|
قصيدة أوتوميسفيرية (مهداء لـ عثمان محمد صالح) !!!!!
|
من ديوان غرغرة الغرغرين في الزمن الحزين
جاييكي يا درة الصحراء ووميضا الجاية من تعب الجراحات والمسافة طالعة من جيشا مكسر في دواخل الفرح المكجن يا ماشة من تاريخ بلادا كرهت في جواك العساكر نضالا تمحرق في ضفاف مدنا مولعة في منابر الحوار والإنحدار كلبا تمرق في دواخل شعب جاي من لهيب الانتطار ..
وبرضو راجيكي .....
برضو راجيكي يا زمن فرقة مواعين النضال المتعبة الجاية من شمسا تحرقت في عيون املا مرقرق في جوف تعبا ملهلب في الخواطر طارد في شواطين الكدر معشعش في حنايا الإحتلال ..
كسرة وشاي موزة وناي ضهب شاشاي ترزي غناي نجار كجراي بتاع ورنيش ضهباي
وبرضي راجع وتاني راجع وبرضي راجغ
(صفقة وصفير وهتاف)
(ختام)..
|
|
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: ناذر محمد الخليفة)
|
الاخ ناذر ... لعبتها صاح المره دي.. لكن اوعك تعكها تاني ... الاخ عثمان اتابع اشعارك لاني احب الشعر الغربي ...ولكني لا اعرف قراءته بلغاته الاصلية لذلك استعيض عنه بالمترجم .. ولو ان المترجم قد يتدخل فيه خيال المترجم والذي قد يكون متأثراً ببيئة اخرى. لكن عليك الله ما تجيبلي سيرة تابوت لو اختلفت معاك في رأي ...... لاني قاعدة في الغربة وبعيده من امي ... الله يكفينا شر التابوت ياخوي
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: ناذر محمد الخليفة)
|
Quote: جاييكي يا درة الصحراء ووميضا الجاية من تعب الجراحات والمسافة طالعة من جيشا مكسر في دواخل الفرح المكجن يا ماشة من تاريخ بلادا كرهت في جواك العساكر نضالا تمحرق في ضفاف مدنا مولعة في منابر الحوار والإنحدار كلبا تمرق في دواخل شعب جاي من لهيب الانتطار ..
وبرضو راجيكي .....
برضو راجيكي يا زمن فرقة مواعين النضال المتعبة الجاية من شمسا تحرقت في عيون املا مرقرق في جوف تعبا ملهلب في الخواطر طارد في شواطين الكدر معشعش في حنايا الإحتلال ..
كسرة وشاي موزة وناي ضهب شاشاي ترزي غناي نجار كجراي بتاع ورنيش ضهباي
وبرضي راجع وتاني راجع وبرضي راجغ
(صفقة وصفير وهتاف)
(ختام).. |
ياللركاكة
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: Khalid Kodi)
|
الأخوة محمدين ومنال ..
شكرا للتهاني ....
الأخ خالد كودي ...
دا شنو يا مان الكتبتو دا !!!!!! إنتو إصلو الواحد ما يكتب معاكم في البورد دا ولا شنو ؟؟!!!! وين الركاكة في القصيدة الرائعة دي ؟؟!! بعدين ياخي تعال هنا .... القصيدة مهداة لعثمان محمد صالح إنتا مالك ومالا ياخ !!!!
الأستاذ عثمان ...
لا ادري ما ذا أقول فقد كنت اليوم صافيا ومستمتعا بالمنبر بعد ان صفا ما بيني وبينك ولكن كما ترى فإن هنالك أناس لا يعجبهم العيش والتنفس في الأجواء الصحية مثل خالد كودي هذا ..
وبما أنني لا احب التحريض فإني سأتكفل بخالد هذا ....
خالد كودي ..
سجنت قلمك وريشتك في تابوت ولن تخرج منه قريبا لإبتغائك الفتنة ... قضي الأمر ...
معذرة يا عثمان لإستعارتي كلماتك ولكنك كنت محقا .. فهنالك أناس لا يستحقون شيئا سوى التوابيت !!!!
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: ناذر محمد الخليفة)
|
ناذر ازيك
ممكن اهدي القصيدة دي؟
من سجبمان الكاتب الاسفيري...... الي الكاتب التقلسفيري.. اسامة الخواض بنماسبة البوست الجديد....والنعلات الجداد لزوم المشي وكدا......وللاهل بي ود عشانا...... وود غدانا... ومحمد معانا ما تغشانا......وجميع المشاءين..والمشايات......والي الطفلة رشا بمناسبة تعلم المشي ورفع الكراع....وتاتي يا رشا تاتي.......
| |
|
|
|
|
|
|
Re: تقيم سنوات فيه حتى تتحول الى كاتب تقليدي- ستشكل لجنة للنظر في امر تحولك (Re: osama elkhawad)
|
كدي دقيقة دقيقة بللاهي !!!!!!
سجيمان ما اظن إهداءك عجب شاعرنا المشاي دا
الحاجة التانية ..
المشاي أخوي ..
إنتا أول حاجة جيت داخل في حتة ما بتخصك نهائي وتفهت لي قصيدتي الأنا مهديها لي عثمان مع إني ما هديتا ليك .. الهداها ليك سجيمان دا .. يعني مشكلتك ما في القصيدة ولو شايف إنها ركيكة قوم أرفضا من سجيمان بدل الفلسفة دي !!!
عارفك حريف وكتاب وحافظا.. لكن دا ما إسلوب منك لي شاعر صغمبروتي زيي كدا !!! أها يا حمار وية يعني قصدك الشعر أخليهو ولا شنو ؟؟؟!! يا خي تعبيري كدة والدليل إنو سجيمان القصيدة عجبتو ...
قضي الأمر .. تذهب رغما عنك إلى التابوت ولن تخرج إلا متطهرا من نجس الغرور الذي يحيط بك ..
شفت السطر الأخير دا كيف !! قايل روحك براك بتعرف عربي !!!!!
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: ناذر محمد الخليفة)
|
الإخوة صناع العبث ساكني التوابيت وليل الطواغيت عودوا الآن اليها .. ناذر : ما تنسى دعاء الخروج من التوابيت (الحمد لله الذي أذهب عنا الأذى وعافانا) العطبراوية منال : إضاءة داخل العتامير
سجيمان : يا داخل التابوت صلي علي لوط
المتفرد عثمان محمد صالح : قال محجوب شريف ذات قصيدة:
أفديك يا سلم أفديك من عصرا بدري تعال أو قبل صياح الديك الشمس بتستناك للمنزل بتوديك تنجمّ وتشرب شاي يا مطول من شاييك
مودتي
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: أيمن حسين فراج)
|
الأستاذ أيمن حسين فراج سلامي الحار أنا إنسان عادي قلة من البورداب رأت وجهي أهتدي بمارسخ في ذهني عن قابرييل ماركيز في حوار صحفي أجرته معه مجلة إسبانية قرأت الحوار مترجماًإلى البلغارية في صحيفة كولتورا قال فيه ماركيز المحبة هي إديولوجيتي الوحيدة
كان ذلك في بداية التسعينات وآخر السرديات الكبرى التي شغلت ذهن العالم وحركت أحداثه من القرن التاسع عشر تخضع لإمتحان عسير
كن دوماً بخير
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: Osman M Salih)
|
ماإنتسبت لهذا الموقع حفاراً لقبور
حادثة مرت بي قبل سنوات وشكلت منعطفاً في حياتي
غادرت بلادي في أواخر الثمانينات بشهادة ثانوية أودعتني طائرة بلقان هبطت بي في صوفياالتي أكملت فيها درساً حلم برؤية شهادته والداً إنتقل إلى السماء قبل تخرجي بعامين أمضيت تلك الأعوام مجهول الذكر في عزلة جبال ثم صادفت شاعرة بلغارية مجيدة من أصل عجري عرفني عليها زوجها الأثيوبي. عرفتني الشاعرة بدورها بشاعر عراقي من أصل كردي كان ذلك في امسية شديدة البرد . جمعنا كافينيه إتحاد الكتاب البلغار بسنتر صوفيا أطلعت جلسائي ـ الشاعرة الغجرية و الشاعر الكردي و ثالث بلغاري على قصيدة حضرة صوفية أثني الأخير على القصيدة وختم قوله بنصح هزني من الأعماق جميل أن نتعرف على شعرك لكن والدتك وشقيقاتك وأبناء بلدك أحق به وأولى
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: Osman M Salih)
|
صباح أحمد ...
Quote: ناذر لعبتها المرة دي صاح الف مبروك الحياة *تخريمة: شنو يا عثمان ما تطلعنا نحن برضو ولا عشان ما عندنا قصائد؟ |
مبروك العفو والعتق
(سمر) عثمان :
Quote: ناذر : ما تنسى دعاء الخروج من التوابيت (الحمد لله الذي أذهب عنا الأذى وعافانا)
|
يا اخوي الدعاء دا ما ادونا ليهو في المدرسة
أيمن حسين ...
لك التحية أيها المفضال .
الأستاذ عثمان ......
Quote: غادرت بلادي في أواخر الثمانينات بشهادة ثانوية أودعتني طائرة بلقان هبطت بي في صوفياالتي أكملت فيها درساً حلم برؤية شهادته والداً إنتقل إلى السماء قبل تخرجي بعامين أمضيت تلك الأعوام مجهول الذكر في عزلة جبال ثم صادفت شاعرة بلغارية مجيدة من أصل عجري عرفني عليها زوجها الأثيوبي. عرفتني الشاعرة بدورها بشاعر عراقي من أصل كردي كان ذلك في امسية شديدة البرد . جمعنا كافينيه إتحاد الكتاب البلغار بسنتر صوفيا أطلعت جلسائي ـ الشاعرة الغجرية و الشاعر الكردي و ثالث بلغاري على قصيدة حضرة صوفية أثني الأخير على القصيدة وختم قوله بنصح هزني من الأعماق جميل أن نتعرف على شعرك لكن والدتك وشقيقاتك وأبناء بلدك أحق به وأولى |
لا أعتقد انى هناك اجمل من ذلك ..
لك الشكر وتهانئي الحارة للخارجين من التابوت ...
ما تاكلو وتقشوا خشومكم أشكروني أنا أول حاجة
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: ناذر محمد الخليفة)
|
ياناذر ياجبان الشافك متوبت مرة تانية ما كضب . ويا صباح خليك من التودد دا واحسن ليك تابوتا مضمونا و خروج مجهجه......
غايتو انا عربى ما بعرف لكن كان تنفع قصيدة بالبداويت ممكن اقدمها لعها تنفع.... واحطياطى كدا هذه قصيدة جميلة اقدمها... غنمى ترعى طول اليوم وسط المرعى طول اليوم وبها اسعى طول اليو ....... شوف طول اليوم دى موزونه ازاى....... يبدو انه لا حظ لى لشم الهواء النقى...
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: أيمن حسين فراج)
|
الاخ هاشم نوريت ...
أنا زول حريييف قايلني زيك بتدقس ؟؟!! بعدين دي شنو القصيدة الجايبا دي !!!
غنم شنو ومرعى شنو ؟؟!! منتدى هو ولا زريبة ؟؟!!
هاشم نوريت ..
تظل حبيسا للتابوت ايها الرعديد ..
الأخ أيمن حسين ..
أخجلتني بثناءك المتواصل يا رجل .. كبرتلي راسي شديد وأتنمى أن نجد الفرصة لنتحاور في بوستات أخرى ..
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: Osman M Salih)
|
مهداة الى عثمان وصحبه
يا كديسا جرا فوقنا انبهارات العشم يا حبيبا قلنا ليهو سيب مراحات البهم يا قدر مكتوب علينا فوق أراضينا ارتسم يا منجض كل غنمنا بي ملاحات الندم يا حقيقة عشنا ليها رغم انبوب العدم
ينقطع ضهر المسافة وتبقى يا عثمان خرافا وتبقى قمريات حنينة متنا من شدة قضافا يا كدايس عشعشت في النيل ضفافا يا طنابير فرتقت من عبرى أشكالات رعافا وختت القمري الملجلج فوق مراحات الرهافة
يا عسيمين كان مرادنا وكان ظرافة وكان لطافا انت يا الهارد ملاسي وناس سجيمان القيافة خلى قلبك بين شطورك وانقلب جقرا معافى
ولك محبتي يا أوسمان
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: raheemsudani)
|
الأخ رحيم سوداني ..
بما انني صاحب البوست والمسئول الاول عن إستلام قصائد الإهداءات خاصة عثمان فإنني من سينظر في قصيدتك هذه للحكم عليها ...
همممممممممممممممم !!!!
هي قصيدة عميقة وأجمل ما فيها انها موزونة بقافية مزبوطة وجرسا الموسيقي كويس ويصحي حلة كاملة لكن في شي كدة انا ما قادر يقع لي !!
مممممممممممممممممممممممم
الكديس بجروا فوقوا إنبهارات العشم كيف يعني !!!!
دي والله لو جا المشاي زاتو ما يعرف الكديس ذنبو شنو ..
هسي إنبهارات السجم دي لو عوقتو ولا وسختو المسئول منو !!
بعدين تعال هنا دا شنو الكاتبو دا !!!
Quote: يا منجض كل غنمنا بي ملاحات الندم
|
هو دا غنم ولا كانون السرور البينجضوا فيهو دا !! بعدين ملاح لحم الغنم دا الجابو هنا شنو !! الغنماية لمن نفرتقا بتطلع شية وكوارع ولحم ولا ملاحاتك دي !! إنتا يا زول بتدقس فيني ولا شنو !!!
Quote: يا عسيمين كان مرادنا وكان ظرافة وكان لطافا انت يا الهارد ملاسي وناس سجيمان القيافة خلى قلبك بين شطورك وانقلب جقرا معافى
|
الفوق دي ما حا افسرا خلي اليجيك عثمان عشان يوريك المكشن بلا بصل ...
وأحمد الله في توابيت فاضية الأيامات دي عشات تلقى ليك واحد قدرك ..
Quote: ولك محبتي يا أوسمان |
بالله !!!!!!!!!!!!!!!!!!!!
إنت خليت فيها محبة ولا بطيخ بعد القلتو دا !!!! رحيم سوداني ... قضي الامر وانت تمارس الخداع .. مكانك تابوت تحمل عليه على عنقريب جرتق مكفنا بقصيدتك ال فسفورية هذه !!
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: صلاح الدين عبدالله محمد)
|
أنا جيت وشايفكم ما دايرين توصلوها لي بر الليلة ...
متوكل التوم ..
Quote: ناذر يا صاحبي التوابيت الفاضية دي راجياك انت ذاتك ..ما تسرف في توزيعا |
يا راجل إنتا حي !! والله بوستك العملتو داك مش كان يدخلك تابوت !! دا يفترض يدخلك جهنم عدببببل كدة وبدون اي مناقشة أنا لن أعود إاى تابوت مرة أخرى وإن عدت (حرم ماني ماشي براي) ... وشوف كلامي دا .. عشان عما قريب حاتشوف وراهو المكشن بلا بصل ...
هاك الحكمة الهندية دي ردا علي حكمتك ..
الحسنة في المنعول والشكر لي حماد
أووووو معانا رعديدة جديدة الليلة ..
Quote: ناذر
ده شنو البتسوى فيهو ده؟!!!
انا لو قطعت فيك قصيدة بعوقك ..احسن ليك تقعد فى ........علبك ..ياناذر قطعت مصارينى والله!! |
ندوية إنتي جيتي المقابر تزوري المراحيم الليلة ولا شنو ؟؟!!!
كان ليك والله والحمد لله أن أستاذنا عثمان غفر لهم جميعا وأخرجهم إلى أمهاتهم !!
لكن أنا إستلمت الراية لإنو عثمان كان زمان على حق وفي ناس فعلا يستحقوا التوابيت
أها خليك من القصايد هسي لإنو نحنا في طرف المقابر عشان ما تنقلب لي مناحة
ولا خلاس عوقيني بي ...
الوليد الضيف توبنتنو كيف جيبو لي قصايدو الراقدة فوق القيف
صلاخ الدين هووووويييي !!!!
Quote: وناذر انت برة عشان ماتقول عاوز ناصية وكان كترته نشوف ليك تابوت جديد
|
أول حاجة المهنة ما إنتهت .. أنا ورثتها من أستاذ عثمان لأنه سيتفرغ للكتابة والترجمة والشعر ..
دي حاجة .. الحاجة التانية إفترض قلبتوها خطة إسكانية .. لييه أنا برة !!!
إنتو أاا ناس جميلي دا ناكرنو مالكم !!!
هسي لو ما انا كان في واحد شاف الشمس تاني ..
حرم لو بقت حقي ناصية وناصية أربع جهات كمان !!!
ولو كترتها معاي هسي بصرف ليك تابوت .. وأنا عارف مقاسك ...
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: ناذر محمد الخليفة)
|
الأخ العزيز والأديب عثمان محمد صالح
لك التحية وأنت تكتب عن الرائع والمدهش ماركيز:
Quote: المحبة هي إديولوجيتي الوحيدة
|
الأخ ناذر،
مبروك بعد ما طلعت من التابوت يا خفيف الدم.
بعد ما طلعت من التابوت ممكن تفتش عن العروس بمزاج.
بس لازم تدفع... ولاّ نجي نفضحك ونقول إنك بعاتي والجكس يطير... وما بتقدر تنكر لأن الأرشيف شاهد.
العوض الطيب
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: Elawad Eltayeb)
|
الواد الطيب ...
Quote: بعد ما طلعت من التابوت ممكن تفتش عن العروس بمزاج.
بس لازم تدفع... ولاّ نجي نفضحك ونقول إنك بعاتي والجكس يطير |
صدقني أنا هسي بالي رايق لي تفتيش العروسة (ما عرفتها عروسة ولا شليل !!) وماشي هسي أرفع البوست تاني وعلي بالطلاق (طلاق قبل العرس) أديبنا عثمان دا لو حاضر ما يعقد لي إلا هو !!
أها في أرجل من كدة !!!!
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: WadAker)
|
WadAker دبايوا ياراجل الماعند زوق غايتو انا مقدم اوارق التماسى وحسب قراءة ناس الارصاد يبدوا انها لن تاتى بنتيجة ايجابية والاخ ناذر بدل ان يجاملنى حتى فى قصديتى التى حكيت راسى لكى احصل عليها وصفها بانها غير جديرة لاخراجى وقال نحن عايشين فى زرية بالله شوف افترى الناس خارج التوابيت... المهم اعيدها هنا للعلم..
غنمى ترعى طول اليوم وسط المرعى طول اليوم وبها اسعى طول اليو
وياناذر الموسيقى موجودة فى الابيات دى الا كان دايرنى اجيب ليك محمدية بعد كده... يارجل اقيف مع نفسك شوف كول اليوم دى موزونةازاى....
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: ناذر محمد الخليفة)
|
غايتو ياود نوريت انا ماعندى زول برجعو وايدو فاضية غايتو بحاول اقنع ناذر ونكون لجنة مشتركة تنبسق عنها لجنة اخرى تضم كل الاسرى الخارجين من غياهب التوابيت وبعد ان تجتمع هذه اللجنة ثم الجنة الاخرى برئاستى وعضوية ناذر "ده انقلاب طبعا"سننظر فى جدوى وجودك خارج التابوت وهل ستتحمل تبعات ذلك وتقصر لسانك,,,و,,,, الخ,,,الخ"الخ دى مهمة جدا.... لكن قبل كده لو منتكل على قصيدتك دى وطاتك صبحت وانا بنصحك ان تغيرها بقصيدة : جدادى يلقط الحبة..الخ...لازم الحبة تكون ماركة فتريته لانو لها عصاره ذات مفعول يودى فى ستين داهية وبعدها او قبلها احيانا اربعين جلدة ويصير المجموع انت عارفو... لانو بصراحة انا عندى حساسية ضد غنمى ترعى لانو جلدونى فيها زمان ولى اسع كرهان غنم السودان وتيوس "بانت فى امدرمان "
(عدل بواسطة WadAker on 07-30-2005, 11:09 AM)
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: ناذر محمد الخليفة)
|
التحـية للاخ / ناذر على هذا البوسـت الجميل الذي أعاد الإلفة وبعض الصفاء بين الاخوة واخرج البعض الاخر بعفـو وفرمانات من الاخ المبدع الرائع عثمان من توابيتهم
لك ناذر وللأخ عثمان ولك المتداخلين التحية والاحترام .. اسأل الله أن يعم السلام والوئام بين الناس حتى تتحرر اقلامهم من اغلال الكراهية والحسد وإيقاع العداوة والبغضاء بين البعض
سعدت جداً بمتابعة البوست متعكم جميعاً بالصحة والعافية
خالص حبي احتراماتي،،
ولــيـد
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: waleedi399)
|
تاني جيتكم ...
نبدا بي ندوية دي ....
Quote: ناذر
اخير ليك تجى ترد على قصيدتك هناك ايها الرعديد
لانى لو جبتها هنا برعددك رعددة اصلو ماتتخيلها !!!
|
حرم وعلي بالطلاق جاييكي بكرة تب ... مش كدة وبس !! جاييك بي بوست عدييييل كدة وخلي هشام مدني يدخل خشمو فيهو .. كان ما لحقتو ناس هاشم نوريت وخالد كوري والمشاي ما لبقى أنا ابو النيز .. أرقدي قفا وجهزي قريحتك الشعرية .. بس ما تكون راحت
ود عكر الرعديد التائب ..
Quote: تلك ايام الله لا عاده |
دي إنتا وشطارتك لأني أنا إستلمتا الراية من عثمان .. تمسك أدبك تكون برا كمان تنقص منو والله وما طالبني حليفة .. أرجعك محل كنت معاك زمان ماتعمل فيها صحبي وزميل تابوت وكدة السياسة ما فيها صداقات دائمة.. بل مصالح دائمة
هاشم نوريت إنتا الظاهر كلامي الجبيل ما وقع ليك وغلا يجيك عثمان شخصيا !! يا خي ما قلت ليك القصيدة جميلة ومدوزنة لكن دي أسرح بيها في الخلا ما هنا !! بعدين باخي ما تخليك متشائم وخت الرحمن في قلبك والثقة في أخوك .. أنا واسطتي قوية بعد ما عثمان علمني سر المهنة دي كدي حاول غير القصيدة دي وتعال راجع .. يعني كدي جيب ..
أنظر اخي للنهر فيهو المياه تجري ..
أمكن تنفع لإنو امبارح كان في رحلة نيلية وكدة
وليد 400-1
Quote: سعدت جداً بمتابعة البوست متعكم جميعاً بالصحة والعافية
|
شنو يعني كلامك دا !!! نقفل ولا شنو !! يا راجل البوست لسة ما إنتها وكان داير تفوت المنبر يفوت جمل حا أشبكو عالبا عاليا .. لمن أقد بيهو الشاشة بي فوق !!! مش بوستي ؟؟؟!!!!
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: ناذر محمد الخليفة)
|
شنو يافردة انت ناسى انو انا طالع بعفو/مرسوم رئاسى خاص من الامبراطورية العثمانية... وشنو شابك الناس "الجمله الفوق دى"فسر افصح والا...انت عارف الباقى... عشان كده احسن نتافق سوا ونعمل لينا طربيزه قدام مقابر "هناى " انت ترفع عقيرتك وتجضم عودك باجمل الالحان يقوم ساكنى التوابيت بالشطيح والنطيح " زى رقيص الدبايب فى الهند"وانا اخلص الفله وكبيرنا عثمان يشرفهم بتوقيعه وعفوه ورضاه ويشنف اذاناهم بتبريكاته وعميق دعواته ولما الشمش تودع غاربه نزوق بالفله نعمل قسم الله وحمدنا الله وبى كده تكون انت عرسته وانا هلوسته
| |
|
|
|
|
|
|
Re: قصيدة أوتوميسفيرية (مهداء لـ عثمان محمد صالح) !!!!! (Re: ناذر محمد الخليفة)
|
ناصر البطل وينك ياراجل !!!!!
فاقدنك والله زغتا مننا وخليتنا لي تروتسكي يهري فينا
Quote: لما نشوف البيحصل لى قدام شنو |
حابحصل شنو يعني بعد الحصل دا !!!!!
إنتا ما بتثق في مقدرة أخوك التكتيكية ولا شنو !!!!
الحصل حصل يا مان ما ترجى الري ساكت تقوم تدقس
ود عكر ال UNDER TAKER
قلبي مات عديل من الضحك والله ما قادر أكتب أي تعليق أمبارح كنا والشباب بتعلق على تعليقك الفوق (دي أيام الله لا عادة) .. الضحك شرطنا عديل قنا ود عكر دا أتاريهو كان بيعاني معاناة شديدة الله يجازيك ما قادر أواصل من الضحك
| |
|
|
|
|
|
|
|