كتب الكاتب الفاتح جبرا المتوفرة بمعرض الدوحة
|
|
 Re: الموبايل: ملاحظات عن التغيير الثقافي في السودان.. (Re: Kabar)
|
جعفر..حبابك يا صديق
كتر خيرك على المرور من هنا..
مثل هذه الملاحظات هي التي نحتاج رصدها و تثبيتها..و نحن نتحرك في حقل سيوسيولوجيا الثقافة حتى تكون نقاط تساعد الباحثين و الباحثات..و نحتاج جهد الجميع: ناس الإقتصاد ، السيكولوجيا ، السيكولوجيا الإجتماعية ، الثقافة ، السيوسيولوجيا ، الأخلاق ..الخ..
في سنة 2005 سافرت زوجتي و معها البنيات الى السودان..و حينما عادت اخذت تحدثني عن طرائف كنت اظنها مثل الحلم او الفيلم أو الخيال حتى.. فحكت لي عن الفرد الذي يجلس في مقدمة الحافلة و يتصل على اخر يجلس في نهاية الحافلة ويقول له ما تدفع يا فلان و انا دفعت ليك..!
و لأنها كانت تريد ان تتصل باسرتي في الأقاليم (هي من ناس العاصمة طبعا) كانت تبحث عن موبايل يوفر لها هذه الخدمة..و اشترت واحد (كان يسمى الطوبة)..وواجهت نقد من بنات و اولاد الأسرة..و منهم من يقول لها ..دي فضيحة تشيلي ليك موبايل زي ده قدام الناس (لاحظ مفهوم الفضيحة ذاتو تغير كيف؟!!)..و كانت اول سؤال واجهته و هي قادمة من كندا: موبايلك وين يا خالتو..!!!
طبعا هي زولة كانت متوقعة اسئلة من شكل اخر: شنو الممكن تساعدي بيهو في تحسين دخل الأسر؟..و هي كانت بتفكر تشتري كم مكنة خياطة لأخواتها..ولا عربية حافلة في خط مواصلات عام.. عشان الناس تشتغل و تعمل دخل و ترفع عليها شوية من حكاية المراسيل..و الفكرة دي جات لأنو لمن مرقنا من السودان كان عندنا ناس كتيرة (من الأسرتين) مشت الخليج..و كنا بنشوف الناس لمن ترجع..يعني بتجيب هدايا و بتدفع قروش..و دي حكاية كنا بنتخيل انها مدعاة للكسل.. لأن الأفضل ان تجمع المصاريف و يتعمل بيها مشروع صغير لتحسين الدخل بدل الصرف الإستهلاكي العابر..
فحينما وصلت اكتشفت ان الناس مفاهيمها اتغيرت خالص..و حست هي بالحرج..و قامت عملت تخريجة طريفة..و قالت لناس الأسرة: في كندا الزول العندو موبايل هو زول مشرد و ما عندو عنوان ثابت.. لأن اي زول في كندا لازم يكون عندك عنوان ثابت (بيت) و تلفون ثابت..عشان تعرف تقضي امورك..
في الدلنج..كانت تحدثني عن خدمة التاكسي التي تشبه خدمة كندا..و هي عسكا لخدمات التاكسي في مدن السودان مثل الخرطوم ، مدني ، الأبيض ، كوستى.. لازم تضرب تلفون لسائق التاكسي عشان يجيك و يوصلك..طبعا في الخرطوم مثلا..بتقيف في الشارع و اول تاكسي عابر بتأشر ليهو و بيقوم يقيف ليك..
اهلي رعاوية بقر في غرب كردفان..و مرة اتصلت على الفريق..و اسال عن اخبار الناس..اها قريبي اسمو جبارة.. سالت وين جبارة.. الجماعة قالوا لي جبارة الليلة سارح مع البقر لكن ياهو رقم الموبايل بتاعو و ممكن تتصل عليهو..و فعلا اتصلت..و الراجل كان في الفلاة مع البقر..
مثل هذه الظواهر و غيرها كثر هي التي جعلتني افكر باستمرار عن اثر الموبايل في حياة الناس هناك..و مؤكد من كل انحاء السودان هناك طرائف يمكن أن تجمع و من خلالها يتم تبيان ملامح الثقافة التي بدأت تتشكل..
بالطبع التحليل لازال في بداياته..و هناك ارتباطات كبيرة محتاجة التوضيح.. يعني ابسط حاجة الموبايل تكنلوجيا..و التكنولوجيا ابسط حاجة (في التعامل معها و بها) يحتاج الى تعليم على الأقل مستوى محو الأمية..و هناك البعض معنا هنا في الغربة لا يستطيع ان يتصور ان في السودان توسع في التعليم العالي و اصبحت في السودان جامعات كثيرة..و بالنسبة لنا (فيما يختص بالتحليل هنا) مثل هذه الجامعات هي رصيد الإستهلاك المحتمل لخدمات الإتصال..
في الغرب (نورث امريكا مثلا)..الحاجات بتكون ماشة بالترتيب..تلفون..تلفزيون ..فيديو..العاب فيديو..ميديا ضخمة..لغاية الأسمارت فون ..ووصل الأمر ان الفرد يمكن ان يكون شايل ليهو موبايل..و ممكن يتصل على النت.. على حسابك في البنك.. ايداع في الحساب.. تحويل لحساب اخر..فالموبايل جمع الوسائل التقليدية السابقة (تلفون ، تلفزيون ، فيديو ، جريدة..الخ) في جهاز صغير يمكن ان تحمله في جيبك..و كلها امور يعتقد فيها تسهيل حياة الفرد..اما في السودان فحدث الإختزال للمسافات و المحطات.. شخص لم يسمع بالتلفزيون في طيلة حياته..و لكن يملك موبايل..
نواصل..
كبر
|
|
 
|
|
|
|
|
| العنوان |
الكاتب |
Date |
| الموبايل: ملاحظات عن التغيير الثقافي في السودان.. | Kabar | 05-27-12, 05:50 AM |
| Re: الموبايل: ملاحظات عن التغيير الثقافي في السودان.. | Kabar | 05-27-12, 05:52 AM |
| Re: الموبايل: ملاحظات عن التغيير الثقافي في السودان.. | الطيب شيقوق | 05-27-12, 07:58 AM |
| Re: الموبايل: ملاحظات عن التغيير الثقافي في السودان.. | Kabar | 05-27-12, 08:27 PM |
| Re: الموبايل: ملاحظات عن التغيير الثقافي في السودان.. | Kabar | 05-27-12, 08:32 PM |
| Re: الموبايل: ملاحظات عن التغيير الثقافي في السودان.. | رشا احمد | 05-27-12, 08:47 PM |
| Re: الموبايل: ملاحظات عن التغيير الثقافي في السودان.. | Kabar | 05-28-12, 06:23 AM |
| Re: الموبايل: ملاحظات عن التغيير الثقافي في السودان.. | Kabar | 05-28-12, 06:47 AM |
| Re: الموبايل: ملاحظات عن التغيير الثقافي في السودان.. | محمد قرشي عباس | 05-28-12, 03:33 PM |
| Re: الموبايل: ملاحظات عن التغيير الثقافي في السودان.. | Kabar | 05-29-12, 02:58 AM |
| Re: الموبايل: ملاحظات عن التغيير الثقافي في السودان.. | Kabar | 05-29-12, 03:00 AM |
| Re: الموبايل: ملاحظات عن التغيير الثقافي في السودان.. | قرشى محمد عبدون | 05-29-12, 02:50 PM |
| Re: الموبايل: ملاحظات عن التغيير الثقافي في السودان.. | Kabar | 05-30-12, 03:55 AM |
| Re: الموبايل: ملاحظات عن التغيير الثقافي في السودان.. | Kabar | 05-30-12, 04:02 AM |
| Re: الموبايل: ملاحظات عن التغيير الثقافي في السودان.. | Kabar | 05-30-12, 04:05 AM |
| Re: الموبايل: ملاحظات عن التغيير الثقافي في السودان.. | Kabar | 05-30-12, 04:11 AM |
| Re: الموبايل: ملاحظات عن التغيير الثقافي في السودان.. | Abutalib Elgorashi | 05-30-12, 09:15 AM |
| Re: الموبايل: ملاحظات عن التغيير الثقافي في السودان.. | jafar hashim | 05-30-12, 12:26 PM |
| Re: الموبايل: ملاحظات عن التغيير الثقافي في السودان.. | Kabar | 05-30-12, 07:24 PM |
| Re: الموبايل: ملاحظات عن التغيير الثقافي في السودان.. | Kabar | 05-30-12, 07:33 PM |
| Re: الموبايل: ملاحظات عن التغيير الثقافي في السودان.. | Kabar | 05-30-12, 07:40 PM |
| Re: الموبايل: ملاحظات عن التغيير الثقافي في السودان.. | Kabar | 06-01-12, 09:27 PM |
| Re: الموبايل: ملاحظات عن التغيير الثقافي في السودان.. | Kabar | 06-01-12, 09:29 PM |
| Re: الموبايل: ملاحظات عن التغيير الثقافي في السودان.. | Kabar | 06-01-12, 09:36 PM |
| Re: الموبايل: ملاحظات عن التغيير الثقافي في السودان.. | Kabar | 06-01-12, 09:45 PM |
| Re: الموبايل: ملاحظات عن التغيير الثقافي في السودان.. | عباس محمود | 06-01-12, 10:16 PM |
| Re: الموبايل: ملاحظات عن التغيير الثقافي في السودان.. | Kabar | 06-02-12, 03:05 AM |
| Re: الموبايل: ملاحظات عن التغيير الثقافي في السودان.. | Kabar | 06-02-12, 03:09 AM |
| Re: الموبايل: ملاحظات عن التغيير الثقافي في السودان.. | Kabar | 06-02-12, 03:12 AM |
| Re: الموبايل: ملاحظات عن التغيير الثقافي في السودان.. | حسن محمود | 06-21-12, 08:21 AM |
|
| |
Kabar
فيس بوك
تويتر
انستقرام
يوتيوب
بنتيريست