|
|
 *** سماسرة المسرح *** ( نمارق و علي مهدي نموذجا )
|
الإهداء إلى الأستاذ الرشيد احمد عيسي ..
إلى جماعة الجمام المسرحية ولو في العدم ..
إلى رفاقي من قصر الشباب والأطفال إلى معهد الموسيقى والمسرح .
إهداء خاص جدا إلى سلمى الشيخ سلامة ...
يا شباب أنا هنا لن أتبلى على أحد فقط سأحكي ما حدث والعندو رأي تاني يقولوا ذي ما أنا بقول
في رأي الأحداث دي حدثت لي في مسيرتي القصيرة جدا في مجال المسرح وواحدة واحدة نحكي .
نبداء بمنظمة نمارق للآداب والفنون .. اكبر سماسرة المسرح والثقافة في وطني المغلوب على أمره
وهي جناح الحركة الإسلامية في الدخول إلى عالم الإبداع .
|
|
 
|
|
|
|
|
|
|
|
Re: *** سماسرة المسرح *** ( نمارق و علي مهدي نموذجا ) (Re: معتصم ود الجمام)
|
القصة الأولى :-
في العام 1995 م شاركت جماعة الجمام المسرحية في مهرجان نمارق للمسرحيات القصيرة والمهرجان
ممول من الهيئة القومية للثقافة والفنون دائرة المسرح . بمسرحية ( كلات عرق ) على خشبة المسرح المهرجان
ده ممكن يكون المهرجان الثالث لمنظمة نمارق والتي تقوم برفع تصور لمهرجان لدائرة المسرح مع ميزانية
توافق عليها دائرة المسرح قصبا عنها ومن ثم تنتج عدد من المسرحيات يتم عرضها في أيام المهرجان .
تم عرض مسرحيتنا من خلال المهرجان الثالث وفازت بجائزة الإخراج وجائزة لجنة التحكيم وقام التلفزيون
القومي بتسجيل المسرحيات وعرضها على لجنة النصوص ( لجنة اللصوص ) ومن ضمن عضوية تلك اللجنة
الأستاذ عادل الباز رئيس منظمة نمارق ورئيس تحرير صحيفة الصحافة الحالي .
قرر التلفزيون شراء عدد من المسرحيات من ضمنها مسرحيتنا ( كلات عرق ) بمبلغ وقدره قبل أن يبلغنا
التلفزيون بذلك حضر الينا عدد من أعضاء منظمة نمارق ليقولوا لنا وبالواضح الما فاضح لو عاوزين التلفزيون
يدفع ليكم قيمة هذه المسرحية عليكم التنازل عن 50% من قيمة ما يدفعه التلفزيون لكم لمنظمة نمارق وذلك
في اجتماع ضم عدد من الجماعات المسرحية المشاركة في المهرجان رفضنا نحن جماعة الجمام العرض
ووافق الجميع على هذا العرض لان مبلغ الشراء من التلفزيون ضخم يسيل له اللعاب 300.000 ثلاثمائة
الف جنيه سوداني في العام 95 وبعد نهاية الاجتماع انفرد بنا أعضاء نمارق للمفاوضة حول النسبة ونزلوا
بها لـ 35% من قيمة العرض طلعنا منهم وقلنا ليهم نفكر.
| |
|
|
|
|
|
|
|
|
|
Re: *** سماسرة المسرح *** ( نمارق و علي مهدي نموذجا ) (Re: معتصم ود الجمام)
|
بصراحة طلعنا نحنا اخبث منهم مشينا سألنا في التلفزيون والهيئة القومية دائرة المسرح عن حق نمارق في
سمسرة هذا المبلغ من عرق هولاء المسرحيين الغلابة .
قال لنا مدير دائرة المسرح في تلك الفترة ( لن اذكر اسمه لانه طلب مني ذلك ) برغم مرور السنين وهو أحد
أساتذتي المحترمين قال لي ليس لهم أي حق في ذلك وعقد إنتاج المسرحية موقع بينك وبين دائرة المسرح
( وكان العقد معي ) ثم أردف ( أوعى تقول أنا قلتا ليك كده ) بالمناسبة أنا بحترموا ليوم الليلة .
ثم ذهبنا للطرف الموقع للعقد التلفزيون وبصراحة كان مدير الدراما في الوقت داك المخرج ( عماد إبراهيم )
وكان جديد كرت في هذه الوظيفة وعشان يحافظ عليها في زمن الطيب مصطفى انبرش انبراشة شديدة ونحنا
كنا جزء من تلك الانبراشة ( الغريب في الامر ما قعد شهر في الوظيفة برغم الانبراش ) المهم قال لينا لو ما دفعتوا لنمارق ما في تسجيل للمسرحية قلنا خلاص موافقيييييييييييييييييييييييييييييييييين نحنا ذاتنا اتبرشنا لكن
ده كان قدام الناس ساكت الناس الحرامية فقط ومن هناك قررنا أن نكون اقوي منهم ومع موظفي ادارة الإنتاج
وقعنا العقد بحضور أعضاء منظمة نمارق على أن نعضيهم النسبة العجيبة ولكنا كننا مصممين على أن نقلع
حقنا منهم عنوة كدة واقتدار الشيك باسمي أنا مخرج ومؤلف العمل ناس نمارق قالوا لينا نحنا نصرفوا من
البنك السودان قلنا ليهم ليه ما نحنا ولو انتو ما بتثقوا فينا نحنا كمان وكنا عارفين انو الشيك ما بطلع من التلفزيون
الا بتوقيعي بالاستلام . واستلمنا شيكنا وصرفناه من بنك السودان .....
وقلنا ليهم تعالوا اقلعوا .. كان .. بتقدروا .. وما عندكم عندنا أي حاجة
ومن ذلك اليوم وقفت هذه الحركة في حلقهم ..
| |
|
|
|
|
|
|
|
|
|
Re: *** سماسرة المسرح *** ( نمارق و علي مهدي نموذجا ) (Re: معتصم ود الجمام)
|
النتائج : -
جانا التهديد التالي :
انو تاني ما حتشتغلوا في من التلفزيون والاذاعة وصدر الامر لرئيس اتحاد الممثلين أن يتم فصلنا
اتحاد الممثلين والذي لم يعطنا العضوية الا لاننا قد كسبنا من عرق كلاتنا تلك الجينيهات لنسدد
اشتراكات مهلكة لكن علي مهدي هددنا بالفصل إن لم نعطي نمارق حقها فضحكنا كثيرا
فهددوني ... لن اقول حتى لا اصنف من مناضلي الكيبورد .
اما ما يخص علي مهدي فهو قادم ومضحك
نواصل غدا
| |
|
|
|
|
|
|
|
|
|
Re: *** سماسرة المسرح *** ( نمارق و علي مهدي نموذجا ) (Re: معتصم ود الجمام)
|
المشكله الاكبر عندما بدينا انتاج هذه المسرحيه فلن تصدقوا اين تمت البروفات لها غرفه بها شباك فى اعلي السقف والارض يقال حينذاك انها بلاط لا يوجد قليل من الهواء الا اضعف الايمان تخرج برة وتجي راجع ولما ترجع ما تعرف نفسك انت منو؟ الشخصيه ولا عضو الاتحاد ولا منتسب المهم تبدا ترجع بالذاكرة وراء عشان تعرف انت مرقت لي شنو ؟ قسوة ما بعدها قسوه فى انتاج عمل مسرحي فى السودان علاوة على ذلك يجو ناس مرتاااحين يسمسرو فى تعبنا ذاتو؟؟هو والله يا معتصم لو كانو فهمو معاني المسرحيه كان خجلو مننا ورجعو ساكت لكن شكلهم مافهمو المسرحيه اكتر من سعرها على العموم ياصديق هناك مازال الكتير للكشف عنه وطالما نحن على حق وبصدق فما علينا الا ان نتحدي هؤلاء المنافقين
الفضييييييييحه جااااااييييييه ياناسس
محمد عليش
ممثل منتسب الي الان (بطاقه صفراء اللون لا لبنيه ولا حمراء صفـــــــــــــــــــــــــــــــــراء)
هو عليك الله يامعتصم نحكي شنو ولا شنو ما كتيـــــــــــــــــــــــــــر شديد الواقف فى الحلق
محبتي
| |
|
|
|
|
|
|
|
|
|
Re: *** سماسرة المسرح *** ( نمارق و علي مهدي نموذجا ) (Re: Mohamed Ahmaed Olyesh)
|
اقامت جماعة الجمام المسرحية
تابين للراحل المسرحي( سعد الله ونوس )
لو قال البعض ما لكم ومال ونوس العربي السوري
اقمنا في كل عيد من اعياد تأسيس الجماعة احتفالية
باحد مسرحي السودان فعلنا ذلك مع الدوش ومع العميري
كان احتفال ونوس صادف عيدناالرابع تغريبا وكان قد مرت
اريعين يوم على رحيل ونوس فكنا اول من اقام تابين لونوس
وذلك بدار الهيئه القومية للثقافة والفنون سابقا دار الامة
قام الاحتفال على نفقة الجماعة بدون اي دعم من اي جهه شمل البرنامج
معرض تشكيلي ندوه عن مسرح ونوس تحدث فيها الاخ عبد الحكيم عامر وشخصي
ثم يوم مسرحي قدمنا فيه عرضين .
القصة جاء عدد من المهتمين بالمسرح ومن ضمن الحضور الممثل المعروف علي مهدي
جاءنا الى الكواليس احد الاصدقاء لن نذكر اسمه قال لينا علي مهدي قال لو اديتهو
فرصة يقول كلمة ( بديكم مائة الف جنيه ) فتجمع افراد الجماعة ليقرروا في ذلك
وحسبنا ان الميزانية فارقه فارقه قلنا مالو ندي عمو علي مهدي كلمة صغيرة وتحصل
بعد ذلك الانفراجه في الميزانية حبه وكان ذلك وصعد علي مهدي الى خشبة المسرح ممسكا
بالمايك . ... قال في ما قال انه هاتف ابنة سعد الله ونوس ديمه ونوس واخبرها ان هناك
مجموعة من الشباب السوداني يقيم الان تابين لوالدك ففرحت بذلك ...
وفرحنا نحن بعد ذلك بتلك المائة الف جنيه التي عدها عمو علي مهدي بعد نزوله من خشبة
المسرح مباشرة .
حتقولوا لي ... اقول ليكم نعمل شنو الظروف جباره
معتصم ود الجمام
| |
|
|
|
|
|
|
|
|
|
Re: *** سماسرة المسرح *** ( نمارق و علي مهدي نموذجا ) (Re: معتصم ود الجمام)
|
معتصم الجمام اقول ليك انى مشيت وجيت ما فاهمة حاجة، اول حاجة مسرح مافى ، تانى حاجة نقد مافى تالت حاجة على مهدى البتقولو عنو دا ما بهمو لو قلت او ما قلت ، وبعدين اصلا القصة انه على مهدى مشغل الناس سخرة ، ومصنف الناس بمعنى انه الزول الما بتكلم دا زولو تب ، مثلا مسرح البقعة فوجئت انه مصطفى احمد الخليفة ما مدير المسرح ومدير المسرح زول تانى صديق وزميل عزيز ، لكن مصطفى وخبرته فى المسرح مشت وين ؟
مسرح البقعة والانتاج المسرحى
دا عنوان جانبى ، فى عام الفين و(خمشة)المسرح اعنى مسرح البقعة قام بتكريم استاذ الاجيال فتح الحمن عبد العزيز فى الموسم داك (موسم البقعة )تعرف يا جمام كان المبلغ كم ؟خمسميةالف فقط لا غير فى حين انه استضاف واحد اسمه غنام غنام ودا نازل فى الهلتون بمبلغ وقدره وضيافة ومش عارف ايه ، واستاذ فتح الرحمن ياخد ملا لين ، وبعد كده يقول ليك فى شفافية
المسرحيات التى تم انتاجها (زيرو ) حتى بعد العروض فى المسابقة ووعد الناس انه المسرحيات الفائزة سيتم انتاجها ولا واحدة ما حصل انتجت ، فقط (الحولية )او مسرحية عايذاب وحاجات تجنن، ودى ما مسرحية لمن كتبت انها (حولية ناقصاها الفته ) كتب خالد المبارك قال انها احسن وجه لتمثيل السودان وبقت فعلا المسرحية الوحيدة البتطلع للمهرجانات مشت تركيا والفلبين والحديث عن نثريات الممثلين وضعفهايحتاج الى مبحث وحده (نظام السخرة والسفر بره السودان )
وفى ناس ببحو بحمد على مهدى بعد دا كلو
الحكاية طويلة والغبن مشترك ونتلاقى لى قدام
| |
|
|
|
|
|
|
|
|
|
Re: *** سماسرة المسرح *** ( نمارق و علي مهدي نموذجا ) (Re: سلمى الشيخ سلامة)
|
العزيزة سلمى
لك الود
مسرح البقعه اول ما بداء كان اسمو المسرح الوطني
سمى علي مهدي البقعه بالمسرح الوطني تعرفي ليه في
بعض بلدان المغرب العربي المسرح القومي عندهم المسرح الوطني
وهو البدعو للمهرجانات كانت الدعوات بتجي للمسرح القومي وتذهب
الى المسرح الوطني ابو جبه خضراء ...
والفته علي مهدي ليهو سنين بياكل من جاها كل عروضو السافر بيها
مليانه دراويش وجبب خضراء
ولك الله اساذنا فتح الرحن عبد العزيز الدنيا ذاتها فيها هوان يكرم
علي مهدي استاذ بقامة فتح الرحمن .
لا اذيعك سر لو قلت ليك علي مهدي حضر مناقشتي مع الاساتذه في عروض
التخرج بصفتو شنو مـــــــــــا عــــــــــــــــارف والله
معتصم
| |
|
|
|
|
|
|
| |
معتصم ود الجمام
Mohamed Ahmaed Olyesh
Elbagir Osman
نيازي عبدالله مرحوم احمد
عبد المنعم سليمان
سلمى الشيخ سلامة
فيس بوك
تويتر
انستقرام
يوتيوب
بنتيريست