|
|
 قلنا نقرش لينا عضم في اجتماع جدة قرشنا زيتون مخلل
|
انتابتني الرهبة لأول مرة وأنا أقابل أصدقاء لم التق بهم الا عبر الأسلاك
كنت أتوقع أن أحدهم سيكون فاتح خشمو زي البقرة
وآخر سمين زي تجتوج
وكان نفسي اشوف الزول الغير اسمو من رومانسي لأساسي دا
وقرشو القرش حلقنا دا
أها يازول وصلتهم ليك
اول واحد قابلني أساسي
قال رومانسي قال
رومانسي بتاع شنو ياخي
افتكرت ليك الولد وسيم ورومانسي لقيتو شاسي بتاع لوري عدييييييل كدا
والكضوم منفخات تقول أكل ليهو لقيمات في الكرنتية وجاء
لقينا الشرير وما معاهو أي برتكانة
الزول الزول عداها لينا ضحك ساكت
وكل مانقول ليهو العشاء وين يقول والله انا كلمت ليكم شيري
شيري وقعت فينا جبنة وشاي
والله الشاي الشربناهو في الإجتماع دا يبل ليهو حوض اسمنتي عديل
والله واحد عندو لحية طويلة خلاص
كان ما اتوضيت ماتقدر تسلم عليهو
روبنسون جانا بي ريحتوووووو
قال أوبن قال 00 كلما نقول ليهو العشاء وين يقول المزة بعد شوية
ذا رين كنت متوقعوا زول جهامة كدا وغزير كالمطر
لقيتو ليك تقول داقاهو مطرة
بس شال ليك قهوة شيري ولما ليك فينا
بالكباية الكبيرة بالله خلانا نشوف البحر طشاش طشاش
قرجة جانا بي قرجتو
لمست ليكم كتفو قلت يمكن الزول دا يكون شايل سكينو معاهو
غايتو الجعلي ماشاء الله طاقاهو رشاقة انشاء الله تكون عند خطيبتي
قال رشاقة قال
سنجاوي قال لي عندي حبوبتي في ابوحراز عاوز أسألك منها
قلت ليهو انا ناقص العندي ديل اوديهن وين
قرشو دا لمن تدخل عليهو في البورد تقول الزول دا يديك لكمة هسع
لكن وجدناه يحمل كل الظرافة
قعدت ليكم جمبو عديل كدا 00 كان لابس نظارات
بعدين قال المرة الجاية بشتري خروف لي ناس البورد
صلاح درار تشوف الصورة حقتو تقول الزول دا اول مايلاقيك يرتب فيك
لكنه انسان مرح ومضحك 00 وكل الزملاء ببورد جدة وجدتهم غاية في اللطف
أها الزول الزول طاقاهو جنس شفقة قال لازم ياجماعة تتعشوا
أها فتحنا خشمنا للمرارة والشية
مما شفت ليكم كويرات البلاستيك بدن يطاقشن بطني قعدت تكورك
زيتون هبطرش 00 معاهو مخلل 00 وجبنة وحلاوة طحنية
اها روبنسون كان رئيس اللمة دي
اتفضلوا ياجماعة
والله لحسنا الجبنة وقرشنا الزيتون 00 الرغيف الرخيص ماجابوه لينا
لكن شربنا بارد عشان نهضم بيهو الأكل دا
ومشينا البيت برضو مالقينا عشاء
غايتو الإجتماع الجايي لازم نتفق من بدري
الشغلانية فيها أم فتفت بنجيكم
وكان مافيها بنشتت ساكت
|
|
 
|
|
|
|
|
| العنوان |
الكاتب |
Date |
| قلنا نقرش لينا عضم في اجتماع جدة قرشنا زيتون مخلل | ابوحراز | 08-17-02, 09:23 AM |
| Re: قلنا نقرش لينا عضم في اجتماع جدة قرشنا زيتون مخلل | DEEK_ALJIN | 08-17-02, 09:37 AM |
| Re: قلنا نقرش لينا عضم في اجتماع جدة قرشنا زيتون مخلل | ابوحراز | 08-17-02, 09:40 AM |
 Re: قلنا نقرش لينا عضم في اجتماع جدة قرشنا زيتون مخلل | ebrahim_ali | 08-17-02, 09:40 AM |
| قلنا نقرش لينا عضم في اجتماع جدة قرشنا زيتون مخلل | garjah | 08-17-02, 10:36 AM |
| Re: قلنا نقرش لينا عضم في اجتماع جدة قرشنا زيتون مخلل | SalahDirar | 08-17-02, 10:39 AM |
| Re: قلنا نقرش لينا عضم في اجتماع جدة قرشنا زيتون مخلل | اساسي | 08-17-02, 10:48 AM |
| بورداب الامارات يا ابوحراز | abas | 08-17-02, 10:44 AM |
| Re: بورداب الامارات يا ابوحراز | manj | 08-17-02, 10:55 AM |
| Re: قلنا نقرش لينا عضم في اجتماع جدة قرشنا زيتون مخلل | البحيراوي | 08-17-02, 10:58 AM |
| Re: قلنا نقرش لينا عضم في اجتماع جدة قرشنا زيتون مخلل | اساسي | 08-17-02, 11:03 AM |
| Re: قلنا نقرش لينا عضم في اجتماع جدة قرشنا زيتون مخلل | THE RAIN | 08-17-02, 03:53 PM |
| Re: قلنا نقرش لينا عضم في اجتماع جدة قرشنا زيتون مخلل | الجعلي | 08-17-02, 03:54 PM |
| Re: قلنا نقرش لينا عضم في اجتماع جدة قرشنا زيتون مخلل | ابوحراز | 08-18-02, 06:27 AM |
 Re: قلنا نقرش لينا عضم في اجتماع جدة قرشنا زيتون مخلل | degna | 08-18-02, 06:47 AM |
| Re: قلنا نقرش لينا عضم في اجتماع جدة قرشنا زيتون مخلل | ابوحراز | 08-18-02, 07:05 AM |
| Re: قلنا نقرش لينا عضم في اجتماع جدة قرشنا زيتون مخلل | mohsin_alsla7aby | 09-02-02, 01:56 PM |
 Re: قلنا نقرش لينا عضم في اجتماع جدة قرشنا زيتون مخلل | almohndis | 06-18-03, 10:37 PM |
|
| |
ابوحراز
فيس بوك
تويتر
انستقرام
يوتيوب
بنتيريست