|
|
 دعوة لمقاطعة بوستات السفاهة والخادشه للحياء مثل بوست محسن خالد الاخير !!!!
|
الا يعلم الاستاذ محسن خالد او من يناصره
ان هذا البورد يدخل فيه الزوج والزوجه والأبناء
وانه يخدش الحياء والادب العام ويعدم الاحترام
ليس هكذا الثقافه ولا الادب
بل هي عدم الاحترام وقلة الادب بعينها
ولماذا يسكت علي مثل هذا الغثاء بكري ابوبكري
فهذا لايضيف للمنبر بل يسئ اليه
وقد اتصل بي كثير من الاصدقاء المداومين علي القراءة
والاطلاع علي المنبر بشكل يومي يستنكرون مثل هذه البوستات
التي تسئ الي قارئها وتسئ في المقام الاول لنا والي صاحب الموقع
وقد قاطع بعض الاعضاء المنبر بفعل هذه البوستات
فهذه دعوه لمثقفي المنبر وشرفائه لمقاطعة هذا العبث
فهل من مجيب ؟؟؟؟؟؟؟
|
|
 
|
|
|
|
|
|
|
 Re: دعوة لمقاطعة بوستات السفاهة والخادشه للحياء مثل بوست محسن خالد الاخير !!!! (Re: طارق عبد اللطيف نقد)
|
طارق نقد..
من بعد التحية..
بالحالة إنت ما شوفت الملايات الإسفيرية..
وباقي الإحداثيات..
من سنين عدت..
يا طارق كل إناء بما فيه ينضح..
والعلف الصناعي بيجيب جنون البقر ..
أسألني أنا الراعي ده..
يا صاحبي هديل معلوفين بفسق اليهوديان كارل ماركس ولينين..
أكيد حيكون إنتاجهم فاسق ورابط..
صحى حسن الملافظ سعد..
لكن تفتكر إنتاجهم غير الفسوق حيكون شنو..؟
قال بكري إلحقني قال..
يا زول الحرية ليك ولسواكـ..
وأصحاب العقول غير المبغبغة يميزون الخبيث من الطيب..
آهه لقيتني كيف..
ديمقراطي ولا لا..
الكلام ما في محسن ولا في بكري صاحب المنبر..
الكلام كيفن..
نردع وكيل النيابة دكين التبعهم..
| |
|
|
|
|
|
|
|
|
|
Re: دعوة لمقاطعة بوستات السفاهة والخادشه للحياء مثل بوست محسن خالد الاخير !!!! (Re: طارق عبد اللطيف نقد)
|
الاخ طارق نقد
سلام
يا طارق المنبر ده زي الحياه الحقيقه...
والحياه الحقيقه فيها المسجد وفيها المقهى و فيها الجامعه و المدرسه و الملهى
فيها بيوت البكيات وبيوت الافراح واعياد الميلاد و المظاهرات و.....الخ.
كل يذهب للذي يلائمه...
وقد يكون بعضنا...المعتطف دوما في المسجد له اوقات يحب ان يذهب للمقهى....
وبعضنا المهتم بالاكاديميات...له اوقاته للذهاب للمهلى او الكابريه او ما يعرف عندنا هنا
بالاستريبتيز....فدع الخلق لخالقها.....اذا كنت ترفضها فقط لا تذهب لها
وانصح اصدقائك القراء بذلك ايضا...اما الصدق يقول ان هذا الجزء من ثقافتنا
كان دوما حاضر في كل حياتنا...و الدليل ما ان قال لك صديقك هنا انا جمعته 50 نكته
لم تستنكرها...ولكن فقط قررت ان مكانها ليس هنا.
صدقني المرونه ....تجعلنا نتقبل بعضنا....ان شخصيا تحليل اي ظاهره بعيد عن الوجع
السياسي بشوفها فارغه...لكن الديمقراطيه تفرض على القبول بالآخر.....فاتقبل سخفا
كثيرا هنا بالا اذهب لهناك....لكن مرات لما يغلبني بدخل اقول رأي واديها على راسهم
ويدوني على راسي...ويا دار ما دخلك شر.....
من الديمقراطيه ان تكتب بوستك هذا.....ومن الديمقراطيه ان نرد عليك وان اختلفنا.
وربك يقدرنا عليها هي خيار ليس سهلا اعني الديمقراطيه.
لك الود
| |
|
|
|
|
|
|
|
|
|
Re: دعوة لمقاطعة بوستات السفاهة والخادشه للحياء مثل بوست محسن خالد الاخير !!!! (Re: طارق عبد اللطيف نقد)
|
Quote: اصبحت كتاباتهم يأخذ منحي اخر بعيد عن
الروايه والادب والتقافه |
طبعا يا طار ق اللكنة دى زى سكرى الدم ما بتروح
كان فارقت لسانك ما تفارق قلمك..
اصبحت كتاباتهم تاخذ وليست ياخذ..
طارق انا بقصد ان المنتدى سوق كبير للمعارف بشتى ضروبها
والموضوع الذى يضرس اسنانك يتحول بقدرة قادر عند اخر
مبحث نقاش ومجال دراسة والصوت النشاذ عندك يصل مسمع الاخر
كان صاحبه اؤتى مزمار داوؤد..والا لبار المنبر...
طارق العزيز، محسن قال ليكم انا الكلام ده ما صغت مفرداته وانما
جبته من قداديمكم الحلوات ديل والرجل محق...
وبعدين كيف جاءك فى بيتكم؟انت كان ما حضرت جهازك ووصلته بالتلفون
وقعدت تفتش بالقوقل وبالسجم ما كان شفت شى...يعنى اهلى الفى
الصلوعاب ديك يطرشم بى كلام محسن ده...معليش لوكان الكلام ده
فى التلفزيون او فى الراديو كان نقول ممكن نوعا ما..
طارق العزيز انظر للجانب الملىء من الكوب دائما..ولو محسن
كتب هذه الامثال او لم يكتبها تظل على افواه البعض من اهلنا
تجرى مجرى الحكمة...بعدين ود الباوقة ده موتمرجى مطور على طريقة
النوكيا،وانا ضربت بيه المثل لذات الشىء فناس المؤتمر الوطنى
من هم على شاكلة امين حسن عمر والجميعابى والطيب مصطفى
والذين بريدون تشكيل وقولبة المجتمع على طريقتهم يريدون
ان ينفوا عنا حتى تهمة الحقيبه باعتبارها رجس من عمل الشيطان
وكاننا لم نغنى يوما ،لدرجة ان الطيب مصطفى اوقف بث اى اغنية
يرد فيها الصدر والكفل والكاس والدنء وما اليه..ولان الموضوع
نسبى وبعض ما يبطل الوضوء عندك لايجرح صيام غيرك اقول ليك
قول معاى عاش محسن خالد ودكين انى يكتبون وكيف يكتبون ويسقط الطيب مصطفى
وزمرته وكل من يقف فى وجه الراى والراى الاخر،،،
| |
|
|
|
|
|
|
|
|
|
Re: دعوة لمقاطعة بوستات السفاهة والخادشه للحياء مثل بوست محسن خالد الاخير !!!! (Re: طارق عبد اللطيف نقد)
|
( زمان شن قلنا .. الطير بياكلنا ) ..
اريحكم ..
في آلية لذيذة جدا في نظام ( المنتديات ) ..
البوست يتأرجح صعودا وهبوطا .. بفعل ( الرد/عدم الرد ) ..
ما عاجبك ( ما ترد ) .. عاجبك ( رد ) ..
بوستات مثل بوستات محسن خالد .. بتديك المعيار الحقيقي لـ( سفاهة ) هذا المنبر ..
وانحطاط المستوى العام للسواد الأعظم من الاعضاء ..
الناس هنا بتتعامل بمبدأ ( بلدا ما بلدك امشي فيها عريان ) ..
شخصيتين ( شخصية واقعية ) .. و ( شخصية إسفيرية ) ..
في الواقع لا يستطيعون تبني نهج محسن خالد .. في البورد تشوف العجب ..
لا ألوم محسن خالد في ما ذهب إليه .. فالرجل فاكيها مع الهوا من أول يوم ..
ولم يدخل نفسه في باب ( النفاق الاجتماعي ) ..
قال ليكم .. تعالوا ندخل ( الادبخانة ) .. ما ممكن بعد ما تدخلوا تقولوا ليهو ( ليه ما فيها كراسي جلوس ) ..!!
| |
|
|
|
|
|
|
|
|
|
Re: دعوة لمقاطعة بوستات السفاهة والخادشه للحياء مثل بوست محسن خالد الاخير !!!! (Re: DKEEN)
|
عمنا صديق ..
امشي بجلابيتك وعمتك ديل ..
واقعد في مجتمع ( عام ) .. ذي البورد بتاع ( سودانيز اونلاين ) ..
وقول الكلام ( ذي ما اتقال في البوست ) ..
واحرص انه المجتمع دا يكون فيهو ( رجال ونساء واطفال ) ..
وشوف ردة الفعل تجاهك حتكون شنو ..
يا عمنا ..
الكلام دا بنقولوا .. واللذة بتاعته انه بتقال بـ( تحت تحت ) ..
محسن خالد بذكرني بواحد ( عوير ) في حلتنا ..
نمسكو في ( اللفظ ) .. بكون ( مجهجه ) ليك ناس ( الحلة ) اسبوع ..
لو الحكاية ( عوارة ) .. والله كلام محسن خالد دا ما فيهو اي غلط ..!!
| |
|
|
|
|
|
|
| |
طارق عبد اللطيف نقد
حمد فتح الرحمن
A.Razek Althalib
Tragie Mustafa
علاء الدين حيموره
صديق الموج
Mohamed E. Seliaman
خالد المحرب
humida
فيس بوك
تويتر
انستقرام
يوتيوب
بنتيريست