|
|
|
 Re: اليوم الهيلاهوب ونانسي عجاج ..... سهرة بتلفزيون السودان من لندن ... (Re: عصام عبد الحفيظ)
|
ناذر ....
كل عام و انتم بخير ...
بس انشاء الله تكون سهره خالصه من آفة النضم الممل و التنظير و الله استر ما اجو ناطين فيا ( أفلاطونيو !!! ) التلفزيون أشكال ( إبراهيم البزعى !!!) و ( د. شمس الدين !!! ) و اشبعونا ( صب !!! ) و الطامة الكبرى لو ظهر فى السهره اياها صاحبك ( التجانى حاج موسى !!! )تكون تمت الناقصه و ما علينا الا ندوس power off فى جهاز ال remote control و ( نشمع !!! ) على كدا !!!!
كسره :
اتمنى للجميع سهره متعه و خالصه للمبدعين فى فرقة الهيلاهوب و المطربه نانسى عجاج و ود الوز لازم إكون عوام .....
تهانى للجميع و عيد سعيد
عبدالماجد
| |
 
|
|
|
|
|
|
|
 Re: اليوم الهيلاهوب ونانسي عجاج ..... سهرة بتلفزيون السودان من لندن ... (Re: ناذر محمد الخليفة)
|
تحياتي يا عريس ..
و شكرا ليك .
( عسى أن لا تغادرك الملايكة بسبب جنك الكلكي ) ..
هذه واحدة من طفرات تلفزيون السودان ..
و الله يا عصام , و أنا أتابع هذه البنت ..
كنت متسمرا تماما من طلاوة صوتها , و تلوينها له .. و ملكاتها في حنجرة طيعة لها دون رهق ولا تعب .
ثم .. تفاعلها الصادق مع صوتها و الكلمات التي ( تديها حقها ) من السلطنة العالية .
طربها لنفسها أولا .. بصدق .
و طربها للكلمات .. بصدق .
و طربها لتنغيمات العود .. و بصدق .
سهرة ممتعة مع صوت فريد .. و لمة ناس حلوة .
تسلم يا ناذر .
و شكرا للهيلاهوب
| |
|
|
|
|
|
|
|
|
|
Re: اليوم الهيلاهوب ونانسي عجاج ..... سهرة بتلفزيون السودان من لندن ... (Re: ناذر محمد الخليفة)
|
نانسي عجاج...مبدعة لدرجة عجيبة...مقيمة في هولندا...اجمل مافي ابداعها انها تغني اغاني الكاشف والاغاني القديمةبصورة مذهلة مع اضفاء بصمتها الخاصة وادائها الرهيب...
استمعت لها في حفلة حية وهي تِؤدي اغنية ظلموني الناس للكاشف...تنميت لو انه كان حيا ليري ماذا فعلت بهذه الاغنية....
طلب خاص من الاخ خدر لو يملك اي تسجيل لها ان يمدنا به...
لك الشكر الاخ ناذر وكل من له حس فني
وكل عام وانتم بخير
اخوكم د. ياسر
| |
|
|
|
|
|
|
|
|
 Re: اليوم الهيلاهوب ونانسي عجاج ..... سهرة بتلفزيون السودان من لندن ... (Re: ناذر محمد الخليفة)
|
الاخوة الاعزاء جميعا سلامي وتحياتي وكل التهاني الجميلة بعيدالفطر المبارك أعاده الله علينا بالصحة والعافية..
تصدقوا أو لا تصدقوا انا دخلت عشان أكتب عن السهرة دي، ومع احترامي لكل الأراء أن السهرة كانت دون المستوى، وضعيفة فنيا صورة وصوت..
وللحقيقة انا دخلت البيت قبل بداية السهرة بخمس دقائق، ولم يكن لدي اي خلفية عن السهرة وعندما لقيت ناس الهيلاهوب فرحت جدا جدا لكن للأسف بقيت زي الأطرش في الزفة، ولحدي ما السهرة انتهت ما عرفت منو البت الحلوة دي التي تغني من الاعماق هذا الغناء الجميل، وكعادة تلفزيون السودان، يجعل المشاهدين معلقين ما عارفين دي منو بالبتكلم ودي منو بالبتغني، هذا من جانب.
الاخوة في الهيلاهوب لم يكونوا في المستوى المعهود عنهم راحوا يتحدثوا عن (الطيارة) وكيف هم اعصابهم (باظت) وحالتهم حالة يعني نقلوا بدقة متناهية (تخلفهم) عن الركب وان جزء منهم غير قليل قد يكون ركب الطائرة لأول مرة، والمهم ضيعوا الوقت في الكلام (الفارغ) وكانت واضح إصابتهم بالدهشة (الحضارية) لم أكن أصدق ان مبدعين من هذا الطراز الفريد تكون تجربتهم في السفر خارج الوطن بهذة البدائية، والنقلة يبدو كانت كبيرة من مطار الخرطوم الى مطار هيثرو وتلك المفارقات والفرقات والمقارنات غير الموضوعية في التعامل وشكل الصالات شكل العاملين.
والامر الآخر ان السهرة فنيا كانت تعبانة للغاية ويظهر ان التصوير تم بكاميرة واحدة ولم يكن ةهناك اجهزة صوت تمكن من سماع صوت العود والذي كانت واضحا ان العازف متمكن للغاية من العزف عليه.
لكن..
ما رائكم في برامج العيد بشكل عام ..؟؟
وفي راي الخاص كانت أسوة برامج في الاعياد التي مرت على السودان لأكثر من 20 سنة حيث غاب النجوم الكبار، وغابت البرمجة المناسبة، لكن لا أحد ينكر ان الشاشة أصبحت جميلة وبانت للطفرة في تقنيات الصورة لكن ما تنقله الشاشة هو المشكلة..
| |
|
|
|
|
|
|
|
|
|
Re: اليوم الهيلاهوب ونانسي عجاج ..... سهرة بتلفزيون السودان من لندن ... (Re: ناذر محمد الخليفة)
|
| Quote: الاخوة في الهيلاهوب لم يكونوا في المستوى المعهود عنهم راحوا يتحدثوا عن (الطيارة) وكيف هم اعصابهم (باظت) وحالتهم حالة يعني نقلوا بدقة متناهية (تخلفهم) عن الركب وان جزء منهم غير قليل قد يكون ركب الطائرة لأول مرة، والمهم ضيعوا الوقت في الكلام (الفارغ) وكانت واضح إصابتهم بالدهشة (الحضارية) لم أكن أصدق ان مبدعين من هذا الطراز الفريد تكون تجربتهم في السفر خارج الوطن بهذة البدائية، |
سلامات أستاذ خالد..
أختلف معك فى الإنطباع
مما سردوه من طرائف أثناء رحلتهم ودهشتهم بالمظاهر الحضاريه لم أرى غير بساطتهم وسلاسة نقل مشاعرهم لا أظنه تخلف منهم إن عبَّروا عن دهشتهم ببعض المظاهر وقارنوا بينها وبين مايحدث فى بلادنا باسلوب فكاهى وفيه جانب ينتقد عدم مواكبة السودان للحضارة وليس هم بعينهم ..
تحياتى لك .
| |
|
|
|
|
|
|
|
|
|
Re: اليوم الهيلاهوب ونانسي عجاج ..... سهرة بتلفزيون السودان من لندن ... (Re: ناذر محمد الخليفة)
|
دكتور ياسر
Quote: استمعت لها في حفلة حية وهي تِؤدي اغنية ظلموني الناس للكاشف...تنميت لو انه كان حيا ليري ماذا فعلت بهذه الاغنية....
طلب خاص من الاخ خدر لو يملك اي تسجيل لها ان يمدنا به...
لك الشكر الاخ ناذر وكل من له حس فني
وكل عام وانتم بخير
اخوكم د. ياسر |
أما انا فقد استمعت لها في جلسة حية ايضا وهي تغني اغان الكاشف وعثمان حسين بمرافقة الموسيقار احمد المك بحرفية عالية يحسد عليها ..
نتمنى إستجابة الاخ خدر ..
| |
|
|
|
|
|
|
|
|
|
Re: اليوم الهيلاهوب ونانسي عجاج ..... سهرة بتلفزيون السودان من لندن ... (Re: ناذر محمد الخليفة)
|
يا سلام عليك يا خالد ابو احمد ..
Quote: تصدقوا أو لا تصدقوا انا دخلت عشان أكتب عن السهرة دي، ومع احترامي لكل الأراء أن السهرة كانت دون المستوى، وضعيفة فنيا صورة وصوت..
وللحقيقة انا دخلت البيت قبل بداية السهرة بخمس دقائق، ولم يكن لدي اي خلفية عن السهرة وعندما لقيت ناس الهيلاهوب فرحت جدا جدا لكن للأسف بقيت زي الأطرش في الزفة، ولحدي ما السهرة انتهت ما عرفت منو البت الحلوة دي التي تغني من الاعماق هذا الغناء الجميل، وكعادة تلفزيون السودان، يجعل المشاهدين معلقين ما عارفين دي منو بالبتكلم ودي منو بالبتغني، هذا من جانب.
الاخوة في الهيلاهوب لم يكونوا في المستوى المعهود عنهم راحوا يتحدثوا عن (الطيارة) وكيف هم اعصابهم (باظت) وحالتهم حالة يعني نقلوا بدقة متناهية (تخلفهم) عن الركب وان جزء منهم غير قليل قد يكون ركب الطائرة لأول مرة، والمهم ضيعوا الوقت في الكلام (الفارغ) وكانت واضح إصابتهم بالدهشة (الحضارية) لم أكن أصدق ان مبدعين من هذا الطراز الفريد تكون تجربتهم في السفر خارج الوطن بهذة البدائية، والنقلة يبدو كانت كبيرة من مطار الخرطوم الى مطار هيثرو وتلك المفارقات والفرقات والمقارنات غير الموضوعية في التعامل وشكل الصالات شكل العاملين.
والامر الآخر ان السهرة فنيا كانت تعبانة للغاية ويظهر ان التصوير تم بكاميرة واحدة ولم يكن ةهناك اجهزة صوت تمكن من سماع صوت العود والذي كانت واضحا ان العازف متمكن للغاية من العزف عليه.
لكن..
ما رائكم في برامج العيد بشكل عام ..؟؟
وفي راي الخاص كانت أسوة برامج في الاعياد التي مرت على السودان لأكثر من 20 سنة حيث غاب النجوم الكبار، وغابت البرمجة المناسبة، لكن لا أحد ينكر ان الشاشة أصبحت جميلة وبانت للطفرة في تقنيات الصورة لكن ما تنقله الشاشة هو المشكلة.. |
ما تتصور كيف انا بحترم وبقرا للراي المخالف لانو ومهما كان ، بيعبر عن وجهة نظر معتبرة مهما كانت قلتها ..
أنا شخصيا ما بحب إنو اي موضوع يسير على وتيرة واحدة وبشعر طوالي إنو في شي ما طبيعي لو الناس كلها متفقة على شي واحد وراي واحد وطوالي بتجيني الوساوس القهرية ديك !!
وكنت متمني إني اكون حضرت السهرة عشان اعلق على كلامك الفوق دل ، لكن للأسف انا ما حضرتها وبس راجي فرصة عشان اكابس طارق الامين واقلع منو إسطوانة الحلقة وبعد ما اشوفا ممكن بعد دا اعلق وأرد عليك !!
تسلم كتير .
| |
|
|
|
|
|
|
|
|
|
Re: اليوم الهيلاهوب ونانسي عجاج ..... سهرة بتلفزيون السودان من لندن ... (Re: ناذر محمد الخليفة)
|
تحية طيبة للجميع مرة تانية
yasir Abdelgadir
اتفق معك تماما ، أغنية ظلمونى الناس باداء نانسي عجاج تستحق ان تكون مادة دراسية
بالله شوفوا الفيديو الفوق ده و بعدين ادونى رآيكم، آن للكاشف ان يبتسم فى قبره من مثل الاداء
اما بخصوص فرقة الهيلاهوب، فاتفق مع الاخ khalid abuahmed
المستوى كان دون المستوى بكثير !! جهاز الـ car navigator متوفر فى السيارات
الحديثة فى السودان و ان لم يشاهدوه فى السودان فهو متوفر فى الخليج. و اكيد
هم كانوا فى الخليج قبل كده، و لا شنو ؟ غايتو نمشيها.
لكن الطامة الكبري كانت فى اسكتش (الانجليزية و الطبيخ السوداني) - ان صحت تسمية بـ اسكتش -
ما فهمت الفكرة المراد توصيلها شنو ؟ و بعدين يا جماعة حتى البريطانية حجبهوها 
بالله يا ناذر لو وصلت لى ناس الفرقة ديل اسألهم قالو ليها شنو عشان يخلوها تمثل بالحجاب!
و قصدهم بالاسكتش ده شنو من الاساس؟ هل هىالسخرية ممن تزوج بغير السودانيات ؟
و كمان كان فى اسكتش قيل انه سوف يعرض قريبا على شاشاة تلفزيون السودان تحت مسمى
(الاشتر فى مانشستر ) ؟؟ و من مشاهد الاسكتش الاولية اقول انو ناس طاش ما طاش طلعوا
ملائكة و باجنحتهم كمان مقارنة بهذا الاسكتش، و من من يهن يسهل الهوان عليه
نانسي عجاج ( 9 من 10 )
الهيلاهوب ( لم ينجح احد)
| |
|
|
|
|
|
|
|
|
|
Re: اليوم الهيلاهوب ونانسي عجاج ..... سهرة بتلفزيون السودان من لندن ... (Re: تماضر الخنساء حمزه)
|
الاخ ناذر
كل عام وانت بخير
سعدنا ايما سعادة بالسهرة الرائعة
وفاتتك .. لكن شايف جاتك قوات اسناد
وحقيقة تستاهل ...
ورائع انت يا ناذر ان نرى من خلالك
كل جميل ... ورائع انت يا ضياء...
فانت ضياء بحق وحقيقة ولا انسى اخر
ليلة لك بالسودان ونحن نودعك .وانت
والرائعون يمطروننا فنا اصيلا ..
دعواتنا جميعا للشاعر محجوب شريف
بالشفاء العاجل... وليت اغنية الاطفال
مجهولي الابوين التي تغنت بها نانسي
تسجل بكاسيت يباع لصالح الاطفال مجهولي
الابوين او دار المايقوما تحديدا .
| |
|
|
|
|
|
|
|
|
|
Re: اليوم الهيلاهوب ونانسي عجاج ..... سهرة بتلفزيون السودان من لندن ... (Re: ناذر محمد الخليفة)
|
سليمان ..
كيفك وكل عام وانت بخير ..
| Quote: زكرتنى بدستور اتحاد الطلاب السودانين يضم مادة تقول (عكس وجة السودان المشرق) وكما يقول الشوام (تعقد)وكما نقول نحن السودانين (كسرتنى) |
والله نانسي دي ماشاء الله عليها (وجه السودان المشرق) البتقول عليهو دا هي مش عكستو بس ، هي لاماهو كلو عندها.. يعنى شايلاهو وحايما بيهو.. وكدة (العكس المشرق) ولا بلاش ..
شنكل :
اما لو الفنانة(عوضية كوجيم) صحبتنا بتاعت حفلات طهور الديوم طلعت في حفلة خارجية عشان تمثل (وجه السودان المشرق) فتأكد إنو من تاني يوم .........
أحسن ما اكمل .. نسأل الله السلامة بس !!
| |
|
|
|
|
|
|
|
|
|
Re: اليوم الهيلاهوب ونانسي عجاج ..... سهرة بتلفزيون السودان من لندن ... (Re: ناذر محمد الخليفة)
|
سلامات يا ناذر وكل سنة وإنت بألف خير.. وشكرا على البوست..
شاهدت جزءا كبيرا من الحلقة وفي نيتي أن أعلق.. نانسي عجاج كانت متفردة أتمنى لها التوفيق ودائما إلى الأمام..
تخريمة: هل هي Ajaj عضوة هذا المنتدى أم إسم على إسم؟؟
إسكتش الكديسة كان لا بأس به ولكن الطامة كانت في إسكتش الزوجة البريطانية والطبيخ السوداني.. أعتقد أنه غير موفق أبدا وفيه إساءة شديدة وغير مبررة.. هل يجب على الزوجة الأجنبية أن تعرف كيف تطبخ التقلية والميلوحة وما إلى هناك من أكلات السودانيين.. ولماذا طريقة الإسكات "غير المؤدبة" في التعامل مع المرأة "هُس!! ولا كلمة" وغير ذلك من الإهانات والكلمات غير المناسبة..
أرجو أن تصل كلماتي هذه للفرقة..
تحية خاصة للأخ ضياء وشكرا للفيديو...
ياسر
| |
|
|
|
|
|
|
|
|
|
Re: اليوم الهيلاهوب ونانسي عجاج ..... سهرة بتلفزيون السودان من لندن ... (Re: ناذر محمد الخليفة)
|
يا سلام عليك يا الجيلي ..
Quote: سلامات أخي ناذر
هذه الروابط هدية من خالد الحاج
وبيقول ليك (خلي ناجي وعاطف يسمعوا)...
|
أرجو إنك توصل سلامي الشديد وإحترامي الخالص لي خالد الحاج وقول ليهو كل عام وانت بخير وإنشاء الله السنة الجاية نتقابل في وطن حر وديمقراطي زي ما كلنا بنحلم .. وهديتو مقبولة جدا بس قول ليهو نا جي وعاطف ما عندهم صبر للقعاد قدام الكمبيوتر عشان يستمتعوا بيها 
لكن بما انها وصلتني فاعتبرا زي وصلتم واحد !!
تسلو كتير يا الجيلي وتسلم اكتر يا خالد الحاج ..
| |
|
|
|
|
|
|
|
|
 Re: اليوم الهيلاهوب ونانسي عجاج ..... سهرة بتلفزيون السودان من لندن ... (Re: ناذر محمد الخليفة)
|
Quote: بطريقتي انا ؟!!!!!
أنا ذنبي شنو حسي |
ذنبك انك توردنا الى التهلكة يا هذا...ويحك!
هههه
بالمناسبة ما لا حظت وجه الشبه في الاداء و الاحساس بينها و الواعد سعد الحاج 
طبعا التفرد في الاداء بدون شك و المقدرة الصوتية على التحكم في الموسيقى
المصاحبة و توجيهها حيث يريدان بدون ما يفرقوا في الزمن كتير و حتى لما يطلعوا
من اللزمات و الاداء التقليدي للاغاني بكون خروج جميل و ذو بصمة خاصة..مرات
تحس بيهو مزعج أو بشتنة للغنية لكن لما تركز تلقاهو (تمكن)
اكتر حاجة واضحة انو الاتنين احساسهم في اصابعينهم
( يعني كان لصقتهم ليهم ما بغنوا)
غايتوا دي فيروزنا تب!
سعدالدين مركب مكنة عمر الفاروق
| |
|
|
|
|
|
|
|
|
|
Re: اليوم الهيلاهوب ونانسي عجاج ..... سهرة بتلفزيون السودان من لندن ... (Re: saadeldin abdelrahman)
|
ناذر الفنان
التحيات النواضر خالصة وخاصة ليك على كل جميل منك خاصةً نص القصيدة بتاعت المايقوما ... لكن قولي لي ما هي علاقة المايقومة بالعيال ديل .... ؟؟؟؟؟؟ ..... أوعى يكون كدا ....
برضو كان في سهرة شوارد الأخيرة في بت سودانية جميلة إسمها رحاب شريف البت كتابة جداً عندها نص إسمو طفل خارج الشبكة تتحدث فيها عن الأطفال إياهم ... لقد أيدعت في هذه القصيدة أتمنى إنك تتحصل عليها ... ففي الخرطوم سهل العثور على مثل هذه الدرر الجميلة ...
شكراً لكل من تناول مآسي الناس وتتداعى لحلها ولو بلفت الأنظار لها .
شكراً أخي العريس الفنان
ناذر
| |
|
|
|
|
|
|
|
|
|
Re: اليوم الهيلاهوب ونانسي عجاج ..... سهرة بتلفزيون السودان من لندن ... (Re: ناذر محمد الخليفة)
|
كل سنة وأنت بألف خير يا ناذر السهرة كانت مكمله الحلا والطرب جميل والهيلاهوبا أبدعوا ومصطفي تشتش ود السني يبدو أنه ما زال يدمن النوم بالنهار والدليل جضيماتو الفي وجناتو ، وعجبتني الكديسه البربوها بالأنناس والتانيه البسكوها بالعكاز وكلو ناو
وإنتو مقتنعين بإنو نانسي عجاج دي كانت بتغني ولا دي طريقة جديدة في الأغاني لأبي تشتش السوداني بالمناسبة فرقت مع نانسي الراء والميم وكلو نانسي
| |
|
|
|
|
|
|
|
|
|
Re: اليوم الهيلاهوب ونانسي عجاج ..... سهرة بتلفزيون السودان من لندن ... (Re: ناذر محمد الخليفة)
|
سعد الدين ..
Quote: ذنبك انك توردنا الى التهلكة يا هذا...ويحك!
هههه
بالمناسبة ما لا حظت وجه الشبه في الاداء و الاحساس بينها و الواعد سعد الحاج
طبعا التفرد في الاداء بدون شك و المقدرة الصوتية على التحكم في الموسيقى
المصاحبة و توجيهها حيث يريدان بدون ما يفرقوا في الزمن كتير و حتى لما يطلعوا
من اللزمات و الاداء التقليدي للاغاني بكون خروج جميل و ذو بصمة خاصة..مرات
تحس بيهو مزعج أو بشتنة للغنية لكن لما تركز تلقاهو (تمكن)
اكتر حاجة واضحة انو الاتنين احساسهم في اصابعينهم
( يعني كان لصقتهم ليهم ما بغنوا |
طيب إنت ما كويس هسي
سعد الحاج صوتو اكبر من عمرو بي مراحل وتحكمو فيهو مبالغة ..
| |
|
|
|
|
|
|
| |
ناذر محمد الخليفة
عصام عبد الحفيظ
شهاب الفاتح عثمان
Hussein Mallasi
Muna Khugali
Emad Abdulla
Halema2
altahir_2
khalid abuahmed
saif massad ali
يوسف الولى
محمد الامين احمد
wagdi salih
suliman ibrahim
abubakr
الجيلى أحمد
Yasir Elsharif
saadeldin abdelrahman
مجاهد عبد الرحمن
almulaomar
فيس بوك
تويتر
انستقرام
يوتيوب
بنتيريست