|
Re: بورداب الخرطوم .... التحضير لرحلة خلوية أو نيلية على شرف عيد الفطر المبارك والزوار الكرام (Re: سفيان بشير نابرى)
|
مساء الخير ,, وكل عام وانتم بخير ,, قبيل مشينا زيارة ميدانية لباسقات للتعرف علي البدائل المتاحة ووجدنا كم ضخم من الخيارات تشمل كافة الاحتياجات يمكن ان نشملها في الاتي :-
أولا:الاماكن: 1-شلتر صغير بشيل 10-15 شخص ايجار اليوم 75 جنيه 2-شلتر متوسط بشيل 30-40 شخص ايجار اليوم 150 جنيه 3-شلتر كبير يشيل حوالي 50 شخص ايجار اليوم 250 يمكن ايجار شلترين واحد متوسط وواحد صغير متجاورين لانو المسافة بين شبتر والتاني في الصف الواحد اقل من 5 متر. 4- صالة مناسبات بسعة 250 فرد يجارها حوالي 1000 جنيه في اليوم
ثانياً: الاكل : هنالك عدة خيارات :- 1-سفرة كاملة يعني زي صينية المناسبة باصناف متنوعة شاملة البارد والتحلية تكفي لحوالي 8 اشخاص بتكلفة 150 جنيه للسفرة الواحدة 2-الناس يجيبوا الحاجات ويقاولوا الطباخين علي الطباخة بشرط انو تصلهم المواد قبل 24 ساعة من البرنامج. 3-الناس ممكن يجيبوا الاكل جاهز معاهم. 4-اطباق جاهزة برضو كما في المناسبات ويتم الاتفاق علي محتويات الطبق الواحد وسعره وهناك عدة خيارات برضو
ثالثاً: المشروبات غير مسموح بدخول اي مشروبات سواء مياة او مياه غازية او شاي او قهوة او غيره بحجة وجود جميع هذه الاشياء بالاستراحة
رابعا: الحجز عملنا حجز مبدئي يوم الجمعة بكن لم نستطيع تحديد عدد الشلاتر لانو عدد الناس الجايين غير محدد والموضوع ينطبق علي الاكل لانو الناس ما محددين انهم دايرين ياكلو شنو وبي ياتو خيار من الخيارات الفوق دي الحاجة المهمة موضوع الساوند - اذا وجد - لابد من تاكيده مع الحجز لانو ما بيدو تصريح لاكتر من ساوند في نفس اليوم عشان ما الحتة تجوط وكدا والاسبقية للبحجز اول في رسوم دخول 5 جنيه للفرد لكن ممكن معالجتها اذا الناس جو داخلين كقروب واحد يتم اعفائهم لانهم حاجزين اساسا توجد ملاعب للاطفال ومسجد وصالة العاب الكترونية ومحلات ايسكريم وبقالة وكافتريات وغيره
محتاجين ناكد الحجز وندفع عربون ونختار الشلتر وزمن الحضور محتاجين نحدد نوع الاكل وكميته وندفع عربون ونشتري المواد في حالة شراء المواد
والاهم محتاجين نحدد عدد الناس والشير
,,,,,,, الاسعار اعلاه جميعا تقبل المفاصلة لانو بعد الزيارة مريت علي منزل عم عثمان رغيم للمعايدة وأ.فتحية اتصلن بمدير الاستراحة وقال ليها حددوا حاجاتكم وهو حيساهم في التخفيض بصورة كبيرة فقط اتصلوا بيهو لمن تكونوا مع الادارة في الاستراحة ,,
يا بدر الدين اعفي ليك ياخ مفروض اتصل عليك لكن قلت انجض الشغلة حتي اجيك راجع وقبيل سقت مصعب ومشينا للناس ديل والنتيجة ما فرات اعلاه بالمناسبة ماسك الادارة محمد ابراهيم عبد الحفيظ
وممكن المك في تلفون قاسم موسي لو عندك بيهو عرفة
شكرا :)
هنا حاولت احصر المتداخلين في البوست كمحاولة لحصر الراغبين في المشاركة
1-ناذر الخليفة 2-محمد طه الحبر 3-زهير عثمان حمد 4-وليد محمد المبارك 5-الطيب شيقوق 6-ذو اليد سبيمان 7-بدر الدين اسحق 8-المكاشفي الخضر 9-الكباشي البكري 10-عبد الوهاب علي الحاج 11-ابراهيم بقال 12-مزمل خيري 13-عثمان رغيم 14-عمر عثمان 15-معتصم محمد صالح 16-احمد حنين 17-سيد احمد قدورة 18-معاوية عوض الكريم 19-داليا الكباشي 20-حسين ملاسي 21-المعز ابونورا 22-السيد المسلمي 23-صفية محمد 24-صالح تبلدينا 25-حاتم كاهن 26-بكري الخير 27-طارق ابوعبيدة 28-محمد الطيب يوسف 29-احمد موسي 30-ابوعبيدة البصاص 31-عثمان المهندس 32-
وممكن نضيف ليهم أ.فتحية ورغيم عثمان رغيم ونادرين
والعفو والعافية :)
| |
|
|
|
|
|
|
Re: بورداب الخرطوم .... التحضير لرحلة خلوية أو نيلية على شرف عيد الفطر المبارك والزوار الكرام (Re: فتحية شامي)
|
سفيان ..
Quote: الراجل ده يا ناذر عليهو افضال كتيرة علينا نحنا بورداب الخرطوم وافضال كتيرة علي سودانيز وعلي العمل العام بتاع سودانيز ... رغم ده في ناس كتار جداً من عضوية الخرطوم ما بيعرفوهو ولا لاقوهوا يا ناذر الزول ده يستحق تكريم سمي من سيد الحوض نفسو ومننا نحنا ديل .
يا سلااااااااام يا عثمان المهندس اول رئيس لبورداب الخرطوم ياسلااام |
عندي ليك إقتراح بخصوص الموضوع دا .. لمن نتقابل بقولوا ليك ..
سامي الزبير ...
مشكور على الجهد المقدر ...
أقترح نخت في البال زي ما قال أحمد حنين أكبر عددية .. عشان كدة فكرة الشالين كويسة . أو نحجز الشاليه الكبير ..
موضوع الاكل أنا بقترح يكون سفرة عشان تنوع الاكل والجلوس مع بعض بي حميمية ..
بالنظر للمعطيات اعلاه أقترح يكون الشير 35 جنيه وأعتقد مناسبة ..
القروش دي لازم تتجمع من بدري ..
أقترح القروش دي نجمعا لمن الناس تتقابل في بيت الفنون رابع يوم في العيد .. والما جايي بيت الفنون يدي القروش دي لي أي زول جايي عشان ندفع العرابين وكدة ..
نقطة التجمع وين ؟؟!!
برضو أقترح تكون بيت الفنون الساعة تسعة صباحا ..
وأي زول يجينا فاطر عشان ما نخاطر بي الميزانية ..
| |
|
|
|
|
|
|
Re: بورداب الخرطوم .... التحضير لرحلة خلوية أو نيلية على شرف عيد الفطر المبارك والزوار الكرام (Re: ناذر محمد الخليفة)
|
كلام زين يا حبيب
لكن كان الناس حركت التلفونات بكون احسن لانو في ناس كتار بدخلوا البورد من مكاتبهم او ما لاقين وقت في العيد يستخدموا الانترنت
التلفونات بتاكد ليك العدد النهائي وبتقدر تبني عليه الحاجة التانية لو حددت نفرين تلاتة يلمو الشير من الناس بمعني يختوا تلفوناتهم والناس تضرب ليهم وتشوفهم وين وتجي تديهم الشير بكون كويس خاصة لو لقيت زول في مكان سنتر او مستقر لمدة طويلة في مكان واحد
,,
أ.فتحية ياخ انا ضيف عندكم ساي باخد قعدتي وبمشي وانتوا اسياد الشيء زاتها يا قول ناذر :)
,,
تشكر يا بدر الدين وكنر خيرك كتير يا حبيب :)
| |
|
|
|
|
|
|
Re: بورداب الخرطوم .... التحضير لرحلة خلوية أو نيلية على شرف عيد الفطر المبارك والزوار الكرام (Re: ahmed haneen)
|
في مساحة تقدر بعشرين فدان تقع استراحة باسقات بالجزء الشمالي من مشروع السليت الزراعي, وتكمن فكرة الاستراحة في وجود مزرعة مختلطة بجانب تهيئة مكان للرحلات يضم شاليهات على طراز (القطية) و(الكرنك) من تراث غرب السودان, بالإضافة إلى صالة وملاعب كرة وحديقة حيوان ومشتل ومدينة ملاهي للأطفال. وتعمل الاستراحة على توفير كافة الخدمات التي تحتاجها الأسر والمجموعات القاصدة للاستراحة بغرض الاسترواح وقضاء وقت في حضرة الخضرة والطبيعة في فكرة قد تبدو مبتكرة في السودان
المالك
ابراهيم عبدالحفيظ محمد
تليفون
0912307602
E-mail
[email protected]
العنوان
الخرطوم-بحري شرق دردوق-مشروع السليت الشمالي
اها قصرت معاكم؟؟؟؟؟؟
| |
|
|
|
|
|
|
Re: بورداب الخرطوم .... التحضير لرحلة خلوية أو نيلية على شرف عيد الفطر المبارك والزوار الكرام (Re: Ahmed musa)
|
ياجماعة الرحلة شكلها ماحتقوم .! ناذر صاحب الفكرة والبوست ماعندو فكرة عن الترتيبات الجارية لان تلفونو اتسرق وفقد كل الارقام حقتو .. بدر الدين أيضاً ماعندو فكرة عن الترتيبات الحصلت على حسب أتصالى بيهو للاستفسار .! والشير ما أتجمع لحدى هسع !
قابلت ناذر فى بيت الفنون وطلب منى اسلم الشير لاخونا سفيان الأ انو أعتذر بلطف عن التكليف .!! والرحلة المقرر ليها بكرة الجمعة .. واخونا سامى مامتابع البوست عشان يورينا الترتيبات الحصلت شنو .؟
ضيوف أعزاء بين ظهرانينا من بينهم اخونا الفنان خدر والمهندس محمد الشيخ والريس بكرى الواحد كان متمنى انو الرحلة دى تنجح .. ولكن ! والله ماقصدى أحبطكم ولكن دى الحقيقة ؛ عشان الواحد مايتحرج مع الضيوف بعدين .!
بقترح تأجيل الرحلة لحين وضع الترتيبات بصورة افضل .! نسمع منك ياناذر رأيك .!
| |
|
|
|
|
|
|
|