نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 الرحمابى – يا المشتهنك فى غيابك بالنا بيك ضُما انشغل
|
يا عبد الرحمن
الزول الإنسان
الزول الفنان
كيف الحال
كان ممكن أرسل ليك وأسأل عنك عبر رسالة خاصة، تمشى وتسافر وتصل ليك من بين دروب الحله الجوانيه، تلاقى فى دربها كل الناس الحنان، وكل زول يخت وصيته وأشواقه و"إشتهاويته" ليك
لكن فضلت أخت الرسالة هنا، فى لوح شرافة الأشواق المعلنة، لأنى متيقن ومتأكد إنه فى ناس كتار زى، فاض بيهن الحنين وفاض بيهن الشجن على قول صلاح أحمد إبراهيم ومحمد عثمان وردى، ولأنى عايز أدعم سيقان النداء بإنضمام الناس الأحباب كلهم، عشان تبقى أطول من بعد المسافات، وتصلك سريع
كلنا مشتهنك والله يا عبد الرحمن،
ومشتاقين للحروف الزينا وعديله
ومشتهين إشراق كلامك
لما يدفق فينا زى عبق الخميله
وفى إنتظارك
|
|
 
|
|
|
|
|
|
|
|
Re: الرحمابى – يا المشتهنك فى غيابك بالنا بيك ضُما انشغل (Re: THE RAIN)
|
الاخ المطر
والشوق لك اولا في البداية
ولك التحية
اما حرف المنبر النابض الرحمابي والذي اشقانا غيابه هذه المرة نتمي ان يكون مانعه من حضورنا خيرا ونتمني ان يبلغه مرسالك هذا سريعا فينفض ما به من كسل ويعاودنا اسرع من طائر صلاح احمد ابراهيم الذي ارسله فله عندنا جملة من الاشواق نتمني ان نستطيع تسليمه لها دون تاخير
ولكما الحب يا ناس يا راقية
| |
|
|
|
|
|
|
|
|
|
Re: الرحمابى – يا المشتهنك فى غيابك بالنا بيك ضُما انشغل (Re: اساسي)
|
أساسى
يا ود بقيت فنان والله
طيب ياخى ما تعلمنى الحاجات دى، والله عندى أغنيات عجيبة جدا، والعداد يكون "فيفتى فيفتى" بيناتنا وحأخلى ليك عشا الفنانين كله، غنت طبعا عارفنى ما عندى شغله "بالعضه"
Looooooooool x 2
جد والله يا اساسى حاجة حلوة خالص للود الغناى محمود
بعدين أوعى بس الخونة والمارقين ديا نحن نكون فى نصهم
وليك المعزة والود كله
أبوذر
| |
|
|
|
|
|
|
|
|
|
Re: الرحمابى – يا المشتهنك فى غيابك بالنا بيك ضُما انشغل (Re: THE RAIN)
|
العفيف الشفيف الكثيف الوريف الغزير المطر
أنا قريت البوست وجريت البيت وضربت التلفون وإتكلمت مع الولد رحمابي ولقيتو يابس منتظر هطولك وكلمتو قلت ليهو المطر صب وفتر المطر صب وفتر وفرح فرح شديد بي زخاتك وبشكرك شكر شديد وبعرضك البليلة والغنوة الجميلة وربما يتواصل معك قريباً جداً وصدقوني أيها الأحباب غياب الرحمابي بسبب بعض المشغوليات وبشكركم كلكم على السؤال
لكم تحياتي وودي وشكري
خال الرحمابي وحبيبو في آن واحد
| |
|
|
|
|
|
|
|
|
|
Re: الرحمابى – يا المشتهنك فى غيابك بالنا بيك ضُما انشغل (Re: ابو جهينة)
|
العزيز أبو جهينة
كيفك يا جلال يا كامل الجلال
شفت فقد الناس العزاز "ببهدلنا" كيف
عشان كده عليكم الله كان زول فيكم يغيب أو يطول مننا
تعرف يا جلال
إضافة لكمية الوهج القاعد نشيله منك دائما
الأيام دى بقيت أدخل محل ما انت موجود
عشان أفتح نفسى بى صورة البنيه الجنب إسمك دى
يا سلام يا جلال حاجة مبهجة والله، وبتذكرنى باقى روحى الخليتا هناك
شكرا ليك
أبوذر
| |
|
|
|
|
|
|
|
|
|
Re: الرحمابى – يا المشتهنك فى غيابك بالنا بيك ضُما انشغل (Re: مهاجر)
|
مهاجر العزيز
يسأل منك كل خير انشاء الله وكل جميل
كل الخلق والله مشتهية طلة الرحمابى الظليل
أسمع، طيب ياخى مش كان "تكورك" لى
تعرف، لو إتلفت ليك
أبقى ده أنا
ولو ما إتلفت
معناه ده ما أنا
كلامك صحيح والله يا مهاجر، فعلا ده أنا يانى ذاتى
شفت الخلقه معشكبه كيف
وتسلم يا زول يا أصيل
أبوذر
| |
|
|
|
|
|
|
|
|
|
Re: الرحمابى – يا المشتهنك فى غيابك بالنا بيك ضُما انشغل (Re: THE RAIN)
|
العنوان المختار للموضوع ده، هو إفتتاحية أغنية شهية جدا جدا للمبدع الفات مننا فى غفلة مننا، محمد كرم الله، صاحب الصوت الشجى العذب والأداء الأجمل والمتمكن، وأعتقد وغير متأكد انه الكلام للمبدع التانى شاعرنا المتفرد محمد سعيد دفع الله، بس ما متاكد تماما
المهم أنا اخترت العنوان ده فى تنصيب نداء الأشواق للعزيز الرحمابى، من دون كل المعانى التانية، لأنه أهلنا الشايقية ليهم القدح المعلا فى صياغة وموسقة الأشواق وتباريح البعاد، وهم الأوائل واصحاب التميز بدون منازع، عندهم كلمة مورقة دائما ونديانة ومعانى هى التعبير كله، فى بساطة مدهشة
طبعا فى ناس شايقية بالميلاد، وناس شايقية بالتجنس أو المصاهرة
أما أنا، فشايقى بالمحبة
أبوذر
| |
|
|
|
|
|
|
|
|
|
Re: الرحمابى – يا المشتهنك فى غيابك بالنا بيك ضُما انشغل (Re: THE RAIN)
|
اخ ابا ذر
اشكرك جدا على الترحيب وعلى العموم انا حا اكون ضيف خفيييييف
وتانى حاجة انا اسمى سامية قسم بس لما تقراها بالعربى من الانجليزى بتقراها سامية قاسم (غلوتيا مش كدة ) وعلى العموم ما عندى نية اصلح الخطاء ده لانها ما مشكلة كبيرة بالنسبه لى
اخيرا الرحمابى ود حلتنا وحقيقى انا افتقده كثيرا فى البورد
اكرر شكرى
| |
|
|
|
|
|
|
|
|
|
Re: الرحمابى – يا المشتهنك فى غيابك بالنا بيك ضُما انشغل (Re: THE RAIN)
|
4
صديقي المطر .. الخير الوفير
وهؤلاء .. الأصدقاء والصديقات .. كورودٍ تماهت في حديقتك الغناء .. تسأل عن غائبٍ في غيابه يحملكم جميعا بين ثنايا قلبه الذي ينبض بدفق محبتكم .. و ( مشتهيكم ) فرداً .. فرداً ، .. للغياب أجندة وجيوشاً تقف حارساً و ( قاطعاً ) في طريق العودة المبكرة .. أتمنى أن أعود قريباً لأتعلم منكم كل يومٍ شيئاً جديداً .. وهذه ( الخفزة ) والطلة تمت بمشقة ، والتي كان لابد منها لأشكركم جميعا ، ولنترك أبواب اللقياء مواربة دائما..
لكم جميعا محبة تنمو مع كل خفقه قلب ..
أخوكم / الرحمابي
| |
|
|
|
|
|
|
|
|
|
Re: الرحمابى – يا المشتهنك فى غيابك بالنا بيك ضُما انشغل (Re: AlRa7mabi)
|
الرحمابى
مبروك علينا شوفتك
ونسلم على اللحظة دى فى رأسها، اللمتنا بيك
"كيتن" على كل جحافل الغياب وجيوش المسافات والمشغوليات
والحمد لله ذهب الظمأ "قليلا" وإبتلت عروق الأشواق وثبتت المحبة
وبإسمك تانى أنحنى لكل الأحباب الوقفو معاى فى الطابور وقعدوا "يكوركو" معاى
والله مشتاقين، بعد ما طال علينا فراقكم والله ياغايبين، وبعد ما فقدنا خدود "النضمى" الزاهى البديع الشاربه من لون الشفق عند المغارب، وكنا مستنينها جنب باب المشارق
والحمد لله هلت علينا شمسك يا رحمابى
وبرضه مشتاقين
| |
|
|
|
|
|
|
|
|
|
Re: الرحمابى – يا المشتهنك فى غيابك بالنا بيك ضُما انشغل (Re: الجندرية)
|
أمانى العزيزة
سألت منك العافية انشاء الله والأيام الطيبة
أهو إنتى شايفة الحال طبعا، لا يسر عدو ولا صديق، والدنيا مكشرة وساحة المنبر مليانة بالحفر
ورغما عن كده، برضه نحن لسه مصرين على نشر التسامح والسماح والسماحة بين الناس، وجد والله ساعات كده الزول يا أمانى بحتقر نفسه لمن يعرف إنه هو موجود مع أشياء زى دى
لكن تظل مساحات الجمال أقوى وأكبر، والبقاء للأطيب والأجمل من الناس
وكل الذبد الفارغ ده حيذهب أكيد، ويبقى ما ينفع الناس
الحبيب الرحمابى، مؤكد انه آثر الغياب والإبتعاد، ونحن والله يا أمانى فايتنه بالصبر بس، وبالناس الأليفة الجميلة والأنيسه المعانا هنا
شكرا ليك على السؤال ودمتى طيبة وجميلة، وليك السلام والمودة والإحترام
| |
|
|
|
|
|
|
| |
THE RAIN
اساسي
Raja
بدرالدين شنا
عشة بت فاطنة
ابو جهينة
الجندرية
مهاجر
samia gasim
شتات
haneena
garjah
معتصم دفع الله
AlRa7mabi
فيس بوك
تويتر
انستقرام
يوتيوب
بنتيريست