|
دعـــوة خـاصـة لبورداب الرياض
|
دعوة مـن رابطة أبناء كرمة البلد بالمملكة العربية السعودية
السلام عليكم ورحمة الله وبركاته،
تدعوكم رابطة أبناء كرمة البلد بالمملكة العربية السعودية - الرياض لليوم الخيري المفتوح الثاني
تحت شعار التعليم أساس النهضة
دعم التعليم وأبناء وبنات الأسر الفقيرة ==================
أنتم وأطفالكم مدعوون
لقضاء أجمل الأوقات في يوم حافل بالبرامج الترفيهية والمسابقات والجوائز الكبرى في جو سوداني أصيل
حضورك يعني إسهامك في هذا العمل الخيري
المكان: شاليهات اللوتس (طريق الثمامة)
الزمان: الجمعة 22/6/2007
|
|
|
|
|
|
|
|
Re: دعـــوة خـاصـة لبورداب الرياض (Re: حمزاوي)
|
خالي همزاوي
في طمبور؟؟؟؟؟؟؟؟؟؟
بنجي وكان مافي بنقطع التذكرة ونقطع وشينا ونمشي نشوف لينا طنبور في بكان تاني.
أهه رأيك شنو؟؟
غايتو كان سويت لينا تركين ممكن نتنازل عن الطمبور
وكدي شاور أبوجهينة. الشايقي
| |
|
|
|
|
|
|
Re: دعـــوة خـاصـة لبورداب الرياض (Re: Al-Shaygi)
|
الزعيم حمزاوي ،
شكراً يا زعيم على الدعوة وحضور بمشيئة الله ،
ونثني طلبات الشايقي ، وبالعدم نستعين (بسوط) خالد المحرب عشان (البطان) والجلد مع (صوت) الدلوكة ، وضربات النحاس (إن وجد) وزغاريد بنات جعل ؟! .
مودتي ،
( ليمو )
| |
|
|
|
|
|
|
Re: دعـــوة خـاصـة لبورداب الرياض (Re: abdulhalim altilib)
|
عبدالحليم خالد
قالوا لي بقيت جد؟؟؟ قبلك وحدك الكبرت وعجزت وداير تجرنا وراك!!!
وسط شنو الداير تورطنا فيه ؟؟؟ الكلام ده كان زمان أيام الشباب وزمن الجلد زاتو ضرباهو الشمس ، لكن تعال شوف جنس دلع المكيفات والهاي سليب، علي باليمين سوط ورتاب ما نتحمله. مش بزغاريد بنات جعل، أظن ناس هيفا وهبي زاتن كان مش زغردن أظنه كان سكلبن عديل ما في فايده وعلى قول الشايقي "إيه قالولك حاج وراق قاعد يحيي الموتى". (دي كان داير تفاصيلها إلا بالتلفون) وكان ضيعته بتلقاه عند "هندي".
الشايقي
| |
|
|
|
|
|
|
Re: دعـــوة خـاصـة لبورداب الرياض (Re: حمزاوي)
|
Quote: قريبى حمذاوى
سكرفى مسكاقمى
حنحضر من البعد وحنشاركم لو اتيحة لنا الفرصه
التحية لاهلى فى كرمه ونبارك لكم هذا اليوم وان شاء الله حيكون تمام اكيد
موفقين
محمد ادريس عثمان زمراوى |
| |
|
|
|
|
|
|
Re: دعـــوة خـاصـة لبورداب الرياض (Re: خالدة البدوي)
|
ألف مرحب بالجميع قبل عام إجتمعنا في يوم كرمة المفتوح تحت شعار (كرمة عاصمة الحضارة الإنسانية) والجمعة 22/6/2007 نلتقي بالمحبة والسلام والوئام تحت شعر (التعليم أساس النهضة) صدقوني ستجدون ما يسر والروح ويشرح الصدر برنامجنا ممتد من بعد صلاة الجمعة مباشرة حتى صباح السبت
| |
|
|
|
|
|
|
Re: دعـــوة خـاصـة لبورداب الرياض (Re: حمزاوي)
|
Quote: الرسول فجولها تلعب
|
فجولي الشوفا دي المسخت عوم البترطن في جروفها.
قلت لي في طمبور!!!! طيب ما قلت شيء عن التركين والمزز؟؟؟ كان كدي بجيب مريستي معاي الشايقي
| |
|
|
|
|
|
|
Re: دعـــوة خـاصـة لبورداب الرياض (Re: حمزاوي)
|
أخوي العزيز الشايقي :
Quote: عبدالحليم خالد قالوا لي بقيت جد؟؟؟ قبلك وحدك الكبرت وعجزت وداير تجرنا وراك!!! |
شفت كيف بالله أخوك راح فيها (شبكونا ليك : عرِّس عرِّس لامن لحقونا جدو الريس أبوجهينة ؟!)
و مصيرك يا الشايقي تبقى جد وتكتب (يا خي .. جدو بلا زعل) بدلاً عن كلمات أغنيةالنعام آدم الخالدة (فاوضني بلا زعل).
ويا المصيرك تنجرح بالسلاح (جدو) البيهو مرة أجرحتني ..
ويا ما بكره تبقى جدو .. وأنا حالك بشوفو ، أخي الشايقي ..
وكان دُرت الجَـد (بفتح الجيم) : أضاعوني وأي فتىً أضاعوا .. ليوم ولادة إبنٍٍ حفيدِِ ، حتى صرت جدو ليمو)
يازول هه : ليه تقول لي .. إنتهينا .. نحن في عز الشباب ..
وحتى لا يصلنا طرف سوط ود المحرب .. نثمن دعوتكم لنبذ (البطان) والالتفات لنغمات هيفاء وهبي ونانسي عجرم ، فهي التي ترد الروح ، وتمنحك الحيوية والنشاط ورشاقة إبن العشرين .. وتمنع عنك سماع زغاريد بنات جعل التي تسلب الروح وتوديك في 60 داهية تحت سياط العنج التابعة لخالد المحرب وحماسيات شجاعة خالد الأرباب ؟! و يادار جعل .. ما دخلك شر !
و .. معاً نحو عالم خالٍ من السياط ، وملئ بأمثال الخال حمزاوي العظيم .
والظاهر حا نصفى على التركين الممزوج بتعلم كلمات (أجنبية) جديدة ومفيدة من أهلنا ناس كرمة الكريمين وطيبين .
مودتي ،
( جدو ليمو ) (وجه محنان ؟!؟!؟!)
| |
|
|
|
|
|
|
Re: دعـــوة خـاصـة لبورداب الرياض (Re: abdulhalim altilib)
|
Quote: وحتى لا يصلنا طرف سوط ود المحرب .. نثمن دعوتكم لنبذ (البطان) والالتفات لنغمات هيفاء وهبي ونانسي عجرم ، فهي التي ترد الروح ، وتمنحك الحيوية والنشاط ورشاقة إبن العشرين .. وتمنع عنك سماع زغاريد بنات جعل التي تسلب الروح وتوديك في 60 داهية تحت سياط العنج التابعة لخالد المحرب وحماسيات شجاعة خالد الأرباب ؟! و يادار جعل .. ما دخلك شر ! |
اللهم زدها نعمة وامنعها من الزوال يا جدو ليمو والمؤمن حلاوي وبالذات ذي حلاوة نانسي عجرم وباسكال وهيفاء والله لو كان معانا أخونا ودقاسم (الخال سابقا) كنا عملنا حاجات
| |
|
|
|
|
|
|
Re: دعـــوة خـاصـة لبورداب الرياض (Re: حمزاوي)
|
الاخ حمزاوى لك الود و التقدير و الاعزاز يعنى لازم( نرطن )عشان نخش فى البوست . شاكرين اهتمامك و دعوتك و حاضرين لتلبية الدعوة . حاشية :- اخر كلمة فى كرت الدعوة كانت (وشكرا ) و لا ( العاقبة عندكم فى المسرات ) مع حبى و احترامى الزائد معاوية التوم
| |
|
|
|
|
|
|
Re: دعـــوة خـاصـة لبورداب الرياض (Re: مصدق مصطفى حسين)
|
غدا الجمعة اجتماع اللجنة العشرينية لوضع خطة سير العمل للمرحلة الثانية من حملة "انقذوا وليد دارفور" ، وذلك عند السادسة مساء باستراحة وشاليهات اللوتس في طريق الثمامة.. يرجي من الاعضاء حمل تصور مكتوب، لما يجب ان تكون عليه خطة التحرك في المرحلة الثانية.
للاهمية، يرجي الحرص على الحضور في الزمان والمكان المحددين..
اللجنة الاعلامية
| |
|
|
|
|
|
|
Re: دعـــوة خـاصـة لبورداب الرياض (Re: حليمة محمد عبد الرحمن)
|
رسالة متأخرة قليلا.. يسر الاستاذ جلال داؤد (ابو جهينة) ان ينقل الى السادة اعضاء اللجنة العشرينية، دعوة الاستاذ حسن احمد حسن رئيس جمعية (اسر عزة السودان 1) لتناول طعام العشاء، مساء اليوم الخميس، على شرف مولوده ، (عمر) وذلك باستراحة (كان) بالسلي.
الوصف الاستراحة
الوصف الاول الوصف الاول مخرج (17) احسب ستة اشارات مع الاشارة رقم ست خد يمينك، علما ان الاشارة رقم (5) يعتبر العثيم معلما بارزا لها.. واصل السير حتى نهاية الشارع، فتصل الى الاستراحة، التي تكون امامك مباشرة.. هناك لمبات كهربائية ، تومض باستمرار، تعتبر علامة مميزة للاستراحة..
الوصف التاني..مخرج (18) سر كانك ذاهب الى السلي وخشم العان، تخطي الاشارة الاولي والثانية، فيصادفكك منحنى كبير، عندها، انظر يسارك ، فتري الاستراحة.. المدخل اليها شارع يوجد به ابراج ضعط عالي..
| |
|
|
|
|
|
|
Re: دعـــوة خـاصـة لبورداب الرياض (Re: حمزاوي)
|
تحية وشكر خاص لأبنا كرمة البلد على هذا اليوم الأسري الرائع .. وتحية لهم لاستضافتهم بورداب الرياض لجنة حملة وليد دارفور وحسن الضيافة والكرم الحاتمي .. ونخص الخال حمزاوي على وقفته وخدمة البورداب ..
شكراً يا خال .. شكراً أبناء كرمة البلد ..
| |
|
|
|
|
|
|
|