|
Re: مطلوب شوية هندمة علشان مانكون درجة عاشرة (Re: isam)
|
شكرا ياعصام لانك طرحت موضوع هام جدا ، وغالب السودانيين لايهتمون به ، ولا يلقون له بالا ، ذهبت الى الحج والعمرة مرتين وشاهدت حالة السودانيين بالسعودية ، فحالة بالمقارنة بالجنسيات الاخرى تحتاج لمراجعة نظر ، ففى المدينة قابلت عديد من السودانيين بالعراقى والسروال فى شوارع المدينة حتى فى الحرم النبوى لابسين جلاليبهم الخفيفة التى لا تستر ما خلفها من عراقى او سروال او فنائيل داخلية ، فى حين ان الجلاليب والقماش فى المملكة ببلاش وهذا امر لا استحيا فيه ،، ذهبت سوق باب شريف فى جدة ، ونسيت اننى فى جدة او اننى خارج السوق الشعبى بالخرطوم ، بالله سوف باب شريف دا كلو سودانيين زى سوق الناقة ، اظنو شريف دا زاتو سودانى كان ببيع الابواب او عندو باب هناك ،، المهم انو السوق دا كلو عراريق وسراويل وجلاليب غريبة الاشكال والاطوار ،،،
بمناسبة اللبس اليك هذه القصة
يحكى ان شركة كبرى تحتاج لموظفين فقامت باختيار عدد من الموظفين من جنسيات مختلفة ، المهم من بينهم سودانى ، فتصادف ان يسكن هذا السودانى مع اخ لبنانى فى شقة واحدة استاجرتها لهم الشركة ، فمن اول مرتب صاحبنا السودانى وزع المرتب دا لى خالى ودا لى خالتى ودا لى بت عمتى ، المهم وزع مرتبو هدايا لاهلو فى السودان (ولاحظ دا اول مرتب ) اما اللبنانى دخل السوق وهاك يابدل ويا قمصان ويهندام المهم اشترى ملابس له كتثيرة وكرفتات ولبس وكدة ، بعد 3 شهور البنانى بقو ليك المدير بعد ترقيات اما صاحبنا فلازال موظف كحيان فاكى القميص ، هذا ليس بالضرورة انك لا تبر رحمك ، لاكنه بالضرورة المراعاة للبسك فهذا شئ شخصى يتعلق بك ، فالحكم فى هذا الزمن اصبح اللبس والتطقيم واللون والزوق يظهر فى حذائك اللامع وربطة الكرفتة الراقية ، او جلابيتك الامعة النظيفة ، يقال فى المثل السودانى الشعبى : اكل ما يعجبك واللبس ما يعجب الناس ،،، الجوهر السودانى والاخلاق السودانية اصيلة وراقية ورفيعة مافى زول بشبهنا ،، فهل عكسنا ذلك فى مظهرنا ،،، الى لقاء ،،،
|
|
|
|
|
|
|
العنوان |
الكاتب |
Date |
مطلوب شوية هندمة علشان مانكون درجة عاشرة | isam | 06-02-02, 10:28 AM |
أصبحنا بالفعل درجه عاشـــره | nile1 | 06-02-02, 12:45 PM |
مرة أخرى يفرض نفسه | JAD | 06-02-02, 01:13 PM |
Re: مرة أخرى يفرض نفسه | alwardah | 06-02-02, 01:30 PM |
Re: مطلوب شوية هندمة علشان مانكون درجة عاشرة | al_msaa | 06-02-02, 01:57 PM |
Re: مطلوب شوية هندمة علشان مانكون درجة عاشرة | OmDur | 06-03-02, 07:12 AM |
شوية هندمة | isam | 06-03-02, 05:58 AM |
Re: شوية هندمة | banadieha | 06-03-02, 06:11 AM |
ام المشاكل | isam | 06-03-02, 06:58 AM |
Re: مطلوب شوية هندمة علشان مانكون درجة عاشرة | tally | 06-03-02, 07:15 AM |
|
|
|