بدأت فرقة نسائية معتبرة ومتخصصة فى تعليم العرائس بروفاتها على ايقاعات الدلوكة للمشاركة فى الحدث العالمى الفريد من نوعه والمنقطع النظير والمقطوع من شجرة والانجاز الرائع..و...و...فقد حسم هذا الحدث كافة القضايا الخلافيةوالاقتصادية..ولم يعد للشعب السودانى أو بالأصح اى زول سودانى هم فى أى حاجة .. بس مطلوب منه أن يتزوج زواج رباعى وخلاص.. لقد بدأت الفرقة المذكورة بروفاتها للرّبا الرئاسية..وقطع الرحط الحضارى...والحنة ..آه..(نتحنن مما نزرع وهاك ياغنا.. وحأديكم طرف أغنية سمعتها أصلو كنت مارى جنب بيت البروفه وماسمعت أكتر منها ..
رابع الكيزان التلاته...العديلة لى .. حكم البلد بالعباطة ..العديلة لى ساط فى البترول سواطه ...العديلة لى .. خلا الشعب على البلاطه...العديلة لى... قطع الخير ...قطع الرحاطة..العديلة لى.. شنق الناس وسط السباته...العديلة لى .. جماعتو لسانهم زاد سلاطة...العديلة لى ..
مبروك يا زووووول ربنا يديك منها ولد الحلال المدحة مهداها من واحشني لكل من فرانكي والخواض بمناسبة الترقيه وللاخ الفريق عمر البشير بمناسبة الزواج وللاخ الصادق وبكري وتغريد وعبدو وسونا ومسز سودان ووليد وجيمو وجميع الاخوان فى البورد مع خالص امنياتي لهم بدوام الصحة والعافيه
رسولنا الكريم صلي الله عليه وسلم قال لسيت المؤمن بالطعان ولا اللعان ولا الفاحش ولا البذى صدق رسول الله الكلام ليك يالمنطر عينيك واحشني وكاتب الموضوع وتغريد كبيرهم الذي علمهم السحر
هوووووووي يا ود الناس مالك هس جبته ليك طعان ولعان هس نحن قلنا حاجه غير فرحانيين اكثر من العريس هاهاهاهاهاهاى كان فى عرس ويوم السيرة طبعا العريس راكب قدام ويبشر وفي واحد قاعد فى الواطه وكان متزوج من كم سنه ومرتوا مكرهاهو ليك العيشه قام قال ليه ابشر لكن بتنزل ولا بتكون راكب كده بتشوف الشافوا ابراهيم ....وكمان زولنا ينادي بتعدد الزوجات وقع فيها زاتوا الله كريم عليهو
03-06-2002, 03:25 AM
yasiko yasiko
تاريخ التسجيل: 02-05-2002
مجموع المشاركات: 2906
ياتغريد ود عزة واحشني انتو ايمو دا مالو والله خاتي عينو على ارملة 2002 لكن يا الخواض ما تتم الكلام لللي ما داير يفهمو هو يا ربي خاتي عينو في خرم باب عريس جديد ويا واحشني ابراهيم دا منو لعلو ماهو ....... داك
03-06-2002, 08:25 AM
wadazza wadazza
تاريخ التسجيل: 02-05-2002
مجموع المشاركات: 5386
أها جيمو قال ...طعان ...لعان...مع انو ما عملنا حاجة غير هيصنا لعريس الغفلة..وأول مره أعرف رقصة العروس بقت طعن ولعن ..ما الرقصة أقوان والبقع هو الفائز.. على العموم يا جيمو نحن اكتر من يؤمن بالرأى والرأى الآخر وهذه هى ديموقراطيتنا..وكلامك رأى آخر لذا وجب احترامه.
تغريد...زيدينا علماً فى السحر ..فأنت سحارتنا الكبيرة وياريت كل السحاحير زى تغرودتناالرئيسة كان الشعب السودانى اتخلى عن بخور التيمان للأبد...
بناديها والله كتلنا الحفلات..لكن متابعينك...والظاهر فرحتك كملت بقيت تتكلم عن الغيرة حصل ليك شنوكلمنى..
الخواض ... وين انت ...شايفك بقيت مدرس هتمل..يارائع بالله استمر فى الدروس دى أحسن ليك من تقعد تغنى لينا فى الليمونة الجوه قلبى مشتولة...يا ناس
ياسيكو...سلام...وابراهيم يمكن ياهو ذاتوابراهيم.. واحشنى..العريس نفض الكيس ...لكن ما كيسو هو يعنى بالعربى الفصيح ممكن نقول ((العريس نفض كيس الغلابة)) نوبا.....أين أنت ؟؟؟فعلا الجماعة يستحقو أكتر من كدة وأكتر
وأخيراً فالفرق جد شاسع بين عرس السودان وعرس الرئيس ...فالعرس الأول هو ما نجب أن نصفق له ونسمو به أما العرس الثانى فلا يعدو كونه حالة هياجية كمثل سائر تخبطات النظام الفاسد.. والمجد والخلود لشعبنا الباسل فالتعددية لسيت فى الزواج فقط..لكنها يجب أن تكون واقعاً نعايشه تحياتى ود عزة
يا ود العز بغض النظر عن كل شى مفروض يكون هنالك بعض الاحترام للرجل ده دى سخريه ذياده عن اللزوم نحنو علشان نستفيد ما عشان نتلكلم عن ناس عزاز بى الصوره دى خليك من كل شى الرجل ده بيمثلنى وبمثلك وبمثل جميع السودانين وفى جميع المحافل مفروض يكون هنالك بعض الاحترام لشخصو وبعدين ياخى الرجل عمل شى محرم حتى تتكلمو فيهو بى الصوره دى
03-08-2002, 00:43 AM
wa7shny wa7shny
تاريخ التسجيل: 03-02-2002
مجموع المشاركات: 850
والله يا وليد كتر خيرك وبارك الله فيك وفي امثالك وبالفعل الرجل او بمعني اصح رئيسنا رجل محترم فى داخلي انا شخصيا واكن له كل الاحترام والتقدير ولك اخي وليد منا على اللفته الطيبه دي واذا دلت تدل على طيب اصلك وسماحت خلقت ولك منا جزيل الشكر ومن المفروض يكون المؤمن مراءة اخيه ويدله على عمل الخير ولك منا جزيل الشكر وجعله لك الله في ميزان حسانتك
03-08-2002, 06:52 AM
wadazza wadazza
تاريخ التسجيل: 02-05-2002
مجموع المشاركات: 5386
وليد...وواحشنى أسه قبل بوستين ماكنتو معانا الغيركم شنو؟؟؟؟!!!! أنا شخصياً ما بعتبروا رئيسى ..لأنو ما جا للحكم بصوتى وصوتك جا على ضهر دبابة..عموماً احترامى شديد ليكم انتو الاتنين وليد وواحشنى لكن البشير لا!!!!
دكتورة سارة ...بركة الريس اتزوج عشان يطلع لينا شاعريتك..والله قصيدة تمام وفى الصميم وزيدى عليها وبطلب من كل الأخوة يزيدو عليها
تحياتى ودعزة
03-08-2002, 11:44 AM
EXORCIST7 EXORCIST7
تاريخ التسجيل: 02-05-2002
مجموع المشاركات: 1103
يا حبيب العدل لا يعرف الطرق الغير مباشرة وهو بين الا ان يكون عدل المرحلة والضرورة ويقول الله تعالي"اني حرمت الظلم على نفس..."اي دولة جلب البترول العدل لها ....؟
03-09-2002, 09:13 AM
wadazza wadazza
تاريخ التسجيل: 02-05-2002
مجموع المشاركات: 5386
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
wadazza
wa7shny
))
banadieha
yasiko
EMU إيمو
sama7
waleed500
EXORCIST7
فيس بوك
تويتر
انستقرام
يوتيوب
بنتيريست