|
|
 العريس المغتـرب
|
العريس المغتـرب
جدي أطال الله عمره له عداء مستحكم مع مرقة دجاج ماجي
وله فيها حكايات وفي أي مناسـبة عامة كان جدي يعود مغتاظا لأنه أحس بوجود تلك المادة المكروهة ( المرقة ) كما يعتقد -جدي من خلف نظارته العتيقة وشنبه الهائل ووجهه السمح كان يصيح ( الزمن اتغير يا ولدي والناس اتغيرت كان يرجف وهو يتحدث على بالإيمان يا ولدي كان ربنا قاطع نسل السودانيين ديل فليتابعوا هذه المصيبة ( المرقة) )
مسكين جدي لم يدري أن نسل السودانيين قد تشتت وتقطعت به السبل مدن وراء مدن وبحار وراء بحار وجبال وراء جبال كأن لعنة غامضة قد ضربتهم ثم لماذا يتناسل السودانيون يا جدي إذا كان حال اليوم كذلك .. الرجال والشباب في حالة سفر السفر إلى البعيد والمجهور . والنساء هناك لوحدهن أو مع أطفال تجرفهم الوحدة وعدم الحنان فينساقوا خلف الخطأ أما الأباء فليجمعوا الملايين من أجل السعادة الموهومة.
والشباب ليطرقوا أبواب الجبال والريح والبرد والعدم حتى يظفروا بدعم الأسر المنهكة والزواج من حبيبات الأمس – وليذهب كل الحزن في ليلة الزفاف مع أنغام عبدالمنعم الخالدي وهو يغني :
أقول الكلمة ما تاهت خلاص في الضلمــه
وأعاتب الليل دا ما ليلا طويل يا سلمـى
ولتذهب قروش الغربة خلف خرفان الوليمة ودهب البنيه السمحة وهدايا أم العروس وبعد أن تنقضي أيام شهر العسل للعريس المغترب – وينادي منادي ( الفلس) أن قد حان الأوان ينفض عريسنا المغترب الغبار عن جواز السفر ويرحل في ليلة سريعة إلى البعيد تاركا للعروس بذرة في أحشائها ودموعا على الخدين – وفرقة لن تقل عن عامين – وليقضي عريسنا المغترب كل أيامه في الغربة مسترجعا شريط شهر العسل وشريط حفلة الخالدي الرائعة ناظرا بحزن على بقايا الحناء على الأرجل وأطراف الأصابع
وبعد شهور لن تزيد عن العشرة يصله خطاب التهنئة بالمولود الأول لينضم بعدها إلى جحافل الأباء بالمراسلة القابعون في الغربة عشرات السنين .
جميع الحقوق محفوظة لدليل المواقع السودانيـة والعربية والخدميـة
|
|
 
|
|
|
|
|
|
|
|
Re: العريس المغتـرب (Re: zico)
|
زيكو
اكيد اكيد ح نتقابل زي ماقال الكابلي عشان الجماعه مايزعلو
اسمع اكيد في زول في السودان قال داير ليهو فيزا هههههههههههههههههههههههههههههه يكه عشان كده شابكنا اغتراب ومصايب ياناس السودان زيكو كضاب ماتصدقوهو الاغتراب القروش كتيره مجدعه في الواطه هههههههههههههه يكه خلاص يازيكو الفيزا ركبت فيك كده ههههههه يكه
زاتو
| |
|
|
|
|
|
|
|
|
|
Re: العريس المغتـرب (Re: قرشـــو)
|
قرشو
سلامات
والله قلتا الكلام زاتو الانا كنت داير اقولو قبل ما اقرا ردك علي زيكو
زيكو
تحياتنا
ما قلبت علينا المواجع
كلامك في الصميم ،هبش جوانا حاجات
فعلا ما هو هدف الغربة؟؟ دا سؤال ردودو كتيرة ... لانو هناك اسباب مقنعة لها، والأخري علي النقيض...بس انا متاكد انو ما كل الاسباب مادية او سياسية...قد تكون اسباب وجدانية داخلية ومهما كان نوعها فهي تقود للغربة ايضا
المهم في الموضوع انو الغربة تلازمت بالالم !!مهما كان مقدار النجاح فيها
اشتاق اليك..امي
ابي
اخي
اختي
ابن عمي
لم اعرف ماالشوق..وعندما عرفت!!يا ليتني لم اشتاق
يا ليتني لم اشتاق
البياز
عوافي
| |
|
|
|
|
|
|
|
|
|
المغتربين (Re: zico)
|
سمعتوا بقصة السوداني الكان قايل الاغتراب كلو قروش في قروش ومتخيل نفسو من يوم يصل خلاص حيلقى الوظيفة التخليهو صلاح إدريس في أقل من سنة
وصل حبيبنا المغترب يادوب لمطار أبو ظبي وأنهى إجراءات الجوازات وهو طالع من صالة المطار شاف ليهو خمسمائة درهم واقعة في الأرض.
قام شات الخمسمائة بكراعو وقال ليها خلاص بدينا.
وحاتي وحاتك من ديك وعيك تاني ما شاف خمسمية لمن رجع.
| |
|
|
|
|
|
|
|
|
|
Re: المغتربين (Re: shammashi)
|
ارسل لي اخي الاصغر خطاب قبل فترة
تعالو لنقرأ معا هذه الفقرة
وهو علي فكرة موجود داخل السودان
ساكتب لكم ما ارسله لي اخي بدون تعليق
وعملك كيف هو ؟ هل انت مبسوط فيه وحقق لك طموحك ويحقق لك الرضا ام انه مجرد عمل والسلام لان البديل الجيد لا يوجد ام انه محطة فقط لرحلات اخر0
هل استطعت من خلال هذه الغربة وبعد اكثر من عام ان تجد نفسك وتحقق ولو القليل ام ان الحال عبارة عن غربة وشوق والم فقط؟ هل وضعك هناك احسن ام بالسودان كان احسن ؟ هذه اسئلة لابد من الاجابة عليها بعد هذه الفترة كما ولا بد من تقييم وضعك بصورة اشمل وعمل جردلكل الاشياء بلغة المحاسبة حتي لا تتسرب السنين من بين ايديك ويصعب معها علاج الامر او العودة مرة اخري ويصبح الشخص اكثر خجلا ولا قدرة له علي تحمل الحقيقة المرة وهي الفشل وعدم تحقيق اي شئ يذكر نتمني من العلي القدير ان تكون نتيجة جردك ايجابية وممتاذة حتي نطمئن عليك وندعو لك بالتوفيق والسداد
ما رائكم ادام الله عزكم
| |
|
|
|
|
|
|
|
|
|
Re: المغتربين (Re: shammashi)
|
أنا أرى ان الموضوع هام و عاوز كل واحد يكون صريح مع نفسه و يقيم وضعه و يقارن بالتضحية الكبيرة بالبعد عن الوطن و مشاكل الاغتراب من ضغوط نفسية و غيرها و يتخذ القرار الصحيح أما أن الواحد يعيش في وهم الاغتراب دون ادخار يتناسب و التضحية أو دون تحقيق أهداف ما ان له أن يحققها داخل الوطن ففي ذلك اضاعة للوقت و بالتالي للعمر فيما لا يجدي و خطاب أخيك فيهو كثير من الحكمة فأعيد قراءته مرات
| |
|
|
|
|
|
|
|
|
 Re: المغتربين (Re: hajhamad)
|
هل اذا كانت نتيجة الجرد بالخسارة هل فينا الشجاعة ان نعود؟
اتعتقد حقا ان اخوك لو كان هنا هل كان حقا سوف يقوم بكل ما كتبه لك واذا كانت النتيخة بالخسارة هل سيكون رائه هذا ايضا
شوف
ماغي زول في الغربة ما خسران هناك عدة جوانب للخسارة في الغربة وعلي الاقل لكل منا اكثر من جانب
النقود
الاولاد
الزوجة
راحة البال
و.و.. كتير
من منا بدون خسارة احداها
وبكل الاشكال
| |
|
|
|
|
|
|
|
|
|
الغربة (Re: zico)
|
يا جماعة نحن السودانيين المغتربين بين نارين نار الغربة ونار الوضع في السودان
البحر خلفي والعدو أمامي
أنا متأكد أن الوضع في الغربة أصبح غبر ذا جدوى ومتأكد أن معظم المغتربين السودانيين يفكرون في العودة ولكن العودة لأي مصير
كيف توفر مصاريف الدراسة لأبنائك
كيف توفر قيمة الإيجار لبيت إذا ما عندك بيت
من أين لك بلقمة العيش الكريمة
كيف لك أن تساعد من كنت تساعدهم طوال فترة اغترابك.
بعدين ياجماعة لاحظوا الفرق بين المغتربين في العشرة سنين الأخيرة والمغتربين زمان
زمان كان الاغتراب فيهو فايدة لأنك ممكن تبني بيت وتعيش كويس وأولادك يتربوا كويس وكان أقل مبلغ ترسلو لأهلك في السودان كان ممكن يعملوا منو حاجة.
لكن أسي وين
وأنا في تقديري أن السبب الرئيسي لتدهور أحوال المغتربين السودانيين هو تدهور الوضع في السودان
أصبحوا ناس السودان عايزين منك توفر ليهم كل حاجة فالمصاريف لا تكفي والعلاج
غالي والكهرباء غالية ولو عندك أخوان في المدارس أو الجامعات فحقك راح
وقد لاحظت العام الماضي أن معظم البيوت المعروضة للبيع في السودان هي منازل مغتربين يكون الطابق الأول عواميدو قايمة وواقف عريان زي أمو ماولدتو
فأحمدوا الله الذي منحكم المقدرة على مساعدة أهلكم هناك وإلا فكانوا قد ماتوا جوعاً
وبدل شعار نأكل مما نزرع ونلبس مما نصنع
بقوا يقولوا
نأكل بما يرسله المغتربون من دولارات
ونلبس من أبوظبي وأرض النبي
بلا لمـــــــــــــــة
قبل فترة واحد سأل في البورد دا سؤال وكان فحواه إنو نحن المغتربين ديل بعدما يفنشونا ونرجع السودان حنشتغل شنو؟؟
أنا غايتو في رأيي ما في شغلة نشتغلا غير إنو نشتغل رقاصات مع السيد الرئيس العريس النفض أي كيس وخلانا لافين صينية
| |
|
|
|
|
|
|
|
|
|
Re: الغربة (Re: shammashi)
|
زيكو
اخوك ده اريتو اخوى
والله راجل عاقل وفاهم جدا
توقعت ان تكون رسالته قائمة طلبات من بناطلين الجينز وحتى الموبايل
ولكنه كان اعقل ووضع لك كشف حساب رائع
....
وبعدين بقى يا شماسى
يعنى الرقيص بأكل عيش بكرامة ؟؟؟
والما بعرف يرقص يسوى شنو ؟؟
دى حكاية كل يوم بين المغتربين والله
يلا جودوا لنا بالافكار النيرة
عشان نرجع جرى
| |
|
|
|
|
|
|
|
|
|
Re: الغربة (Re: قرشـــو)
|
كلام عقل يا شماسي(فأحمدوا الله الذي منحكم المقدرة على مساعدة أهلكم هناك وإلا فكانوا قد ماتوا جوعا)والله
والمثل بيقول السمكة لما تشبع قاعدة تنط من البحر
لاسيما ان العدو والبحر وقعا تحالفا فاصبحا امامنا وايضا خلفنا فاين المفرً
| |
|
|
|
|
|
|
|
|
|
Re: الغربة (Re: yasiko)
|
ma tagooli ya zico akhook fi al sameem walhi.looooooool...as2ela fe3lan al zool yfakr feeha jadyaaaan..ok for example al waled liho zy 20 sana gorba mo3zama kant fi KSA. ba3ad 18 sana garar ino yrja3 al sudan, laken hayta3aysh kaif henak??kaif hatkoon geraitana??al bait al banahoo mn sneen bega ma liho ay geema fi nazroo, fa garar ino ygtrb tani laken le USA, 3la al agal yddman lina mostawa ta3leemi koiws jedan jedaaaan, despite ino fi al khaleej shehadt al CPA gimata ma hyana khales awo fi ay heta 3almyan y3ni, laken ahooo modd7y bas 3shan ta3leemna..la gader yrja3 al sudan as he always dreamed wala gader y7geg majmoo3 akbar mn al groosh, 3shan i think al groosh bega ma liha gema fi nazroo, kol al behmo now awladoo wa bas..3omoro kolo da3 fi gorba ba3eed 3n a7babbo, wa 7assy gorba ma ba3daha gorba...laken daymn begoolina ya awladi tamskoo shehadatkom wa 3la baldnaaa, laken haykkoon b3d ma fat al awan, 7ata e7na ma etkhili hengdar net2glam m3 al sudan saree3"insha2allh ya aboi narfa3 rasak ya rab wa na3wed sahr alilay ya rab al 3almeeen".....fi al nehaya bagool inoo sudana bega mafiho zool, al shawar3 maliana be al newsaan wa al jnobein wa 7ata shamsatna egtrabt.....
ya rab tarod grobtnaaa le SUDANNAA...
| |
|
|
|
|
|
|
|
|
|
لك الاحترام زيكو (Re: zico)
|
فعلا هذا لسان حال الكثير من ابناءنا وبناتنا
العريس المغترب هل هو جاه ام فاه
باعتقادي ان الفرح مسروق
والعمر مترووك
والغربه والمال ممحوق
ولا كيف؟
| |
|
|
|
|
|
|
| |
ALZOLZATOO
قرشـــو
hajhamad
yasiko
فيس بوك
تويتر
انستقرام
يوتيوب
بنتيريست