أمتلك شريحة شركة زين منذ العام 2001 وحتى الأن .. افادتني كثيرا في التواصل في مجال العمل والاصدقاء والعائلة .. وطوال هذه الفترة الطويلة التي قاربت الاربعة عشر عاما واظبت على استخدامها واصبح رقم الشريحة معروفا للكل .. وحتى بعد دخول شركات اخرى منافسة لم اسع لامتلاك شريحة رئيسية بخلاف الشريحة التي استخدمها وان كنت في بعض الفترات استخدمت شرائح شركات اخريات لاغراض محدودة واحيانا للفصل بين ما هو خاص وما هو عام .. او للاستفادة من بعض الخدمات التي تقدمها الشركات المنافسة ..ولكن ....
11-23-2015, 08:32 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
أجد نفسي مضطرا للانتقال الى شركة اخرى ومحتفظا بذات رقمي القديم مستفيدا من قرار الهيئة القومية للاتصالات التي سمحت لكل مستخدمي الهاتف السيار بان يختارو الشركة التي يريدون الانتقال اليها دون اي تغيير في رقمهم القديم .. وحقيقة لم اكن اريد الانتقال الى شركة اخرى ولكن سوء الخدمات التي تقدمها شركة زين والاشكاليات التي تعاني منها في الشبكة ورداءة الخدمة بصورة عامة وعدم التطور ومواكبة تقنيات الاتصال في العالم جعلني اتخذ هذا القرار والذي ساشرع في تنفيذه عندما اجد الوقت والزمن المناسبين ...شركة زين .. شكرا ليكم ...والشكر موصول للهيئة القومية للاتصالات اذ جعلت ذلك ممكنا ..
11-23-2015, 08:41 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
نعم .. هي النهاية المحزنة بلا شك .. أنا زول ولوف جدا وحزين للتخلي عن شركة زين بعد هذه المدة الطويلة ولكن ما باليد حيلة ..في بلاد أخرى يا عبد الحفيظ تستطع ادارة شئون حياتك بالكامل بواسطة خدمات الهاتف النقال من حجوزات طائرات وفنادق وتسديد فواتير واستلام حوالات ومعرفة نتائج المباريات وخدمات كثيرة لا تحصى ولا تعد .. ولكن زين بخلت علينا ولم تترك لنا مجالا للاستفادة من ميزات كثيرة في الهواتف الذكية ..رغم الغلاء المبالغ فيه في التعرفة ..
11-23-2015, 08:51 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
زين عالم قبيح ...يا ناذر هسة رقمك ده تاني لو اتصلت فيهو حا يرد لي زول غيرك يعني ؟؟؟ معقول بعد 14 سنة يرد لي زول غيرك والله انا زاتي ولوف وحا اتصل واتكلم كانو صحاب الرقم انت والله صحي !! وهل ممكن تحتفظ برقمك وانت تابع لشركة غير زين ؟؟ غايتو يا ناذر الزول البيستلم الرقم بعدك ده حا يعزبوه بكثرة الاتصال ويبقو لي في رقبتو دي غايتو الله يعينو من البعامات وغيرهم .....( وش ضااحك ) على العموم تقبل سلامي واحترامي والجاتك في رقمك سامحتك تحياتي : ياسر العيلفون ....
11-23-2015, 10:21 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11825
Quote: يا ناذر هسة رقمك ده تاني لو اتصلت فيهو حا يرد لي زول غيرك يعني ؟؟؟ غايتو يا ناذر الزول البيستلم الرقم بعدك ده حا يعزبوه بكثرة الاتصال ويبقو لي في رقبتو دي تحياتي : ياسر العيلفون ....
Quote: أجد نفسي مضطرا للانتقال الى شركة اخرى ومحتفظا بذات رقمي القديم مستفيدا من قرار الهيئة القومية للاتصالات التي سمحت لكل مستخدمي الهاتف السيار بان يختارو الشركة التي يريدونشركة زين .. شكرا ليكم ...والشكر موصول للهيئة القومية للاتصالات اذ جعلت ذلك ممكنا ..
11-23-2015, 11:58 AM
ياسر السر ياسر السر
تاريخ التسجيل: 08-06-2010
مجموع المشاركات: 3204
Quote: يا ناذر هسة رقمك ده تاني لو اتصلت فيهو حا يرد لي زول غيرك يعني ؟؟؟ معقول بعد 14 سنة يرد لي زول غيرك والله انا زاتي ولوف وحا اتصل واتكلم كانو صحاب الرقم انت والله صحي !! وهل ممكن تحتفظ برقمك وانت تابع لشركة غير زين ؟؟ غايتو يا ناذر الزول البيستلم الرقم بعدك ده حا يعزبوه بكثرة الاتصال ويبقو لي في رقبتو دي غايتو الله يعينو من البعامات وغيرهم .....( وش ضااحك ) على العموم تقبل سلامي واحترامي والجاتك في رقمك سامحتك
ههههههههههه كويس انو اسامة الامام لحقك ...كل الحكاية انتقال من مزود خدمة لمزود خدمة تاني لكن بنفس الرقم دون اي تغيير .. بس التبعية والفواتير وكل الخدمات حا تنتقل للمزود الجديد ..شكرا ود الشيخ ..
11-23-2015, 03:56 PM
بشير حسـن بشـير بشير حسـن بشـير
تاريخ التسجيل: 11-26-2004
مجموع المشاركات: 3420
...سلام استاذ ناذر مع امنياتي لك بالتوفيقافكر منذ شهر في ان انفذ انتقالي برقمي من شركة زين ل ام تي انوانتظر مواعيد الانتقال التي اعلنتها الاتصالات السودانيه والزمت بهاشركات الهاتف السيار في السودان.ولكن لي تجربه لنفس هذه العمليه ولكنها كانت في بلد آخر سأحكي لكمما قابلتني من سلبياتكنت في السعوديه ورقمي كان علي شركة الاتصالات السعوديه ( الجوال )فضلت في العام ٢٠٠٧ م ان انتقل ل شركة موبايلي برقمي عندما سمحواوقتها بالانتقال من شركه لأخريانجزت عملية الانتقال والتي تمت خلال ٢٤ ساعه فقط وبدأت مع الشركه الجديدهموبايلي حتي العام ٢٠١٤المشاكل التي واجهتها كانت عند الاتصال بي من اي تلفون سوي ان كان ارضي ام هوائيمحلي او دولي المتصل كان يجد فترة صمت في حدود ال ١٠ ثواني بعدها يبدأ جرس التلفون في الرنينفكان اغلب المتصلين يغلقون الخط قبل ان يرتبط الاتصال واقابلهم لاحقا ويذكروا لي انهم اتصلواوكان هاتفي مغلق .ذهبت لشركة موبايلي اكثر من مره ورفعت الكثير من الشكاوي بهذا الخصوص وتعبت ولم اجد الردالشافي والوافي لي الا بعد مرور اكثر من سنتين وكان الرد الفني في مشكلتي يتلخص في الآتي :-ان رقمي أنشأ ضمن منظومة وقاعدة بيانات شركة الجوال السعودي وانا قمت بنقله ل شركة موبايليفالذي يحدث عند الاتصال بي انه يذهب اولاً ل الشركه الأم وبعد ذلك يتم التحويل ل الشركه الجديدهلذا هنالك فترة صمت وتأخير مدتها ١٠ ثواني تقريبا مما تجعل المتصل يظن انه الهاتف اما مغلق او خارجالشبكه.عموما انا في انتظارك ولو لم تكن هنالك مشكله مثل هذه او غيرها فسأقول ل زين وداعا ايضاً.تحياتي وتقديري......
11-23-2015, 06:14 PM
Mohammed Elhaj Mohammed Elhaj
تاريخ التسجيل: 12-12-2004
مجموع المشاركات: 1670
زين يا ناذر برغم السوء بتاعا دا افضل من سوداني وام تي ان (حتشوف الكلام دا لما تمشي بي غادي) ، بس حركة زي دي كويسة لانو بتجرد زين من ميزة الأرقام القاموا لقوها دي عشان يحسنو اكتر....
11-23-2015, 06:50 PM
اسامة الامام اسامة الامام
تاريخ التسجيل: 02-24-2015
مجموع المشاركات: 47
يا ناذر التحايا والاحترام وضيوفك الاكارمسوْال مهم جدا لو تكرمتماهي شروط الانتقالوهل مسموح لي التنقل لأكثر من شركةوهل من الممكن الرجوع للشركة الأصل لو لقيت الحكاية بائظةام الامر محكوم بشروط ومدد وفترات معينةالله يلعن زين محل ما تقبل كرهتنا حياتنا 15 سنة تسرق وتبهدل فيني
11-24-2015, 12:23 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: المشاكل التي واجهتها كانت عند الاتصال بي من اي تلفون سوي ان كان ارضي ام هوائيمحلي او دولي المتصل كان يجد فترة صمت في حدود ال ١٠ ثواني بعدها يبدأ جرس التلفون في الرنينفكان اغلب المتصلين يغلقون الخط قبل ان يرتبط الاتصال واقابلهم لاحقا ويذكروا لي انهم اتصلواوكان هاتفي مغلق .
والله دي مشكلة حقيقية لو ثبت انها حا تواجه المستخدمين هنا برضو .. أنا حاليا اكتر شي يضايقني عند الاتصال بشركة زين الدعاية والاعلان الممل البتسمعو قبل الاتصال مع الطرف الاخر ..اما سكتة عشرة ثواني كاملة .. فعلا مزعجة وطاردة للمتصلين ...حا اتأكد من الموضوع دا من المجربين وافيدك ...تسلم
11-24-2015, 01:02 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: زين يا ناذر برغم السوء بتاعا دا افضل من سوداني وام تي ان (حتشوف الكلام دا لما تمشي بي غادي) ، بس حركة زي دي كويسة لانو بتجرد زين من ميزة الأرقام القاموا لقوها دي عشان يحسنو اكتر....
طبعا اكيد بالنسبة للمتعاملين مع الشركات قد يلقو مزايا عند المزود البيتعاملو معاهو افضل من شركات تانية ودي بحسب تعاملك مع الخدمات المختلفة البيقدما مزود الخدمة ...واتمنى انو زين تحسب حساباتا وتشوف ليه الناس بتشكي من خدماتا ... ارجع في المنبر كم صفحة لي ورا وشوف عدد البوستات البتشتكي من خدمة زين ودا هنا في المنبر بس ما استطلاع راي شامل او مكتمل ..تسلم ..
11-24-2015, 01:06 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: سوْال مهم جدا لو تكرمتماهي شروط الانتقالوهل مسموح لي التنقل لأكثر من شركةوهل من الممكن الرجوع للشركة الأصل لو لقيت الحكاية بائظةام الامر محكوم بشروط ومدد وفترات معينةالله يلعن زين محل ما تقبل كرهتنا حياتنا 15 سنة تسرق وتبهدل فيني
حقيقة لا علم لي بالتفاصيل ..ساذودك بها عند استعلامي من مقر الشركة البديلة ان شاء الله ..
11-24-2015, 03:46 PM
محمد حمزة الحسين محمد حمزة الحسين
تاريخ التسجيل: 04-22-2013
مجموع المشاركات: 1437
الاخ الحبيب جداُ ناذرانا عندي تجربة مع زين علي ضوءها تخليت عن خط الاعمال الخاص بي منذ اكثر اربعة سنوات والان استخدم اريبا خط برستيج وسوداني خط واخري سوداني بري بيد ولا علم لي بالقيود التي تتحدثون عنها للتنقل من مستخدم لمستخدم علماً بأن الشرايح مسجلة جميعها في اسمي وعنواني .... لذ ا عقدت لساني الدهشة عندما قرأت تساؤلاتكم عن شروط الانتقال من مشغل لآخر والسماح بذلك وهذا ما نسمعه في الدول الاخري فقط ونستغرب له الاخ ناذر الخليفة اذا للم تكن قد اتخذت قراراً فانصحك بي إم تي إن خط وسوداني بري بييد :::::مع التحيات لله الزاكيات
11-24-2015, 10:15 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
يا حبيبنا مشكور على الاهتمام والدعوة ... اها زي اهتمامك دا هو البيعني حرص الشركات على كسب الجمهور .. انا متأكد البوست دا وصل ناس زين ولي كل المسئولين هناك .. لكن اي زول بيقرأ فيهم لسان حالو من اصغر مسئول لي اكبر واحد بيقول ... خليهو يشتت .. هو قايل روحو منو ؟! في عشرة مليون غيرو قاعدين ... يعني شنو لو شتت واحد !! دا الفهم العندهم للاسف لانو دا ما اول بوست ولا اخر بوست عن انتقاد زين في الموقع دا ... وهم ما بيراجعوا اثر البوستات الزي دي في خلق راي عام موحد او شبه موحد ...ومشكور حبيبنا على الدعوة الكريمة والشكر لكل طاقم ام تي ان من خلفك وامامك ..
11-25-2015, 12:06 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
غايتو يا ناذر أنصحك بدراسة الأمر جيداً قبل الإقدام على هيك خطوة ..حسب خبرتي البسيطة مع شبكات الإتصالات أعتقد أنها تتوقف على المنطقة التي أنت موجود فيها ..مثلاً :أنا أملك خطين واحد زين والثاني سوداني في مكان عملي بالخرطوم أجد صعوبة كبيرة فى التعامل مع الخطين وبالأخص زين فلا تقرأ أبدا الــ 3G وأفضل السوداني فى الإنترنيت وزين فى المكالمات الصوتيةأما فى مكان سكني ببحري فأجد صعوبة ومشقة كبيرة فى التعامل مع خط سوداني وأفضل خط زين فى الإنترنيت ..الكلام ده ليهو سنين !!!!
11-25-2015, 12:25 PM
صلاح أبودية صلاح أبودية
تاريخ التسجيل: 03-29-2008
مجموع المشاركات: 4557
يعني يا ناذر بالواضح كده ..في مناطق شركة زين فيها شغالة زي الورد ..وكذلك فى مناطق أخرى شركة سوداني شغالة فيها مية مية ..وبسؤالي ..عرفت إنو الشغلانة دي بتتوقف على عدد المستخدين للمخدم فى المنطقة من نفس الشركة وبالذات فى الداتا !!والله أعلم .
شروط الانتقال لشركة اخرى يا ناذر :ان تكون الشريحة نشطة وشغالة لمدة 3 شهور سابقة على الاقلوتدفع 10 جنيهات رسوم انتقال (بالنسبة للدفع المقدم) واكتر شوية للخطوطوتحضر اثبات شخصيةوتنتظر تقريبا 24 ساعة- طبعا كل الخطوات السابقة بتقوم بيها في مكاتب الشركة اللي عايز ترحل ليهالكن :بتعرف احمد وحاج احمد ؟ دي ياها شركات الاتصالات السودانيةيعني اي شركة بتتفوق على التانية في السوء والبشاعة وقلة احترام المشتركينمثلا شركة زين :قبل فترة ، قاموا - عمدا - بايقاف خاصية رسالة التنبيه عند انتهاء اشتراك الانترنت بما يعني انو حيخصمو رصيدك كلو اذا انتهى اشتراكك ونسيت تفصل الانترنتانا شخصيا اتصلت وسألت من الحاصل دا ، قالو لي دا عطل في الشبكة وحيتصلحطبعا مرت شهور وما اتصلح ، واكتشفت انو الحركة دي مقصودة - لسرقة ارصدة المشتركين عن طريق الاستهبال عليهم - اما شركة سوداني :اكتشفت انو انا مشترك في خدمة بتاعت رسايل نصية بتخصم من الرصيد ، بدون ما اشترك فيهااتصلت عليهم، قعدو يغالطو فيني انو انا اشتركت.قلت ليهم انا متأكد انو ما ممكن اشترك في خدمة زي دي اصلا، ( عن الطبيخ والمكياج وشنو ما عارف) وتلفوني مابستخدمو زول غيري ، سالتهم من طريقة الاشتراك، قالو ترسل رسالة لرقم معين ، قلت ليهم طيب هل عندكم في سجلاتكم ما يفيد اني ارسلت رسالة اشتراك في التاريخ المحدد؟ فبهت الذي كفرواكتشفت انها برضو حركة القصد منها سرقة رصيد المشترك.اما ناس ام تي ان ، فديل ناس كلامهم كتير ، بفترضو الغباء في مشتركينهم ، كل دقيقة يرسلو رسايل تذكير وتنبيه بالخدمات ، يعني مسألة مزعجة جدا جدافي الفترة الاخيرة كل الشركات بقى عندها مشاكل في الشبكة ، بقى الاتصال العادي دا ما بيتم الا بعد خراج روح.--الكلام دا كلو كوم ، وخدمات الانترنت بتاعت الشركات دي كوم براهوهل تعلم انو الان خدمة الجيل التالت ، اللى الناس اتجاوزوها زماااان ، ما موجودة الا في مناطق محددة بالعاصمة؟ يعني باقي السودان شغالين تو جي بتاع العصر الحجري داك.غايتو الخدمة بتاعت الانترنت البتقدمها الشركات كلها ، تشيلها تختها في شوال خيش ، وتكب فيها جردل بنزين، وتقول بسم الله ، وتولع فيها منتهى الاستهبال والغش والتفاهة وعدم الاحترام.نصيحة يا ناذذر ، ما تحول لشركة تانية ، لكن اسعى ليك اكتر من شريحة ، واشتغل بالمتاح حسب التساهيل.
11-25-2015, 04:50 PM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
Quote: غايتو يا ناذر أنصحك بدراسة الأمر جيداً قبل الإقدام على هيك خطوة ..حسب خبرتي البسيطة مع شبكات الإتصالات أعتقد أنها تتوقف على المنطقة التي أنت موجود فيها ..مثلاً :أنا أملك خطين واحد زين والثاني سوداني في مكان عملي بالخرطوم أجد صعوبة كبيرة فى التعامل مع الخطين وبالأخص زين فلا تقرأ أبدا الــ 3G وأفضل السوداني فى الإنترنيت وزين فى المكالمات الصوتيةأما فى مكان سكني ببحري فأجد صعوبة ومشقة كبيرة فى التعامل مع خط سوداني وأفضل خط زين فى الإنترنيت ..الكلام ده ليهو سنين !!!!
تفاوت المناطق التي تعمل بها الشبكات تظل هي العقبة والاشكالية التي تعترض مشروع الانتقال داخل الشبكات بذات الرقم ..اعتقد أن على الهيئة القومية للاتصالات اجبار جميع الشبكات بتحسين بث شبكتهم وتوسيع نطاقات التغطية ...
Quote: وبسؤالي ..عرفت إنو الشغلانة دي بتتوقف على عدد المستخدين للمخدم فى المنطقة من نفس الشركة وبالذات فى الداتا !!والله أعلم .
اكيد لها علاقة بعدد المستخدمين ويلحظ هذا التفاوت في استخدام البيانات وشبكة الانترنت .. اذ تلاحظ في اوقات معينة ان الشبكة قوية وسريعة بينما في اوقات الذروة والعمل ان الشبكة بطيئة جدا ..تسلم ...
11-26-2015, 01:36 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: شروط الانتقال لشركة اخرى يا ناذر :ان تكون الشريحة نشطة وشغالة لمدة 3 شهور سابقة على الاقلوتدفع 10 جنيهات رسوم انتقال (بالنسبة للدفع المقدم) واكتر شوية للخطوطوتحضر اثبات شخصيةوتنتظر تقريبا 24 ساعة- طبعا كل الخطوات السابقة بتقوم بيها في مكاتب الشركة اللي عايز ترحل ليهالكن :بتعرف احمد وحاج احمد ؟ دي ياها شركات الاتصالات السودانيةيعني اي شركة بتتفوق على التانية في السوء والبشاعة وقلة احترام المشتركين
تسلم على التنوير ...
Quote: مثلا شركة زين :قبل فترة ، قاموا - عمدا - بايقاف خاصية رسالة التنبيه عند انتهاء اشتراك الانترنت بما يعني انو حيخصمو رصيدك كلو اذا انتهى اشتراكك ونسيت تفصل الانترنتانا شخصيا اتصلت وسألت من الحاصل دا ، قالو لي دا عطل في الشبكة وحيتصلحطبعا مرت شهور وما اتصلح ، واكتشفت انو الحركة دي مقصودة - لسرقة ارصدة المشتركين عن طريق الاستهبال عليهم -
حدث معي ذات الموقف قبلا ولم انتبه له الا بعد ان تم سحب رصيدي كاملا لانني لم انتبه لتوقف الرسالة وتاريخ الاشتراك ..
Quote: اما شركة سوداني :اكتشفت انو انا مشترك في خدمة بتاعت رسايل نصية بتخصم من الرصيد ، بدون ما اشترك فيهااتصلت عليهم، قعدو يغالطو فيني انو انا اشتركت.قلت ليهم انا متأكد انو ما ممكن اشترك في خدمة زي دي اصلا، ( عن الطبيخ والمكياج وشنو ما عارف) وتلفوني مابستخدمو زول غيري ، سالتهم من طريقة الاشتراك، قالو ترسل رسالة لرقم معين ، قلت ليهم طيب هل عندكم في سجلاتكم ما يفيد اني ارسلت رسالة اشتراك في التاريخ المحدد؟ فبهت الذي كفرواكتشفت انها برضو حركة القصد منها سرقة رصيد المشترك.
شركة سوداني من اسوأ الشركات .. لا يقدمون لك شيئا سوى الوعود والغلاط والمحاججات .. كثيرا ما احتديت معهم واحتدو معي وتكون النتيجة صفرا كبيرا ..
Quote: غايتو الخدمة بتاعت الانترنت البتقدمها الشركات كلها ، تشيلها تختها في شوال خيش ، وتكب فيها جردل بنزين، وتقول بسم الله ، وتولع فيها منتهى الاستهبال والغش والتفاهة وعدم الاحترام.
والله ما قلت الا الحق .. نحن متخلفين جدا في هذه الجزئية تحديدا ..
11-26-2015, 01:39 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: انا حولت من stc لموبايلي مجاناً واتفعل طوالي - الشركة الجديدة مستفيدة عشان كده الداعي شنو للعشرة جنيه؟!!
فعلا .. مفروض الخدمة تكون من غير رسوم .. الا لو كانت الرسوم دي مفروضة من هيئة الاتصالات ... لانو لو انا في محل الشركات دي وعشان ارغب الجمهور بعمل التحويل مجانا وكمان اي واحد يحول بديهو عشرة جنيه رصيد هدية ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ناذر محمد الخليفة
عبدالحفيظ ابوسن
ياسر السر
MOHAMMED ELSHEIKH
اسامة الامام
بشير حسـن بشـير
Mohammed Elhaj
محمد حمزة الحسين
صلاح أبودية
أيمن محمود
فيس بوك
تويتر
انستقرام
يوتيوب
بنتيريست