البريك التاني..و شكلها البريكات ح تكون دايرة ليها اركيولوجيا خاصة.. نوستالجيا عجيبة ياخي.. هدية لصديقات و اصدقاء الزمن السمح..
بقدر ما شكل هذا العمل جزء كبير من وجداني..ولازال ..و لكن ادهشتني فيه خصلة عجيبة ( اكيد ناس الفاتح بتكون واقعة ليهم)..و اسميها بيني و بين نفسي (و سبأ كمان) : مناطق الركوز..! اجتمعت فيهو قمم ندر تجتمع: السر محمد قدور (كلمات) العاقب محمد حسن ( تلحين).. محمد ميرغني ( اداء و غناء)..
و دمتم جميعا خلانا للوفا.. سمارا للصفا* (و برضك ، و كالعادة تحية لمذيعة ودي مدني الشفيفة الشــّـفه ، نفسي القي لي واحد ولا واحدة متذكرينها متلي..!!!)
كبر ـــــــــــــــــــــ
* في التاريخ القديم ظهرت مجموعة فلسفية ، في محيط الفكر و الثقافة العربية الإسلامية ، و كانت تبث رؤيتها تجاه الكون و الأشياء عبر رسائل.. عرفت فيما بعد برسائل اخوان الصفا..و كل رسالة تبدأ بعبارة ( خلان الصفا) ، وفي ثمانينات القرن المنصرم ، كنت من المداومين على سماع اذاعة ودي مدني ( الوكت داك لم يغشانا داء جلابة و بطيخ و الجنوب كان معانا و كده..) ، خصوصا حينما اكون متواجدا في مدينة الدلنج..و من ضمن المواد استمتع كثيرا ببرنامج تقدمه المذيعة الشفة (غايتو لغاية السنة الفاتتة متذكر اسمها كامل ، لكن نسوي شنو مع عييك و عيك ياخي دي تنسيك اسمك ذاتو..!!).. الشفة كانت تأسرني فيها بحة صوتها و كلماتها الأنيقة..التحية لها اينما كانت و كيفما كانت..و ياناس مدني ياخي عليكم فتاح السقيد تجيبو لي اسمها الكامل..!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة