|
Re: يا ربي راجعه متين؟ (Re: عبدالماجد فرح يوسف)
|
العزيزة توما سلام
شكرا تاني على الابداع المتواصل بس يا توما قلت اصبر اتم الشوق و الشوق ابا ينتم و قلتا احسن انطم لووووووووووووووول وهو جبتا لي حتة شوق قلتا ادفقا في شوقكم دا ان شاء الله يقوم شجر انا مالي لووووووووووووووووول
الشوق مداهو الشوق جوة الحلق مربوط منضوم مجرتق ريد اتخاتفنوا خيوت من الطبيعة تشيل حس صوتك المكبوت يا امي كيف الحال اشتقتا لي البنوت لي اللمة جوة البيت الصفقة و الزغروت لي شارع الحلة لي الما بنوها بيوت لي النامو تحت الضل ما عرفوا شدر التوت لي الباتو جيعانين و القاسموا الكتكوت في حبة القمحة وسابوا الرزق مختوت في مخزن السلطان و الداروا في الملكوت انا شوقي لي القاعدين لي البي السهر ممعوط و الشالوا صبرم توب ما لبسو ورق التوت لي الشبعوا ما ماكلين لي الاكلوا حس الصوط فوق الحشى المغلوب بالمرة عدموا الصوت تموها موية حق والحق سطر مفطوط من دفتر الاحساس الفينا كان مفروط و الليلة كيف النيل؟ يا امي كيف النيل؟ دا الكان زمان مبسوط ما شفتو كشّر يوم لا في مراكبوا بجوط يا امي مشتاق ليك شوق الحشى المزلوط مشتاق لي ريحة الطين للبورة و المحروت قوليلي اوصل كيف باقي الدرب عكنوت
يا امي مشتاقين ليك التحية تفوت طيبين وجد سائلين عنك بنسال يوت و ان كان سؤالك لي كيفن نهارنا بفوت
بنقولوا مستورين وتوب الستر مبهوت كيفن سترت الحال ان كان عرقنا زيوت ان كان بناكل ذل كيفن نجيب القوت؟ نتوضى نار الشوق والشوق حلف ما يموت و ان كان يصلح الحال و الله نحنا نموت وتكوني انتي وشاح جوة الفرح منحوت بس سيدي سيد الهم حكّم علينا الموت و ان قلنا ما بنموت بديما بطن الحوت نكتب علي الصلصال مشوار املنا شخوت نرسم جبين الخوف خطين علي المسكوت و السم يبل الجوف و الجوف مكجنه موت يتمدّا في الكرعين يدي الكرش شلوت وياخد من المألوف يبقالنا برضو سكوت وان مرة قام اضحك ببقى الضحك مخفوت
لندن 08.12.2004
|
|
|
|
|
|
|
العنوان |
الكاتب |
Date |
يا ربي راجعه متين؟ | توما | 12-06-04, 04:03 PM |
Re: يا ربي راجعه متين؟ | توما | 12-06-04, 04:04 PM |
Re: يا ربي راجعه متين؟ | توما | 12-06-04, 04:06 PM |
Re: يا ربي راجعه متين؟ | alfatih | 12-06-04, 04:24 PM |
Re: يا ربي راجعه متين؟ | مناهل محمد الحسن | 12-07-04, 04:30 AM |
Re: يا ربي راجعه متين؟ | توما | 12-07-04, 02:33 PM |
Re: يا ربي راجعه متين؟ | توما | 12-07-04, 02:36 PM |
Re: يا ربي راجعه متين؟ | عبدالماجد فرح يوسف | 12-07-04, 03:04 PM |
Re: يا ربي راجعه متين؟ | عبدالله وداعه الامين | 12-07-04, 04:30 PM |
Re: يا ربي راجعه متين؟ | bamseka | 12-07-04, 04:43 PM |
Re: يا ربي راجعه متين؟ | مناهل محمد الحسن | 12-08-04, 01:14 AM |
Re: يا ربي راجعه متين؟ | توما | 12-08-04, 09:59 AM |
Re: يا ربي راجعه متين؟ | توما | 12-08-04, 10:07 AM |
Re: يا ربي راجعه متين؟ | توما | 12-08-04, 10:13 AM |
Re: يا ربي راجعه متين؟ | توما | 12-08-04, 10:15 AM |
Re: يا ربي راجعه متين؟ | لؤى | 12-08-04, 10:24 AM |
Re: يا ربي راجعه متين؟ | توما | 12-08-04, 01:36 PM |
Re: يا ربي راجعه متين؟ | عبدالماجد فرح يوسف | 12-08-04, 03:27 PM |
Re: يا ربي راجعه متين؟ | عبدالله وداعه الامين | 12-08-04, 08:55 PM |
Re: يا ربي راجعه متين؟ | توما | 12-10-04, 02:53 PM |
Re: يا ربي راجعه متين؟ | توما | 12-10-04, 02:55 PM |
Re: يا ربي راجعه متين؟ | اساسي | 12-10-04, 03:07 PM |
Re: يا ربي راجعه متين؟ | محمد خليفة محمد جميل | 12-10-04, 04:09 PM |
Re: يا ربي راجعه متين؟ | توما | 12-11-04, 04:08 AM |
Re: يا ربي راجعه متين؟ | توما | 12-11-04, 04:13 AM |
|
|
|