|
|
|
 Re: نان نان .. هسي انا جيت ؟ (Re: وجن)
|
اووووووووووه وجن
هسي كان ما خايفة من ود البشرى كان كتبت ليك بورداب الزمن الجميل
لوووووووووووووووول
مشتاقين والله
وما بخليك تنتظري كتير
ويوصل سلامك لناس البيت
بقو رجال كباااااااااااار يا حليلي
| |
 
|
|
|
|
|
|
|
|
Re: نان نان .. هسي انا جيت ؟ (Re: ود محجوب)
|
ود محجوب
ازيك يا ود ابواتنا
البركة ما فاتتكم شبر والله
اها يعلم الله ويشهد طريتك قبل ليلة من رجعتي للمنبر
التلفون جاب مدحة طاف بام قلة نظر بالعين
قلت ربي يفتح عليك محل ماك قاعد النعمنك مرة اكرمتني واهديتني ليها
يكرمك رب العالمين بصحبة المصطفى
سلامي للمعاك
| |
|
|
|
|
|
|
|
|
 Re: نان نان .. هسي انا جيت ؟ (Re: Siham Elmugammar)
|
أماني ؟؟
دا شنـو دا ؟؟
رمضان كريم يا ست الكـل .. وتصومي وتفطري على الف خير ..
إنت شغاله في شركة الاتصالات السعودية حقت اليمن 
ياخ مية الف مرة اتصلت عليك .. ومية الف مرة واحشنا صوتك .. ومية الف مرة التلفونات مقفله .. ومية الف مرة عملنا ليك استدعاء ..
يا حليلنا نحن البقفلو مننا التلفونات
..
| |
|
|
|
|
|
|
|
|
 Re: نان نان .. هسي انا جيت ؟ (Re: tmbis)
|
الله اكرم يا علاء
جمعا نصوم طيبين يا رب العالمين
اتصالات شنو ياخ ؟
باين عليك انت من زمن التلفون الاتلفح من مكتب نائب رئيس الجامعة شخصياً
اها بعدها سافرت السودان
وسعيت لي واحد هناك ويشهد الله رسلت ليك منو وانا منجعصة في البص السياحي اتفرج في البعيو كان ما اخاف الكضب ولا محمود عبد العزيز هو ؟
قااااعدة جابولنا العصير والبسكويت قمت رفعت ستارة الشباك وداهمني منظر الكرو اللييل شارع مدني الخرتوم وعجبني الخريف الناجح قمت خطرت لي ورسلت ليك.
ما جاني منك رد
ورجعنا اليمن تااااااااني وتلفوني شغال تش
كل يوم بتجيني رسالة من جمعية الاصلاح عشان اتبرع ليهم بميةريال تقول لي مقفول ؟
| |
|
|
|
|
|
|
|
|
|
Re: نان نان .. هسي انا جيت ؟ (Re: الجندرية)
|
الجندريَّة أماني..
سلامات ورمضان كريم...
مشيتي خليتي البنات براهِن، بقّن يلبسّن علي كيفِن في البناطلين، أحرجننا مع أخوتنا المستسلمين، وشالّن حِسنا بين العالمين..
___
حمداً لله على السلامة..
| |
|
|
|
|
|
|
|
|
|
Re: نان نان .. هسي انا جيت ؟ (Re: Yassir Tayfour)
|
الله اكرم يا ياسر
يابا البنات بخيتات بالله
ما كفاهن اماتن القايمات بدور شرطي الاخلاق احسن القيام لمن جوهن اخوانك المستسلمين ؟
انت معسول من الخير اخوانك ديل زاتهم ما شيخهم قال مافي حجاب ولا زي اسلامي ولا يحزنون
ورجعوا كلهم تاااااني لما قاله الشيخ الاكبر انه عورة المرأة كعورة الرجل والشئ كلو اجتماعي ؟
شفت بنطلون لبنى القوم الدنيا وما قعدها دا كل يوم اهلك اليمنين بنبذوا ليهم بنية بنيتن عشان ما لابساتنو... وين السروال قدت راسنا. دا براهو مش بأكد انه القصة اجتماعية ؟
اها اهلنا السودانيين لخصوها لينا زماااااان وقالوا اكل عجبك والبس عجب الناس
وعجب الناس ما بدور نظام عام ولا امن مجتمع الا ربك يكفينا شر التسلط
زمان لمن كتبت الدراسة ديك عن غطاء الرأس ودلالاتو كنت حاسة بجوب تكملتها بكلام عن باقي الزي
ربك يمد في العمر ويدي الصبر على الكتابة ونسويها
| |
|
|
|
|
|
|
|
|
|
Re: نان نان .. هسي انا جيت ؟ (Re: Giwey)
|
قوي العريس
ترحب بيك الايام الطيبة ان شاء الله
الله اكرم يا ابوي تصوموا وتفطروا طيبين
شفت بورداب الزمن الجميل دي احتمال تجيب لينا الكلام مش؟
لكن هسي انا بلقى ليك منو مخارجة ، ود البشرى والغنامية خلاس قدرت على عشاهو
لوووول
| |
|
|
|
|
|
|
|
|
 Re: نان نان .. هسي انا جيت ؟ (Re: توما)
|
وييييييييين يا عمتكـ
أخباركـ وحمد لله على السلامة
رمضان كريم تصومي وتفطري على خير
باللاي مختفية وين كــدا
كلو من المبدعين!
بمناسبة المبدعين دي
ود البشرى دا خلاس قصتو جاطت
والغنماية تاكل بوستاتو!
| |
|
|
|
|
|
|
|
|
|
Re: العفو والعافية سمح ؟ (Re: محمد عبد الماجد الصايم)
|
قااااااعدة يا عمك
الله يسلمك والله اكرم
لا لا ما من المبدعين من شدهات الدنيا الكتيرة واحياناً من الظار
لكن جيت كم مرة بعد المبدعين ديل
تحديداً ايام مؤتمر الاعلاميين
وشفنا صورك وصلينا على النبي من شطارة خياطين البدل الليلين السعودية
وقلنا قادرة الله قالو لبس البوصة تبقى عروسة لكن لبس شنو كدي ما بعرفو يبقى اعلامي دي اول مرة نشوفها
لكن العلم اتطور والخياطة زاتها علم يا ود امي
وقدر ما فتشت عليك انت ذات نفسك عشان ابارك ليك البدلة الجديدة ما لميت فيك
لمن دخلتني عليك الشفقة وقلت النعل الجنمبري الرئاسي ما فتح فوقك بطن
لوووووووووووووووول
النبي تعفى لي
وتديها دفرة بي وشك الاخدر
ود البشرى سعيد في عضمو البقت الغنامية تاكل عشاهو
الله يجعلنا من الناس الامرهم هين يارب بركة رمضان دا
| |
|
|
|
|
|
|
|
|
 Re: نان نان .. هسي انا جيت ؟ (Re: توما)
|
الجندرية كيف اخبارك واحوالك؟
والحمدلله الشفناك طيبة، ومبارك عليك الشهر وتصومي وتفطري على خير
انتو بتفطروا كم ساعة اصلو؟ ما قلتي بس تسوي الفطور وبتجي تكلمي لينا الفصة، ونحن وحاتك لي الليلة منتظرين سحور زي الناس ما تسحرنا :)
| |
|
|
|
|
|
|
|
|
|
Re: نان نان .. هسي انا جيت ؟ (Re: Yassir7anna)
|
اهلين يا ياسر
تحمدو حاج ان شاءالله ، وجمعا نصوم ونفطر طيبين يارب
عاين يا ود امي انت رمضانك بخش طوالي في النظر ولا القصة كيف؟
يابا الكلام دا انا كتبتو الصباح وانت في نفس الصباح كتبت ردك
علا النكلمك اختك ما يدها واحدة وتقيلة اجارك النبي
وشغلانية الفطور دي كان ما بدت فيها من الساعة عشرة قصتها بتبوظ
النعمني ما مغتربة في السودان اقوووووول كدي اجيب بتاع الفطائر يسوي لي كل فطائر الشهر الكريم
لف السنبوسة قصا ضهري
غايتو محنن عند ناس السودان بقت تدي ربك العجب
النبي عليك تقول ربي يفتحهاعلي
اها بعد الفطور بتجيني الغيبوبة ما بفتح منها تاني الا الساعة واحدة صباحاً اجارك محمد لا تراويح لا غيرو نصحى نلقى يا ابونا في الجهاز يا كهربتنا قاطعة
غايتو ربك يتوب علينا بس
| |
|
|
|
|
|
|
|
|
|
Re: نان نان .. هسي انا جيت ؟ (Re: توما)
|
توما شخصياً؟
زي مليح يا امي بي شوفتك هنا تاني
فرحة والله لينا زمن عينتهايفرحك ربي بوليدك ويجبرك بيهو يارب
اها وعلى قول حسن الجزولي زي ما تجي تجي
وبورداب الزمن الجميل اصلو ود البشرى قالو بقت ما منو مخافة
| |
|
|
|
|
|
|
|
|
|
Re: نان نان .. هسي انا جيت ؟ (Re: الجندرية)
|
حليلك إنتي وحليل زمنك
والله يا أماني
،
قاطعة الخبر،
لا جلاّبة يجيبو اخبارك لا عابرين أدونا أكيده
،
وتلفوناتك مبكمّّة ربنا يفتح عليها بي بِغِم..
،
وحياة الخوة مشتاقين واي شي..
رمضانك كريم
،
| |
|
|
|
|
|
|
|
|
|
Re: نان نان .. هسي انا جيت ؟ (Re: بدري الياس)
|
Quote: محبتي الما بتغباكن
ورمضان كريم عليكن |
الجندرية الخوف العليك شنو ؟؟
مادايرين اى واو هنا والماعاجبو يشرب من المالح
بس مع رمضان تظهرى ؟؟؟ ياحليلك من زمن الابرى الفطير انا راجياك..
جيدن جيتى يابت امى
| |
|
|
|
|
|
|
|
|
|
Re: نان نان .. هسي انا جيت ؟ (Re: Amira Elsheikh)
|
اماني عبدالجليل بت عمي
سلامات و رمضان كريم, و الله نورتي المنبر من العك و اللت و العجن و المشاحنات ووو
طبعا نان نان دي ذكرتيني ود عمك امين عبدالله لطفي
طبعا هو مشهور بكلمة نان يعني كل نان وراها نان و قدامها نان
المهم واحد من الاخوان قال ليهو بالله يا امين تاني ما تقول نان
رد نان اقول شنو؟
محبتي لك و للاولاد و بعلك
لطفي
| |
|
|
|
|
|
|
|
|
|
Re: نان نان .. هسي انا جيت ؟ (Re: لطفي علي لطفي)
|
حبابك عشرة يا لطفي
يا حليل ايام ناس عمي عبد الله واولادو وبنياتو وخالتي زينب وحليل الحبان كلهم
ربي يشمل الحيين والميتين بي رحمتو
غايتو البركة في شوفة شباك عبد الله ونفيسة علي السنة دي
لي منهن اكتر من عشرين سنة تصدق؟
ربنا يجمع شملنا جميعاً في ساعة خير
| |
|
|
|
|
|
|
|
|
|
Re: نان نان .. هسي انا جيت ؟ (Re: محمد البشرى الخضر)
|
| Quote: هسي كان ما خايفة من ود البشرى كان كتبت ليك بورداب الزمن الجميل |
يازولة أنا حا أقولا وزي ماتجي .. تجي!
وود البشرى حا يعفي ليا.. وأقول ليهو ..
ما برضو إنت واحد منهم ..
ورمضانكم كريم الاتنين..
فعلاً كنا منتظرين جيتك للحكي المقعد..
تحياتنا لتراث والعيال
| |
|
|
|
|
|
|
|
|
|
Re: نان نان .. هسي انا جيت ؟ (Re: Amira Elsheikh)
|
اميرة خيار الناس
يا بت امي قالو من شب علي شئ
من يومي خوافة وبعد ما شبت ما اظن في طريقة عدل لي دي الحالة
نسوي شنو دي قسمتنا كدي
لكن يا ابت امي كمان بلا واو الجماعة دي ما بنبقى ربي يديم المودة على الجميع
الكلام دا ناس الموجة التانية من الحركة النسوية قالن نخليه هسي شوفي في كم موجة في الحركة النسوية ذات نفسها وكم ما بعد النسوية ؟
ربك يجعلها زلال للجميع
قلت من الابري الفطير داك
اها السنة دي افطر من حق الاولى وكان كما بلحقو بعرق عرديب في جردل البل كان الشناف حماني القعدة في البيت
لووووووووووووووول
| |
|
|
|
|
|
|
|
|
|
Re: نان نان .. هسي انا جيت ؟ (Re: بدري الياس)
|
اها وحاة الخوة يا بدري
الشوق دا حيرفع علي قضية رسمي
يعلم الله لو بعرفلو بلدن اخر الا يطلب لجوء
اخباري احمد ربي في نعمو
وتلفوناتنا اتصلحت الله يدينا الرصيد البناغم بيهو الحبان
انت كيفنك يابا؟
| |
|
|
|
|
|
|
|
|
|
Re: نان نان .. هسي انا جيت ؟ (Re: بت قضيم)
|
بت قضيم
يا حليلك والله
عقابي ديل ابكر واهل العوض والرحمابي ؟
والله مشتهياهن جنس شهوى ربنا يلمنا بيهن في واقع افتراضي
الواقع الجد جد دا الملاقاة فيهو صعبتن
شايفة في عقاب ظهر ناس شنا وتماضر والخواض ووجن وتوما وايييييك
ربنا يزيد ويبارك
بركة الشفناك طيبة يمة
| |
|
|
|
|
|
|
|
|
|
Re: نان نان .. هسي انا جيت ؟ (Re: mohmmed said ahmed)
|
محمد سيد
مشتاقين الشوية دي
اها السنة دي الشوق ستفناهو معانا في الشنط وجينا فكينا تاني في صنعا
دي حالة دي ؟
لكن قصة الزمن الجميل معاك دي زي كأنك كدا مباريك قط اسامة الخواض
وين الزول دا ؟ يا حليلو ويا حليل الاصحاب كلهن ياخ
| |
|
|
|
|
|
|
|
|
|
Re: نان نان .. هسي انا جيت ؟ (Re: khalid abuahmed)
|
Quote: بالله النون دي مرة اقروها باعتبارها واو جماعة زي ما بتجي في العامية السودانية
ومرة اقروها نون نسوة سمح |
اماااااااااااااااااااااااااني دي صرخة وينك
منورة يا ست الكل وبلا الحوش اصبح خلا
والله مشتاقوووووووووون كميات
وسمعا وطاعة ما النون المعذب خلق الله
كلما مرة نرميها ليك بلد كان العالم دي ترتاح
تسلمي وسلام للكل يا ست الكل
| |
|
|
|
|
|
|
|
|
|
Re: نان نان .. هسي انا جيت ؟ (Re: رأفت ميلاد)
|
الجندرية...الجندرية...لامن نططت عينيها وانخلعت...وجاتني راجعة...
آآآي انا اماني عبدالجليل...انت منو؟
والعجب تراث...يا أخوانا دا زول لذيذ لذة مبالغة...
غايتو وقت ابيتو تمشوا معاي...
وابيتو تلاقوني يوم الجمعة...
براي بركب حمارتي واجيكم في اليمن...ان شاء الله
خواتيم مباركة...وربي يسعدكم...يا تراث والجندرية
| |
|
|
|
|
|
|
|
|
|
Re: نان نان .. هسي انا جيت ؟ (Re: nazar hussien)
|
عاد يادفعة الما بخلعني شنو ؟
قت الجماعة ديل افشوني على قول عادل امام
باقي كانوا زارني في الضرائب والزكاة
ما عافية ليهن قريشاتي يا يمة
نزار دا يا اهلنا لاقني في المغتربين
مش محل كان كورك ليك فيه بتنخلع ؟
بعدين يا ود امي الجمعة دي كانت
اعجب من جمعة في شمبات
مع فارق الحالة
قيلنا في المقرن لانو التاكسي الجايبنا من المينا البري قطع بنزين
والوقت صلاة جمعة
وديك يا الوقفة لمن عصرت
غايتو خاترك سواها فينا
النبي هسي تدينا خاترك
واليمن تتشرف بي حمارك والله
انت بس الكزو وقول عرت فسراع
تراث ولذاذتو ما بنجيب سيرتها
هسي يقولو المرة الخرفانة دي كمان تتغزل في راجلها خرفها انخلت بي هبل ولا شنو ؟
قرقرقر
السلام والمعايدة لي امونة والعقاب
| |
|
|
|
|
|
|
|
|
|
Re: نان نان .. هسي انا جيت ؟ (Re: عشة بت فاطنة)
|
هي نان ياعشة يا بت امي
اجي بي ويييييين مع شغلة العيد
غايتو اعذارنا كترت ومسخت
لكن وحاتك انت دي
شااااااايفة بوستاتتك المنورة الساحة وزايداها سماحة
ونفسي القى لي فاقة كدي وادخل يدي لي كوعها ما ضواقة ساكت
بس ربك يسهل
كل سنة وانت طيبة يا الحِبيبة ووليداتك وابوهن وكل حبانك بالف خير
| |
|
|
|
|
|
|
|
|
|
Re: نان نان .. هسي انا جيت ؟ (Re: مريم بنت الحسين)
|
الديم تمام يا مريومة
بس فاقد لمة الحبان
تقعدي تعدي في الحيشان الفاضية قلبك يوجعك بس
وفيه سماحة خريف تعرفي لحدي ما كل زول / ة سعى ليه / ها ملود في البيت
يحشو القش من الحيشان عشان ما تلم المصايب
خريف زمن طويل ما شفنا زيو
ربنا يعدل بيه الحال يارب
قتي لي الكنافة كيف ؟
انا قاااااشرة بي ام علي حقت علوية بت خالتي ام روبة
لووووووووول
| |
|
|
|
|
|
|
|
|
|
Re: نان نان .. هسي انا جيت ؟ (Re: JAD)
|
الاستاذه/أمني
كل سنه وأنتي طيب
وعيدكم مبارك
تحياتي وأشواقي للاخ /أسامه عبدالجليل(زميل دراسه برفاعه)
ولجميع أهلنا الطيبين برفاعه وخاصة ناس ديم لطفي
| |
|
|
|
|
|
|
|
|
|
Re: نان نان .. هسي انا جيت ؟ (Re: عبدالرحيم أبراهيم العبيد)
|
Quote: قيلنا في المقرن لانو التاكسي الجايبنا من المينا البري قطع بنزين
والوقت صلاة جمعة
وديك يا الوقفة لمن عصرت
غايتو خاترك سواها فينا
النبي هسي تدينا خاترك
واليمن تتشرف بي حمارك والله
انت بس الكزو وقول عرت فسراع
تراث ولذاذتو ما بنجيب سيرتها
هسي يقولو المرة الخرفانة دي كمان تتغزل في راجلها خرفها انخلت بي هبل ولا شنو ؟
قرقرقر
السلام والمعايدة لي امونة والعقاب |
سلامك ومعايدتك لأمونة والعقاب وصلت هسي...وكل سنة وانت وصاحبي تراث والاولاد بخير..
وأديتكم خاتري..بي خاترا طيب...بس ما قلت ليك ...انو لما رجعت البيت لقيت
ناس نجوم الغد في بيتنا...وحالف علا انزل الحفلة دي هنا غنية غنية...بس
افرغها من الكاميرا...غنينا حتي بواكير الصباح...شباب غنايين غنا...
والعجب معاهم بنت...موبالغة..وبقوا اصحابي كلهم...وعملت ليهم فيها
بابكر حنينهم...ونسة وغنا وضحك...يعلم الله صغروني تلاتين سنة حتة واحدة..
اتغزلي في تراث ما شاء لك الغزل يا جندرية...وبلغيه كلماتي...
فهو رجل يدخل قلب الرجال...الصناديد...وبشوشا بشاشة تلغي...
حواجز جبال...له مني كل تحية....لكن والله كان تمشوا معاي بي
خاتري الاديتكم ليه فوق دا...ولا زلت اعاتب نفسي الما اتعابطت عليكم
لكن الغربة المفلهمة دي نسوي ليها شنو؟ بتقتل فيك روح العباطة
والاندراعة...في الناس...لكن اعفو لي...يا دفعة...
وان شاء الله نتلاقي في ساعة خير
| |
|
|
|
|
|
|
|
|
|
Re: نان نان .. هسي انا جيت ؟ (Re: nazar hussien)
|
الجندرية كتبت
Quote: الديم تمام يا مريومة
بس فاقد لمة الحبان
تقعدي تعدي في الحيشان الفاضية قلبك يوجعك بس
وفيه سماحة خريف تعرفي لحدي ما كل زول / ة سعى ليه / ها ملود في البيت
يحشو القش من الحيشان عشان ما تلم المصايب
|
وكتبت انا لاحدهم بنفس الوجع المشترك في مكان آخر
Quote: انت ارفقت طبقة حزن كثيفة علي سطح هذا البحر المضطرب
في قلب رجل غادر وطنه ذات غمام ممطر
هذا قدر كل من له خطوط كف سمراء داكنه .
(كل ماكنا نغنيه علي شارع النيل انزوي في الموج منسيا ) ...
بالامس حدثتني امي عن ان الخريف ترك أثاره في غابة
حشائش طفيلية وسط الفريق عند الساحة امام بيتنا
طالت هذه الحشائش حتي صارت مخبأ للبعوض .
فبكيت بطيئا جدا بدمع جاف وانا أسألها اين شباب الفريق ياأمي
فصمتت ..وفي صمتها عرفت اجابتها الخفية
هي المنافي لم تترك احد ليهذب تلك الساحة ويزيل تلك الحشائش .
مؤلم جدا ان تصير المدينة معسكر اضطراري للشيوخ والاطفال ..
بينما الاجيال تنتظر المنافي
|
اختي اماني
كل عام وانت بخير
الفرق بين الديامة وباقي ناس رفاعة ذاك (الملود)
غير ان التشابه في الرحيل باق باق ..
زيكو
| |
|
|
|
|
|
|
| |
الجندرية
وجن
Siham Elmugammar
ود محجوب
tmbis
Yassir Tayfour
توما
Giwey
محمد عبد الماجد الصايم
فتحي الصديق
Yassir7anna
معتصم دفع الله
خدر
محمد البشرى الخضر
حسن الجزولي
أسامة عبد الجليل
Osman Musa
صديق الموج
زينب بدر الدين
Safa Fagiri
Hani Arabi Mohamed
هشام المجمر
عبدالله كع
mohmmed said ahmed
بت قضيم
الملك
مريم بنت الحسين
كمال عباس
khalid abuahmed
عشة بت فاطنة
رأفت ميلاد
Ishraga Mustafa
JAD
عبدالرحيم أبراهيم العبيد
فيس بوك
تويتر
انستقرام
يوتيوب
بنتيريست