|
|
 رحبوا معي بصديقي "المبادر" أزهري هاشم
|
صديقي باذخ الإنسانية
أزهري هاشم....
أخو الأخوان
وشيال التقيلة
كان دائماً في الصفوف الأمامية
مبادراً طليعياً في كل مبادرات سودانيزونلاين الإنسانية
رحبوا به معي داخل حوش سودانيزونلاين
مساهماً في إثراء العمل الإنساني والفكري
|
|
 
|
|
|
|
|
|
|
 Re: رحبوا معي بصديقي "المبادر" أزهري هاشم (Re: Ishraga Haimoura)
|
أزهري ظاااااااااتو !
لا ده خبر و حكاية من الزمن الجميل,أخيرا !
حبابك عشرة يا ود أمي
و ما تنسى تجيب معاك ولوية و أبو حميد و أبو الشوش
أمانة ما راجياك مصايب و نصايب !
غايتو شيل شيلتك و قدم الشمال
[ حقو أول بوست تعملو لينا حول حسن كاو و النجاض التاريخي(أسماء في حياتنا)..]
حارينك نحن و دايرينك,
ما قصرتي يا بت حيمورة .. ده إنجاز ما ساهل تب !
| |
|
|
|
|
|
|
|
|
|
Re: رحبوا معي بصديقي "المبادر" أزهري هاشم (Re: رشا سالم)
|
انا من ترحيب اسمهان هاشم واميرة الشيخ عرفت انو المسالة ما بتقيف
لكن اخرتها يجي ازهري هاشم العجوز والله عجائب ، اها اسع نرحب وللا نسكت
بصمة خشمنا ، طيب نرحب لكن ما زي بكش انعام عبد الحفيظ ، قالت انسان
وريف ، ود الحلة الجديدة كان سالتيه عن هو وريف ح يقول ليك هو وريف
بتاعت الساعة كم ، ازهري هاشم حمدالله مرحب وجيتا جيت
| |
|
|
|
|
|
|
|
|
|
Re: رحبوا معي بصديقي "المبادر" أزهري هاشم (Re: عاصم ابوبكر حامد)
|
ياجماعة الحاصل شنو!!!!!
واحدة واحدة... أسمهان وأميرة وابوالزهور وراء بعض كده..... بكرى قومت نفسنا ياخى !!
ما قادرين نصدق ّّّ!ّ
ابو الزهور... أيها الأنيق الهادئ النشط المحترم
إنت سيد بيت عدييييييييييييييييييل...وبوردرابى مسلكا وسلوكا.
وصحى زى ما بتقول نادية السر ... زولك ده ياهو البجيك براه ، لا داير( باص ويرد) لا إشتراك ولا دعوة..
والله نورت ... جد جد
| |
|
|
|
|
|
|
|
|
|
Re: رحبوا معي بصديقي "المبادر" أزهري هاشم (Re: Ishraga Haimoura)
|
وعليك أن تحيا
وأن تعطي
مقابل حبة
الزيتون جلدك
(درويش)
ثم كان ما كان من أمر هذا الغريب
أزهري هاشم
الحبوب الدوغري الوسيم
هل أتيت ياصاحبي لتنقذني كعوائدك
الان لكم أحتاج لليل نؤسس تفاصيله
بمزاااج ليل يضيئ سماء الديم
بذات الصفاء النقاء الطهر الذي كنت
ولا ذلت بالتأكيد تضوي به تلك المساحات القليلة
التي كتب لنا أن نمشي في جمرها
ياااااااااااه ياحيمورة يا أم سلمي ويا أخت دمي
أزهري لدي مالدي من ونسات طازجة كنت أفكر في أرسالها
لك الكترونيا فالان إستحال لقاؤنا اليومي ( الاسبوعي)
وبالتالي يمكننا أن نرغي دون أن يتلصص لثرثرتنا أحد
الان يا أزهري يمكنني أن أخرج وأنا مطمئن جداً علي
الجمال الذي ستسكبه هنا
ولأن أولاد الحلال يا أزهري مجبولون دوماً علي الحياء
أدري جيداً بأنك ستتلصص قبل أن تدخل لهذا المكان
حينها ربما ستسمعني قاسم أمين أو نيرودا أو تحكي لي
عن مشاوير قضيتها حباً وكرامة وأحكي لك عن سهي
وعن ندوية الجدعة وحيمورة وعن حبيبات لا أذكرهم الله يذكرهم
هناك يا أزهري عند إكتمال التفاصيل عندما نكون في قمة
الصدق هناك حيث يقبع ثالث الاثنين كرفس هذا البني آدم
الجميل المريح هناك يا أزهري مابين الغرفة والمطبخ
مابين اللاب توب وجرعة ماء نبلل به صمت ريقنا
هناك كثير من التفاصيل التي يجب أن لا ننساه
بدوي ياصديق سأعمل علي ذلك فقط ثق بأني أحبك جداً والله
علي ما أقول شهيد أحبك يا أزهري يا واضح ياحبوب
يادوغري عديل .
ثم بالله عليك دع الارق يمر دعه يمر يا أزهري وما حلمنا به
( حيجيك ) .
لا شيئ ياصديقي غير أني أعدك بإقامة طويلة في هذا البوست المريح
شكراً اشراقة
شكراً ازهري
شكرا نادية
شكراً لكم وأعصروا علي بعض
خضر
| |
|
|
|
|
|
|
| |
Ishraga Haimoura
ريهان الريح الشاذلي
خالد العبيد
عصام علي أحمد
السمؤال بدرالدين
انعام حيمورة
أبو الحسين
Alsa7afa_30
ALGARADABI
ABUKHALID
انعام عبد الحفيظ
رشا سالم
مصطفي سري
عاصم ابوبكر حامد
AmroKamal
Elmoiz Abunura
خضر حسين خليل
نهال الطيب
فيس بوك
تويتر
انستقرام
يوتيوب
بنتيريست