|
Re: رمضـان في سسكتشوان:الآبـريه ولون زينب (Re: Kabar)
|
صــديقتي هالة..حبــابك كتر خيرك.. طبعا قصة اللغة العربية دي مرت بي..كنت في الصيف الماضي اعمل في مكتب محاماة حكومي..شفتي الروقة كيف..يعني الحكومة هي المسئولة من توفير خدمات المحاماة لذوي الحاجة..المهم يازولة..اول حاجة بديت بيها حولت بعض الدوريات والمراجع لمكتبي..لأن القصة قايمة على مبدأ تاكلك نارك..قمت بترتيب الكتب بالتسلسل من اليمين للشمال..طبعا موضوع عادي..وبعد يومين زارني الboss لمناقشة قضية خارج المدينة..فجأة سالني..منو الرص المراجع ديل..فقلت انا..وحاولت بسرعة افهم شنو الماظبوط..لكن..ما فهمت..فشرح لي ان الرصة دي مقلوبة..المهم وقعت لي القصة..والراجل كان حكيم..فسالني عن اللغة وشرحت ليهو الحاصل..وفهم الموقف..لكن بقيت انا ولغتي العربية نكتة الصيف.. اما راندي الاسكوتش..علق قائلا..these guys are rightists more than the right..ودهـ كلو بسبب الكتابة من اليمين للشمال.. اما مسألة الحجاب والزي القومي..فيها ماسي ومفارقات..يعني هناك بعض المسلمات اشترط عليهن المخدمين نزع الحجاب..لكن كتر خير جماعات الضغط التي دافعت عنهن واكدت مسالة التعددية الثقافية..multiculturalism.. والمدام ليها طرايف مع التوب السوداني..خصوصا في الصيف..يعني عادي جدا البنات يوقفوها نص الحديقة عشان تديهم شدة في التوب..غايتو انا اقترحت عليها..تعمل زي العجلاتية في السودان وتؤجر توبها بالساعة.. الحكاوي كتيرة وطريفة.. ولو جنبك شريط لعقدالجلاد اسمعي لي معاك اغنيتهم التي يقول مطلعها.. الغربة انشاءاللـه تعقري.. يا تعدمي الشيك الخضري واللـه شلتي العيال من بدري..
وكتر خير ناس عقد الجلاد ..هم اكتر الناس البيدروا بحالنا.. ودمتي يازولة كل سنة وانتي بخير كبر
|
|
|
|
|
|
|
العنوان |
الكاتب |
Date |
رمضـان في سسكتشوان:الآبـريه ولون زينب | Kabar | 11-02-03, 08:43 PM |
Re: رمضـان في سسكتشوان:الآبـريه ولون زينب | almulaomar | 11-06-03, 01:22 PM |
Re: رمضـان في سسكتشوان:الآبـريه ولون زينب | Alsawi | 11-06-03, 01:56 PM |
Re: رمضـان في سسكتشوان:الآبـريه ولون زينب | Kabar | 11-06-03, 07:28 PM |
Re: رمضـان في سسكتشوان:الآبـريه ولون زينب | hala guta | 11-06-03, 08:22 PM |
Re: رمضـان في سسكتشوان:الآبـريه ولون زينب | Kabar | 11-06-03, 10:23 PM |
Re: رمضـان في سسكتشوان:الآبـريه ولون زينب | Alsawi | 11-07-03, 01:34 PM |
Re: رمضـان في سسكتشوان:الآبـريه ولون زينب | Kabar | 11-08-03, 08:14 PM |
Re: رمضـان في سسكتشوان:الآبـريه ولون زينب | omdurmani | 11-07-03, 09:52 PM |
Re: رمضـان في سسكتشوان:الآبـريه ولون زينب | Kabar | 11-08-03, 08:27 PM |
Re: رمضـان في سسكتشوان:الآبـريه ولون زينب | Kabar | 11-14-03, 08:09 AM |
|
|
|