|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: عبد الكريم كيكي + الامين عثمان صديق + صديق رحمة النور+ محمد E الحبشي = الفنان عادل النوش ! (Re: ناذر محمد الخليفة)
|
العزيز ناذر الخليفة
سلام وتحية
طبعاً بوست كامل الدسم أستدعى لنا ذكرى أيام جميلة كنا نقضيها مع النوش في الكتيبة وفي أفراح الحارة وهو يصدح بصوته الجهوري بروائع الحقيبة والتي يطلق عليها أهلنا المتصوفة أغاني الحقيقة كونهم يرون فيها تمجيداً يليق بسيد البشر عليه أفضل الصلاة والسلام ... كما ان معظم الحان الحقيبة أستمدت من المدائح الصوفية القديمة (وليس العكس كما يروج الناس) ... المدائح النبوية من المتصوفة هي التي شكلت غناء الحقيبة وطورت أغاني الطنبارة ... كما ان الكثير من مفردات الحقيبة مستمدة من الحقل اللغوي القرآني وخير مثال الاغنية التي يتغني بها النوش في أحدى هذه الفيديوهات والتي تقول (هل أتاكـ حديث البلبل الصداح ؟؟)وهذا مجرد مثال ...
الحقيبة (من وجهة نظري الضعيفة) أكثر الأغاني تماهياً مع طبيعة السوداني ... كونها نشأت من بيئته وعبرت عن ثقافته وأستخدمت الدفوف وآلات الأيقاع والنقارات والرقاصات والإيقاعات التي أشتهرت بها قبائل السودان المتعددة على عكس الأغنيات الحديثة التي أستخدمت الآت موسيقية وإيقاعات لا أقول غريبة على المتلقي ولكن فيها من الحداثة الكثير) ....
لذلكـ فأن أتخاذ النوش لهذا الضرب من الفنون ساهم بصورة واضحة في ترسيخ صورته عند المتلقي الكسلاوي بصورة خلابة ، وسيظل عادل النوش واحد من أروع الفنانين الذين أنتجتهم حقول كسلا الفنية حتى لو لم بتسنى له الإنتشار الواسع على غرار ما حدث لترباس وإبراهيم حسين وعبدالعظيم حركة والتاج مكي وغيرهم من الذين أبتدوا مشوارهم الفني في كسلا وأنطلقوا بعدها في الوجدان السوداني القومي ...
يا ناذر نوثق للنوش نقول شنو أكتر من العملتو أنت ؟؟؟ ولكن رغم ذلكـ أوعدكـ بإدراج ذلكـ من ضمن مهامي المقبلة ، وأوعدكـ أن أقوم بالتوثيق اللازم للنوش متى ما سنحت لي الفرصة لزيارة المدينة وزيارة بيت أهلي ناس النوش واستقصاء الأسئلة معه التي تعضد التوثيق الفني له ومراحل أدائه ...
لكـ مودتي ومدين لكـ أنا بهذا الجمال ... فضل ليكـ تبني لينا قطعة أرض بالثري بنل عشان تملكـ كل الفؤاد بعد أن ملكت معظمه ... ههههههههههههههههههه
| |
 
|
|
|
|
|
|
|
 Re: عبد الكريم كيكي + الامين عثمان صديق + صديق رحمة النور+ محمد E الحبشي = الفنان عادل النوش ! (Re: ناذر محمد الخليفة)
|
يا سسسسسسلام وتاني يا سسسسلام يا ناذر يا خليفة..
ومنذ ان انزلت الاغنية الاولي سابقا والتي ظهرت مرة اخري في تلك الباقة النوشية فاخوك جلس القرفصاء طويلا للتمتع باغاني ود كسلا الوريفة ده..
ممكن اكون سمعتها زي ديشليون مرة ورسلتها الي ديشليون حبيب وحبيبة..
فالزول ده غنائي وفيه وهج حقيقي للحقيبة السودانية التي اصبح هنالك قليلين من يتغني بها بتلك الطريقة المدهشة التي يوديها عادل النوش..
وشكرا يا ناذر علي الجرعة والباقة التي هي كافية علي تطريبي لمدة طويلة...وطويلة جدا..
هي فرصة نحي فيها مدينة كسلا المبدعة
ونحي هذا الفنان الذي يجب ان يسلط عليه الضوء كثيفا حتي يغرد ويحلق عاليا في حديقة الفن السوداني التي صارت جرداء وقاحلة
وتحياتي يا زول يا فنان يا ابو النيز
| |
|
|
|
|
|
|
|
|
|
Re: عبد الكريم كيكي + الامين عثمان صديق + صديق رحمة النور+ محمد E الحبشي = الفنان عادل النوش ! (Re: عبدالكريم الامين احمد)
|
كيكي :
Quote: فالزول ده غنائي وفيه وهج حقيقي للحقيبة السودانية التي اصبح هنالك قليلين من يتغني بها بتلك الطريقة المدهشة التي يوديها عادل النوش..
|
يا خي الراجل دا مبالغة ما بعدها مبالغة ..
حالتو التصوير كان من غير ترتيب والصوت من غير أي مؤثرات ..
بالله شوف يا رشا يا كحيل دي بيغنيها كيف ..!!
Quote: ونحي هذا الفنان الذي يجب ان يسلط عليه الضوء كثيفا حتي يغرد ويحلق عاليا في حديقة الفن السوداني التي صارت جرداء وقاحلة
|
والله يا كيكي ما قلت إلا عين الصواب ..
غايتو في محاولات نجيب الراجل دا الخرطوم يعمل كم تسجيل في الإذاعات والتلفزيونات الهنا ..
وإنشاء الله تنجح المحاولات ..
تسلم ..
| |
|
|
|
|
|
|
|
|
|
Re: عبد الكريم كيكي + الامين عثمان صديق + صديق رحمة النور+ محمد E الحبشي = الفنان عادل النوش ! (Re: ناذر محمد الخليفة)
|
Quote: فقلت أديك روشتة بدري بدري ...
تلاتة أغنيات جديدة لي عادل النوش ..
كدة بقو ستة لحدي الان إنت ما شفتهم ....
إستودعك علي الله لحدي ما اجي ... |
الله وياسسلام يا ابو النيز وتمشي وتجي بالسلامة يا ابو النيز
وشكرا ياخي الاغاني الجديدة ولقد صارت اضاني الموسيقية هذه الايام صديقة وفية لود النوش
وتراني جالسا القرفصاء في الكراكير الاسفيرية اسمع الاغاني التي نزلتها انت في الباقة الاولي
تقوم يا ابو النيز تجدع لي الاغاني الستة الجديدة فهذا لعمري كرم حاتمي ناذري خليفي
ودعوي لجلوسي قرفصاء حتما ستطول وحتي حضورك وما بعده..
وكل الود والتقدير
وفي الانتظار يا فن
| |
|
|
|
|
|
|
|
|
|
Re: عبد الكريم كيكي + الامين عثمان صديق + صديق رحمة النور+ محمد E الحبشي = الفنان عادل النوش ! (Re: عبدالكريم الامين احمد)
|
ينصر دينك يا ناذر ياخ
الليلة أنا أسعد زول هنا أسمع الفنان عادل النوش ، بالمناسبة أنا كنت فردة كورس ليهو زمن الدورة المدرسية هههه
عادل النوش دا أجمل خلق الله روح مرحة ضاحكة ، والعجب لو إتلموا هو وعبد الرحمن إبراهيم سعد داك برضو
زول فنان جدجد ...ياسلام عليك ياناذر ، أرجوا أن توثق في المرة القادمة لشقيقه مساعد النوش ، فنان كان ذات شنة ورنة
أيام كنا صغار ، لكن أظن خلا درب الغنا دا ، ياحليل زمن زمان ياخ ، فرقة مصنع البصل .. عادل النوش دا عندو غنا خاص
سمح صحيح مجاري بيهو الحقيبة لكن الله يعلم غنا ما تفرزو من الحقيبة زمان . خليفة بادي الزول دا لو إجتهدتو معاهو ياناذر ومرقتوه من
الحتة ديك ..هسة في كسلا عادل النوش دا محدود في شلة أصحابو زمان كانت الكتيبة لاحقا نادي الهلال هسة بكون
جلسات زي دي وقعدات نهارية تحت اشجار المانجو والجواف ..لك التحية . الأمين دا جارو حيطة بي حيطة
| |
|
|
|
|
|
|
|
|
|
Re: عبد الكريم كيكي + الامين عثمان صديق + صديق رحمة النور+ محمد E الحبشي = الفنان عادل النوش ! (Re: الأمين عثمان صديق محمد)
|
عبد المنعم ..
Quote: ينصر دينك يا ناذر ياخ
الليلة أنا أسعد زول هنا أسمع الفنان عادل النوش ، بالمناسبة أنا كنت فردة كورس ليهو زمن الدورة المدرسية هههه
عادل النوش دا أجمل خلق الله روح مرحة ضاحكة ، والعجب لو إتلموا هو وعبد الرحمن إبراهيم سعد داك برضو
زول فنان جدجد ...ياسلام عليك ياناذر ، أرجوا أن توثق في المرة القادمة لشقيقه مساعد النوش ، فنان كان ذات شنة ورنة
أيام كنا صغار ، لكن أظن خلا درب الغنا دا ، ياحليل زمن زمان ياخ ، فرقة مصنع البصل .. عادل النوش دا عندو غنا خاص
سمح صحيح مجاري بيهو الحقيبة لكن الله يعلم غنا ما تفرزو من الحقيبة زمان . خليفة بادي الزول دا لو إجتهدتو معاهو ياناذر ومرقتوه من
الحتة ديك |
يا خي الزول دا ما شاء الله ماكينة غنا تمشي على قدمين .. الجلسة القعدنا فيها دي رغم إنها كانت عفوية وما إترتبت إلا في يوما لكن الزول دا عمل فيها عمايل .. واحد وعشرين أغنية حقيبة كاملة الدسم لا فيها شق لا طق وبإداء خارق وأسطوري ...!!
مساعد النوش دا سمعت بيهو لكن قالوا بطل الغنا أو بقى ما عندو فيهو كبير غرض ..!
| Quote: هسة في كسلا عادل النوش دا محدود في شلة أصحابو زمان كانت الكتيبة لاحقا نادي الهلال |
يوم في كسلا مشينا ليهو الكتيبة وقعدنا في حتة بعيدة شوية من الناس وتقوم كدة الكهربا تقطع والمطرة بدت ترقرق ويقوم كدة ود النوش دا من نفسو كدي يخش في أغنية حقيبة بي صوتو الجهوري داك .. يا خي المطرة صبت ولا إشتغلنا بيها وأظن كسلا كلها بي جبالا وسواقيها سمعت الأغنيات ديك في اليوم داك ..!!!
مشكور يا ود الحاج ..
| |
|
|
|
|
|
|
|
|
|
Re: عبد الكريم كيكي + الامين عثمان صديق + صديق رحمة النور+ محمد E الحبشي = الفنان عادل النوش ! (Re: الأمين عثمان صديق محمد)
|
والله يا كيكي ..
| Quote: وواثق تماما بان ناذر ما بقصر في هذا الامر |
يوم كورة ألمانيا وأسبانيا مريت على إتحاد الفنانين .. ولقيت الأستاذ سيف الجامعة بيحضر في الكورة .. وطبعا الكورة كانت بايخة شوية قعدنا نتونس عن الغنا والفن وأخر المستجدات في الساحة .. كلمتو عن عادل النوش في كسلا وقال ما حصل سمع بيهو .. أديتو عنوان الموقع وقلت ليهو ضروري جدا تخش تسمع للأستاذ دا عشان لو في طريقة دايرنو يجينا الخرطوم نقدمو في كم جهاز إعلامي كدة .. سيف وعدني بي إنو يدخل يسمع ويديني رايو ولحدي هسي أنا منتظر ..
صنفرة :
سيف مرشح نفسو رئيس الإتحاد السنة دي !!
| |
|
|
|
|
|
|
|
|
|
Re: عبد الكريم كيكي + الامين عثمان صديق + صديق رحمة النور+ محمد E الحبشي = الفنان عادل النوش ! (Re: ناذر محمد الخليفة)
|
كيكي
سلامات بالله شوف الزول دا مش يدخل الواحد في حالة من
الجذب الكوني ويخليك تهبش ستين حتة في الوجدان ولسة
تكون محلق عايز تهبش عشرين باقيات .
والأمين
الأمين طبعا إنت من جيل أغنيات مساعد وكدا
عادل دا ما بتكون حضرت ليهو حاجة بعدين الوكت داك
إنت عامل فيها بتاع مايكل جاكسون ومادونا وتينا تشارلز
وما بتعرف الفنان بتاع الطمبور ود أبشر ، ولا أحمد حطيبي
ولا بتعرف الفانين الشعبيين عبد القيوم الكان عندو دكان في سوق
النقلتية ، ولا عبد الله الجن ،
عبد الله الجن دا بعرفو الجبشي.
ناذز
بالله ماتعمل فينا خير ورسل لينا لنك حفظ إن شاء الله في الخاص
الدنيا دي ما معروفة يمكن يجي هكر ويضيع مننا الجمال دا كلو .
محمد الحسن سليمان
كان بتاع ليليات في زاوية أولاد المقل. أو أولاد قمر.
الحبشي دا ما بسمع غنى ياخ .
| |
|
|
|
|
|
|
|
|
|
Re: عبد الكريم كيكي + الامين عثمان صديق + صديق رحمة النور+ محمد E الحبشي = الفنان عادل النوش ! (Re: عبد المنعم ابراهيم الحاج)
|
Quote: الأمين طبعا إنت من جيل أغنيات مساعد وكدا
عادل دا ما بتكون حضرت ليهو حاجة بعدين الوكت داك
إنت عامل فيها بتاع مايكل جاكسون ومادونا وتينا تشارلز
وما بتعرف الفنان بتاع الطمبور ود أبشر ، ولا أحمد حطيبي
ولا بتعرف الفانين الشعبيين عبد القيوم الكان عندو دكان في سوق
النقلتية ، ولا عبد الله الجن ،
عبد الله الجن دا بعرفو الجبشي. |
لا حولا يا منعم اتاريك انت من زمن احمد حطيبي وسوق النقلتية
باقي لي انت من الجماعة الكانوا بقعدوا في دكان السِمِع بتاع الكدارات
بعدين ما تفك فينا دعايات ساكت ، المنبر تقول فيهو أي حاجة بصدقوك طوالي
مساعد دا وقت كان بغني انحنا صغاااار في الابتدائي وانت كنت كورس معاهو زمن برعي بتاع البنقز
ياخي عادل دا ذاتو اكبر مني رغم اننا قرينا مع بعض من الابتدائي تقول لي انا جيل مساعد
اما مايكل جاكسون ومادونا وتينا تشارلز وضيف معاهم استيف وندر وبيونسيه و ود ابشر 00 لللية بستمع ليهم
وهل تذكر رائعة ود البشر التي يقول في مطلعا 000 اماني يا القاش ما اتمجد 000 تبشتن كسلا لي دا الحد
| |
|
|
|
|
|
|
|
|
|
Re: عبد الكريم كيكي + الامين عثمان صديق + صديق رحمة النور+ محمد E الحبشي = الفنان عادل النوش ! (Re: عبدالكريم الامين احمد)
|
Quote: لا حولا يا منعم اتاريك انت من زمن احمد حطيبي وسوق النقلتية
باقي لي انت من الجماعة الكانوا بقعدوا في دكان السِمِع بتاع الكدارات
بعدين ما تفك فينا دعايات ساكت ، المنبر تقول فيهو أي حاجة بصدقوك طوالي
مساعد دا وقت كان بغني انحنا صغاااار في الابتدائي وانت كنت كورس معاهو زمن برعي بتاع البنقز
ياخي عادل دا ذاتو اكبر مني رغم اننا قرينا مع بعض من الابتدائي تقول لي انا جيل مساعد
اما مايكل جاكسون ومادونا وتينا تشارلز وضيف معاهم استيف وندر وبيونسيه و ود ابشر 00 لللية بستمع ليهم
وهل تذكر رائعة ود البشر التي يقول في مطلعا 000 اماني يا القاش ما اتمجد 000 تبشتن كسلا لي دا الح |
من الكبري عبأ ورنا
وإتوجه ديار
كي ونا..
أها الغنية دي من زمن فيضان 67
برضو تقول لي ما من جيل
مساعد ،
والله تلقاك إنت الكنت تربط
مايكرفونات "الشرعي"،
أوعك تنكر ، وترصد كراسي
ياسين صالح المقوسة ديك .
أصلك من زمان بتحب الحاجات
العندها علاقة بالصوت دي ههههههه.
تذكر الغنية بغنيها مساعد النوش
"ياعزاز الرقبة قزاز"
أكيد بتعرف محي الدين بتاع مصنع البصل
الله يرحم عثمان أبوزيد كان زول
أضانو نضيفة أول مرة اسمع فيها
محي الدين دا كان جابو معاه السواقي
| |
|
|
|
|
|
|
| |
ناذر محمد الخليفة
Sidig Rahama Elnour
يسرى معتصم
عبدالكريم الامين احمد
فيس بوك
تويتر
انستقرام
يوتيوب
بنتيريست