|
|
 Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! (Re: ناذر محمد الخليفة)
|
العزيز ناذر
تحياتي
مدخل اول:
تصادف ان جاد التلفزيون السوداني بسهرة للفنان كمال كيلا من مدينة جوبا وكنا وقتها منهمكين للجلوس لامتحانات المرحلة الثانوية إلا اننا أجلنا المذاكرة يومها لحين انتهاء السهرة الغنائية..
في اليوم التالي إلتقيت صديقي وزميلي في الفصل استيفن وهو من الاستوائية وما ان راني حتي صاح "والله يا شمس امبارح انا حضرت في التلفزبون أجمل سهرة من الله خلقني ما شفت زيها.. ياخي كمال كيلا دا فنان عالمي عديل بس الاعلام ظالمو" واخبرني استيفن انه سجل كل السهرة من التلفزيون علي شريط كاسيت, وصار يوصف لي كيف ارهق نفسه وهو يحمل جهاز الاستريو بيديه ليقربه من التلفزيون لقصر الوصلة الكهربائية ..
تركت استيفن منتشيا يبحث عن اخر لبثه ذلك الفرح الطفولي بسهرة كمال كيلا ودخلت الفصل حيث يجاورني صديقي عاطف محمد خير (من كريمة) وهو من المعجبين جدا بالفنان أحمد المصطفي وقبل ان أستوي علي مقعدي صرخ عاطف في وجهي "ياخي امبارح التلفزيون قدانا ليك بسهرة بايخة بشكل والله من الزعل ما قدرت أذاكر .. ياخ التلفزيون دا بجيب الناس دي من وين؟"
بين نشوة استيفن وحنق عاطف يتولد السؤال المحوري:
شنو يعني المعيار انو الفنان الفلاني يكون عملاق الاغنية السودانية؟
لان كمال كيلا عملاق استيفن قد صار قزما في نظر عاطف.
وبالمقابل احمد المصطفي عملاق عاطف قد يصير قزما في نظر استيفن.
ولو قلنا لاستيفن كمال كيلا دا واحد سمبلا ساكت حيقول عليك متخلف لانك فاكر الفن ببتدي بكرومة وبنتهي بعاصم البنأ
ولو قلنا لعاطف انو احمد المصطفى دا من الأصوات الضعيفة حييقول والله عشنا وشفنا العشر قام ليهو شوك
وبي كدا دخلنا تووووش لسؤال الهوية
.......
مدخل للخروج
سئل الفنان وردي في ندوة بمنزل الاستاذ زين العابدين صالح بمدينة نصر بالقاهرة لماذا الفن السوداني لا يستطيع المنافسة علي مستوي الوطن العربي؟
فأجاب بان المشكلة تكمن في السؤال "توجهنا الثقافي الي اين"
لاننا في الوقت الذي نبذل الغالي والرخيص لاسماع "الاشقاء العرب" الذين هم في شغل عنا إلا انك لن تجد موطئ لقدمك حيث تتمتلئ ملاعب كرة القدم بافريقيا ان زارها فنان سوداني
كل ذلك مع احتفاظي للكاشف بعبقريته وريادته الفنية
مع تقديري
شمس الدين السنوسي
|
|
 
|
|
|
|
|
| العنوان |
الكاتب |
Date |
 كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | ناذر محمد الخليفة | 03-19-08, 10:44 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | Ahmed Abdallah | 03-19-08, 10:46 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | amir jabir | 03-19-08, 10:48 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | خدر | 03-19-08, 10:52 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | ناذر محمد الخليفة | 03-19-08, 10:51 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | Ahmed Abdallah | 03-19-08, 10:55 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | خدر | 03-19-08, 11:07 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | Yasier Elsayed | 03-19-08, 11:24 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | يسرى معتصم | 03-19-08, 11:31 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | ناذر محمد الخليفة | 03-19-08, 11:29 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | ناذر محمد الخليفة | 03-19-08, 11:32 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | ناذر محمد الخليفة | 03-19-08, 11:34 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | ناذر محمد الخليفة | 03-19-08, 11:39 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | ناذر محمد الخليفة | 03-19-08, 11:41 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | ناذر محمد الخليفة | 03-19-08, 11:44 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | esam gabralla | 03-19-08, 11:46 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | محمدين محمد اسحق | 03-20-08, 00:10 AM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | ناذر محمد الخليفة | 03-19-08, 11:51 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | ناذر محمد الخليفة | 03-20-08, 00:22 AM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | Moawia Mohammed | 03-20-08, 00:51 AM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | Shams eldin Alsanosi | 03-20-08, 03:45 AM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | ناذر محمد الخليفة | 03-20-08, 06:07 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | ناذر محمد الخليفة | 03-20-08, 06:09 PM |
| Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! | ناذر محمد الخليفة | 03-20-08, 06:10 PM |
|
| |
Shams eldin Alsanosi
فيس بوك
تويتر
انستقرام
يوتيوب
بنتيريست