Without prejudice please. هذه ملحة الغرض منها تلطيف هذا الطقس المتحفز .
قالوا واحد من اهلك كان مسافر مع واحد شكري .. أها كل واحد كان بيفتخر بحسبه ونسبه وعند الظهيرة قالا تحت شجرة ظليلة مثمرة (لعلها شجرة هجليج) فقال الشكري للجعلي : آ ود العباس كدي حت لينا من اللالوب دا شوية ناكل منه . فما كان من الجعلي إلا أن قال : أنا جدي العباس أحت ليك انت اللالوب .. فسكت الشكري .. بعد قليل جاء أسد إلى تلك الشجرة التي فيها نقره ومقيله .. فصعد الجعلي إلى أعلى الشجرة آخذاً معه السيف وترك الشكري ومعه سوطه فقط . فأمسك الشكري بسوطه ونهر به الأسد ..جر آ كلب .. جر آ كلب إلى ان ابتعد الاسد .. أها باقي ليك قال لإبن عمه : ود العباس ، كدي وكت الله رفع القدم نزل لينا شوية من اللالوب .
على فكرة هذه القصة قصها علي واحد من أهلك وهو جميعابي مأصل ومفصل .
يعني ياخوي العوض بالعربي كدي والسوداني الليلنا بدور اقولك نكته فى الجعليين هن عاد تب مون خوافيين يعني قصتك بلحيل حلوه لكن ضحكتني والله يديك العافيه
بس والله من النكات الجميله فيهم قالوا يا ماكان ياماكان فى قديم الزمان الجعلي اخوي مره قطعولو رجله النسوان قالن كدي زغرتن قليهن ابشرن بالخير وكان الوكت داك لسع الدكتور واقف قالو هوي ادكتور على بالطلاق كان تقطع التانيه ايه رايك عندك قول تاني ازول
مع تحياتي ام ناهد
04-29-2002, 05:30 PM
wadazza wadazza
تاريخ التسجيل: 02-05-2002
مجموع المشاركات: 5386
أهل العوض بس عن حدك..... لا تخلينا نلحقك الباشا اللعين...يوم رمى الكدوس ناحية المك.. والله يا أهل العوض دخلت نفسك فى بيت أسد وقفلتو وراك من داخل أفووووو
ود عزة تحياتي والزول الظاهر عليهو شرد ولا لبد في الكوع ماعارف بتنا احلام هاك دي كمان == قال ليك جعلى وشايقي ودنقلاوي في البحر عاملين صبق سباحة أها التحدي في جزيرة البياطاها او تكون حقتو الجماعة جنس جلبقة خليها ساي الشايقي والدنقلاوي كل مرة دايفوت دا اها اخونا الجعلي ورا تب غايتو لمن قربوا للجزيرة زولنا الجعلى شد حيلوا شوية وقرب من الجماعة لمن خلاص بقوا قريب القيف(والعهدة على الراوي) صاحبنا الجعلى فت قطع كراعوا وجدعها قدام الجماعة ديلك
أها يأهل العوض كيف الراي
04-29-2002, 08:34 PM
Wad Aljaili Wad Aljaili
تاريخ التسجيل: 04-26-2002
مجموع المشاركات: 1577
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Ahlalawad
Wad Aljaili
فيس بوك
تويتر
انستقرام
يوتيوب
بنتيريست