|
Re: دعوة لفصل شمال السودان عن جنوبه (Re: luai)
|
بسم الله نبدا اولى نقاط الحوار الهادف
الاخ لؤى نشكرك كتييير على الشجاعة المتناهية والوضوح الهادف,,,,نناقش الامور من غير عقد ومن غير عنصرية ومن غير حساسيات ياشبابنا,,,,نمسك الموضوع واحدة واحدة واتخيل لى كلام الاخ لؤى بيدور فى ازهان كتيير من الشماليين بعد مابقت نغمة يتغنو بيها اهلنا فى الجنوب لمدة خمسين عام؟الانفصال او الوحدة؟قبل كل شى نشكل قناعاتنا بانه السودان دا حق للجميع وزى مابيعانو الجنوبيين من الحرب بيعانو الشماليين برضو من الحرب,,وذى مامن حق اى شمالى ينعم بكافة حقوق المواطنة برضو من حق اى جنوبى ينعم بى كافة الحقوق والواجبات,,,ناخد الموضوع بى نظرة عامة وبى اسئلة ونتمنى من الاخوة الجنوبيين الاجابات الصريحة ونتمنى من الشماليين الاجابة من غير شفافية وعاطفة؟ 1/هل انسان الجنوب والشمال ينظرون لهذا السودان بانه ملك لهم جميعا 2/هل يوجد الامل فى بزوغ فجر يوم يشهد السودان فيه نهاية نظرة السيد والعبد 3/هل انسان الشمال على استعداد للتداخل والتعايش والتزاوج من انسان الجنوب 4/هل انسان الجنوب ينظر لانسان الشمال بانه دخيل ومستعمر ويجب خروجه من السودان كما خرج العرب من الاندلس وقرطبة 5/هل الشماليين مستعمرين جدد فى نظر الجنوبيين 6/من الخاسر الاكبر من حرب الجنوب؟الشمال ام الجنوب نفسه وماهى تلك الخسارة من وجهة نظر الطرفين 7/دعوة الانفصال لحن يعزف به اهل الجنوب منذ الاستقلال,,هل جلس الطرفان فى لقاء الصراحة بعيدا عن لعبة الساسة وناقشو جديا مسالة الانفصال 8/ماهى الخسائر المتوقعة من انفصال الجنوب وائره على التكوين النفسى والاجتماعى للقومية السودانية 9/ماهى الحدود المتوقعة لاهل الجنوب لدولتهم الولودة 10/مامدى جدية اهل الشمال فى قضية الانفصال 11/لماذا يرا الجنوبيين بان الشمال ابن السودان المدلل 12/لماذا يرى الشماليون ان الجنوب هو السبب الاساسى فى تخلف السودان العايق الاساسى فى التدهور الاقتصادى والمعيشى
نقوم نناقش الاسئلة دى فى نار هادئة بعيد عن نيران الكيزان ونار قرنق المولعنها سنين وبينكوى بيها محمد احمد فى حلفا القديمة حيث الاعتماد على الحسنات المصرية وبنكوى بيها دينق فى يرول العايش على الاعانات الغربية
راى شخصى بشوف انه الناس تجتمع على استفتاء شامل ويكون السوال واحد بس مع اوضد الانفصال وماتكون فى اتفاقيات تقرير مصير ومايكون فى زول وصى على الجنوبين ولا زول يتكلم بى اسم انسان الشمال,,,وعشان الغبينة والغل البيغلى فى كل طرف يتحدد بى مصير واحد ونهائى,,ليه الناس خايفة من الانفصال؟سوال نسيت اساله قبيل مع الاسئلة,,نجرب الانفصال وندى الفرصة للجنوبيين والشماللين هل انهممابيقدرو بيستغنو عن بعض؟دى تجربة المانيا واليمن,,, ولا بيقدرو يستغنو وكل دولة تقوم على اساسها الهى بتراه مناسب مع عاداتها وتقاليدها ومعتقداتها الدينية والقبلية وغيره ودى تجربة الكوريتين وتايوان وانا شخصيا وبى راى الضعيف بشوف الناس تجرب الانفصال امكن يكون انفصال نهائى وفيه رحمة لكل الاطراف وكل زول يبنه بلده بالحاجة العايزة وعشان المشاكل البدت تظهر بين الناس من استرقاق وعبوديه وغيره دى,,انتى ياشمالى اذا بترا انو الجنوبى بيعيقك من التنمية والازدهار صوتك للانفصال,,,وياجنوبى اذا بترا انه الشمالى دا بيستعبدك ويرقك ويخطفك من مناطق المسيرية يبيعك فى سوق السجانة صوتك لى حريتك صوت للانفصال عشان انت اذا اتخطفت واتبعت واتذليت ولدك يطلع حر فى بلده,,,,,,اذا صوتنا للكلام دا كلووووو ولقينا انه نحن ناس مابنستغنى زى مابقول المثل وزى مابقولو اهل الفن والعاطفة اروحانا واحدة واتقسمت جسدين,,تترسخ عن كل زول غناعة بالتعايش السلمى واحترام معتقدات الغير من غير نظرة عبودية من الشمالييين ولا نظرة استرقاق من الجنوبيين
نقطة......سطر قبل اخير:منطقة الديوم الشرقية الخرطوم من اكتر مناطق التعايش والتاخى والمحبة واخترام الغير فى السودان والماشافها يزور ديم القنا
اخوكم ود الديم [email protected]
| |
|
|
|
|