|
Re: حيدر حسن ميرغني + Moawia Mohammed + Abdelmuhsin Said +Salah Waspa = ناعس الاجفان .. (Re: ناذر محمد الخليفة)
|
Quote: حا أرد ليك زي زي محجو شريف وأقوليك (إنت دينك كم) |
العفو يا ناذر أنا ما عندي دين ولا حاجه
Quote: أنا هس بسدد ليك في الدين وعلي كتيييييييير |
أصلك بتسدد فيهو بي غراء ولا أسمنت
Quote: تفدر تحدد لينا أسماء الأصوات والعازفين المشاركين في الغنية دي يا معاوية ؟ |
طبعا العود بتاع عوض أحمودي لكن والله يا ناذر بتاع البنقز ( الدربكه ) احتمال واحد من أولاد المليجي أما بتاع الفلوت ( الصفارة ) ما بقدر أعرفوا ليك لأنو أنا طولت من البلد وسمعت انو البلد كلها بقت بتاعين صفافير
| |
|
|
|
|
|
|
Re: حيدر حسن ميرغني + Moawia Mohammed + Abdelmuhsin Said +Salah Waspa = ناعس الاجفان .. (Re: Salah Waspa)
|
تعرف يا ناذر انا استمعت لشغل حلو زي ده في نهاية الثمانينات.
كانت تغني فيه بت الحويرص ذات الصوت الشجي مع مجموعة اخرى اغاني حقيبة جميلة.
تناول اغاني الحقيبة باللونية الجديدة تحتاج لدربة وتمكن في الاداء يجعلها محببة لمن لم يألفوها
او يسمعوا بها من (خشيم أسيادها) كما يقولون، خاصة الجيل الجديد الذي يفاجأ بظهور اكثر من فنان
او (مقلد)خلال السنة الواحدة، في الوقت اللي كان فيه ظهور فنان زمن جيل رواد الحقيبة يحتاج لوقت
طويل.
طربت جدا لصوت أحمد عوض (عجوز) عضو البورد سنوات الدراسة بمصر حيث كان يصدح باغاني الحقيبة
والكاشف لدرجة اعجبت ودقدور الذي حضر له عدة حفلات.
| |
|
|
|
|
|
|
Re: حيدر حسن ميرغني + Moawia Mohammed + Abdelmuhsin Said +Salah Waspa = ناعس الاجفان .. (Re: ناذر محمد الخليفة)
|
حيدر ...
Quote: تعرف يا ناذر انا استمعت لشغل حلو زي ده في نهاية الثمانينات.
كانت تغني فيه بت الحويرص ذات الصوت الشجي مع مجموعة اخرى اغاني حقيبة جميلة.
تناول اغاني الحقيبة باللونية الجديدة تحتاج لدربة وتمكن في الاداء يجعلها محببة لمن لم يألفوها
او يسمعوا بها من (خشيم أسيادها) كما يقولون، خاصة الجيل الجديد الذي يفاجأ بظهور اكثر من فنان
او (مقلد)خلال السنة الواحدة، في الوقت اللي كان فيه ظهور فنان زمن جيل رواد الحقيبة يحتاج لوقت
طويل.
|
يا خي والله زينب الحويرص دي لو كانت إجتهدت شوييييية كدة أصلو ما كان في زول بيلحقا تاني ، لكن والله فعلا كان عندهت صوت مبالغة الزمن داك ..
Quote: طربت جدا لصوت أحمد عوض (عجوز) عضو البورد سنوات الدراسة بمصر حيث كان يصدح باغاني الحقيبة
والكاشف لدرجة اعجبت ودقدور الذي حضر له عدة حفلات. |
قصدك سوداني عجوز بتاعنا دا ؟!! مالو بطل الغنا هسي ؟!!
يا ريت لو جانا هنا وأدانا طلة ..
| |
|
|
|
|
|
|
|
العزيز /نادراها ياناذر تاني عندك كلام؟ أنحنا بطلنا الشنق وانتو حتبطلوالخنق متين؟ ياأخوانا حرام عليكم يوم بتكتلو ليكم زول بالغنا السمح ده.الشغل ده ماشغل نصاح وممكن يسبب لي الناس الكرتبو في الغربة( إسترباس في الهلبنض وانكلواس في الأشلنض) وده لوحصل لأي واحد حيتاكد الشق التاني من نظريتي المتواضعة المسماة نهاية الأصوات في بلد فن الأموات. ففي عام1976 تنبأت-وأتكلم بجدية هنا- بأن الراحل الفريد مصطفى سيد احمدسيكون فنان التسعينات وقلت إن صوته نادر ولن يتكرر.اما النصف الثاني من النظرية فهو أن السودان لم يسبق له أن أنجب صوتا نسائيا في روعة صوت سميرة دنيا. ولا رأيك شنو يا أبوالنذ؟ طبعاأخوك ما ناقش أي حاجة في العلم الموسيقى لاكين امبارح أم العيال عملت لينا شوربة صولفيج لذيذة خالص وكمان معاهاقراصة بملاح نوته والله أكلناهم لما صفرنا. بس برضو اخوك سميع نضيف بدرجة جربندي. وأهو ..غايتو مرة نغني في الحمام ومرة بنشكي للأيام ومرة بتسيل دمعة ومرات تموت أحلام والله لوما غنانا كان الغربة هدتنا وقلنا زمان لي اعمارنا كفايةتعب دي السكةغلبتنا وجفانا منام بس برضو بنكابر ونغني بي تحنان نستنى في نادر بوستاتو روح فنان مسو نوركم شوفومن جبينا صباح وقبل مايصبح علينا صباح تعالو واتملو في جنة الإصباح زولا دوام صاحي بس رمشو مدلي زي ناعس الأجفان. ................ ويعني كان في داعي للهترشة دي كلها ياناذر ياأخوي؟ ماقلنا ليكم بطلو الجنان بتاعكم وخلو الغناالكعب ده لي قعداتكم الخاصة وبلاش تاخدو ذنوبنا.
مع صادق مودتي.\\\\\\\\\\\\\\\\\\\أخوك ود اللحمر
| |
|
|
|
|
|