|
|
|
 Re: باركوا لي تخرجي من كلية الموسيقى (معهد الموسيقى والمسرح) !!!! (Re: ناذر محمد الخليفة)
|
الاخ نازر ودالخليفة ها زول ها انت انكشحتا ولا شنو والله حيرتنا عديل كدا مرة عاوز تحضر الدكتوراه والمر دى جديدة لنج لكن الف مليون مبرووووووووووووووك
يعنى كا ن تمثيل بس اصبر اكلم ليك ابو قوتةانا قلت الزول عاوزيحضر قلت ندعمو بشوية المصاريف؛؛
ماقلتو كيزان وينى ازياركم؟؟؟؟؟؟؟ على وزن ما قلتوا نوووووووووووووووبة
كل التبريكات والامانى العزبة تتراقص حياليك يا رايع يا فنان
لك الود والتقدير
| |
 
|
|
|
|
|
|
|
|
Re: باركوا لي تخرجي من كلية الموسيقى (معهد الموسيقى والمسرح) !!!! (Re: ناذر محمد الخليفة)
|
ناذر
Quote: بعد كدا ناس ود عكر والجماعة ديل ما بيخارجو في الكورس لازم تشوف كورس عاااااالي
يعني يكونوا فنانييين ويا ريت كمان يكونوا تشكيليييين عشان الأغنيات تكون مشكلة.. |
ما تسمع كلام جعفر هاشم اخوك عندو دكتوراة تحصص شيالة ماتسالتى شيل شنو اى حاجة وكان مغالطنى اسال جزارين الفتيحاب وعتالة سوق امدرمان ..
ضفرة: جافر انت مؤهلاتك شنو؟ يعنى طولك كم...قال عاااااالى ال
| |
|
|
|
|
|
|
|
|
 Re: باركوا لي تخرجي من كلية الموسيقى (معهد الموسيقى والمسرح) !!!! (Re: luai)
|
ناذر لقد تجازت كل الخطوط الحمراء لكى اسجللك حضورى
ان كان من خلال الطلب من قيادتى العامه بان هذا المكان ممنوع فيه التصوير او الاقتراب الا بتصريح وانا كسرت كل الحواجز واتيت لاقترب والتقط صور...
اومن غمرة زحامى وانا اقوم الان بين الف الكتب فى ترجمه (medicinal microbiology) اتتنى تباشير الخريف والدعاش الكردفانى وسالت نفسى..
هل حقا ذهبت..!
وهل حقا اننا صرنا فى حافة التصديق بالاخبار السعيده من عدمها...
حب ..ومن حلم ..ومن امل ...ومن الم....ومن فال.....ومن فرح.....ومن غيم .....ومن اعياد...
كان ينكنك التمهل على قلوبنا الصدئه بالفرحه...كان يمكن التمهل فى اندلاعك فى الحواس ..فى احتمال فرحنا بك والناس..
يارفاق ..دعونا الان نقترح المواكبه لارتباك الموج...نلغيها احاسيسنا..ونصنع من زغاريد الفرح المحتدم انشودة للارتياح او شهوة للانسجام ..قد كان يدخلنا اليها ضمن ترتيب ترتيب الاماكن والحواضر والظلال ..
كان خبرا..وولاء
كان فرحا ...كان بوحا ..كان طيفا ..كان سيفا..كان درا..كان نارا..
كان خبرا ..وماء..
كان وردا ...كان مدا..كان عطرا..كان مطرا..
كان خبرا وانتماء..
كان نسما..كان عهدا..كان وعدا ..كان وردا..كان شهدا...كان ولاء..
وكان خبرا وبشرى..
ياناذر..
واصل ياناذر وكلها سنتن 3 واجيك واكمل مابديته من اوتار قديمه ..
فصوت الكمنجات ينادينى من ذاك المكان ...
لولا تلك الاقدار وهذه الديمقراطيه المنشوده..
انت خلى بالك من العود فحقيقة للزمان لديك اصابع تنقرش بها العود لم اسمعها من امد بعيد سلمت صوابعك يارفيق.
وكم خطر ببالى ايام الثانوى والخرطو الثانويه الجديده..
فالتحيه لكل شبر فيها..
ياسنير
  
| |
|
|
|
|
|
|
|
|
|
Re: باركوا لي تخرجي من كلية الموسيقى (معهد الموسيقى والمسرح) !!!! (Re: معتز تروتسكى)
|
الأخ الفنان ناذر
تهانينا ومباركاتنا القلبية الصادقة بالتخرج وعقبال ما نستمع الى الموهبة والعلم والأبداع معا..
صدقنى أدمعت عيناى وأنا أقرأ عنوان هذا البوست!!
لقد تذكرت أيام هى الخالدة والصادقة والتى لا تصدأ أبدا فى الفكرة وحبها ملء القلب
وهى أيام المعهد والدراسة وتخرجت من ذات القسم الذى تخرجت منه وهو شعبة الصوت والبيانو وكانوا اساتذتى مستر جون هى جونق وجون سن دو وكانت أيام من الروعة والحب والأحترام
وعشرتنا للمعهد متآصلة لأننا منذ أن قدمنا للمعهد والى أن تخرجنا أكملنا به العشرة سنوات كاملة .. إذ تقدمنا لمكتب القبول فى العام 85 وتخرجنا فى العام 95 وبين هذه السنوات شهدنا أحداث أقلقت المعهد لخمس سنوات فى فترتين ولم تزيدنا هذه الفترة الا عشقا وتعلقا بالمعهد..
ودفعتنا منها الآن بعض الأساتذة بالمعهد وهم الأخت الجميلة حواء المنصورى والأخت العزيزه مريم عثمان احمد البشير والصديق والرفيق عبدالله شمو .. سلامى لهم ولبقية الأساتذة جميعهم فهم أساتذة أجلاء فمنهم من درسنا ومنهم من زاملنا فى السنوات السابقة ومنهم فى السنوات اللاحقة ..
تقبل مباركتى وتقبل مودتى صادقة
وعفوا تركت العنان لمشاعرى والتى تملأها اللوعة والشوق
عبدالعزيز خطاب
| |
|
|
|
|
|
|
|
|
|
Re: باركوا لي تخرجي من كلية الموسيقى (معهد الموسيقى والمسرح) !!!! (Re: ناذر محمد الخليفة)
|
الأخ ناذر
نبارك لك التخرج ونيل الشهادة ، ونرجو أن نلتقيك في دروب الفن إضافة .
على خلاف المعتاد في مثل هذه المناسبات أقول لك : -
من الكلمات العميقة التي لا أزال أذكرها رغم تواتر السنين كلمة قالهاالأستاذ الفنان العاقب محمد حسن ( رحمه الله رحمة واسعة ) عن عمله في لجنة إجازة أصوات الفنانين والدقة التي عرفت بها تلك اللجنة فقال ( لم نكن نجيز الأصوات الجميلة فقط فمعظم من يتقدمون لممارسة الغناء كانت أصواتهم جميلة لكننا كنا نبحث ونجيز الصوت ( البصمة ) الذي لا شبيه له في الساحة الفنية ) لذلك أخي ناذر كان وردي وود الأمين وكابلي وعثمات حسين صلاح مصطفى وصلاح بن البادية وعثمان مصطفى و--------- لا يشبه منهم أحد أحداً .تخيروا عذب الكلمات ولجأوا للملحنين المحترفين فخلدت أعمالهم .
ما أكثر فناني اليوم وما أقل الإنتاج الحقيقي ، تنسى الأغنية مجرد أن ينتهي المغني من أدائها، يتشابهون في كل شئ بل يقلدون بعضهم حتى في الإبتسامة البلهاء وسط الأغنية وفي طريقة مسك المائك .لذلك أصبح معظمهم بلا طعم . لا ننكفئ عل الماضي ولسنا ضد التجديد لكننا نحبه جديداً حقاً . طربنا بعد ذاك الجيل لإبراهيم حسين (شفاه الله ) وعركي وزيدان ومصطفي سيد أحمد وسيف الجامعة
وبعد
كم أتمنى أخي ناذر أن تكون من الإضافات التي نضعها لاحقاً مع الأسماء المذكورة أعلاه .
| |
|
|
|
|
|
|
|
|
 Re: باركوا لي تخرجي من كلية الموسيقى (معهد الموسيقى والمسرح) !!!! (Re: عاطف عمر)
|
ألف مبروك يا ناذر الخليفة علي التخرج
و عقبال الدكتوراه أن شاء الله
أقرأ لك كثيرا في البورد و دائما ما تخفف من زهجنا و قرفنا من الناس القرف والفقر الفي البورد دا
بأسلوبك الفكاهي و الساخر الجميل و الحقيقة أنت تعطي البورد نكهة خاصة جدا
و يعجبني أسلوبك في الكتابة كثيرا أيها المبدع
و تعجبني الصنفرة التي تكتبهاو تعليقاتك و مذكراتك عن الهند
أستمر يا د. ناذر مقدما في الابداع و قول الحقيقة و أتمني لك التوفيق دوما
و أنت شخص متميز جدا في هذا البورد
| |
|
|
|
|
|
|
|
|
|
Re: باركوا لي تخرجي من كلية الموسيقى (معهد الموسيقى والمسرح) !!!! (Re: ناذر محمد الخليفة)
|
دا شنو يا أخوانا البتعملو فيهو دا 
انتو الواحد أصلو ما يوريكم حاجة ولا شنو !!
قلت ليكم باركوالي شبكتوني لبيع وكبيع هسي الواحد يرد عليكم كيف
متلمين كدي
غايتو النحاول وربنا يقدرني على جزاكم .....
القلب النابض
تسلمي والدعوة دي أهم دعوة ومن بئك للسما يا رب
حبيبي يا روميو
| Quote: عقبال الدال بس ما دال هناي ولا دال للسيارات دال المعهد |
إنتا مامتابع بوستي بتاع الدال ولا شنو
الأستاذ الموصلي ..
Quote: الف مبروك وعقبال الماجستير
ارجو مدي بتلفون د سعد يوسف |
رغم أنني متحسر أنني لم أدرس على يديك ولا (صولا) إلا أنني اقول لك الله يبارك فيك وتلفون الدكتور سعد يوسف سيكون على ماسنجرك الداخلي غدا بإذن الله ...
الأستاذ الاديب عثمان محمد صالح ..
Quote: الأخ ناذر محمد الخليفة
ألف مبروك ومزيداً من
النجاحات |
حضورك هنا أضفى لإحتفالي ألقا إضافيا ...
الله يبارك فيك وجعل الله أيامنا كلها اعياد ..
الأخ دور نقاس
تسلم ياعزيزي بس ..
والله غير صوت الدربكين في أضاني ما سامع حاجة
العزيز عبد الله إدريس ..
Quote: الاخ نازر ودالخليفة ها زول ها انت انكشحتا ولا شنو والله حيرتنا عديل كدا مرة عاوز تحضر الدكتوراه والمر دى جديدة لنج لكن الف مليون مبرووووووووووووووك
|
يا أخوي أنا لا جديد لنج لا حاجة أنا عندي كمية من الشهادات (بكلاريوسية وماجستيرية ودكتاتورية وبروفسارية) بس دي أول شهادة في الموسيقى
الله يبارك فيك يا عزيزي
الأخ حريقة
Quote: الاخ نازر
كل التهاني والتبريكات
وودي لك |
والله إسمك (حريقة) زي بتقول لي : حريقة تحرقك وتحرق التخرج
الله يبارك فيك يا حريقة ..
المهندس محمد السيد ..
الله يبارك فيك وأرجو ان تكون هذه المباركة بداية لعلاقة طيبة بيناتنا ..
شكرا للحضور ..
الأخ ابو شنب ..
| Quote: الف الف ميروك التخرج |
الله يبارك فيك يا عزيزي ..
بس أنا ولد صغير كان في داعي تخوفني بي شنبك الكبير دا
أمي الحبيبة مهيرة
Quote: ألف مبروك يا ناذر ولدى
وعقبال الأمانى الطيبة
تحياتى |
الله يبارك فيك وشبيك لبيك أبو النيز بين يديك إن تخلى القوم عن الدفاع عنك ونصرتك
الأخ غريبة
| Quote: الف مبروك وعقبال الماجستير |
إذدان هذا المكان جمالا بحضورك ......
الله يبارك فيك ولا اكثر .....
الاخ عثمان محمدين
Quote: أملنافي الماجستير
والدكتوراة
عثمان |
شكرا للحضور ....
الله يبارك فيك وأناأملي مثلك في هذين ..
الاخ عثمان
| Quote: لكن يا ود اخوي الفصاحة دي كلهاكانت وانت لسه ما اتخرجت من الجامعة؟ انا كنت فاكر بانك قاعد تعمل في دكتوراة لكن ماشاء الله |
يا اخوي دي أمكن الجامعة التامنةولا التاسعة الأنا إتخرجت منها
إنت ما عارف حاجةساي قول مبروك وقطم علي كدة :
الأخ هاشم نوريت
| Quote: مبروك وعقبال الدكتوراة |
الله يبارك فيك
الدكتوراة شغال فيها لي كم يوم كدي إنتا ما متابع ولا شنو
عزيزتي شايننق
Quote: كيف حال الدواب ؟
و انت صورتك الخاتيها دي مش بتاعت تخريج؟ |
الدواب والحصين والعنابليق ختيتا بي الله واحد زي ما انتي حذرتيني من ركوبا
صورتي ديك كانت بتاع التخريج الأول هسي أنا في التخريج التالت ولا الرابع ما عارف
ود عكر ياعكر
| Quote: ضفرة:هييييع بس متين تظهر قى التلفزيون يامبدع |
لمن أنا اقرر أشوف تلفزيون السودان بعد داك حا تشوفني فيهو
تشوفوني وأنا ما أشوف نفسي ولا قصدك شنو يعني
الاخ جعفر هاشم
| Quote: تحياتي إلى الصديق العزيز أبكريناوأسرته وخاصة المشوكش |
وديل بيسلللللللللللللموا عليك بس الايامات دي عندهم مؤتمر وما فاضين ..
الله يبارك فيك يا راجل وما قصرتا رغم جرجيري في الكلام
ود كسلا ...
| Quote: وعرسى قرب خليك جاهز |
أنا جاهز .. العداد جاهز لاحظ أنا زول مرخص وكدا
الأخ الهلاوي
Quote: الأخ ناذر
ألف مبروك التخرج
ومزيداً من النجاح
الحلاوي |
الله يبارك فيك وتسلم كتير للحضور
الاخ سيف مساعد ..
Quote: نسمع بالمناسبة غنية وطنية
|
تنفع امتي يا امة الامجاد والركشات والاتوسات ولا اغبرا
الاخ معتصم..
Quote: وعقبال نرى ما ينفع العباد والبلاد
وعقبال أن نرى عملا متميزا .. واحد فقط أولا .. |
هو البينفع البلاد والعباد دا إلا تشوفوا مني
الاخ الامين صديق ..
Quote: البتخرج من قسم الصوتيات دا يعني ببقى صوتو عالي ؟
|
لا لا يا الامين ... بيبقى صوت عنج
الله يبارك فيك ..
كيفك ياناجي
أنا عارف دا والله قايلو سافر معاك من سفرتك ديك وعيك
الاخ لؤي ....
| Quote: الحكاية عايزه دم عديل كدا ... |
دم أكتر من دمي الأهدروه في المنبر الايامات الفاتت وفي الأشهر التي حرم فيها القتال
انتا بتهظر ولا شنو
صنفرة :
والله امتنعت من الصنفرة المرة دي عشان خاطر المناسبة
لكم حبي 10000000000000000000
| |
|
|
|
|
|
|
|
|
|
Re: باركوا لي تخرجي من كلية الموسيقى (معهد الموسيقى والمسرح) !!!! (Re: ناذر محمد الخليفة)
|
الحبيب جدا معتز تروتسكي ..
إن كنت اخاف شيئا أخافه قبل إنزال هذا البوست فهو مجيئك أنت بالذات للتعقيب وللتهنئة فأنت شخصا لا تستطع ان تعبر عن مشاعرك كما الأخرين إلا بالبكاء وحده !!! وأعلم تماما أن الشجن الذي يعتريك وجذء من شخصيتك هو سبب كل هذا الحنين الذي يعتريك والي يجعلك دوما حساسا لأبعد الحدود تجاه القضايا مثار النقاش في هذا البورد !!!
ألوم نفسي والله لأنني سبب كل السهام التي تلقيتها على قلبك وشخصك الذكية عندما تصديت للدفاع عني أمام من إتهموني بالعنصرية البغيضة والتي يعلم الجميع كم أمقتها وأمقت من ينادون بها ولكني لم أستطع ولا حتى من منعك الدفاع عني لأنك تعلم تماما من أكون وكيف أفكر !!
وجئت الأن وأبكيتني يا عزيزي بحديثك هذا وهذه الأغنية الجميلة !!!
أفلا تستطع التعير عن نفسك غير الوسيلة التي تتبعها لحث الأخرين على البكاء !!!
تروتسكي لك الود .. والذكريات .. وأوتار العود .. و ..........
كفى !!!!!!!!!!!!!!!
الأخ محمد عبد الله ..
Quote: الاخ د. ناذر الفففففففففففففف مبروك وعقبال الدكتوراة التانية!
بالمناسسبة اسمع الان الاغنية التي حملها الاخ معتز فلك وله التقدير على هذا الابداع
ودوام النجاح
محمد عبد الله |
الله يبارك فيك .. ولك ولمعتز خالص التمنيات ..
ال
أخ عبد العزيز ...
Quote: الأخ الفنان ناذر
تهانينا ومباركاتنا القلبية الصادقة بالتخرج وعقبال ما نستمع الى الموهبة والعلم والأبداع معا..
صدقنى أدمعت عيناى وأنا أقرأ عنوان هذا البوست!!
لقد تذكرت أيام هى الخالدة والصادقة والتى لا تصدأ أبدا فى الفكرة وحبها ملء القلب
وهى أيام المعهد والدراسة وتخرجت من ذات القسم الذى تخرجت منه وهو شعبة الصوت والبيانو وكانوا اساتذتى مستر جون هى جونق وجون سن دو وكانت أيام من الروعة والحب والأحترام
وعشرتنا للمعهد متآصلة لأننا منذ أن قدمنا للمعهد والى أن تخرجنا أكملنا به العشرة سنوات كاملة .. إذ تقدمنا لمكتب القبول فى العام 85 وتخرجنا فى العام 95 وبين هذه السنوات شهدنا أحداث أقلقت المعهد لخمس سنوات فى فترتين ولم تزيدنا هذه الفترة الا عشقا وتعلقا بالمعهد..
ودفعتنا منها الآن بعض الأساتذة بالمعهد وهم الأخت الجميلة حواء المنصورى والأخت العزيزه مريم عثمان احمد البشير والصديق والرفيق عبدالله شمو .. سلامى لهم ولبقية الأساتذة جميعهم فهم أساتذة أجلاء فمنهم من درسنا ومنهم من زاملنا فى السنوات السابقة ومنهم فى السنوات اللاحقة ..
تقبل مباركتى وتقبل مودتى صادقة
وعفوا تركت العنان لمشاعرى والتى تملأها اللوعة والشوق
عبدالعزيز خطاب |
شكرا لمشاعرك الرقيقة وكم كنت أتمنى ان أكون حضورا معكم في تلك الأيام والتي وإن تذكرها أساتذتنا في المعهد يذرفون الدموع أيضا ويبكون على أطلاله وخرائبه الأن والتي إمتدت إليها أيادي المشروع الحضاري فلم تورثنا إلا النعيق والغربان ..
لك الود عزيزي ..
العزيز جدا عاطف عمر ..
| Quote: كم أتمنى أخي ناذر أن تكون من الإضافات التي نضعها لاحقاً مع الأسماء المذكورة أعلاه |
أولا وقبل كل شي اقول لك انني سعدت جدا بالنقاش معك في هذا المنبر حيث تقاطعنا عدة مرات في كذا بوست وخاصة بوستي عن منصور خالد وأحيي فيك ميولك نحو المنطقية وعدم الإندفاع نحو ما يريدونه البعض في هذا البورد ..
كما أحيي من هذا المنبر الأستاذ المرحوم العاقب محمد الحسن وأسرته وادعو الله ان يرحمه بقدر ما اعطى لهذا الشعب من فن وموسيقى جميلة ستظل تذكرها الأجيال إلى يوم يبعثون ..
الأخ كامل محمد
Quote: ألف مبروك يا ناذر الخليفة علي التخرج
و عقبال الدكتوراه أن شاء الله
أقرأ لك كثيرا في البورد و دائما ما تخفف من زهجنا و قرفنا من الناس القرف والفقر الفي البورد دا
بأسلوبك الفكاهي و الساخر الجميل و الحقيقة أنت تعطي البورد نكهة خاصة جدا
و يعجبني أسلوبك في الكتابة كثيرا أيها المبدع
و تعجبني الصنفرة التي تكتبهاو تعليقاتك و مذكراتك عن الهند
أستمر يا د. ناذر مقدما في الابداع و قول الحقيقة و أتمني لك التوفيق دوما
|
وأنا أشكرك جدا على متابعة كتاباتي في المنبر وثقتك التي منحتني إياها وأسأل الله القدير أن اكون في ظن ما تطمح بإذن الله ...
الأخ عبد الماجد ..
Quote: الأخ ناذر
ألف مبروك النجاح وأمنياتي لك بمزيد من التوفيق
مودتي |
شكرا لك على التهنئة والحضور والتمنيات الجميلة ..
وأتمنى لك كل خير ..
الأخ عماد عبد الله ..
Quote: مبروك ناذر .. ألف مبروك
تستاهل كل جميل .. لأنك زول حلو
و واحد من بهارات البورد ذات النكهة المميزة
|
شكر لك يا راقي على الكلمات الطيبة ..
وأامل أن نلتقي على صفحات البورد بإذن الله تعالى ..
الخال العزيز وملاكي الحارس هشام مدني ...
شكرا على باقات الورد الجميلة والتي تمتعت بإستنشاق عبيرها الاوتومسفيري والكلمات الرائعات التي قلتها بحقي ..
وستسمع مني المذيد بإذن الله تعالى ..
والشكر موصول لكم جميعا ..
| |
|
|
|
|
|
|
|
|
|
Re: باركوا لي تخرجي من كلية الموسيقى (معهد الموسيقى والمسرح) !!!! (Re: ناذر محمد الخليفة)
|
المغني الكبير ناذر الخليفة
من أين يبدأ الحديث معك...؟
...
لنتفق على الآتي :-
1- كل سنة وانت طيب والعيد الجاي ان شاء الله تكون في بيت نسيبتك..
2- مبروك التخرج ..ودي حاجة جميلة جداً انو الواحد يكتشف مواهبك المتعددة (يعني من السوق الى الابداع بالقلم+ الصوت ثم الحاجات التانية التي لن أكشف عنها)
3- عندك حاجة تانية نعلق ليك عليها ولىّ تنتظر البوست الاخوك مجهزو من قبل العيد
(سينزل قريباً)
معليش يعني سلم على تروتسكي وابنعوف و...و البقية
| |
|
|
|
|
|
|
|
|
|
Re: باركوا لي تخرجي من كلية الموسيقى (معهد الموسيقى والمسرح) !!!! (Re: ناذر محمد الخليفة)
|
اخوي الظلامي ناذر محمد الخليفه
الف الف مبروك
والله فرحت ليك من قلبي
صنفرة مستلفة من صنفراتك
انا كنت بعرف الفنان محمد وردي بس
عشان هو من اندنا
وكنت بسمع ليه اغاني الرطانة بس
وانت بقيت التاني
عشان اسمع اغاني العربي من صوتك الجميل
ويا ريت لو تنزل عملك هنا ونعيشه معاك
وان شاء الله لمن نجي السودان
نسمع ليك وانت بتدندن
وكل سنة وانت طيب
وعيد مبارك
| |
|
|
|
|
|
|
|
|
|
Re: باركوا لي تخرجي من كلية الموسيقى (معهد الموسيقى والمسرح) !!!! (Re: ناذر محمد الخليفة)
|
كيف يا شباب ...
الأخ أوسلي ...
Quote: يعنى نديد بقال
ما كنت تكلمنا من زمان عشان نوقف اراقة دمك بحجة سنك
|
ما نديد بقال شدييد
بعدين صغر سني دا هو سبب إهدار دمي الأساسي
ما وروك إنو لحم الذبيحة الضغيرة بيكون هش ومقرمش
الأخ عادل ..
Quote: المغني الكبير ناذر الخليفة
من أين يبدأ الحديث معك...؟
...
لنتفق على الآتي :-
1- كل سنة وانت طيب والعيد الجاي ان شاء الله تكون في بيت نسيبتك..
2- مبروك التخرج ..ودي حاجة جميلة جداً انو الواحد يكتشف مواهبك المتعددة (يعني من السوق الى الابداع بالقلم+ الصوت ثم الحاجات التانية التي لن أكشف عنها)
3- عندك حاجة تانية نعلق ليك عليها ولىّ تنتظر البوست الاخوك مجهزو من قبل العيد
(سينزل قريباً)
معليش يعني سلم على تروتسكي وابنعوف و...و البقية |
بيدأ الحديث معي من محطة أبو حمامة لحدي عمك هارون بتاع الصوط
لو عاوز تعلق على حاجة أحسن تنتظلر لحدي ما أشيل الدكتوراة الأوتومسفيرية الشغال فيها الأيامات دي
الضلامية نهال كرار ...
Quote: مبروووووووووك
ألف مبروووك
|
الله يبارك فيك لكن وين التورتات الجبتيها معاك المرة الفاتت ديك
الواحد كل مرة يذكرك ولا شنو
العزيز حمزاوي
Quote: وان شاء الله لمن نجي السودان
نسمع ليك وانت بتدندن
|
الله يبارك فيك بس لمن تجي السودان جيب معاك العداد بالريال
أخوك إستفاد من القصة الحكاها الموصلي الحصلت ليو في القاهرة مع وردي
الأخ حاج حمد
Quote: الأخ / ناذر
الف مبروك و مزيد من النجاح و الابداع
|
شكرا جزيلا على الحضور والتهنئة
الأخ أحمد ...
Quote: تخريمة :
الكورس (نوبي ناصر ودعكر) نجحو ولا قدو ؟؟؟ |
الجماعة ديا حا اديهم شهادات تقديرية وأنزلم المعاش
ما أظن بينفعو للمرحلة الجاية دي إلا بس ما تحصل ظروف
صنفرة :
شكرا لكم جميعا على تكبد مشاق الحضور ..
(تكبد المشاق دي الجابا هنا شنو) 
| |
|
|
|
|
|
|
|
|
|
Re: باركوا لي تخرجي من كلية الموسيقى (معهد الموسيقى والمسرح) !!!! (Re: بكرى ابوبكر)
|
مبروك يا ناذر و عقبال الدكتوراه أن شاء الله
ننتظر دائما كتاباتك الرائعة و الجميلة بأحر من الجمر و اصل الابداع و الكتابة فأنت فاكهة البورد المميزة و أنا بقرأ مواضيعك أول و بأبتدأبيك ش دائما و أتحفنا بالجديد من المذكرات زي بتاعت الهند و الثعابين
يعجبني أسلوبك و أنا من قرائك
صنفرة( ودي حق محفوظ من حقوق ناذر الخليفة الفكرية):
أطلب من بكري أبوبكر تخصيص مكتبة لناذر الخليفة الفكرية في سودانيز أون لاين
| |
|
|
|
|
|
|
|
|
|
Re: باركوا لي تخرجي من كلية الموسيقى (معهد الموسيقى والمسرح) !!!! (Re: ناذر محمد الخليفة)
|
الأخ محمد أدم !!!!!!
Quote: ألف مبروك يا ناذر.
عقبال كمان الدكتوراه.
بس مسئوليتك بتزيد طردياَ
بزيادة ها الشهادات و مفترش
عكسياَ تقل بها ها الصنافر.
عقبال بت الحلالّّ !!!. |
سعدت والله بحضورك فأنا والله العظيم اعول عليك كثيرا في هذا المنبر ..
وأنا على إستعداد لتحمل المسئولية بإذن الله ..
أما بت الحلال فأتمنى ان تكون امنيتك هذه هي المستجابة هذه المرة
العزيز الفنان جدا تولوس
Quote: الف الف مبرووك ايها الرجل الفنان... فانت لا تحتاج الي شهاده تثبت فنك فننننننن... وياليت بعض بني قومي يعلمون..
مليون مبروووك |
لكن براك شايف في ناس طالبين مني الشهادة وقربو يطلبوها منك إنت برضو
أما بعض بني قومي ... إنشالله ما يعلموا شن غرضي بيهم
العزيز الدكتور راشد ...
Quote: Rashid Musa
.
تاريخ التسجيل: 30-09-2005
مجموع المشاركات: 1 |
هذا النسخ للشكر ولتاكيد ان اولى مداخلاتك كانت في بوستي هذا للتهنئة
الله يبارك فيك واتمنى ان تكون إضافة جميلة لهذا المنبر ..
الأخ عثمان عجبين ...
Quote: اخ ناذر
مبروك التخرج الف مبروك
والمزيد باذن الله
تحياتي |
سعدت جدا بحضورك للتهنئة ..
وصدقني أحترمك جدا ولا احمل لك غلا وأعلم انك كذلك أيضا ..
إنما هو إختلاف إسلوب كلينا في النظرة تجاه الأشياء وأنا احترم الإختلاف جدا ..
شكرا لك وأتمنى أن تكون زادا لنا لخدمة الحوار الفني في هذا المنبر ..
الاخ خالد عثمان ..
Quote:
ألف ألف مبروك يا ناذر
وعقبال الدكتوراة ..
والعروس..
|
الدكتوراة قربت والعروس بعدت
الله يبارك فيك ...
المناضل بقال ...
| Quote: الف مبوك يا ناذر وعقبالك الدكتورا |
الله يبارك فيك وأتمنى أن لا تكون (دكتوراتي) في التخصص الذي ذكره عمر الفاروق عن (ديكتوريكم) داك
الأخ دار يوشيد ...
| Quote: ايز تبقى جلاد و لا شنو!!! |
بشهادة الصوتيات حا ابقى جلاد وحا اجلدك أول واحد أربعين جلدة لإنك ليك فترة قاعد تستعمل صنفرتي بد\ون إذن وبطريقة غير لا ئقة رغم تحذيري المتكرر لك
الله يبارك فيك يا دار ودي مناسبة لفتح المذيد من قنوات الحوار بيننا ..
الأستاذ الفنان خدر ..
Quote: عشان تعرف بس انو انا سري بااااااتع
شفت
عشان انا جيت السودان انت خرجوكـ |
أنا من زمان عارفك زولا مبروك مع إنك ما مشيت معاي لإمتحان الصوت والصولفيج الأنا عزمتك ليهم
والله يستر ما معروف كان حا يحصل شنو لو كنت مشيت
الله يبارك فيك يا خدر وتسلم على الحضور ..
الأخ عبد الرحمن ...
Quote: ألف مبروك،،،
يا فنان..
وعقبال الدكتوراه إن شاء الله |
الله يبارك فيك وتسلم كتير غلى الحضور والمجاملة ...
صنفرة :
تعبت من الله يبارك فيك !!! ما في جملة تانية ممكن الواحد يستخدما في المناسبة دي
| |
|
|
|
|
|
|
|
|
|
Re: باركوا لي تخرجي من كلية الموسيقى (معهد الموسيقى والمسرح) !!!! (Re: Abureesh)
|
مبروك شديد ليك ولي ...
ليك دي معروفة طبعاً ...
طيب لي كيييييييييييييييييييف؟؟؟
أها سألتني ...
يعني كدي... المعني يعني.................................
أنا ذي التقول لي كدي مفكر أخش المعهد الليلكم دا .. قالولي في دراسه بعدالغدا .. يعني بعد الزول يشيل كيس الملاح ويكمل الرزق .. يشيل بعضو ويمشي الحلة الجديدة من غير مشاكل مع العايزين مني قروش .. ولا بتاع الدكان .. لكن إنت يا ناذر ياأخوي لسانك الطويل دا .. لو كان لقيتك في المعهد ما كان عملت لي عقد نفسية .. (خسوسا) إنو اخوك يعني عمرو كبير ويمكن تقول لي ما بتتعلم حاجة ...
وكدي..... وإنشاالله دربي فاتح ذي دا
| |
|
|
|
|
|
|
|
|
|
Re: باركوا لي تخرجي من كلية الموسيقى (معهد الموسيقى والمسرح) !!!! (Re: ناذر محمد الخليفة)
|
الاستاذ كامل محمد ..
Quote: مبروك يا ناذر و عقبال الدكتوراه أن شاء الله
ننتظر دائما كتاباتك الرائعة و الجميلة بأحر من الجمر و اصل الابداع و الكتابة فأنت فاكهة البورد المميزة و أنا بقرأ مواضيعك أول و بأبتدأبيك ش دائما و أتحفنا بالجديد من المذكرات زي بتاعت الهند و الثعابين
يعجبني أسلوبك و أنا من قرائك
صنفرة( ودي حق محفوظ من حقوق ناذر الخليفة الفكرية):
أطلب من بكري أبوبكر تخصيص مكتبة لناذر الخليفة الفكرية في سودانيز أون لاين |
يعجبني جدا انك من المتابعين لكتاباتي منذ أن كنت أنشر مذكراتي في الهند هنا ..
لا اقول أكثر من الله يبارك فيك وشكرا على المدح الذي أوردته في حقي
أما موضوع مكتبتي الفكرية فدي والله بالغت فيها عدييل كدة
الأخ أبو الريش
| Quote: ألف مبروك يا ناذر، وعقبال الماجستيـر والدكتوراة.. (ما تنزل من الســرج) |
الله يبارك فيك يا عزيزي ..
وإن أنزلني البعض عن سرج حصين العصور الوسطى فلن أنزل من سرج العلم بإذن الله
الأستاذ عبد العزيز مهدي
Quote: مبروك شديد ليك ولي ...
ليك دي معروفة طبعاً ...
طيب لي كيييييييييييييييييييف؟؟؟
أها سألتني ...
يعني كدي... المعني يعني.................................
أنا ذي التقول لي كدي مفكر أخش المعهد الليلكم دا .. قالولي في دراسه بعدالغدا .. يعني بعد الزول يشيل كيس الملاح ويكمل الرزق .. يشيل بعضو ويمشي الحلة الجديدة من غير مشاكل مع العايزين مني قروش .. ولا بتاع الدكان .. لكن إنت يا ناذر ياأخوي لسانك الطويل دا .. لو كان لقيتك في المعهد ما كان عملت لي عقد نفسية .. (خسوسا) إنو اخوك يعني عمرو كبير ويمكن تقول لي ما بتتعلم حاجة ...
وكدي..... وإنشاالله دربي فاتح ذي دا
|
أول حاجة مبروك ليك ولي
وحقيقة ان قسم الدراسات الإضاقية التي تكون فصولها مساء أقوى بمراحل من الدراسة الصباحية بشهادة أساتذة المعهد أنفسهم وذلك لأن الدارسين صباحا يأتون عن طريق مكتب القيول (يعني عندنا في المعهد عادي واحد يكون مقدم عشان يدرس إدارة أعمال لكن مكتب القبوب جابو المعهد عشان يسجل في قسم الموسيقى ) !!!!
أما الدارسين مساء فهم يأتون برغبتهم ويكون عندهم أساسا خلفية فنية ولذلك فهم متفوقين جدا بالمقارنة مع دارسي الصباح ..
والله لساني ما طويل إلا لو لقيت الزول براهو متسبب كان عندنا واحد دفعتنا في المعهد مكرهني وبيتشبر في أي مسألة فنية وعامل فيها صوتو جميل (وهو صوتو ما ينفع يتكلم بيو) وعل العليهو قعد يرازي فيني أها لمن قبلت عليو ما تم معاي أكتر من شهرين ولمن سألت منو قالو لي حول للدراسة في القصر
العزيز سيف بشير ..
Quote: الفنان ناذر:
التهاني الحارة جداً بالتخرج...
ونتمنى أن تكون إضافة وتجديد من ضمن ركب الحادبين على صحة وسلامة الأغنية والمسيقى السودانية
مع كل التمنيات بالتوفيق
سيف بشير |
الله يبارك فيك يا عزيزي ونتمنى أن يتغير حال الموسيقى السودانية بالعمل الجاد ..
الصديق الرائع جدا الصحفي نشأت ...
Quote: الفنان الشفيف ناذر
كل الود يا أخي وأنت تصنع من لدنك هذه النجاحات التي تشبهك حد التماثل..اجتهادك أخي ناذر هذا نصيبه.. ولو كان غير ذلك لعتبنا عليك..
طوبى لك وأنت تمزج عبير موهبتك بشذى احساسك.. وتدوزنهما معاً بعلمك |
وشكرا جزيلا على الكلمات الطيبة في حقي والتي نبعت من دواخلك الجميلة ...
صنفرة :
إني والله مستمتع جدا بالأغنية الجميلة يا تروتسكي 
| |
|
|
|
|
|
|
|
|
|
Re: باركوا لي تخرجي من كلية الموسيقى (معهد الموسيقى والمسرح) !!!! (Re: altahir_2)
|
| Quote: بكري أبو بكر شخصيا ينزل من برجو العاجي للتهاني |
الحبيب و الرفيق ناذر
مبروك مرة اخرى
البشوف كلامك ده يقول ما اتلافينا قبل كده كم مرة ....راجع المنبر و الارشيف حا تجد الاجابة و يا حبيب المشكلة مشكلة زمن وكمان عليك الله يا حبيب شوف صورتى و ال تحتها فيها نجمات و لا لقب و لا حاجة بتفرقنى من بقية الاعضاء و برضو تقول لى برج عالى
| Quote: أما الزواج بواحدة بوردابية فكلهم للأسف بيخالفو واحدة من شروطي الختيتا في بوست قبال دا |
رايك شنو نعرس ليك من البلد
| |
|
|
|
|
|
|
|
|
|
Re: باركوا لي تخرجي من كلية الموسيقى (معهد الموسيقى والمسرح) !!!! (Re: Shao Dorsheed)
|
محمد عيد الله
و
عادل فضل المولى
و
altahir_2
يارفاق
من اجلكم والبقية اعود رغم انو من يوم المناسبه هذه وانا لااستطيع ان ادخل واتى ناذر وطنبج الموضوع نهائي بى تعليقو الاخير ..
يعنى يخلينى الليل كلو اجعر امشى المحاضره زملائى يقولوا لى يا سكران كنت امس
ولا اتشاكلت مع زول ضرب في عيونك ديل..
عليك دينك ناذر اسمع الاغنيه دى كويس فيها مقطع
اراعانى وانا ارعاك...
ياخى ارعانى وقدر تعليقاتك دى بقوم اسي بجى راجع...
وتانى من اجلكم والبقية
محمد عيد الله
عادل فضل المولى
altahir_2
انها البشرى تجئ ولا تجئ ..فلنقف .. ونتحمل عبء العواطف باتجاه صاعد نحو قمة البشرى فالواقع المحصور بين ندائه وهتافنا فرحا بما جاء فى الخبر البشر امتزج كف يصافح الاخر فى صخب الهؤاء ..
احيكم برغم مرارة اللحظه
احييكم ...وانسج من مشاعركم هالة ضريح وفاء لعطر الحاضر الغائب..
احييكم... ولكن ليس لللاخر فهو يمتلك بقيه نوفرها لفصل قادم من الاخبار..
احييكم... وتمشى الذكرى فوق الماء فلا فرح يعالج هذه الساعه ولادعوى تسووق القلب للاحزان..
ولامطر ينادى غيمة الاجفان كى تسكت..
احيكيم وللصبح مسرات وبقايا بشرى كا تلك...
والكلمات رفيقا من سنام القوم يسقيها...
اما لل ...اه ياجيلا تعلم فى سنابله طعام الحب....واغنية لسفر البأس علمها طقوس الدرب...
احييكم...
نــــاذر
يامن منعت الناس ان يمضوا الى سخف الديار بلا سخف وان يستريحوا بين (نيمة) كبيرة فى الدرب الوثير مابين تامين التادب بالسماحه والوفاء ...
تمادى فىانصياعك للسماء كى تكون الارض مهدا للمجئ المترف المحفوف بالتاريخ والانسان والخلوة واوردة البلاء...
يانـــاذر
غنى وغنى ثم غنى..
صحح الاحساس ناحية (القرب) وظف القلب الاحتجاب لتاخذ الاحاسيس شكل الابتكار ويظل القلب وهج الانحناء...
| |
|
|
|
|
|
|
|
|
|
Re: باركوا لي تخرجي من كلية الموسيقى (معهد الموسيقى والمسرح) !!!! (Re: ناذر محمد الخليفة)
|
نجي تاني لي إستعراض برقيات التهاني والتأييد
بس مقدما لمن سأعقب عليهم أقول الله يبارك فيكم عشان ما أكررا كل مرة
الأعزاء ملاسي وعادل امين ..
عند مراجعتي للكشف هذا اليوم وجدت أن إسميكم قد سقط سهوا ولم أرد عليكم ..
أسف جدا على ذلك وأقول لكم إنشالله يوم شكركم ما يجي ..
الأخ ود زينب ..
Quote: Nazhir
Happy for you!0
Congratulation.0
I apologize for writing in English. I lack the support of
Arabic Software.0 |
ثانكس فور التهنئة يا حبيب بس أي وانت تو أقول ليك إنو إنتا بس رايت بالإنقليذي أو بالأوتومسفيري أو بالتقرنجة اند الل أوف زيم بنفهمو إنشاالله
العزيز عاصم ..
Quote: الموسيقي لا تقول كلاما
ولكنهاتوصل بين القلب
ومراكزه النائية
العزيز نازر
تهانينا وخالص امنايتى لك بكل ماهو جميل |
شكرا للكلمات الجميلة ولك كل الود والحب ..
العزيز محمدين :
Quote: الأخ ناذر محمد خليفة
الف مبروك ........ |
تسلم كتير يا عزيزي وأدعو معي أن يعم السلام والوئام ربوع دارفورنا الحبيبة ..
الأستاذ الفنان الطاهر ..
| Quote: كان بودى ان تنزل مع هذا الخبر السار اى اغنية تؤديها ختى اتمكن فقط من ارسال الهدية المناسبة لك . او ارسل لى على الايميل اى نص تختاره ليكون فرحة اللقاء المشترك طالما حرمنا القدر من التمتع بهذة اللخظة معكم. الف الف مبروك عزيزى |
بعد طول عناء ومكابدة أستطعت تعلم رفع الأغاني من هذا المنتدى ولكن فرجتي بذلك لم تطول كثيرا لأن عطلا فنيا قد حدث في التحميل ..
ولكني أعدك أن أفعل ما يرضيك قريبا يا عزيزي ..
وأن تأتي متأخرا خبر من ألا تأتي أبدا زي ما بيقولوا أصحابك الماركسيين
الريس بكري ..
شكرا جزبلا للحضور مرة أخرى ..
| Quote: رايك شنو نعرس ليك من البلد |
مش بعد ما نعرف البلد وين الأول
أخوك طبعا عنصري وكدة
Quote: اولا انا جيت اقول مبروك ... قمت هكمتني 40 جلده ... ليه بس 40 ... ما كان 50 ولا 61 ولا اي رخم اخر
|
أربعين جلدة لأني شايف إنو دا الرقم البيستعملوا كتير في المحاكم هنا وأنا قلتا أمكن تكون الأربعين حارة أكتر من الخمسين
أوع بس تكون إنجلدت قبال كدة أربعين جلدة
دا شنو يا تروتسكي !!!!
Quote: محمد عيد الله
و
عادل فضل المولى
و
altahir_2
يارفاق
من اجلكم والبقية اعود رغم انو من يوم المناسبه هذه وانا لااستطيع ان ادخل واتى ناذر وطنبج الموضوع نهائي بى تعليقو الاخير ..
يعنى يخلينى الليل كلو اجعر امشى المحاضره زملائى يقولوا لى يا سكران كنت امس
ولا اتشاكلت مع زول ضرب في عيونك ديل..
عليك دينك ناذر اسمع الاغنيه دى كويس فيها مقطع
اراعانى وانا ارعاك...
ياخى ارعانى وقدر تعليقاتك دى بقوم اسي بجى راجع...
وتانى من اجلكم والبقية
محمد عيد الله
عادل فضل المولى
altahir_2
انها البشرى تجئ ولا تجئ ..فلنقف .. ونتحمل عبء العواطف باتجاه صاعد نحو قمة البشرى فالواقع المحصور بين ندائه وهتافنا فرحا بما جاء فى الخبر البشر امتزج كف يصافح الاخر فى صخب الهؤاء ..
احيكم برغم مرارة اللحظه
احييكم ...وانسج من مشاعركم هالة ضريح وفاء لعطر الحاضر الغائب..
احييكم... ولكن ليس لللاخر فهو يمتلك بقيه نوفرها لفصل قادم من الاخبار..
احييكم... وتمشى الذكرى فوق الماء فلا فرح يعالج هذه الساعه ولادعوى تسووق القلب للاحزان..
ولامطر ينادى غيمة الاجفان كى تسكت..
احيكيم وللصبح مسرات وبقايا بشرى كا تلك...
والكلمات رفيقا من سنام القوم يسقيها...
اما لل ...اه ياجيلا تعلم فى سنابله طعام الحب....واغنية لسفر البأس علمها طقوس الدرب...
احييكم...
نــــاذر
يامن منعت الناس ان يمضوا الى سخف الديار بلا سخف وان يستريحوا بين (نيمة) كبيرة فى الدرب الوثير مابين تامين التادب بالسماحه والوفاء ...
تمادى فىانصياعك للسماء كى تكون الارض مهدا للمجئ المترف المحفوف بالتاريخ والانسان والخلوة واوردة البلاء...
يانـــاذر
غنى وغنى ثم غنى..
صحح الاحساس ناحية (القرب) وظف القلب الاحتجاب لتاخذ الاحاسيس شكل الابتكار ويظل القلب وهج الانحناء... |
المنبر دا نخليو ليك ولا شنو !!!!
ما قلنا ما في داااااااعي تبكينا وتبكي الناس !!
العزيز جدا والزايغ طوالي ناجي الملك
| Quote: الف مبروك ومذيدا من النجاح |
الله يبارك فيك وعقبال ما نجاملك في عرسك عما قريب ..
الأخ محمد عثمان ..
| Quote: ناذر مبروك ، وده ما كسير تلج |
يا راجل إنت لسة ما قادر تفرز الكسير من الفجيخ
الله يبارك فيك وتسلم للحضور ..
ود الباوقة
| Quote: اخي ناذر .. مبروووووووووووووووووووووووووووووووووك وعقبال الدكترة .... |
وين إنتا ياخ !!!!
أنا والله وبفضل التشجيع اللقيتو منك بديت في مناقشة الدكتوراة في هذا المنبر
ونحن هسي في مرحلة السمنارات .. أمش فتش بوست التكتيكات
صنفرة :
يا أخوانا لو نسيت واحد أعفوا لي ...
وشكرا ليك جميعا ..
| |
|
|
|
|
|
|
|
|
|
Re: باركوا لي تخرجي من كلية الموسيقى (معهد الموسيقى والمسرح) !!!! (Re: ناذر محمد الخليفة)
|
الأخ ديامي
Quote: ألف ألف مبروك
البشوفك جايط البورد ده يقول انك متخرج قبل ناس عثمان مصطفى والموصلي ( لوووووووووول ) |
الله يبارك فيك ..
يا راجل الجايط البورد منو مالك داير تعمل لي مشاكل ساكت
الأخ تمبس ...
Quote: كدا يادوبك الواحد بيقدر يخليك تجي تغني في الصبحية بتاعتو بعدما يعرس..
|
يا راجل انا في الصبحيات بمدح بس ما بغني
ولو على الأمنية أقنع من هسي لإنو أنا أساسا حفلاتي كلها بتنتهي بي فرتكة
العزيز فرانكلي
Quote: الأخ ناذر ألف مبروك النجاحات
وربنا يوفقك لما يحب ويرضى
|
الله يبارك فيك وشكرا على الحضور ..
الأخ العزيز بوب ..
| Quote: نــــــاذر عقـــبال الكــبيرة |
الكبيرة يا تا قصدك الدكتوراة ولا العرس
الغالي أو الغالية سلامات ..
| Quote: الف الف الف الف مبروك ناذر |
الله يبارك فيك وانا أنتهز هذه الفرصة لأعتذر لك على حدتي معك المرة السابقة !!
وشكرا على التهنئة
زعيمنا وكبيرنا متولي الشريف
Quote: الاخ ناذر
الف مبروك النجاح |
الله يبارك فيك وتسلم كتير على التهنئة
الفنان القدير جدا عبد الخالق
Quote: فرحنا ليك شديد والله
مليون مبروووووووووك |
وربنا يقدرني على رد جميلك بتشريفني بالحضور هنا ..
الأخ أحمد العربي
Quote: الف مبروك ومزيد من النجاحات
ابقي حادب علي المواصله والتواصل |
الله يبارك فيك وستجدني إنشاءالله عاملا بالنصيحة
الإرهابي التكفيري جاد
| Quote: أين الشوكولا يا ولا لا تكون دمجتها مع حلاوة العيد |
والله أنا إنتهزت الفرصة وطلعت باقي الخبيز والحلاوة ووزعتهم
الأخ أحمد داؤود
Quote: الاخ ناذر
الف مبروك للتخرج
وعقبال الماجستير والدكتوراه .
لك منى كل الامنيات الطيبة
احمد داود |
الله يبارك فيك وشكرا على الأماني الطيبة
الدكتور الإنسان الفنان معز ..
Quote: ألف ألف مبروك
ومزيد من النجاح والتفوق..... |
الله يبارك فيك وتسلم كتير على الحضور ...
العزيز جدا مشتاق
Quote: العزيز ناذر
لاتجيد الحروف وصف فرحتي بتخرجك الف الف مبروك وعقبال الدكتوراه |
وجودك وحده هنا أبلغ من كل تعبيرات الحروف ..
شكرا للحضور ..
صنفرة :
ذكرتى إسم ملاسي بدلا عن أساسي !!!!
الله يبارك فيك يا أساسي وشكرا للمجاملة والحضور ..
| |
|
|
|
|
|
|
| |
ناذر محمد الخليفة
القلب النابض
فيصل نوبي
adil amin
Elmosley
Osman M Salih
دورنقاس
مهيرة
ghariba
othman mohmmadien
aosman
هاشم نوريت
WADKASSALA
saif massad ali
معتصم الطاهر
Naji A.Moniem
luai
معتز تروتسكى
عزيز
عاطف عمر
Kamel mohamad
عبدالماجد فرح يوسف
Emad Abdulla
osly2
عادل فضل المولى
hajhamad
Ahmed Mohammed Osman
محمد ابو القاسم
Mohamed Adam
تولوس
Khalid Osman Jaafar
ابراهيم بقال سراج
خدر
عبدالرحمن عزّاز
بكرى ابوبكر
Abureesh
nashaat elemam
wedzayneb
عاصم احمد محمد أبوحجل
محمدين محمد اسحق
altahir_2
الملك
tmbis
Frankly
bob
elsharief
عمر عبد الخالق سعيد
احمد العربي
JAD
Ahmed Daoud
Dr. Moiz Bakhiet
مشتاق
Yassir7anna
ADIL FAIT
عبد الله عقيد
فيس بوك
تويتر
انستقرام
يوتيوب
بنتيريست