الملاحظ عندنا في السودان أن ما يزيد على 98% إن لم يكن أكثر من السودانيين لا يهتمون بالأناقة في اللبس والهندام العام .. ولا يهتمون بوضع العطور ..
وهناك خلط بين شديد وفهم خاطيء الاهتمام بالمظهر في الشارع وفي المكتب وبين التواضع والزهد في الدنيا .
هذا الأمر لا يقتصر على فئة دون أخرى .. فتجد مثلاً بروفسور في الجامعة أو في أي مؤسسة لا يهتم باللبس الكامل وهو بنطلون + قميص + كرافتة مع البدلة أو بدون .. جده يلبس قميص شبه مكرفس والكولا عاملة مثل اذنين البهم .. أو تجد من يرتدي جلابية بدون عمامة أو طاقية وتجد مثلاً زراير الجلابية مفتحة إلى الزرار الثالث أو منزوعةالزراير ..
وتجد عدم المبالاة في التصرف في الشارع العام يبصقون في أي مكان حتى في البلاط ولا ليت أنه بصاق فقط وأحياناً يرمون الصعود المستنفد داخل المركبات العامة.. ولا يهتمون بنظافة الشوارع .. فمن يبيع الخضار يلقي بالقمامة في أي مكان .. ومن يبيع قصب السكر يرمي الأوساخ حيث هو ..
بعدين ما تنسى هذه الأشياء مقرونة بعدم الاهتمام بالعطور والتطيب .. ريحة العرق الرهيب والوسخالطالع من الفنيلة المتسخة لعدم أسابيع .
وهذا الأمر ينطبق حتى على المغتربين .. تعال مثلاً السفارة السودانية في الرياض أيام زحمة .. سوف تتخيل نفسك في زرائب أو لا مؤاخذة في محطة معالجة صرف صحي .. مع أنه أسهل شيء هناك النظافة والطيب . يهني ممكن تشرتي عطر حتى بمبلغ 5 ريال .. وصابون حمام بنصف ريال ..
ألتلفزيون لا يهتم بالتوعية بهذه الأشياء ..
بالله دي حال دي؟؟؟
للنقاش ...
جـاد
04-30-2002, 09:16 AM
Ahlalawad Ahlalawad
تاريخ التسجيل: 02-05-2002
مجموع المشاركات: 2832
الأخ جاد - فعلا الأعوج راي والعديل راي - لكن يبدو أن هذا الموضوع تجري مناقشته تحت اسم آخر في هذا البتاع .. تقريبا بإسم قريب من دا - السودانيين والاناقة أو شي من هذا القبيل
04-30-2002, 09:23 AM
wadazza wadazza
تاريخ التسجيل: 02-05-2002
مجموع المشاركات: 5386
اسمع انا ما عاوز اناقشك هسه في الموضوع ...بس عاوز اعلق علي ...كلامك الكاتبو تحت ده.....الاعوج راي...والعديل راي.......انتو يا ناس بتجيبو الكلام ده من وين!!؟؟؟؟؟؟؟ امنت بالله.........بالله في اعمق من كده.....الاعوج راي .والعديل راي.......لله درك يا اخي
04-30-2002, 09:40 AM
Ahlalawad Ahlalawad
تاريخ التسجيل: 02-05-2002
مجموع المشاركات: 2832
ود عزة .. الفنان .. وين أغنية طبل العز لسيف الجامعة يا أخي ؟
أشكركم جزيلاً ..
أخي الخواض والله لم أمر على الموضوع .. لأني لم أدخل البورد لمدة يومين ربما يكون الموضوع نزل للصفحات السابقة .. أحي صاحب البوست على التوافق معي في هذا الموضوع الهام .
كذلك التحية لأخي ود عزة ..
أخي دافيء .. الأعوج رأي والعديل رأي .. مثل من بئيتي .. ناسي أهل العوض .. وهي مقدمة لطيفة يقولها من يمهد لإبداء رأيه في شيء ما ..
((يا أخوانا العديل رأي واللعوج رأي .. كدي أسمعوا كلامي دا .. وليد الخواض دا مالو؟ عيبوه لي .. نحنا عاوزين نرشحوا في دايرتنا دي ))
والله يا جاد ربنا يديك العافيه لكن شايفك باااالغت شويه في قصه السفاره دي انت الناس البتتكلم عليهم ديل ناس معينين وكل الناس عارفاهم يعني مغتربين الزمن ده بعني بالعربي الكاوبويات - الرعاة. الهندمه مطلوبه .. لكن الاساس من البدايه كان غلط يعني الما في بيت الاب بيتعب وزي ما قالوا التعلم في الصغر كالنقش على الحجر والناس دي من كانت صغيره شايفه الصور المقلوبه دي كلها فكيف تعدل نفسها يمكن الحكايه دي تكون مختفيه قليلا عند اولادنا الصغار وبقصد بيهم اولاد المغتربين بتلقاهم ظاهرين بين اولاد السودان في الاجازات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
JAD
Ahlalawad
Dafi
waleed500
فيس بوك
تويتر
انستقرام
يوتيوب
بنتيريست