبدع محسن خالد : لا ترحل من هنا فالمكان بوجودك اجمل (Re: ahmed haneen)
|
| Quote: المطاعنة .. ذي ما بقول اهلنا الكبار حركات نسوان |
يا لك من امي، ياحميدة.
اشمعنا نسوان تحديدا؟
الرجال مابطاعنو؟
ليه كل الاحتقار ده للنسوان؟
حنين تحياتي،
مرتضي مشتاقين،
بعوض ملاريا الاسلام السياسي ده مالو؟
محسن خالد زاتو، غلطان البدي المهاويس ديل فرصة وضعو في موقع ردود الافعال.
ده غلط كبير جدا جدا يامحسن.
الناس دي حتفهم انك جاري واطي!
ده موقف مؤسف من الاخ محسن، اتمني ينتبه للحتة دي.
| |
|
|
|
|
|
|
|
|
|
Re: نداء للمبدع محسن خالد : لا ترحل من هنا فالمكان بوجودك اجمل (Re: ahmed haneen)
|
حنين
رجعة الزول دا لا في صالحو ككاتب لا في صالحنا كقراء، الزول كاتب والمفروض يتفرغ لمشروعاته الكتابية ..
المنتديات دي بتضيع وكت كتير فما بتنفع إلا مع الناس العندهم مشاكل غربة زينا كدا، يعني يشدها ليك الكفيل تجي تشدها لي زول هنا، تقوم عليك النوستالجيا تجي تفكها في الناس هنا وهكذا حتى تتعادل الأحماض داخل روحك ولا تصاب بقرحة الروح، ودي -أجارك الله- لا زانتاك بينفع معاها لا رانيتيدين بيعالجا.
يا أستاذ محسن.. حدك العيد وتقطع وشك من هنا.
| |
|
|
|
|
|
|
|
|
|
Re: نداء للمبدع محسن خالد : لا ترحل من هنا فالمكان بوجودك اجمل (Re: محمد السر)
|
Quote: رجعة الزول دا لا في صالحو ككاتب لا في صالحنا كقراء، الزول كاتب والمفروض يتفرغ لمشروعاته الكتابية ..
المنتديات دي بتضيع وكت كتير فما بتنفع إلا مع الناس العندهم مشاكل غربة زينا كدا، يعني يشدها ليك الكفيل تجي تشدها لي زول هنا، تقوم عليك النوستالجيا تجي تفكها في الناس هنا وهكذا حتى تتعادل الأحماض داخل روحك ولا تصاب بقرحة الروح، ودي -أجارك الله- لا زانتاك بينفع معاها لا رانيتيدين بيعالجا.
يا أستاذ محسن.. حدك العيد وتقطع وشك من هنا. |
محمد السر إنت الأول عدييييييييييييييييييل كده ..
بس يا ريت الناس تستوعب الكلام ده ..
أوافقك 100%
| |
|
|
|
|
|
|
| |
ahmed haneen
عمر الفاروق
Murtada Gafar
A.Razek Althalib
ودقاسم
humida
فتحي الصديق
Hafiz Bashir
خضر حسين خليل
saadeldin abdelrahman
محسن خالد
Bashasha
عمر ادريس محمد
هشام المجمر
فيس بوك
تويتر
انستقرام
يوتيوب
بنتيريست